LATEST NEWS
Itohoza
Mozambique : Louis Baziga yarusimbutse
Publish Date: mercredi 30 mars 2016
VISITS :5046
By Admin

Umunyarwanda ukuriye ihuriro ry’Abanyarwanda baba muri Mozambique yarokotse ubwicanyi bwari bwateguwe n’agatsiko k’Abanyarwanda baba muri iki gihugu.

Louis Baziga ni umucuruzi ukomoka mu Rwanda, akorera ibikorwa bye mu Murwa Mukuru wa Mozambique, Maputo aho afite inzu zicuruza ibiribwa (alimentation) ndetse n’iguriro ry’imiti (Pharmacie). Hashize iminsi yaraburiwe irengero, abo mu Muryango we bazi ko yapfuye ; nyuma yo kugambanirwa n’agatsiko k’Abanyarwanda ‘bagifite ingegabitekerezo ya Jenoside’.

Amakuru dukesha IGIHE avuga ko baganiriye na Baziga kuwa Gatanu tariki ya 25 Werurwe 2016, yasobanuye mu buryo bwimbitse uko yari agiye kugirirwa nabi bigizwemo uruhare n’Abanyarwanda bagenzi be.

Ati “ Abantu b’Abanyarwanda bene wacu bashatse ku ngura ngo banyice, babwira umuntu w’umupolisi ngo ‘tuzi ko ufite imbunda kandi uziranye n’itsinda ry’abantu,dukeneye kubona uyu muntu yapfuye mutubwire amafaranga mushaka’.”

Yakomeje avuga ko uwo mupolisi washyizweho ngo amwicishe bari basanzwe baziranye, aza kumuhamagara aramuburira.

Ati “ Uwo mupolisi yarabimbwiye, ampa ibimenyetso, ampa n’amajwi yabo yafashe ndabyumva. Akibimbwira ndamubwira nti niba ari amafaranga mushaka ayo babemereye nanjye ndayafite nta kibazo, nti ariko hari ikintu ngira ngo mbisabire nti abo bantu mubafate nibiba na ngombwa nzanabishyura nkubye kabiri ku mafaranga bari babemereye. Arambwira ati n’ubundi twe ntabwo turi abicanyi, dushinzwe umutekano ahubwo dutunguwe n’ibyo bene wanyu bashaka kugukorera.”

Baziga usanzwe anakurikiye Diaspora Nyarwanda muri Mozambique yakomeje abwira avuga ko yakoresheje ibishoboka byose kugira ngo afashe polisi gufata abari bashatse kumwicisha, ariko abikora yigize nk’aho yapfuye.

Ati “ Abapolisi narababwiye nti rero ndemera mbahe imodoka yanjye, mbahe telefoni zanjye mbahe ibyo mfite byose n’amakarita ya banki noneho mwe muzabereke ko napfuye. Ntabwo nigeze nsubira inyuma, nkimara kubyumva nahise ngenda ndihisha, nta muntu n’umwe nigeze mbibwira n’umuryango wanjye ntabyo wari uzi (usibye abapolisi bonyine bari bazi aho ndi). Ubwo hari kuwa Gatanu, uwo wari wasabye ko nicwa yari yaravuze ko namenya ko napfuye azahita yishyura.”

Baziga yakomeje avuga ko abapolisi bategereje wa munyarwanda wari watanze ikiraka cyo kumwica bigera kuwa Gatatu atari yajya aho yari yaravuze ko azabishyurira barangije akazi (kumwica).

Ngo kuwa Gatanu (tariki ya 25 Werurwe nyuma y’iminsi itandatu nta muntu uzi aho ari) nibwo abapolisi bateze indege bakora urugendo rw’isaha n’igice uvuye mu Mujyi wa Maputo, aba ariho basanga wa munyarwanda wari ukuriye uwo mugambi bamuta muri yombi.

Yakomeje avuga ko ‘polisi yambwiye ko hari n’abandi bantu bakorana nawe i Maputo bamaze kumenya, bizera ko bagomba kubafata mu gihe cya vuba.’

