LATEST NEWS
Itohoza
’Jenoside yakorewe Abahutu’ : Iturufu rya Rudasingwa
Publish Date: mercredi 21 septembre 2016
VISITS :2371
By Admin

Hashize iminsi mike, ishyaka ritavuga rumwe na Leta y’u Rwanda, Rwanda National Congress (RNC) rikorera hanze y’uRwanda ryacikamo ibice, impande zombi zatangiye kwiyubaka hakoreshejwe amayeri atandukanye.

Mu gihe RNC iyobowe na Lt Gen. Kayumba Nyamwasa, imaze kubona Rudasingwa n’abantu be bagiye, yatangiye kwisuganya. Itumiza amatora, Kayumba aza mu buyobozi ku buryo yabaye umuhuzabikorwa wungirije. ababizi bemeza ko byari ngombwa ko aza ahagaragara.

Ariko ibyo byose abikora mu gihe, Rudasingwa ubu badacana uwaka, ahugiye mu gushinja Lt Gen. Kayumba Nyamwasa ibyo twakwita amatiku hagati yabo.

RNC- Nshya ya Rudasingwa, na yo mu gushaka kwiyubaka no kumenyekana ishyira hanze itangazo rivuga ko mu Rwanda FPR-Inkotanyi yakoze Jenoside y’Abahutu.

Si ibyo gusa, Rudasingwa akora n’urutonde rw’abakoze iyo Jenoside. Ubu ku mbuga nkoranyambaga (Social media) ni yo nkuru iriho ivugisha benshi mu basanzwe banga Leta y’u Rwanda.

Ariko nyamara, iryo tangazo rya Rudasingwa, kuri we n’abo bafatanije, ku basesenguzi ba politike, rigambiriye ibintu bibiri (02) by’ingenzi.

1. Kumenyekana kw’ishyaka rye, RNC nshya

2. Kwigarurira Abahutu b’intagondwa, cyane cyane abijanditse muri Jenoside yakorewe Abatutsi cyangwa abafite aho bahuriye na yo.

Ibyo turabisobanura mu kanya, ariko reka tubanze turebe neza icyo ashaka kugeraho.

1. Rudasingwa, yasanze ko akoze itanganzo nk’iryo, kumenyekanisha ishyaka rye, akoresheje ikintu gitoneka, giteza impagara ndetse no gushyushya imitwe.

2. Rudasingwa, yakoresheje itangazo agambiriye kwigarurira igice cy’Abanyarwanda b’Abahutu b’intagondwa zifite ibitekerezo bishingiye kuri Hutu Power. Abari muri icyo gice, bamwe bijanditse muri Jenoside yakorewe Abatutsi, abandi bafite ababyeyi bakiriho cyangwa bitabye Imana ariko barijanditse muri Jenoside yakorewe Abatutsi, yemwe, hari nabandi bahoze mu butegetsi, gusa bumva barakajwe nuko batagifite imyanya mu butegetsi, ngo bagire ijambo nk’iryo bahoranye. ibyo byose byubaka amakimbirane ashingiye kuribyo. bakabihisha bakavuga politike ariko amakimbirane arayo.

Ariko abo bantu impamvu Rudasingwa abakeneye cyane, bafite amafaranga, bafite umujinya, kandi banga Kagame urunuka ndetse babifitiye umwanya. kabone naho wababwira kujya kumuhanda bambaye ubusa buri buri.

Icyaza cyose kibakuriraho Kagame Paul, aho ni amahoro nubwo batazi uwahita ategeka.

Abazi neza Rudasingwa, abamwumva mu biganiro hirya no hino, yemera muri "tura tugabane cyangwa bimeneke twese duhombe". Kubera iyo myumvire rero, Rudasingwa ntabwo ashobora kumva ikibazo ateza mu banyarwanda.

Kuri we arashaka icyaza cyose gikuraho Kagame, kabone nubwo u Rwanda rwasubira mu icuraburindi ry’ubwicanyi ndengakamere.

Bityo kugira ngo Rudasingwa yigarurire Abahutu b’intagondwa agomba kugira icyo abaha bakamwizera. Kiroroshye...kubakuraho umutwaro uremereye wa Jenoside yakorewe Abatutsi, kubakuraho impfunwe, Kuzana imvugo ya Jenoside y’Abatutsi akemeza Jenoside y’Abahutu, muri make akemera Jenoside ebyiri.

Sibyo gusa, nihaza imvugo ya Jenoside ebyiri, bizagera aho bati "erega nta Jenoside yabaye muri zose habaye gusubiranamo kw’amoko... twese tubabarirane..." Bityo ahite yigaragaza nk’umukiza n’umuhuza.

Ibyo ariko muri politike bifite ingaruka zikomeye, kuko abantu bazaba bemerewe no kongera kwishyirahamwe bagashinga amashyaka ashingiye ku bwoko, twafatira urugero kuri Hutu Power.

