LATEST NEWS
Itohoza
Jonathan Musonera yatetse umutwe abeshya ko yatumwe n’ umuryango Col. Karegeya ?
Publish Date: lundi 2 janvier 2017
VISITS :4891
By Admin

Imitwe yo gushaka amafaranga iragwira ariko uyu wo ni agahomamunwa, Jonathan Musonera yongeye guteka umutwe nyuma y’amacakubiri no gutukana nk’abashumba b’inka hagati y’igice cye gishyigikiye Rudasingwa n’icya Kayumba Nyamwasa batagicana uwaka, inzara no kutihangana nibyo byateye Jonathan Musonera wo muri New-RNC kubeshyera umuryango wa nyakwigendera Col. Karegeya Patrick atumiza missa ngo yogusabira Karegeya umuryangowe utabizi anavuga ko izabera i Bruseli mu Bubiligi ndetse asinya mu izina ryabo kandi batamutumye, ariko muri iyo mitwe ya Musonera yaboneyeho gusaba inkunga abeshya ko ari iyo guhemba Padiri nkuko ari kugenda atelefona abantu abibakangurira.

Umwe mu mpunzi z’Abanyarwanda baba mu Bubiligi wavuganye na Rushyashya yagize ati : Uretse kubeshya no gushaka kuyobya bamwe mu Banyarwanda hari uwakwibeshya ko igice cya RNC ya Rudasingwa gihuje n’imyumvire na Col Patrick Karegeya yari afite.

Ati : Ubu birakwiye ko umuntu nka Jonathan Musonera ariwe utanguranwa ngo ari gutumira abantu kuza kwibuka Col. Karegeya n’umugorewe Lea atabizi ?

Umuryango wa Col. Patrick Karegeya mu busanzwe uba muri Amerika

Maze kubona itangazo rya Musonera rihamagarira abantu mu kuzitabira misa yo kwibuka Col Patrick Karegeya nahise ngwa mu kantu. Gusa nkaba nashakaga kuburira abasomyi ba Rushyashya ko agapfa kaburiwe ari impongo bamenye ko Musonera ari umutubuzi kabuhariwe kuri ubu akaba yitwa" Ikiryabarezi " abari hanze ndetse n’impunzi murabe menge ayo ni amayeri ya Musonera yo gushaka kubiba utwanyu ngo abone ay’Ubunani.

Nguwo umutekamutwe Musonera Jonathan

Uyu nawe yagize ati : Ese Jonathan Musonera n’abagenzi be Rudadsingwa na Ngarambe bafite ishyaka ry’abantu batatu baba bashaka gukoresha izina rya Col. Patrick Karegeya kugirango berekane ko bafite abayoboke benshi ? Ese birashoboka ko hari uwakoresha umuhango wo kwibuka Col. Karegeya adafatanije n’umuryango we ? Njye uko mbona ibintu, umuryango wa Nyakwigendera Col. Patrick Karegeya niwo wonyine wagombye gutegura no guhamagarira abantu kuza kwibuka uwo Col. Patrick Karegeya.

Tubibutse ko Intandaro y’ibibazo n’intambara y’urudaca biri muri RNC ari ukubera Musonera Jonathan

Uyu mugabo utuye mu Bwongereza muri iki gihe , afite akarimi gatyaye cyane agakunda no kwigaragaza uko atari kugira ngo abone uko asahura iby’abandi yitwaje RNC.

Uyu mugabo ni umuntu w’umunebwe. Ntabwo ashaka kuba nk’abandi bagabo ngo ashake uko yabaho mu buhunzi atibye. Yahisemo kujya yirirwa abunga mu ngo z’abantu acura amatiku ngo aho arimo arakora politiki.

Uyu mugabo yavukiye i Nyanza mu muryango wari ukennye cyane ku buryo akiri muto we na murumuna we bavuye iwabo bahunze imibereho mibi bakajya kuba ku muntu wari ufite restaurant i Nyanza mu mujyi tudashaka gutangaza amazina ye tutabifitiye uburenganzira ariko initiales z’amazina ye ni M. I. (Musonera nasoma iyi nyandiko aramumenya). Uyu musaza ubu ari mu buhungiro Kampala aho yahungiye amaze igihe gitoya afunguwe yari amaze mu buroko imyaka irenga icumi afunzwe aregwa icyaha cya génocide.

Uyu mugabo Musonera Jonathan ukunze gushaka kwigaragaza nk’umuntu ufite ubwenge bwinshi yiha guhora asobanura amateka y’u Rwanda atazi, ni umuntu wize amashuri make cyane. Nyuma y’amashuri ya primaire yarihiwe n’uriya musaza M. I, Musonera yize amashuri y’imyuga ayo mu Rwanda kera bitaga CERAR. Yize ibyerekeranye no kuba umufundi.

Aho muri CERAR mu ishami ry’ubufundi nta masomo y’amateka bigaga. Amasomo yose yari ashingiye ku byerekeranye n’ubwubatsi : kubumba amatafari, kumenya kubaka inzu y’amatafari, n’ibindi bijyanye n’uwo mwuga w’ubufundi. Ubwo rero amasomo ya history yihaye kujya yilirwa yigisha abeshya, umuntu yakwibaza aho yayigiye.