Amakuru avuga ko umunyarwanda watawe muri yombi wari muri uwo mugambi yitwa Tuganeyezu Theonetse usanzwe ari umupasiteri.

Ambasaderi w’u Rwanda muri Afurika y’Epfo, Vincent Karega, uhagarariye u Rwanda no muri Mozambique yemeje ko amakuru y’uku gushaka kugira nabi ari impamo.

Ambasaderi w’u Rwanda muri Afurika y’Epfo, Vincent Karega

Yagize ati “ Nibyo. Ikibabaje ni uko benshi mu Banyarwanda hariya bakora neza kandi bakunguka, banashyize hamwe, basigaye bajya mu Rwanda bagashora imari ariko hari agatsiko ka bake bagifite ingengabitekerezo, bigize amabandi yo kugirira nabi abashora imari mu Rwanda.”

Yakomeje avuga ko umwe mu bashatse kwica Louis Baziga afatanyije n’abandi bantu bo muri Mozambique yatawe muri yombi ariko yizeza ko hagiye gukurikiranirwa hafi iki kibazo.

Ati “ Ni ibintu bibabaje ariko turabikurikiranira hafi kugira ngo hatagira umunyarwanda uzira ko akunda igihugu cye.”

Muri Mozambique, ibyo gushimuta ni ibintu bimaze gufata indi ntera dore ko mu mwaka wa 2012, Umunyarwanda wigeze kuyobora BRD, Theogene Turatsinze, yashimuswe nyuma akaza kwicwa n’abagizi ba nabi ; umurambo we ugatoragurwa mu mazi.

Theogene Turatsinze

Ambasaderi Karega yavuze ko kugeza n’ubu ntacyo iperereza ryigeze rigaragaza ku rupfu rwa Turatsinze, anahuza ubu bugizi bwa nabi n’ibi byabaye mu 2012 ‘ku buryo umuntu atabura kubwikanga’.

Yakomeje avuga ko Abanyarwanda bake aribo bari muri utu dutsiko tw’ubugizi bwa nabi kuko abandi ‘bazi agaciro k’igihugu, n’abataza mu Rwanda bohereza abana babo kurusura.’

Muri Mozambique habarirwa Abanyarwanda bagera ku bihumbi bitatu batuye mu bice bitandukanye by’iki gihugu. Mu murwa mukuru, Maputo, honyine habarizwa Abanyarwanda barenga 1500.

Source : IGIHE

IBITEKEREZO
Umukecuru

Banyarwanda aho turi hose turapfa iki ? Buri wese yakoze akazi ke tukareka kumarana ! Ari izo mpunzi ngo aho ziri zarakize, nabari murwanda mureke turwubake rutere imbere.

titi

babyita umurengwe mwese mwaje murabakene mumaze kurengwa mwirirwa mwikinisha

tedy

Ntagisigaye nimuhagarare mufatwe.muryozwe ibyo mwakoze.ngo muziko mwabonye ubuhungiro ubu se maputo niho kure habaho.muzabaze mugesera aho yavuye.ahubwo twarabihoreye mugirango mwihishe murutare.amaraso yarabangaje mugenda mwihishahisha.ariko mumenyeko ntabwo ibyaha byanyu bizasibangana.uwamennye amaraso azakurikiranwa mpaka.

ariho

Abavuga ngo nikinamico yinkotanyintaho bataniye nababarinzi bari barinze imva ya yesu,malayika amaze kumukura mumva azutse abarinzi bagiye kubwira abari babayoboye ko yesu yazutse,maze abayobozi barababwira ngo ntimuvuge ko yazutseahubwo muvugeko mwasinziriye abigishwa bakaza bakamwiba.ubu Diomed ageze BO central .Ndagije Benjamin na Revocat bari mumyobo.barahigwa nubutabera bwa Mozambique

vivi

Nabasuhije bavandimwe abo bicanyi igihano bari bakwiye nabwo arukibafunga bari bakwiye kwicwa na Police kumugaragaro bakavaho kuko ntacyo bari bamaze ku isi

