LATEST NEWS
Itohoza
Israel : Apotre Gitwaza yasenze hamanuka umuriro urimo abamalayika 2
Publish Date: lundi 26 septembre 2016
VISITS :8542
By Admin

Mu gihe Intumwa y’Imana Dr Paul Gitwaza umuyobozi mukuru wa Zion Temple ku isi muri iyi minsi ari mu gihugu cya Israel, ku munsi w’ejo tariki ya 23 Nzeri 2016 yarasenze haba igitangaza gikomeye, benshi batangarira Imana. Ukurikije ibyo amaze igihe yigisha, icyo gitangaza akaba ari cyo kwandikwa mu Byakozwe n’Intumwa 29.

Ni mu rugendo rw’ubuhanuzi (Authentic Prophetic tours) Apotre Gitwaza n’abandi bari kumwe na we bari kugirira mu gihugu cya Israel gifite amateka menshi mu bijyanye n’iyobokamana. Nkuko bitangazwa n’abari kumwe na we muri urwo rugendo rw’ubuhanuzi barimo Pastor Barbra Umuhoza, ku munsi w’ejo bagiye gusengera ku musozi Carmel babona igitangaza cy’Imana.

Pastor Barbra Umuhoza avuga ko ubwo Apostle Dr Paul Gitwaza yari amaze gusenga bari ku musozi Carmel, hamanutse umuriro, wiyandikamo inyuguti nini ya ‘U’, ndetse babona n’ifoto irimo abamalayika babiri. Nyuma y’icyo gitangaza babonye n’amaso yabo, ngo hahise hagwa imvura mu gihe isanzwe igwa mu kwezi kw’Ukwakira, ibyo bikaba byatangaje abantu benshi.

Pastor Barbra Umuhoza

Pastor Barbra Umuhoza ari na we ukunze gusemurira Apostle Gitwaza akaba n’umwe muri Zion Temple bafite ibikorwa by’itangazamakuru mu nshingano zabo, yagaragaje ko ibyo babonye nta gushidikanya ari ibyo mu Byakozwe n’Intumwa igice cya 29, igice gishya kitaba muri Bibiliya cy’ibitangaza Imana iri gukoresha Intumwa muri iyi minsi.

Mu butumwa yasangije abakristo ba Zion Temple, abanyarwanda n’abandi bamukurikirana, akoresheje Instagram, yavuze ko nyuma yo gusenga Imana yabiyeretse inyuze mu muriro. Ati :

(…..)Ejo hashize igihe twari dushoje gusenga aho twari tuyobowe na Apostle Dr Paul Gitwaza ku musozi Carmel hamanutse umuriro urimo abamalayika babiri bari bawuhagazemo hagati, uwo muriro wari mu ishusho ya U isobanuye Might God (Uwiteka) mu kinyarwanda. Eejo hashize wari umunsi w’ibitangaza bigaragara. #Israel #AuthenticPropheticTours #Acts29.

Iki gitangaza cyo kubonekerwa n’Imana, kibaye nyuma y’aho Intumwa Dr Paul Gitwaza amaze igihe yigisha ku gitabo cy’Ibyakozwe n’Intumwa aho abwiriza ku gice cya 29 gisanzwe kitanditswe muri Bibiliya, agasobanurira abakristo ko muri iki gihe hari ibindi bitangaza bikomeye Imana iri gukoresha abakozi bayo batandukanye ku isi, mu ihishurirwa rya bamwe mu bakozi b’Imana bakomeye, ibyo akaba ari byo bikubiye muri icyo gice cya 29 (igice gishya) dore ko ubusanzwe igitabo cy’Ibyakozwe n’Intumwa kigizwe n’ibice 28.

Intumwa Paul Gitwaza

IBITEKEREZO
Joshuan’o

Mureke lmana nubu iracakora nkuko yamye ikoresha abakera nubu irakomeza, abatizera nimwizere

umuvandimwe

Ntacyo uwanze kunva ntiyanze nokubona ikiriho nuko ubishaka utanabishaka ibimenyetso byo ntibizabura kugaragara kandi Imana y'ittwa Imana sumuntu ngo yicuze cyangwa ngo ibeshye uwampa ukagirirwa iryo hirwe ryokubona icyo kimenyetso mbega waba ubivanyenhe ntaho itabonekera ababizi nabo itabara naho uwo mukozi w'Imana we mumureke ari muli assurance irenze ubwenge bw'abatuye isi.