Uyu mugabo Musonera yagiye mu gisilikare cya RPA ahagana muri za 1990. Ipeti lya nyuma yagezeho ni Sergent. Ariko nta soni na nke ajya agira zo gutinyuka kubeshya abantu ko ngo yahunze u Rwanda afite ipeti lya Capitaine !!!! Kandi ubwo aba avuga ayo mafuti yirengagiza ko mu Burayi ndetse no muri USA, Canada n’ahandi, hari abantu benshi bahoze ari abasilikare ba RPA bamuzi neza, ndetse harimo n’abamutegetse directement.

Urugero nyarwo rw’ubusambo bwa Musonera Jonathan

Mu myaka ishize, uyu mugabo Musonera Jonathan yagiye mu Bubiligi yikomeje cyane ngo hari gahunda zikomeye za RNC. Erega ubwo abayobozi ba RNC mu Bubiligi bamwakirana ubwuzu bwinshi. Ubwo na ticket y’urugendo ni RNC yo mu Bubiligi yayiguze. agezeyo asanga bamukoreye reservation muri imwe mu mahoteli meza ya Bruxelles yitwa THON Hotel byose byishywe nabari bagize comité ya RNC Bruxelles icyo gihe.

Ubwo rero Musonera yarakiriwe cyane araruhuka ni uko ku mugoroba atumiza inama ngo ikomeye yajemo abantu batanu mu bakuru bari abayobozi ba RNC Bruxelles aribo : Alexis Rudasingwa, Jean Paul Murara, Ngarambe Edouard (izina nyakuri ni RUHANGARA Olivier), Nshimiyimana Emmanuel (izina nyakuli ni (GASHUGI Eric) na…CIKURU Mwanamayi Joseph

Muri iyo nama Musonera yahise abatera igipindi gikomeye cyane ababwira ko ngo mu minsi mikeya agiye kujya muri Africa kuyobora urugamba rwa gukuraho FPR !!!

Arasobanura biratinda. Ubwo mu kurangiza nibwo yasohoye igipindi cye. Yababwiye ko nta modoka afite kandi akaba atagenda adasigiye umugore we imodoka izajya imufasha. Ubwo rero abo bayobozi ba RNC Bruxelles bagombaga kumushakire byihutirwa amafaranga yo kugura imodoka azasigira umugore mu gihe azaba agiye ku rugamba.

Kubera igitutu n’ibikabyo bya Musonera, abo bayobozi ba RNC Bruxelles nta kundi bari kubigenza atari ugushaka vuba amafranga yo kugura imodoka ya nyakwubahwa Musonera Jonathan. Ubwo bahise bakora cotisation byihuta batanga amafranga bakuye ku mufuka wabo ku buryo bukurikira : Rudasingwa Alexis (500 euros), Murara Jean Paul (500), Ruhangara Olivier alias Ngarambe Edouard (500 euros), Gashugi Eric alias Nshimiyimana Emmanuel (500 euros) naho CIKURU Mwanamayi Joseph niwe watanze menshi (1500 euros).

Ubwo bukeye bwaho Musonera yahise asubira igitaraganya mu Bwongereza ngo kujya kwitegura kujya ku rugamba muli Africa. Ayo mafranga bamuteranyilije mu Bubiligi ni yo yahise agura mo imodoka ya Mercedes ifite ibara ly’icyatsi (green). Yayiguze equivalent y’ama euros 3500.

Ibi bintu ni ukuri Musonera we ubwe adashobora guhakana kuko nyuma yaho habayeho échanges de messages n’abo yali yateye igipindi bamubaza aho kujya ku rugamba bigeze ndetse na za message yaboherereje abashimira akimara kugura iliya modoka…. Izo message n’ubu ziracyahali nibiba ngombwa zizatangazwa.

Urwo rugamba rwa Musonera Jonathan abantu bararutegereje imyaka ubu ibaye ibili, ntawe uzi aho rwahereye. Rwagiye nka za nyoni….!!!!

Ubusambo nk’ubu rero ni yo ntandaro nyayo yateje ibibazo muri RNC kubera abantu biyitaga ko ngo ari abakuru bayo bameze nka Musonera.

Musonera na Benz yaguze mu butekamutwe

IBITEKEREZO
Uwamaliya

Kumbi burya Mwanamayi yarahunze nawe ?ndumiwe pe !


TANGA IGITEKEREZO

Kwamamaza
Kwamamaza
Also in this section
Ibaruwa ifunguye igenewe Musonera Jonathan ku kinyoma ashinja RPF-Inkotanyi

Ibaruwa ifunguye igenewe Musonera Jonathan ku kinyoma ashinja...

Iturufu y’amoko (Hutu &Tutsi) kimwe mu byatumye Gen Kayumba ashwana na bagenzi be

Iturufu y’amoko (Hutu &Tutsi) kimwe mu byatumye Gen Kayumba ashwana na...

Kamonyi:Umugore yatezwe igico n’abagabo batanu bamufata ’ku ngufu’

Kamonyi:Umugore yatezwe igico n’abagabo batanu bamufata ’ku ngufu’

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

Arusha : urubanza Lt Gen Kayumba yarezemo u Rwanda rwahinduwe impfabusa...

PETER VERLINDEN yashatse guteza akavuyo aho abagabo bateraniye afungirwa mu kazu k’imbwa

PETER VERLINDEN yashatse guteza akavuyo aho abagabo bateraniye afungirwa mu...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...

Afurika y’Epfo : Umunyarwanda yishwe atwikiwe mu nzu azira umugore w’abandi

18-03-2017

Afurika y’Epfo : Umunyarwanda yishwe atwikiwe mu nzu azira umugore...