dede

uwiteka niwe wo kudufasha tukamenya ko icyo dumfa na ko cyiruta icyo dumfa ? nge mfite imyaka 23 ntuye Maputo liberidade byose biba turabyumva ibindi tukabibona ntababeshye mwese muribicucu arabiyita abahutu cg abatutsi turabanyarwanda ntituramoko narangiza mbasabira ku mana ko abantu bose bakuze guhera kumyaka 35 .........100 mwamfa mugashira koko ntacyo mutumariye uretse amatiku,inzangano, namacakubiri mwibaze namwe ibintu murigukorera mugihugu cyitari nicyanyu mute ye isesemi gusa ntakindi muragamfa abakuze mwese mugashira

giti

Muraho.nasomye izi comentaire none ndagirango nisabire leta y URWANDA,ifatanije na Mozambique,badukize izi nkoramaraso.cyane cyane izihishe m urusengero,machava hahindutse indiri ya Abicanyi.Indiri y,amanama n,imigambi yo guhotora Abanyarda.FDL R na RNC niho bagize permenance yaho

niyonzima

Mwabagome mwe babicanyi mwahagaritse ubwo babicanyi bwanyu koko.Haraho Revocat ya shatse kwica Louis ubu akaba yirirwa abundabunda abuz u Rwanda none na Mozambique iri kumuhiga ngo afungwe kubera ubwicanyi yari ajyiye gukorera uriya muntu wimana twese t uzi ineza ye no kkwitanga kwe.

niyonzima

Ndabasuhuje mwese !mba maputo aho bita hurene najyirango mbasabe mushime Imana abayizi yo yarinze Louis baziga kuko uwo Deomedi kwicana si ibyo yiga ni umucenjyezi wajyaga gukora ibikorwa bibi mugihugu nubundi yicana.revocat na benjamen ndajyijimana abo nabo ntakibazo bajyiye baziranye umuntu we se ukunda u Rwanda nabategesti barwo amafaranga yabo yashiriye mugufasha amashyaka arwanya ubutegetsi bwigihugu Dore ko uwo revocat aricyo yiberamo ajya no mumanama aho yabereye hose.bashaka kubuza amahoro abana bu Rwanda.

rubavu

Agatsiko kabicanyi bari Mozambique mwirirwa mwidegembya ariko murazwi kirongozi wanyu ni,Karimangingo Revocat ubu ushakishwa ninzego za police na interpoler akaba ari mu mwobo Ndagije uwo munyemari ushinzwe gutanga fr ngo abantu bashire aziko atazwi.uwitwa Evariste wa matora alias gahini uyu we nuruhinja rwavutse uyu munsi yarurangiza abandi bare ma amanama 1hakizimana JD 2Mbonyi Benjamin yishe kigali yose aziko bitazwi arangije yitwikira bible 3Bernald Ngumanenimana FDL. 4 Rurangwa stanislas uwo ni karundura 5Bavakure claver alias tyazo coma nda muba maline Uyu abamira bunguri 6 Senga ucuruza choprite interahamwe kabuhariwe 7Monaco murumuna wa Anatole uyu we yarasaze mubugome ninka shitani 8 Nzaramba Lambert watorotse uburoko mu Rwanda uyu we agendana udushoka 9Alex murumuna wa lambert na Jules na Simeon mapyampyene abo bariyemeje .10 Ngendahayo Martin malanga.uyu we abanza kubateka. 11Kombo uyu we yigize maneko 12Byimanigira joram yigize I ngirwa pasteur 13Emmanuel umukwe mukuru wa zabulon I ngirwa pasteur 14 Muhirwa François yatorotse Zambia aza kwihisha ubu arashakishwa FDLR 15Mbonyihankuye Elihudi uyu we iyo aha we cash ahita aniga uwo atumwe 16 Tuganeyesu Diomed iyo nkoramaraso yari yivuganye Baziga ubu Ikaba ifunze.Ikaba imaze kuvuga aba bose bafatanyije umugambi mubisha wo kumara abanyarda cyane cyane abajya mu Rwanda

