LATEST NEWS
Itohoza
Kayumba wananiye Kagame ntiyashobokana na Nkurunziza
Publish Date: samedi 27 août 2016
VISITS :5786
By Admin

Muri iyi minsi hari amakuru avuga ko hari imibonano y’ibanga hagati ya Perezida Nkurunzi, Kayumba Nyamwasa na FDLR, uyu ukaba ari umugambi umaze igehe ucurirwa mu burundi wo gutera u Rwanda. Ibi ariko hari abavuga ko bitazahira Nkurunziza kuko uwo yiringiye ata muzi neza reka tu mumubwireho gato.

Igihe Kayumba yoherezwaga mu turere two mu majyaruguru ya Uganda twa Gulu na Kitgum kuba uwungirije umuyobozi w’ako karere, yibye insyo 50 zisya ibigoli, azishyira mu turere twa Cyazanga na Masaka muri Uganda hagati. Ibi byamenywe n’abantu bakoranaga na Kayumba.

Birazwi ko inzu Kayumba afite Bugorobi (agace kamwe ka Kampala Uganda) yayihawe na ODONGOKARA nka ruswa. ODONGOKARA uyu yari umuhezanguni w’ishyaka rya UPC.

Kayumba Nyamwasa yakoze amarorerwa wenyine. Kandi mwibuke ko aka ari akamanyu k’umutsima. Ibi nibyo tuvuga.

Perezida Kagame ntacyo atahaye Gen. Kayumba. Ariko ngo bazirunge zange zibe isogo

Yibye inka mu Rwanda azijyana mu bushyo bwitwa Banyankore kweterana (1990-98) Hagati ya 1997-1998 igihe abacengezi bari mu bice by’Amajyaruguru n’uburengerazuba bw’u Rwanda, yagiye gukorera mu Ruhengeri, aho yahibye amashyo menshi ayajyana I Bugande mu majyepfo y’uburengerazuba mu bushyo bwitwa Banyankole kweterana (bivuga ngo- Abanyankorebifatanije).

Kurugamba rwa RPF Kayumba wari ushinzwe akanama k’imyitarire mu gisilikare yahanaga yihanukiriye kuburyo bivugwa ko abasilikare benshi bazize ubusa kubera we wabahondaga udufuni.

Amakuru y’iperereza Rushyashya yabonye ubwo Kayumba yari ayoboye DMI nyuma y’ibohorwa ry’iki gihugu, avuga ko Bayingana Victori yishwe arashwe na Sgt Rutagengwa Emile afatanyije na Rutagungira Laine, bari boherejwe na Kayumba Nyamwasa bamutsinda kumuryango kwa sebukwe yagiye gusura abana.

Kayumba na Bizimungu ntibifuzaga ko Paul Kagame yaba Perezida wa Repubulika

Nyuma iperereza rya Kayumba ryagaragaje ko ngo yishwe n’umugore we bari bafitanye ibibazo by’ubutane, mukuyobya uburari Kayumba yahise afata Sgt Rutagengwa Emile na Laine Rutagungira abafungira muri DMI, nyuma Gen. Kayumba yaje no kwica umugore wa Bayingana Victori ariwe Antoinette Kagaju, ngo bizitwe ko habayeho kwihorera kumuryango wa Bayingana, nyamara yari amayeri ya Kayumba yogutsemba uwo muryango ngo abone uko agaruza inyubako Prince House, Victori yari yamuhuguje .

Nyuma yigihe gito Sgt Rutagengwa na Laine bafunze baje gufungurwa , Laine ahungira muri Uganda bivugwa ko ubu yaba ari muri Afrika y’epfo ari naho ubu ari mubikorwa bya ba Gen. Kayumba Nyamwasa, naho Sgt Rutagengwa Emile nawe yaje guhungira muri Afrika yepfo ubu akaba ari inkoramutima ya Gen. Kayumba ari nawe akoresha mugupanga amakinamico amazemo iminsi abeshya abanyamahanga ngo u rwanda rwa murashe ngo rwibye ipad ye n’ibindi bikinwa na Emile,akaba ari nawe Kayumba yakoresheje mukuniga Col. Patrick Karegeya dore ko Karegeya atatanaga na Sgt Rutagengwa Emile ari nawe yizeraga cyane, Sgt Emile amaze kwica Karegeya ngo bahise bihutira gutangaza ko yishwe na Appolo Kiririsi.

Amakuru agahamya ko Sgt Rutagengwa yahawe iritubutse na Kayumba ngo aceceke kandi ashyire mubikorwa uyu mugambi wo kwica Karegeya babigereke ku Rwanda.