makara

ese ? ico gice k !ivuyehe ? icongeye ! uwo wabyanditse ntashobora kubikora arukumutuka ? ngwa mware mubantu ? namba ariwe wa byivugiye nimubivuge ! atariwe abamu tuka nibenshi boba bamurenganya

Gaspard

For sure, i believe you are my mentor even though I am far from you

SIBOBUGINGO Emmanuel

Bavandimwe nshuti dukurikiye umusaraba n'ukubamaso kuko ibyoturwana nabyo ntibisinziriye gusa nugusaba Imana igahwejesha amaso yacu kuko birakomeye tukagira n'umutima wubwenge hanyuma twibuke ikiko ubugingo bukora icyaha aribwo buzapfa, Ibyakozwe n'intumwa:5:31-39 Luka(Ntacyakorewe mumwijima kitazagaragara mwirinde ukomubyumva,Hatagira ugaragara ko arwanya Imana.

Mutangana Elick

papa ndakwemera cyane icyama nkakubona amaso kuyandi nkagukora muntoki

GEREMS

birashoboka kwerekwa ariko bagenzi tujya mwijuru musenge mwongere musenge burimuntu akizwe kugiti cye ! kuko ni danje kabisa IMANA niyo iza ruca ok

theoneste

Gitwaza nareke kuyobya Abantu kuko Bible ivuga yuko Ubutumwa bwiza bwavuye i Yelusaremu Hari kumunsi wa pentecote niba Utemera Ibyo ba Petero bigishije nabagenzibe11reka kwiyita Intumwa.Ese watumwe nande ? Ese wanditswehe muri Bible ? Ese Ubutumwa ufite ninkubwande muri Bible ? Kandi wabatijwe ngande muri Bible ?kumunsi umwe muzakorwa nisoni !

Anne

Muzabamenyera Kumbuto Bazeraho None Ngo byandikwe hehe ?ariko ye ntimunavuzengo ari ibishoboka byakwandikwa naho mwarangije kubyemeza !mbega isi yanyuma ?!

Delphina

kuba abonye umuriro nibisanzwe none niyahe message yabwiwe n'abamalayika ?

Rwasubutare

Matayo 24:24 Yesu avuga ko abahanuzi b'ibinyoma bazakora ibitangaza bayobye benshi ndetse n'intore. Ibyahishuwe 13:13 Bazamanura umuriro uvuye hejuru. Bene Data dusangiye kwizera, turatashye ndagaswi. mushikame ,usenge muhange amaso umukiza wacu arahje bidatinze.

observer

Uyu mwana w'umuhungu koko yatuje ko Imana izamanuka ikikorera ibyo amaso yacu atigeze abona n'amatwi atumvise. Arahindura bibiriya ashaka iki ?

shimwa

Ibyahishuwe 22:18-19 "....nihagiraumuntu ugira icyo yongeraho....nihagira umuntu ugira icyo avana ku magambo ... IITimoteyo 3:16 Ibyanditswe byera byose byahumetswe n’Imana,e kandi bifite akamaro ko kwigishaf no gucyahag no gushyira ibintu mu buryoh no guhanirai gukiranuka, Ibyo byanditswe Byera bishya biturutse he ? Ngo yabonye abamarayika 2, none abandika bashushanya ko aba ari ikigereranyo, abamarayika tuzi ishusho bafite ? Uwo Apotre utubeshya ngo yarababonye, yabonye bafite iyihe shusho ? Mwabantu mwe mwakwitonze. Ubu umunsi azagaruka mu Rwand hari abazajya kumusanganira ngo nabahe umugisha Imana yamwoherereje Abamarayika.Ahaaaaa !!!!!!

cyiza

EEE,Karabaye, ubu izintumwa mwizera, ni nka ABRAHAMU, MOSES,SALOMONI,ISHMAEL, ISSC, YOZEFU,YAKOBO, N'intumwe z'IMANA koko ? Ese abazaza biyitwa intumwa yesu yavuze hari abandi murindire batari bariya ? ese umuhamya wibyo bitanaza ninde ? nuwo bajyanye, gusenga malaika akaza mu muriro,ubwo satani niwe uziyerekana mu rumuri ? bariya niyo bajya irusiroro bakazura abaharyamye bose ntabwo nabemerakeretse hari bibiliya ihindutse,ariko nabwo niyo yahinduka sinabemera kuko n'ubundi bari kuduteguza ko bagiye kwiyongereramo mu byakozwe n'IIntumwa muri bibiliya bifite ibice 28 nonenbagiye kwishyiriramo igice cyabo cya 28 kibavuga kugirango ibyo bahanura by'ibinyoma bigire imbaraga z'umwuka wera kubatazi bibiliya. MUSOME MUSOBANUKIRWE MUMENYE INTUMWA N'ABAHANUZI nibantu ki boherezwa nande,boherezwa he, bahabwa ubumwa ki ? ubuhanuzi bahabwa n'ubuhe ? batandukaniye he n'abahanuzi n'intumwa zibinyoma zikorera satani yesu yabwiye ?IYI SI IGEZE AHARINDIMUKA, MUSOME MUCUKUMBURE IJAMBO RY'IMANA BITARIBYO BAYIIII I(bye)

