LATEST NEWS
Itohoza
Iryavuzwe riratashye : Nahimana yasohoye inyandiko ihakana Jenoside n’abayikoze
Publish Date: mercredi 30 novembre 2016
VISITS :6418
By Admin

Nahiman Thomas nyuma yo kugera mu Bufaransa avuye muri Kenya aho yari yagiye gushakira amaramuko ngo arashaka gukora politiki mu Rwanda, yasohoye inyandiko mw’izina ry’ishyaka yuzuyemo amagambo apfobya Jenoside yakorewe abatutsi muri 1994.

Mu gika cya mbere cy’itangazo Nahimana Thomas yashyize ahagaragara taliki ya 28 Ugushyingo 2016 yemeje ko urugamba rwo kubohora igihugu rwatangijwe n’ingabo za RPA arirwo rwateye iyicwa ry’abanyarwanda barenga miliyoni. Muri iryo tanganzo ashimangira ko ingabo za RPA arizo zateye Jenoside yakorewe Abatutsi nk’ikiguzi cyo gutaha mu Rwanda.

Ibi bigereranywa n’igihe Ingabire Victoire ataha mu Rwanda muri 16 Mutarama 2010 nyuma y’imyaka 16 y’ubuhungiro mu gihugu cy’Ubuhorande, aho agikandagiza ikirenge ku butaka bw’urwanda i kigali, yahise agera ku rwibutso rwa Jenoside rwa Gisozi, rushyinguyemo inzirakarengane za Jenoside yakorewe abatutsi mu mwaka w’1994. ngo arasura urwibutso, ariko amagambo ye yagaragayemo kutavugarumwe kuri Jenoside yakorewe Abatutsi, yirengagije ukuri Ingabire Victoire yatsindagiye ko ari ngombwa ko hanibukwa muri ako gace, indi mbaga y’abahutu bishwe.

Thomas Nahimana

FDLR

Ingabire Victoire

Mu rwanda, uko gusura urwibutso kwa Ingabire kwafashwe nk’ubushake bwo kuzura cyangwa se gushyigikira amacakubiri ashingiye ku moko ndetse n’ihame ryo gushyigikira ko habayeho Jenoside y’ubwoko bubiri bigamije guhakana Jenocide yakorewe abatutsi.

Guhera ubwo, ijambo ry’ikinyarwanda yakoresheje mu ijambo rye, :(itsembatsemba) rigaragaza ko habayeho kurimbura abahutu, mu yandi magambo bigasobanura ko habayeho Jenoside ya kabiri. Hashize amezi atatu, Ingabire Victoire yarezwe guhakana no gupfobya Jenoside.

Ibyo Ingabire yazize byaba bitandukaniye he n’ibyo Nahimana yanditse mw’itangazo rye ? Ese buriya ntiyaba yagize Imana ntiyagera mu Rwanda ngo ahavugire ibyo yanditse byari gutuma akurikiranwa mu nkiko nkuko byagendekeye Ingabire Victoire ?