rubavu

Niko se ko mbona mutangiye gutega abantu iminsi, muzi umugambi imana idufiteho.wowe wavuze ngo general ntazi kwandika izina rye.hhhh ko tubona harabize birirwa iwe baza gusabiriza.mwe mwize se mwize kwica no kwirirwa mubiba ingengabitekerezo mubantu.izo nizo diplome mwirirwa mwiratana.kwiga byo aha maputo ko ntaho turabona ayo mashuri mwiratana byibura babaha nako gukubura mumuhanda.abenshi si ababoyi mumaduka yabo batize.abandi barabaye abasazi kugasozi.ubu general niwe ugayitse hano maputo.ahubwo muba mwabuze ibyo muvuga.nkawamugani iyo umuntu abuze icyo atuka inka aravuga ngo dore igicebe cyayo.

byiringiro

Bavandimwe ba Maputo mwavuye mumazimwe ninzangano zitajyize umumaro mukavujyisha ukuri.Ninde utazi louis baziga ko ari umuntu mwiza ndetse no mubihugu duturanyeko bamuzi kwo gufasha abamusanze ndetse nayo maturo ko atijyeze ayacyenera ahubwo ariwe wabakijije abeshi ndetse kubwo inda ni ni yanyu koyabahunze mutanajyisengana yibera mubanyajyihugu aho ubu naho yujuje urusenjyero rwiza ko ari umugabo u tanga ubuntuzi bwe agakiza abantu aho kumushimira murashaka kumwica.murabeshya muzashiriramuburoko Kandi ntimuzamushobora kuko Imana ye ntizamureka

byumba gituza

Tumaze kubona iyi nkuru twasanze bibabaje cyane % tukaba tubwira bariya bantu bakoze. Biriya bintu byo guharabika . Tukaba Dusaba. Baziga louis. Ndetse nabandi bari kumwe. Bose bafashe umwanya. Bagategura. Icinamico nkiriya Twabamenyeshaga yuko umunsi. Ibyo bibwira ko ari byiza bizabagaruka wowe. Antel Bahufite. Ese ko wavugaga ngo urashaka kubaPasiter ibyo nibyo wabonye bikwiriye. Louis. Baziga we. Tuzi yuko ibyo arimwo Biza mugaruka vuba vuba aha. Mwese ibyo mukora biza bagaruka Abo. Biyita ba Gen. Vitar we utazi no kwandika izina rye ese yibwira yuko. Umukino arimwo gukina azi. Umwanya akinamwo hamwe nabo bose bagenda bomboka nki pyisi Bihehe berure bajye aha garagra

byumba gituza

Tumaze kubona iyi nkuru twasanze bibabaje cyane % tukaba tubwira bariya bantu bakoze. Biriya bintu byo guharabika . Tukaba Dusaba. Baziga louis. Ndetse nabandi bari kumwe. Bose bafashe umwanya. Bagategura. Icinamico nkiriya Twabamenyeshaga yuko umunsi. Ibyo bibwira ko ari byiza bizabagaruka wowe. Antel Bahufite. Ese ko wavugaga ngo urashaka kubaPasiter ibyo nibyo wabonye bikwiriye. Louis. Baziga we. Tuzi yuko ibyo arimwo Biza mugaruka vuba vuba aha. Mwese ibyo mukora biza bagaruka Abo. Biyita ba Gen. Vitar we utazi no kwandika izina rye ese yibwira yuko. Umukino arimwo gukina azi. Umwanya akinamwo hamwe nabo bose bagenda bomboka nki pyisi Bihehe berure bajye aha garagra

Agate

Harya ngo mwarababaye ko atapfuye niyo mpamvu mwahiye ubwoba nimuhumure Imana yacu ntisinzira,ntanubwo irenganya iriho kandiiracyaturinze ,ababashuka nibasubize amerwe mu isaho umunyabyaha yiruka ntawe umwirukankanye kandi niyo mwatwica ntabapfira gushira