Kadima

Gitwaza nuwo mugore Barbara mureke ubutekamutwe. Mwokuyobya abanyarwanda kandi nuyu mu nyamakuru wanditse iyi nkuru yigaye ubutaha ajye ajora ibyo agiye kwandika arebe ukuri kwabyo nicyo bifasha abasomyi. Imana ibabarire kuko byose ni amaco yinda

java

mwitondere ibyo muminsi yimperuka abahanuzi bose siko bahanura ibyukuri bisaba ubushishozi n'ubwitozi kuko bazayobya benshi biyita abahanuzi b'Imana

john

gitwaza aba yifatiye abataramenya ukuri, gitwaza kumanura umuriro nabapfumu barabikora kandi nawe numupfumu nkabo bose. mureke bible iravuga ngo mureke urukungu rukurane n, amasaka.

kalisa

Bigenze bite ko havuzwe ka nta n'ijambo na rimwe rigomba kwongerwa kuri Bible ? icyo gice cya 29 Gitwaza akivanye he ?

GOLDEN CONTIBUTION

Niba utegereje ko radio na TV zibivuga uzayoba amafaranga akora byinshi bayatanze bakora montage bikagaragara !!!!!!!!!!! BITYO BAKABA BARAKWIFATIYE UKaba urayobye ....................................NGAHO RERO IBYAKOZWE N` INTUMWA 29 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! ko ibiba mu ijjuru ari ibyo amaso yacu atigeze abona mwabwiwe ni iki iyo shusho ko ari abamarayika ???????????????????nzaba ndora !!!!!!!!!!!

eric

Ibyahishuwe 22:18-19 niko kuri naho ibyo ni urujijo byanditse gutese ? Mugice cya 29 myiyobya abakristo ibyo turabyanze

1 | 2

TANGA IGITEKEREZO

Kwamamaza
Kwamamaza
Also in this section
Pasiteri Maggie Mutesi yishwe anizwe- Iperereza rya Polisi

Pasiteri Maggie Mutesi yishwe anizwe- Iperereza rya Polisi

Perezida wa Koreya ya Ruguru yiyemeje kunganya ingufu za gisirikare n’iza Amerika

Perezida wa Koreya ya Ruguru yiyemeje kunganya ingufu za gisirikare n’iza...

USA : Perezida Paul Kagame yitabiriye inama ngarukamwaka ya ’ The Nantucket Project ’

USA : Perezida Paul Kagame yitabiriye inama ngarukamwaka ya ’ The Nantucket...

Bugarama : Imvururu zashyamiranyije Abarundi n’Abanye-Congo zaguyemo Umunyarwanda

Bugarama : Imvururu zashyamiranyije Abarundi n’Abanye-Congo zaguyemo...

Bidasubirwaho UTC ya Rujugiro iratezwa cyamunara muri uku kwezi

Bidasubirwaho UTC ya Rujugiro iratezwa cyamunara muri uku kwezi

NEW POSTS
’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Pacifique Munezero w’i Gasabo yavuze ko ’ Ukubita imbeba atababarira ihaka ’

15-09-2017

Pacifique Munezero w’i Gasabo yavuze ko ’ Ukubita imbeba atababarira ihaka...

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’

Umubiligi agiye gusohora igitabo gihuza ubutwari bwa Kagame na Gen. de Gaulle wubatse ikuzo ry’u Bufaransa

6-09-2017

Umubiligi agiye gusohora igitabo gihuza ubutwari bwa Kagame na Gen. de...

Financial Times : Perezida Kagame yagarutse ku buryo yinjiye igisirikare, uko yavuye mu ishuri muri Amerika n’amasomo byasize

4-09-2017

Financial Times : Perezida Kagame yagarutse ku buryo yinjiye igisirikare,...