Cyiza Davidson

IBITEKEREZO
ntarugera deo koya

Padiri Nahimana Thomasi ntabwo ari umunyepolitiki, ahubwo ni umubandi wo mu rwego rwa politiki, umupagasi w’abafransa. December 3, 2016 ntarugera, d.k. Padiri Nahimana Thomasi ntabwo ari umunyepolitiki, ahubwo ni umubandi wo mu rwego rwa politiki. Hari icyo twita mu rulimi rw'icyongereza "POLITICAL BANDITRY". Mu gifransa "banditisme politique". Ububandi buri kwinshi, birazwi. ariko ikitazwi cyane ni uko habaho ububandi bw'abitwaza politiki ; ndetse hakaba n'ubundi bubandi bukomeye bwo mu rwego rw'abanyamategeko : JUDICIAL BANDITRY. Hagombye kubaho uburyo Leta zajya zigyena uburyo bwo kurwanya NO KWIRINDA ubwo bubandi. Padiri Nahimana aratinyuka akabwira abanyarwanda hirya no hino, mu nyandiko za internet no mu biganiro bya za video no mu nama zihuza abanyarwanda ngo : †Abahutu ni mwishyire hamwe izuba ritararenga, murwanire uburenganzira bwanyu, naho ubundi muzapfa mushire. Paul Kagame na FPR bazabica babamare†! Iryo jambo rigera mu mitima y’urubyiruko rikabyara iki ? Iyo ngo ni politiki ? Politiki ikorwa n’umuntu wiyaguriye umurimo wo kwigisha urukundo ? Ubwo bubandi bwe burimo n’iterabwoba rikaze : political terrorism. Iryo terabwoba rikorerwa ba nde cyane cyane ? Abo bana b’u Rwanda Nahimana azingazingira muri ubwo buhutu, akababuza kuba abanyarwanda. Bazahora bumva bafite ubwoba bumva ko bahigwa aho bari hose. Siwe wenyine kandi. Yatangiranye ayo mahano yita politiki muri 2011 hamwe na mugenzi we ufite amazina meza cyane : Fortunatus Rudacyemwa. Nawe akaba ari Umupadiri gaturika. Mu Kilatini “Fortunatus†ni ukuvuga Umuhire/Uwahiriwe. “Rudacyemwa†, abanyarwanda benshi mu babyiruka ntibazi icyo iryo zina rivuze : “Umuntu w’imico myiza, utagira icyo anengwa†. Muri 2011 nibwo batangiye gusaakaza inyandiko zabo zibiba amacakubiri mu bana b’u Rwanda, ku rubuga rwabo rwa internet rwitwa : http://leprophete.fr/ Musenyeri Bimenyimana wa Diyoseze ya Cyangugu yohereje i Bulayi Padiri Nahimana Thomas kandi agendeye kuri pasiporo ya Congo, nyuma aza kumusabira kuba yo yitwa umunyarwanda. Ibi turabibwirwa na Bwana Tom Ndahiro mu nyandiko yatangaje muri 2013. Refernce : https://umuvugizi.wordpress.com/2013/01/29/67786/ Yagiye afite passeport ya Congo, ubwo afite impamvu agomba kuba aziranyeho n’uwamwohereje, akamuha rugari ngo yikorere amahano ya Hutu power ya CDR – asenye u Rwanda uko ashatse kandi amategeko ya Kiliziya gaturika abiziririza. Bafite amategeko bihariye ba Gaturika abo. Bayita Canon Law cyangwa Le Droit canon mu gifransa. … Ejobundi rero Padiri nahimana arikora ngo aje mu Rwanda kwandikisha parti politique ye mu Rwanda. Azanye na Bagenzi be babiri, umugabo n’umugore ufite agahinja. Jugujugu na Nairobi. Nako si jugujugu, ni Vuuuuuu : baje mu ndege ! Nahimana wagiye afite passeport ya Congo, noneho azanye passeport y’abafransa. … Nairobi ntibaharenze. Impamvu yatumye batemererwa kwinjira mu ndege ziza i Kigali sinyizi. Nanga kuvuga ibyontazi. Biryamiye aho mu ntebe za Nairobi Airport barasinzira. Bakangutse bamenyeshwa ko hari amasaha batagomba kurenza bicaye aho muri Nairobi Airport. Basubiye I Burayi babaye cyane. Nibyo ariko da : nta munyarwanda ugomba kuvutswa uburenganzira bwo gutaha mu Rwanda. Nahimana asigaye yitwa leader ukomeye w’abahutu, akunda kurata ko yashinze parti politique igomba kuvana Kagame n’agatsiko ka FPR-Inkotanyi (sic) ku butegetsi muri aya matora ya president wa republika y’u Rwanda ya 2017. Nahimana na bagenzi be bashinze ishyaka rya politiki ryitwa Ishema-Abataripfana muri 2013. Ikitonderwa : Padiri Nahimana na bagenzi be bahisemo gushinga parti politique yabo kw’itariki Kayibanda gregoire na bagenzi bakoze coup d’Etat yabo I Gitarama : 28 Mutarama 1961 ! Icyo bivuze kirumvikana ? … Nukuvanaho ingoma y’abatutsi, hakajyaho ingoma y’abahutu ! Abapadiri ngo ni abahanga ! Reka mpe Tom Ndahiro ijambo aha abivuge neza : “Ibyanditse mu itangazo ry’ishyaka rya Padiri, usanga igitekerezo ari icya CDR n’abambari bayo. Ku rupapuro rwa mbere KANGURA N0 51 handitse ngo : “ABATUTSI BAKWIYE KURYOZWA IBY’INTAMBARA†ku rupapuro rwa nyuma hari ifoto