Kayumba yicishije n’umukecuru w’imyaka asaga 70 amuhoye amafaranga ya muramuwe, ibi byaviriyemo Turayishimye Jean Paul wari umusilikare, akaba n’inkoramutima ya kayumba guhunga akurikiye Kayumba kubera urupfu rwa nyirabukwe wa mushiki wa Nyamwasa bivugwa ko yishe abitumwe na Kayumba ubwe amuhora amafaranga ya EL-HADJI Murwanashyaka muramu we bari basangiye yari muri BACAR, uyu EL-HADJI Murwanashyaka yahise ahungira muri Canada nawe bashaka kumwica kuko bari bagikomeye mu Rwanda.

EL-Hadj Ibrahim Murwanashyaka mu gihe yahungaga yumvise ko nyina bamwishe,ariko n’umurambo we bawusanga mu modoka y’uwo Jean-Paul Turayishimye. Ibrahim yari yarahahamutse cyane ku buryo n’aho amenyeye ko Kayumba yamwiciye nyina,yahise abwira murumuna we ngo ave mu Rwanda bwangu. Ubu El-Hadj yahinduye idini,asigaye ar’umurokore ndetse na Pasteur muri Canada. Ariko,amaherezo,uwo J-Paul azashyikirizwa ubutabera.

Kayumba yishe benshi kandi ntabihakana

Ikindi cyaranze Gen. Kayumba Nyamwasa ni ukutita ku bintu (irresponsibility) no kutagira accountability. Byaje gutahurwa yuko yakoreraga intasi zo hanze (foreign agencies) mu bihe yari muri izo nshingano. Mu gihe yari Ambasaderi mu Buhinde, Kayumba yatangiye gukora umuyoboro w’abaterorisite (terrorist network) ufite inshingano zo guteza umutekano mucye mu karere ngo abeshyere Kagame ko ariwe ubikora, akoresheje bimwe mubinyamakuru byo mu Rwanda n’ibindi mpuzamahanga yahaga amakuru.

Muri politiki Kayumba yicishije Assiel Kabera wari umujyanama wa Bizimungu ari nawe Bizimungu yatumaga kwa Kayumba, muri iryo joro ryo gushyingura Kabera, kayumba yagiye kukiriyo bamuzaniye ikirahure ngo bamwakire yanga kukinyweramo aragihindura afata icy’umucuruzi wari inshutiye witwa Ruhamyambuga Paul bari bicaranye aba aricyo anyweramo atinya ko bamuroga iki n’ikimenyetso kigaragaza ibyo yari yakoze.

Kayumba yayoboye ibikorwa bya coup d’etat abishyiramo Joseph Sebarenzi umu PL, wari perezida w’Inteko umutwe w’Abadepite bashakaga kwimika kubwa Perezida wa Repubulika by’agateganyo nyuma y’iyegura rya Bizimungu Pasteur, abonye ko byamenyekanye aramuhungisha akoresheje ba Ben Rutabana uyu uri muri RNC, nyuma akiyeguzwa Kampala ba Rutabana nabo baje guhunga bafatirwa Tanzania bagarurwa mu Rwanda n’ubu baracyamukorera.

Kayumba yashatse ubwa Perezida igihe kinini ari nako gucamo ibice ingabo n’abanyamuryango ba RPF yabeshyaga imyanya, nguwo umugambi wa Kayumba waburijwemo na perezida Kagame.

Kayumba azabazwe urupfu rwa Assiel Kabera

Nibyinshi twavuga kuri Kayumba ariko reka turekere aho tubwire Nkurunziza ngo urwishigishiye ararusoma.

Cyiza Davidson

IBITEKEREZO
nsenguwera japhet ruvurajabo

kayumba ariko ntimwirengagizeko ibyo yakoraga byose ari ntaw'utakabikoze afite uburyo abikoramo,

Rucogoza

Iyo nitegereje uburyo abantu bakuze aribo basigaranye ibitekerezo bibi ( barereshejwe muri repubulika 2 : kayibanda na habyarimana) byo kwanga abavandimwe babo (Abatutsi) nkongera nkareba uburyo babitoza abana babo ( ariko ntibibafate !!!) nsanga bwari ubujiji !!!!!! none abana babo barahumutse, bamenye ikibi n'ikiza !!!! bari mu nzira zo kwiteza imbere aho kujya mu macakubiri kuko babonye ibyo ba se bakuyemo ! icyo ubibye nicyo usarura. aba extremistes bavuga ko ubutegetsi ngo bwigaruriwe n'abatutsi ariko jye iyo nitegereje nsanga abakire hafi ya bose ari abahutu !! H.E Kagame uri umuntu w'umugabo ! ni ukuri nkorera ibihumbi 25 000 frw ku kwezi ariko nkigaburira nkishyura n'inzu ! ariko nzi abana b'aba genocidaire bangurira icupa buri week-end bakubye umushahara wanjye gatatu kuzamuka kandi mbona ntacyo bitwaye kuko dufite amahirwe angana yo guhiga inoti !! ngayo nguko