Ariko sibyo gusa, nta bumwe n’ubwiyunge bushoboka bushingiye ku kinyoma.
Muri Jenoside yakorewe Abatutsi, ntabwo bivuga ko nta bahutu bapfuye, oya, barapfuye mu buryo bumwe cyangwa ubundi ; ariko ntabwo twatekereza ko FPR yigeze itegura cyangwa ngo itange amabwiriza yo kurimbura imbaga y’Abahutu. Sibyo !

Bityo, kuvuga ko habaye Jenoside y’abahutu, sibyo rwose, ni ikinyoma cyambaye ubusa, byasaba ko tubona ibimenyetso simusiga.

Tubona bamwe bavuga iyicwa ry’Abahutu muri Congo, barapfuye. Na none, ntituzi niba hari umugambi cyangwa amabwiriza yo kurimbura Abahutu yatanzwe. Iyo biba bityo, FPR yari ifite ibikoresho n’uburyo buhagije ku buryo impunzi zari muri Congo hari gutaha ababarirwa ku mitwe y’intoki.

Muri Congo, hapfuye abantu benshi mu mirwano n’Interahamwe na Ex-FAR, abandi bicwa na macinya, abandi bagirwaga agakirinzo n’abari barabagize ingaruzwa muheto.
Mu cyumweru kimwe gusa, ku bushake bwabo, hatashye Abahutu basaga 600,000 ; mu gihe nyuma y’aho hatashye abandi basaga miliyoni ebyiri mu kivunge. Abantu bapfuye, byasaba ipereza rihamye kandi ry’igenga, ndakeka ko hashobora kuba harabaye ibyaha by’intambara, gusa ibyo byasaba iperereza. Ariko kuvuga Jenoside, kandi bivuzwe nu umunyapolitike, ni propaganda.

Jenoside irategurwa, igashishikarizwa abantu kandi igashyirwa mu bikorwa na Guverinoma.

Iyo usesenguye iturufu ya Rudasingwa ageze ku rwego rwo guhakana no gupfobya Jenoside yakorewe Abatutsi, yifatanije n’abasize bayikoze mu Rwanda, kugira ngo bamubonemo uje kubafasha gushyira agatima impembero abahanaguraho icyasha.

Nguwo Rudasingwa Theogene abungera mu mihanda yo muri Amerika n’Abahutu baba hezanguni bacyambaye amabendera ya kera

Major Theogene Rudasingwa, wigeze kuba Umunyamabanga Mukuru wa RPF-Inkotanyi, aza kuba Ambasaderi w’u Rwanda muri Leta Zunze Ubumwe za Amerika, avuyeyo yaje kuba Umuyobozi w’ibiro bya Perezida (Directeur de cabinet) ariho yahavuye ahunga.

Hari ibintu bibiri twakwibaza ;

1. Rudasingwa wakoze ako kazi kose mu myanya ikomeye muri FPR ndetse no muri Guverinoma, FPR yaba yarakoze Jenoside y’Abahutu, ntayibemo ? Kuki izina rye ritari ku rutonde ashinja FPR yari abereye Umunyamabanga Mukuru, kurimbura Abahutu ? hari abaribonye ariko mu minota mike Rudasingwa yaje kurikuraho.

2. None se, Rudasingwa, ni gute yakwicara akandika nka biriya bintu, akaba umugenzacyaha (investigator), umushinjacyaha (Prosecutor), n’umucamanza (Judge) icyarimwe ku buryo asohora umwanzuro we akuwushyira ahagaragara nta soni ?

Rudasingwa, ajya kuva muri Amerika, Leta zunze Ubumwe za Amarika, zari zimaze iminsi zisaba Leta y’u Rwanda kumukurayo kubera ibikorwa bye byinshi bibi, ariko tutari buvuge muri iyi nyandiko ; icyo twatangaho urugero ni ikintu gikomeye, aho yari afite container yafungiragamo abantu. Yafunze umugore w’Umuhutukazi ngo aramunukira. None se, uyu ni Rudasingwa uvuga Jenoside yakorewe Abahutu ?

Twakwanzura tuvuga ko Abanyarwanda bakwiye kwamagana abanyapotike bafite inyota y’ubutegitsi, bifuza gucamo ibice abanyarwanda ndetse no kubasubiza mu mwiryane. Hagomba kubaho inzira nziza kandi zizwi zo kugera ku butegetsi. Ni inshingano kandi y’abari ku butegetsi gushyiraho iyo nzira ku nyungu z’umuryango nyarwanda.

ikibanzo twa kwibaza ; 1. Ese ntaburyo umuntu yajya muri opposition, bitabaye ngombwa ko apfobya cyangwa agahakana Jenoside yakorewe abatutsi ? nonese, imbaraga z’ubutegetsi bwa FPR-Inkotanyi n’impamvu zabwo, zaba zishingiye kuguhagarika Jenoside gusa ?