ya Bucyana Martini wari perezida wa CDR munsi y’ifoto ye handitse ngo : “ISHYAKA RYACU NIRYO RITEZWEHO GUKIZA RUBANDA, NIRYO RISHYAMIRANYE N’ARI KU BUTEGETSI. Icyo kinyamakuru ni icyo mu Ukwakira 1993. Mu itangazo rya Padiri Nahimana n’abo ayobora, ntibagaragaza inkomoko y’izina ry’ishyaka ryabo. Cyakora iyo nkomoko uyishatse wayibona ku urupapuro rwa 3 rw’icyo kinyamakuru Kangura ahari inyandiko ifite umutwe : “KWITWA UMUPARMEHUTU SI IGISEBO NI ISHEMA†Iryo zina ISHEMA rishyizwe ahagaragara kuli 28 Mutarama 2013 rifite icyo riganishaho. PARMEHUTU yakoreye kudeta i Gitarama kuli 28 Mutarama 1961. Ishema ryayo rivukiye i Paris, France nyuma y’imyaka 52.†Judicial banditry/terrorism twavugaga nayo ibaho. Urugyero ruri hafi ni judicial terrorism yakorewe Abayobozi bakuru b'u Rwanda hambere. yayindi y'umufransa witwa Jean Louis Bruguiere, umucamanza wigeze kwandika arrest warrants zo gufunga abayobozi bakuru benshi b'u Rwanda barimo na President Paul Kagame. Yabikoze muri 2006, ari nabwo Gouvernement y'u Rwanda yahitaga ica umubano n'u Bufransa, November 25, 2006. Ni ngobwa kuvuga aha ko Padiri Nahimana afata nk'ukuri, kandi agatangaza nk'amakuru, ibyo Bruguiere yashingiyeho yandika izo nyandiko zifungisha Abategetsi bakuru b'u Rwanda cyanacyane abayobozi bakuru b’ingabo. Ngo n’ abicanyi kabuhariwe. Ngo nibo bakora za genocide hirya no hino mu kareere. No mu Rwanda ngo nibo rwose ! … murumva neza mwa bantu mwe ? Abarimbuye abatutsi mu Rwanda bamaze kugirwa abere cyera ! Icyaha cya genocide gisigaye ari icya Kagame na FPR-Inkotanyi ! … ! Icyo cyaha cyabahamye ryari ? N’uruhe rukiko rwabacirye urubanza rukabahamya icyo cyaha cy’indengakamere, kandi byari byaramaze kugya mu mateka ko Paul Kagame n’ingabo za FPR-Inkotanyi ari bo bahagaritse genocide mu Rwanda, Loni n’amahanga yose bigaramiye aho, bareba genocide ikorerwa abatutsi izuba riva, nkabareba cinema ?... Amateka y’u Rwanda yaragoretswe muri iyi myaka mikye itambutse. Umurimo wo kuyagorora ni uwande ? Ni uwa abanyarwanda n’inshuti z’u Rwanda. Ba Nahimana n’abandi nkawe bo ni abacanshuro bishakira amafranga menshi babeshya ngo ni abahutu ? Abakuru baravuze ngo, « Akamaze imfura ni amafranga  ». Byumvikane ko Nahimana yigize igikoresho cya Leta y'ubufransa nka ba Charles Onana na Pierre Pean, Human Rights Watch…na za global terror media, mu rugamba Leta y'u bufransa ikirwana kugeza ubu rwo kuvana Paul Kagame kw’isonga ya Leta y’u Rwanda, no kurimbura FPR mu Rwanda. Abafransa batinya ko ayo matwara ya FPR yasaakara muri za Congo , Gabon ... kugeza muri za Senegal. Ibyo bihugu biramutse bigize politiki isa nk'iya FPR, ba Paul Kagame bakaba benshi, Ubufransa bwaba buhuye n'uruva gusenya. Amabandi yo muri ubwo bwoko navuze abaho hirya no hino kw'isi, ariko akenshi ntajya amenyekana. impamvu ni uko baba ari abantu bahabwa icyubahiro cyane bakomora ku mirimo bakora mu nzego zo hejuru. indi mpamvu ni uko henshi nta POLITICAL/JUDICIAL POLICE ibagenzura. Haba hari n'abafite ubudahangarwa. Ayo mabandi rero akora ibintu byinshi bibi bisenya ibihugu, ku buryo bushobora kuba butaboneka, butagaragarira bose. Ibibi bakora biyicariye mu biro byabo, kenshi ntibyitwa ibyaha kuko bitaba ku rutonde rw'ibyaha bizwi mu mategeko mpanabyaha (Criminal/Penal code). Padri Nahimana se ni bangahe muri ziriya ntama ze (Abahutu : we abita imishwi nk'iyinkoko) bazi ko ariho abagomera ? Ibintu bibi amaze imyaka akora asa nkuwikinira, izo ntama z'abavuka Rwanda yiyeguriye umurimo wo kuragira no kurinda ibiruura avuga ko biri i Kigali, mu buyobozi bukuru bw'i gihugu, izo ntama zimubonamo umukiza wazo zizamenya ryari ko azihemukira cyane ? Izo ntama ntabgo zizi ko habaho ububandi bukaze bwitwaza politiki. Padiri nahimana yahawe umurimo wo kuragira intama ze z'abakristu. Uwo murimo yawushingutsemo vuba aha. Yarabonekewe asanga Intama agomba kuragira ari “abahutu†! Arihanukira akavuga mu ruhame ngo we na bagenzi be basanze bagomba guhaguruka bakarinda abahutu. kandi ngo nibatagira vuba President Kagame na FPR bazarimbura abahutu ! ... Abahutu ni iki ? Abatutsi ni iki ? U Rwanda ni iki ?... October 