injajwa

kagire umunwa wo kubara inkuru............................aya makuru ndayumvamo ubugome buhagije buba mu banyarwanda...........gusa igihangayikishije cyane ndibaza nti ese ba Kayumba ntibagihari ? twaba twaragize Imana twaramukize ?!

Kami

Aya makuru n'amateka byiza gutya ko mwatinze kuyatangaza ubundi mwakoraga iki !cg ntabwo mwari mwakarangije amashuri y'itangazamakuru.Ibyaribyo byose KAYUMBA yayoboye afite abamukuriye kandi bamuha amabwiriza y'ibyo akora byose. Uyu munyamakuru tumushimiye ko azi amateka y'u Rwanda n'abayagizemo uruhare,burya ikinyamakuru cya rushyashya gifite abantu bazi amateka da. Uyu munyamakuru ni uw'umwuga peee.Ese KAYUMBA NYAMWASA yigeze ayobora igihugu cy'u Rwanda ariwe top leader ?

Patrick karera

Kagire inkuru rero, ariko aba DD ngo baritayari kubavura uburibwe mufite


TANGA IGITEKEREZO

Kwamamaza
Kwamamaza
Also in this section
Dr Gerard Gahima yandagaje bamwe mu bashaka gupfobya no guhakana Jenoside yakorewe abatutsi mu 1994

Dr Gerard Gahima yandagaje bamwe mu bashaka gupfobya no guhakana Jenoside...

Trump yise Koreya ya Ruguru abicanyi nyuma y’urupfu rw’umunyeshuri w’umunyamerika yafunze

Trump yise Koreya ya Ruguru abicanyi nyuma y’urupfu rw’umunyeshuri...

’ Jenoside ’Jeneral Bosco Ntaganda yabonye mu Rwanda ngo niyo yatumye ajya gutabara muri Congo

’ Jenoside ’Jeneral Bosco Ntaganda yabonye mu Rwanda ngo niyo yatumye ajya...

Rujugiro Ayabatwa Tribert yahawe amahirwe yanyuma

Rujugiro Ayabatwa Tribert yahawe amahirwe yanyuma

Trump arashinjwa kwakira amafaranga binyuranyije n’Itegeko Nshinga rya Amerika

Trump arashinjwa kwakira amafaranga binyuranyije n’Itegeko Nshinga rya...

NEW POSTS
Diane Rwigara yaretse NEC ko afite ’ Ubwenegihugu bw’Ububiligi ’ ngo akaba yifuza kuyobora u Rwanda

22-06-2017

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba...

Kagame yagaragaje ko yagakwiye kuba ahereza undi ubuyobozi ariko FPR yamusabye ko bakomezanya

21-06-2017

Kagame yagaragaje ko yagakwiye kuba ahereza undi ubuyobozi ariko FPR...

Amabanga y’Ubuto bwa Kagame [ Secrets de Jeunesse ]

20-06-2017

Amabanga y’Ubuto bwa Kagame [ Secrets de Jeunesse ]

Uko Perezida Kagame yasubije umukobwa w’ Umunya Mali wibaza niba yabona Ubunyarwanda

12-06-2017

Uko Perezida Kagame yasubije umukobwa w’ Umunya Mali wibaza niba yabona...

RWANDA DAY : Perezida Kagame yabwiye abanyarwanda ko muri raporo zitandukanye u Rwanda rukomeje kuza ku isonga

12-06-2017

RWANDA DAY : Perezida Kagame yabwiye abanyarwanda ko muri raporo...

Bruxelles : Imyiteguro ya Rwanda Day irarimbanije [ AMAFOTO ]

12-06-2017

Bruxelles : Imyiteguro ya Rwanda Day irarimbanije [ AMAFOTO...

Bruxelles : Abarundi benshi n’ Abacongomani batawe muri yombi bazira gutera amabuye abanyarwanda baje kwakira Perezida Kagame

12-06-2017

Bruxelles : Abarundi benshi n’ Abacongomani batawe muri yombi bazira gutera...

Hari impamvu muri PL na PSD koko bagombaga guhitamo Kagame

9-06-2017

Hari impamvu muri PL na PSD koko bagombaga guhitamo Kagame