Nonene, niyihe mpamvu opposition itashingira kubikorwa RPF ikorera abaturage, ndetse nibyo idakora, mukubaka ingengabitekerezo yayo ya politike ? ndumva opposition igomba kwikuramo imyimvire ya oposition yohanze bagafata imyumvire yabari mugihugu, kuko ntiba ntibeshye barashaka kuyobora u Rwanda.

Mugabe Robert

IBITEKEREZO
Luciana

Wabimenye rero, uti nta bumwe n’ubwiyunge bushoboka bushingiye ku kinyoma ! Ikinyoma nibwo bwenge Rudasingwa azi bwonyine usa. Dore ko yitita Docteur bigakomezaaaa, nta muntu n'umwe usubiza amaso inyuma ngo akore imibare yoroshye cyane : Ubu se afite imyaka ingahe y'amavuko ? Docteur en médecine se, abyiga imyaka ingahe ? Nonese mbere ya 1994, ntiyali muto uberewe na secondaire ? Siwe se wirukaga hose kw'isi cyane cyane muli Europe yigisha abantu ibyerekeranye n'ibyo ahakana ubu byose ? Yali afite imyaka ingahe se muli 1994 ? Yigeze se asubira mw'ishuli nyuma ya 1994, ngo arangize iyo Faculté de Médecine yavuyemo muli 1990-91 ? Ese aho none iyo titre ya Docteur en médecine, ntiyaba ali nka ya masugi ya ISIS cg DAESH ishukisha ba ba terroriste ? Ubu se Mukuru we Gahima siwe wahigishaga uruhindu abo ba génocidaire Rudasingwa ashakaho amafranga ubu ? Niba se we yarabyibagiwe, bo barabyibagiwe ? Nimworoshye gato ahubwo twirebere ikinamico lili imbere aha ! Ncumbikiye aha tuzosubira bagenzi.

princes

Rudasingwa is fucker !he needs a fellow man to fucker him in his mouth.Ataishia kuzoa mavi mjinga sana !Hakuna atakaye itengua Rwanda !Rwanda inalindwa na Mwenyezi Mungu na siyo Rudasingwa huyo anaye vomit na kula matapishi yake.My father,Hon. PK Live long !we are praying for you.

lawyer

Nibaza ukuntu uyu mugabo Rudasingwa yakoranye na RPF bikanyobera ! ubona nta personality agira. Tekereza umuntu wagiye ku rugamba yitwa ko agiye kurwanya ingoma y'igitugu, amacakubiri, ivangura, etc none ubu akaba yifatanya n'ibyo bibi byose yarwanyaga. ibi bigaragaza ko we icyo abandi barwaniraga ataricyo yarwaniraga. Agomba kuba yaragiye ku rugamba atekereza izindi nyungu !! Ndibaza ko nawe abizi neza ko ntacyo afite arwanira ; ndibaza kandi ko nawe azi neza ko arimo kwisenya (destroying himself). Abanyarwana mureke twime amatwi bene aba bantu bigira opinion leaders nyamara washyira ku munzani ibikorwa byabo ugasanga byuzuyemo ubugome, uburyarya, kwishyira hejuru, ikibuli, inda nini, icyene wabo, ..... Abamuzi benshi bamuziho ibyo byose mvuze. Imana izakomeze kuturinda abantu nkaba...


TANGA IGITEKEREZO

Kwamamaza
Kwamamaza
Also in this section
Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Padiri Nahimana arategura imyigaragambyo itemewe kuri Ambasade y’u Rwanda i Buruseli

Padiri Nahimana arategura imyigaragambyo itemewe kuri Ambasade y’u Rwanda...

Burundi : Willy Nyamitwe yarusimbutse, umwe mu bamurindaga ahasiga ubuzima

Burundi : Willy Nyamitwe yarusimbutse, umwe mu bamurindaga ahasiga...

Uganda : Imvuru zadukiriye Umujyi wa Kasese

Uganda : Imvuru zadukiriye Umujyi wa Kasese

Urukiko Ruzemeza Aho Umugogo w’Umwami Kigeli V Uzatabarizwa

Urukiko Ruzemeza Aho Umugogo w’Umwami Kigeli V Uzatabarizwa

NEW POSTS
Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...

Kiliziya Gatolika yamaganiye kure Nahimana Thomas ugiye kuza mu Rwanda

24-11-2016

Kiliziya Gatolika yamaganiye kure Nahimana Thomas ugiye kuza mu...

Ibibazo bibazwa Padiri Thomas Nahimana uzagera mu Rwanda kuri uyu wa Gatatu

23-11-2016

Ibibazo bibazwa Padiri Thomas Nahimana uzagera mu Rwanda kuri uyu wa...