1, 2010 : nibwo Padiri nahimana agomba kuba yarahishuriwe ko agomba kujya kwitoza kuragira no kurinda abahutu. Abahutu be afite ukuntu abagereranya n'imishwi y'inkoko iba yikinira ngo itazi ko agaca kari mu kireere. Agaca ngo ni Paul Kagame na FPR-Inkotanyi. iyo tariki mvuze ni bwo habaye igikorwa cyo gutangaza inyandiko ya Loni yiswe U.N. Mapping report kuri Congo 1993-2003. Muri iyo nyandiko havugwamo ko habaye ibikorwa bibi byinshi. Mu bihugu byaba byarakoze ibyo bikorwa u Rwanda narwo rurimo. Abasoda b'u Rwanda baregwa ko bishe impunzi z'abahutu ("the killing of Hutu refugees") zahungiye i Congo/Zaire ubgo rebellion ya FPR-Inkotanyi yafataga ubutegetsi i Kigali mu kwezi kwa karindwi, 1994. Hapfuye n'abandi bantu batari izo mpunzi. Muri iyo nyandiko ya U.N. hari aho bavuga ngo ubwo bwicanyi busa nka genocide. Navuze ko Loni yatangaje Mapping report yayo mu mwaka wa 2010. Padiri Nahimana yahise ajya gutangira umurimo we mushya i Burayi- umurimo wo kurinda iyo mishwi ye y'abahutu. Yigize Leader wikirenga ugomba gutabara abahutu. Abo bahutu avuga ntibamuzi, nawe ntabazi. Na Kayibanda Gregoire washyizwe kwisonga y'agatsiko kategetswe n'ababiligi kuragira no kurinda abahutu, abo bahutu ntibari bazi kayibanda, na Kayibanda abahutu yari azi se ni abahe ?... Ese Umuhutu ni iki ? Umututsi ni iki ? Umunyarwanda ni iki ? --- U Rwanda ni iki ? Umuntu uzi u Rwanda azababwira ko nta muhutu nta mututsi. BOSE NIBAMWE. Kayibanda se yamariye iki abo bitwa "abahutu" b'urwitwazo ? Abo bahutu b'u rwitwazo rw'amabandi ya politiki byateye kabiri bashwanyukamo abakiga n'abanyanduga, ubwo general Juvenal Habyarimana yafataga ubutegetsi muri 1973. Haje kwaduka imvugo ko umwimerere w'abahutu uba mu rukiga ! ngo abahutu bo nduga ntabgo ari abahutu buzuye. ngo benda gusa n'abatutsi. General Gatsinzi yareruye arabivuga hambere aha. Ubu se muri uru rujijo rw'abahutu basa n'abatutsi n'uwo mutindi w’umwimerere w'abahutu b'abakiga, urubyiruko rw'abaana b'u rwanda dufite ruzavanamo nyigisho ki ? ubu tuzajya tubabwira iki mu nyigisho zibumvisha ko ari abanyarwanda ? Tuzagya tubabwira ko u Rwanda ari iki ? ko ighugu ari iki ? President Kagame yavuze ijambo ryiza hambere aha mu muhango wa Genocide commemoration, ubgo yagiraga ati : “Nubgo bgose tuba tuvuga ko twibuka abacu bazize genocide, tujye tunamenya ko icyapfuye ari imibiri, umutima w’u Rwanda ntaho wagiye. Turacyawufite  ». Umutima w’u Rwanda generations z’abanyarwanda zihererekanya uko zigenda zisimburana, ngicyo igihugu, ngurgo u Rgwanda ! U Rwanda si imibiri, yaba iyabahagaze cyangwa abapfuye. Umunyarwanda wo hambere wamukangishaga ko azapfa azize iki ni iki, akakureba agacira inyeri ati : « Ese gupfa byishe nde ?  » Nta munyarwanda wapfaga rero. Batangiye gupfa ari uko abazungu badutse mu Rwanda ni idini ryabo rya gaturika, bakigisha abanyarwanda gupfa no gutinya urupfu. Abanyarwanda banze kuyoboka ariko. Baje kuyoboka ari uko Rudahigwa yeguriye u Rwanda Christu Umwami muri 1947 i Kabgayi. Nta marimbi yabaga mu Rwanda cyera. Amarimbi yambere yadukanywe n’abakristu. … igihugu cy’abakristu ngo kiba mw’ijuru da ! ngo hasi ahan ta gihugu kihaba. U Rwanda si igihugu ! n’ubutaka ! Ababyirukye b’u Rwanda nitubatoza kumenya neza ibikubiye muri iyi mvugo, abafransa na ba Padiri Nahimana babo, niyo bakwikuba inshuro ijana, urugamba rwabo rgo gusenya u Rwanda ruzabapfubana. Reka mbibire ijambo ribatangaza cyane : urwo Rukiga bavuga ko ruvukamo umwimerere w'abahutu (Original hutu) mu mvugo ya ba General Habyarimana na bagenzi ba bamaze gukora coup d'Etat, urwo Rukiga ntirwigeze rubamo abantu bitwa abahutu cyera kose. Abakiga batangiye kwitwa Abahutu Abazungu bamaze kwaduka mu Rwanda. Abahutu n'abatutsi babaga mu magyepfo y'u Rwanda. Mu Rukiga habaga abantu bitwa Abakonde n'Abagereerwa. Nta mututsi wahabaga, nta muhutu wahabaga imyaka yose u Rwanda rwabayeho rwigenga kugeza ku mwaduko w'abazungu !! Umusaza Calliste Habamenshi iyo aza kuba akiliho yari kuzabibabwira. ariko ntimuzabura abandi basaza babavungurira kuri ayo mateka. Tugaruke kuri Padiri nahimana n’abahutu be yitwaza ngo aje kuvanaho ingoma ya Kagame na FPR ? Ejo tariki 3/12/2016 nibwo numvise Ambassaderi w'u Rwanda mu Bubiligi AVUGA ko mu Bubiligi hamaze kwaduka urubyiruko rwiyita "diaspora hutu" ! ntibashaka kwitwa diaspora y'abanyarwanda ? ... Akazi ka Padiri Nahimana ko gukora propagande isenya u Rwanda yaragakoze rero. Icyo ni icyaha gikomeye cyane ariko : MORAL AND POLITICAL CORRUPTION OF THE RWANDAN YOUTH. Gufata igice cy'urubyiruko rw'u Rwanda ukabarundamo ibitekerezo bicurika ndetse bikaboha imitima yabo : ubumvisha ko ari abahutu, ibyo gusa, mu gihe inzira nyakuri ari ukubumvisha ko ari abanyarwanda. Ni abahutu ! Abandi ni abatutsi ! Bya bindi bya cyera byashenye u Rwanda, Nahimana nibyo yamaze kugarura mu nyigisho ze zamaze gusaakara muri benshi mu baana b’u Rwanda. … Bacyeya mu banyarwanda nibo bashobora kwibuka ko ikintu kibi, ishyano ry'indengakamere nka GENOCIDE ryagwiriye u Rwanda, NTABWO CYARI ICYAHA ! kuki ? muri 1994, ntaho byari byanditse mu mategeko y'u Rwanda ko genocide ari icyaha. nta muntu wagombaga kuba yahanirwa iryo shyano yabaga yakoze ! muri 1996 nibwo hagiyeho itegeko ryemeza ko genocide ari icyaha. Ubwo hanashyizweho itegeko rihana icyo cyaha. Turacyagendera ku mahame y'amategeko ya Roma ya cyera : ROMAN LAW. Harimo amahame abiri akomeye cyane agira ati : 1. Nta kintu kizitwa icyaha igihe cyose hatazaba hari itegeko ribyemeza ("Nullum crimen sine lege") ; 2. Nta gihano kizabaho hatari itegeko rikigena (Nulla poena sine lege). ... Urugero : ushobora kwiyicarira mu biro byawe mu bufransa nka Padiri Thomas Nahimana, ukajya usohora amatangazo menshi kuri internet, ukayasakaza mw'isi yose, ugaragaza ko uharanira inyungu z'abanyarwanda bitwa abahutu. Muri ayo matangazo ariko, abo witwa ko wiyemeje kurwanirira bari hirya no hino kw'isi bakumva koko ko wowe Padiri Nahimana, wifitiye isura nk'iyumutafatifu, amaso y’inyana mu ruhongore, ubaye umukiza wabo kandi uri mu byukuri igikooko kibi, ikiruura kibeshya intama ko kiziragiye, ko kizirinda kandi kizica hatabona, kikabeshya ngo hari inyamaswa z’inkazi ziza ninjoro kigarya intama. Ntitukagye rero dupfa kwihutira kuvuga ngo kanaka akora politiki, kanaka ni umunyepolitiki. gukora politiki ni ukubaka ibihugu, suukubisenya. uriya ni umunyarwanda mu bakiri bato barwana “urugamba†rwo kugarura amatwara ya MDR Parmehutu mu Rwanda. Padiri Nahimana amaze imyaka 5 akoresha internet mu bikorwa by’ububandi n’ubugome bubi cyana : kongera kubiba amacakubiri mu mitwe y’abana b’u Rwanda bagifite ishavu ryinshi n’ibikomere bibisi ku mutima ; gusuzugura, gusuzuguza, gutesha agaciro no gusebya abayobozi ba Leta y’ubumwe bw’abanyarwanda…., kongera gucurika imitima y’urubyiruko rw’u Rwanda ubumvisha ko ari intama zawe z’abahutu wiyeguriye kuragira no kurinda… Ah ! Ah !... ko uzaharanira uburenganzira bwabo, ukazana « justice sociale, democratie, modernization mu Rwanda  »(sic). Niko se petit, pardon ! niko se Padi’, enda nkwibarize entre nous, hein , petit frere ! ko wakabije cyane se wo gacwa we ? Kukuburanira ko bizangora se mwa’ ? ibyawe si byabndi bya ba Victoire Ingabire apana, kabisa ! Ibi bya amacakubiri, ingengabitekerezo ya genoc. ? ibyawe byo birakabije ku buryo burenze urugyero. Kandi ni byinshi. Nzakuburanira mvuga iki se, petit ? reka njye nkwita petit, abana mbyaye ni urungano rwawe, menyereye kubita ba petit,…, cyangwa uzahitamo ko nkwita « buddy  » ? buddy ni english linguistic corruption ya « petit  » ? Ushatse wakwihitiramo « Buddy  ». Bon, basi reka nzakuburanire mvuga ko ibyaha ushinjwa bitanditse muri Code penal y’u Rwanda. Nibyo kandi kuko icyaha uzashinjwa gikaze ni cyakindi Socrates yazize : La corruption de la jeunesse ! Ubwo uri umupadiri reka nkikubwire mu kilatini : « Socrates accusatus quia juventutem corrumperet  ». Icyo cyaha ndahamya ko kitari muri Code penal y’u Rwanda. Uzi M7 ? Museveni wa Uganda ? Hari umugani aherutse guca, suumugani nako ni ijambo yavuze rigiye kuzaba umugani. Yagize ati : « Nzi ko aba bakinisha amabere ya ba Nyina, ariko nabeera nari ntarabona umwana ukinisha amabya ya se  ». uwo mwana m7 avuga ni nde ? Ngaho fora ndebe. ----Si ikizami ariko reka mukubwire, buddy : ni Colonel Besigye ! Utavaho umbeshya ngo ntumuzi. Harya ngo washinze parti politiki yawe Ishema-Abataripfana kuri ya tariki ya coup d’Etat ya ba Kayibanda Gregoire : 28 Mutarama 2013 ? – ako kantu kavuze iki se peti ? Byaba ari ukwisunga umuzimu w’umukurambere wa Parmehutu ngo azabafashe gusezerera burundu abatutsi ku ngoma ? Ayo matwara yo guhungabanya abanyarwanda no kubasubiza irudubi rero, niba hakiri abanyarwanda babyita gukora politiki, barabeshya cyane. Abafransa barabashuka babashora mu bikorwa byo gusenya igihugu cyanyu u Rwanda, kurugambanira namwe mukemera mwa bantu mwe ? Ngo murashaka political space mu Rwanda, hargya ? no gutoza abanyarwanda “democratie, social justice, modernization†(Sic) … ? Murisema ? Muzabanza mucishwe mu ngando Iwawa, mbere yo gushyikirizwa inkiko, ubutabera bw’u Rwanda nibubagira abere, muzabone gutekereza ibindi, mwitonze. Mwirinde gusaragurika. Mu biranga umunyarwanda by'ibanze harimo IJAMBO RYIZA : kuvugana ubwitonzi, nta guhubuka, nta kurogomwa. IJAMBO RYIZA RIKABA MUGENZI WIMANA. Ese ariko muzi aho u Rwanda ruvuye ? muzi akaaga katagira ingano u Rwanda rwagize ? … ntimubizi ba sha, niyo mpamvu mwikinira. Murateta mu bikomeye ariko. Uburenganzira bwo gutaha mu Rwanda ba Nahimana n’abandi bagomera urwanda hanze aho, murabufite. Nta munyarwanda ukwiye kuvutswa uburenganzira ku gihugu cye. Ariko mugomba kuza mugana rya shuri bita Ingando. Mugatozwa kumenya u Rwanda icyo aricyo. Urwanda Padiri Nahimana ushaka kubera President ni uruhe ? Ni u Rwanda nyabaki ? Urwanda mwavukiyemo ntabwo rwari rukiri igihugu cya muntu, Nahimana we ! rwari rwarabaye agatobero k’ababiligi, abafransa na Parmehutu yabo y’inkozi z’ibibi : udutsiko abazungu bararuzaga hirya no hino bakadushyira ku butegetsi vuba vuba … ngabo ba Colonel Logiest, ngabo ba Harroy n’utwo dutsiko twabo, tutanazwi n’abanyarwanda, muri za referendum zagwaga nk’imvura i Gitarama– : Abazungu bati : Dore igihugu cyanyu kibonye ubwigyengye. Ngiyo republika y’u Rwanda, igihugu cya democratie y’abahutu ! … Ari “republika†, ari “democratie†, ari “independence†, “souverainete†, ba Gregoire Kayibanda na ba Kaliyopi ntibari bazi icyo ari cyo. Niba mushaka “space†nkuko muvuga, space yo gukoreramo politiki yo gushinga igihugu cy’agatobero k’abafransa, gouvernement y’abafransa izabahe aho muzakorera ibyo byontazi byanyu. Abafransa bazabagyane muri Nouvelle Caledonie. Biragaragara ko ko mudashaka u Rwanda rufite ubwigyegye (independence) n’ubwisanzure. Na ba Kayibanda Gregoire na bagenzi be ba Parmehutu nta independence bashakaga. Bashakaga kwigumira mu kwaha kw’ababiligi. Abashakaga independence ni ba Rwagasana na Rukyeba, bas ha, na Cosma Rebero… : Intwari byahamye za Rwuhiramisakura zo muri Runari – UNAR : Union nationale du Rwanda ! Rwagasana kandi ni mwenesewabo wa Kayibanda niba mutabizi. Ndabizi ubwo mwatangiye kwibaza niba abo bategetsi ba UNAR ari abatutsi cyangwa abahutu. Ibyo simbibazwa. Bari abanyarwanda bakunda u Rwanda cyane. Bifuzaga ko abana babo bazakura bagasanga bafite igihugu umuntu yagirira ishema. Igihugu kitari icyabacakara, ba ndiyo bwana nka ba Kayibanda. Ni mushaka kumenya “amoko†y’abo bategetsi ba UNAR, mwebwe ba Nahimana n’agatsiko kawe muzabaze Twagiramungu Faustin. Muri nouvelle caledonie muzahasanga abandi bantu batarabona independance bitwa les Canaques. Ntasoni muratinyuka mukavuga ngo icyo mugamije ari ugutoza abanyarwanda democrasi ? Yayindi yaba Kayibanda ? Reference : http://leprophete.fr/press-release-november-23rd-is-the-date-to-land-in-rwanda-to-claim-the-political-space/) . Icyo mutazi rero, hari umugabo w’umunyepolitiki witwa Louis Michel (se wa prime minister w’ububiligi) ujya ubwira abashaka kumva b’iburayi n’ahandi ati : “Ushaka kwiga democratie, azajye kuyigira mu Rwanda†. U Rwanda avuga ni u Rwanda rwo hanyuma ya genocide : RPF driven Rwanda ! None Padiri Nahimana n’agatsiko kawe ngo murashaka kuza muvunda ngo mutangire mutoze abanyarwanda democratie ! Nababwiriki ! N Karibu. Mugyende babahe passports z’u Rwanda iyo muri hanyuma muze. Nahubutaha

ntarugera deo koya

Iri jambo rya Tom Ndahiro ryo muri 2013 rikwiye gushyikirizwa abasomyi ba Rushyashya : Padiri Nahimana Thomas ni umu CDR : nta burenganzira afite bwo gukora politique mu Rwanda. CDR yaciwe mu rubuga rwa politiki mu Rwanda FPR-Inkotanyi ikimara gutsinda inkozi z'amahano , ku mpamvu z'amatwara ya Hutu Power. Hutu-power mu birindiro i Paris January 29, 2013 Na : Tom Ndahiro Uko iby’umuhanuzi w’i Cyangugu byatangiye, bigeze aho bijya ahagaragara. Vuba aha nibajije niba hatari akagambane hagati ye Musenyeri Jean Damascene Bimenyimana n’abapadiri Thomas Nahimana na Fortunatus Rudakemwa. Ako kagambane cyangwa “ibanga†baba bafitanye, ukabibonera ku buryo Musenyeri Bimenyimana yohereje i Bulayi Nahimana kandi agendeye kuri pasiporo ya Congo, nyuma akaza kumusabira kuba yo yitwa umunyarwanda. Ikindi kigaragaza ubushake buke cyangwa “akabanga†ni uburyo Myr. Bimenyimana yirinda gufata ibyemezo afitiye ububasha ahabwa n’amategeko, bikamuviramo gusuzugurwa urunuka na Nahimana. Amategeko Kiliziya Gatolika igenderaho (Canon Law) arasobanutse bihagije. Itegeko rya 278, igika cya 3, kivuga ko abapadiri bagomba kwirinda gushinga amashyirahamwe afite inshingano cyangwa ibikorwa binyuranije n’imibereho yabo cyangwa ashobora kubangamira imirimo bashinzwe n’ababayobozi ba Kiliziya babashinze iyo ngingo kandi ikavuga ko abapadiri bagomba kandi kwirinda no kuyagiramo uruhare. Imyaka irashize abapadiri Fortunatus Rudakemwa na Thomas Nahimana barashinze urubuga rwo kwigisha urwango kandi bashinzwe kwigisha urukundo nkuko babisezeranye. Itegeko nari mvuze ryunganirwa n’Itegeko rya 285 (rya Kiliziya Gatolika), igika cya 2 ritegeka abapadiri kwirinda ikintu cyose kibusanije n’imibereho yabo, n’aho icyo kintu cyaba cyumvikana. Ibyo Fortunatus Rudakemwa na Thomas Nahimana babamo ntibibusanyije n’imibereho yabo gusa, ahubwo binanyuranye n’iy’undi wese utari uwiyemeje kwigisha ubugome. Ibyo byose, Itegeko rya 274 (rya Kiliziya Gatolika) igika cya kabiri rivuga ko ngo “uretse impamvu zumvikana zabibabuza†abapadiri basabwa kwemera no kurangiza neza kandi bivuye inyuma umurimo umwepiskopi wabo yabashinze. Ibi byose byaba byaribagiranye i Cyangugu ku buryo abapadiri basuzugura musenyeri wabo kandi ugasanga nawe yabyemeye ? Impamvu zaba zumvikana zatuma umuntu yigamba kuba umusederi ni izihe ? Amateka ariyanditse Bucyana Maritini abonye umusimbura. Uwo si undi ni Thomas Nahimana washinze ishyaka rye “Ishyaka/Parti Ishema—IshemaParty.†Ab’ingezi muri iryo shyaka ni aba : Padiri Thomas Nahimana, Mme Nadine Claire Kasinge, Bwana Jean Baptiste Kabanda, Dr. Deogratias Basesayabo, Bwana Chaste Gahunde, Dr, Joseph Nkusi, Bwana Venant Nkurunziza na Bwana Ernest NSENGA. Ku rubuga rwa leprophete.fr hari abantu bakunze kwiyita ‘Hutu power’ bumva ibintu kimwe na ba nyiri urubuga. Ishyaka rimaze kuvuka ‘Hutu Power’ yabaye mu ba mbere banditse ngo ni uko ni uko ! Bifite impamvu igaragara. Byinshi cyangwa byose mubyo bashyize mu itangazo ryabo rya mbere, birasanzwe mu bitekerezo bya ‘Hutu Power’. Nta gishya kuko nibo banyarwanda, abatari bo si abanyarwanda. Bavuga ko baje kurwanya RPF (kuli bo abayigize si abanyarwanda) mubyo bayiziza hakabamo : “Ishyaka FPR-Inkotanyi rimaze gufata ubutegetsi ku ruhembe rw’umuheto mu 1994 ntiryashoboye gushyiraho ubutegetsi buhumuriza Abanyarwanda nyuma y’intambara ryatangije taliki ya 1 Ukwakira 1990 ikarimbura abanyarwanda batagira ingano igasozwa na jenoside yarimbuye cyane cyane Abatutsi.†Mubyo bavuga byose ni muri iki gika bavugamo ijambo jenoside kandi nayo, kuri bo ikaba yarakozwe na FPR. Uwayikoze ntaho avugwa. Iryo niryo Ishema Party. Bavuga se iki kitari ibyo ? Ntibisanzwe ko umuntu yakwishinja icyaha nka jenoside abarimo Padiri Nahimana bishimira ko cyakozwe, bakaba banifuza ko cyakomeza. Muri iryo tangazo biyerekana ko baharanira amahoro. Ariko imvugo ikoreshwa ikomoka mu ijambo ryavuzwe na Geregori Kayibanda ku itariki ya 10 Mata 1994, “Demokarasi izirana n’urugomo†. (Soma Kangura N0 40-Gashyantare 1993 p.10) Ibyanditse mu itangazo ry’ishyaka rya Padiri, usanga igitekerezo ari icya CDR n’abambari bayo. Ku rupapuro rwa mbere KANGURA N0 51 handitse ngo : “ABATUTSI BAKWIYE KURYOZWA IBY’INTAMBARA†ku rupapuro rwa nyuma hari ifoto ya Bucyana Martini wari perezida wa CDR munsi y’ifoto ye handitse ngo : “ISHYAKA RYACU NIRYO RITEZWEHO GUKIZA RUBANDA, NIRYO RISHYAMIRANYE N’ARI KU BUTEGETSI. Icyo kinyamakuru ni icyo mu Ukwakira 1993. Mu itangazo rya Padiri Nahimana n’abo ayobora, ntibagaragaza inkomoko y’izina ry’ishyaka ryabo. Cyakora iyo nkomoko uyishatse wayibona ku urupapuro rwa 3 rw’icyo kinyamakuru Kangura ahari inyandiko ifite umutwe : “KWITWA UMUPARMEHUTU SI IGISEBO NI ISHEMA†Iryo zina ISHEMA rishyizwe ahagaragara kuli 28 Mutarama 2013 rifite icyo riganishaho. PARMEHUTU yakoreye kudeta i Gitarama kuli 28 Mutarama 1961. Ishema ryayo rivukiye i Paris, France nyuma y’imyaka 52. Ni amateka reka dutegereze.

NTWARI

Uyu mupadiri w'umupagani yahakanye genocide kuva cyera. Ibi yahoraga abyandika mu kintu anyuzaho ingengabitekerezo ya Genocide cyitwa le prophete. Nimwibaze impamvu avuga ngo intambara yo gutahura abanyarwanda bari barahejejwe ishyanga niyo yatumye genocide yakorewe abatutsi ibaho. Kuki atavuze ko uwatumye abanyarwanda bahunga (Kayibanda) akanabaheza hanze ariwe nyirabayazana ? Ni uko Uyu muswayire w'umupadiri ari umunyabinyoma kabombo wacengewe n'ivanguramoko !! ari naryo ritumye ahinduka umusaza w'umusazi wirirwa asetsa abantu ngo arashaka kuba Perezida !!! Yakwigiriye i Burundi akazasimbura Petero Nkurunziza se ko mbona ariwe babyumva kimwe ?! Naho mu Rwanda yarayobye, ahubwo reka mwibutse ijambo rivuga ngo Ntabwo bizongera kubaho ukundi. kandi Hatuezi kurudi nyuma. Umenya atabizi cyangwa abyirengagiza.

ngabonziza

ubwose.uwo.niwuje.kuyobora.abanyarwanda.nawe.ubwe.atiyoboye.uzana.amacakubiri.mubanyarwanda.ntaweducyeneye.ahotwavuye.turahazi.nahotugeze.turahazi.ntiduteze.gusubirinyuma.dufite.uturangaje.imbere.imina.ikomeze kumuturindira.

Vieullard

n'ubu twatwaye ihungabana duhora turota abacu tutazi n'iyo babataye barangiza bakadukina ku mubyimba ngo n'abahutu barapfuye !!sha mw'ijuru harim'Imana barabeshya,none se ko bari barababwiye ko ngo inyenzi ziras'amashaza bagahururan'imihoro n'amacumu.babaga bamaze kwicish'imiryango yacu,bumvag'ikiri bukurikire kindi ar'iki uretse kwivun'umwanzi ?arik'ubundi ko jenocide igir'uyihagarika,iy'abahutu yahagaritswe na nde ?uwabujije nahimana kuza niwe waduhemukiye

Kurota riva

Yoo ntubona se ! Umuti ndi aroma icyo ababaye. Nonese uwo koko yaraje murwandagukoricyi ? Gutwika igihugu ? Akabaye icwende nti koga koko ! Turagerageza kuhuza abanyarwanda mumuba baro nubu bagifite ! None ngo ajegusubira kwigisha genocide ! Nukuri ntibizongera ukundI. Cyangwa niba ngombwa.. tuzapfira kugezakuwanyuma. Ashyiii. Ibindabirambiwe !


TANGA IGITEKEREZO

Kwamamaza
Kwamamaza
Also in this section
( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Musanze : Abasore babiri babanaga mu nzu bishwe n’abataramenyekana

Musanze : Abasore babiri babanaga mu nzu bishwe n’abataramenyekana

Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Impamvu Umunyamakuru Eminente yatawe muri yombi irashidikanwaho

Impamvu Umunyamakuru Eminente yatawe muri yombi irashidikanwaho

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...