Agate

Amanama yararaga akorwa mubicuku yari ayiki ?aho za mozal kwa ndagije mwari muziko bitazamenyekana ayobewe nuwigize president wa FDL na RNC,Ariwe Revocat Karimangingo.uhishira umurozi akakumaraho abana umuntu utinyuka kugambanira ba Mwana we,imperuka yarageze nimuve mumyobo nuko ariyo mwamenyereye

rutare

Wowe wavuzeko bibye ibyuma by 'urusengero.ubu diaspora niyo ikennye cyane,Louis mwari muhitanye siwe, fondateur wurwo urusengero.rwa machava intebe ibyuma muvuga byibwe siwe wabiguze uwo umw ami yahaye am at a niwe wamwimye amashyi diomed warumuhitanye ntiyakoze kwa louis casablanca John iyo ngirwa pasteur siho yakoze

rutare

Wowe wavuzeko bibye ibyuma by 'urusengero.ubu diaspora niyo ikennye cyane,Louis mwari muhitanye siwe, fondateur wurwo urusengero.rwa machava intebe ibyuma muvuga byibwe siwe wabiguze uwo umw ami yahaye am at a niwe wamwimye amashyi diomed warumuhitanye ntiyakoze kwa louis casablanca John iyo ngirwa pasteur siho yakoze

kana

Iyo sensibilisation yo kuvuga ngo inyenzi zirica.muyireke ahubwo murebe abicanyi babarimo.

rubavu

Turiho kandi tuzabaho.imana yacu ntisinziriye .ihora iturinda.igihugu cyacu ni u Rwanda.natwe turi abanyarwanda.aha turi turimo gupagasa ntampamvu rero yokuziza umuntu ko akunda igihugu cye.ababyeyi inshuti abavandimwe bacu turabakunda kandi bari mu Rwanda .ntampamvu rero yo kubipfa.abatajyayo bafite impamvu zabo.ninuburenganzira bwabo.ariko bibabazwa nabajyayo kuko nabo nuburenganzira bwabo .kandi icyo dupfana kiruta icyo dupfa.nimwihane twese dutahirize umugozi umwe.abakoze ibyaha basabe imbabazi.kandi ntacyaha kitababarirwa.

1 | 2

TANGA IGITEKEREZO

Kwamamaza
Kwamamaza
Also in this section
Trump yise Koreya ya Ruguru abicanyi nyuma y’urupfu rw’umunyeshuri w’umunyamerika yafunze

Trump yise Koreya ya Ruguru abicanyi nyuma y’urupfu rw’umunyeshuri...

’ Jenoside ’Jeneral Bosco Ntaganda yabonye mu Rwanda ngo niyo yatumye ajya gutabara muri Congo

’ Jenoside ’Jeneral Bosco Ntaganda yabonye mu Rwanda ngo niyo yatumye ajya...

Rujugiro Ayabatwa Tribert yahawe amahirwe yanyuma

Rujugiro Ayabatwa Tribert yahawe amahirwe yanyuma

Trump arashinjwa kwakira amafaranga binyuranyije n’Itegeko Nshinga rya Amerika

Trump arashinjwa kwakira amafaranga binyuranyije n’Itegeko Nshinga rya...

Gakenke : Umwarimu yatawe muri yombi akekwaho gukubita umunyeshuri agapfa

Gakenke : Umwarimu yatawe muri yombi akekwaho gukubita umunyeshuri...

NEW POSTS
Diane Rwigara yaretse NEC ko afite ’ Ubwenegihugu bw’Ububiligi ’ ngo akaba yifuza kuyobora u Rwanda

22-06-2017

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba...

Kagame yagaragaje ko yagakwiye kuba ahereza undi ubuyobozi ariko FPR yamusabye ko bakomezanya

21-06-2017

Kagame yagaragaje ko yagakwiye kuba ahereza undi ubuyobozi ariko FPR...

Amabanga y’Ubuto bwa Kagame [ Secrets de Jeunesse ]

20-06-2017

Amabanga y’Ubuto bwa Kagame [ Secrets de Jeunesse ]

Uko Perezida Kagame yasubije umukobwa w’ Umunya Mali wibaza niba yabona Ubunyarwanda

12-06-2017

Uko Perezida Kagame yasubije umukobwa w’ Umunya Mali wibaza niba yabona...

RWANDA DAY : Perezida Kagame yabwiye abanyarwanda ko muri raporo zitandukanye u Rwanda rukomeje kuza ku isonga

12-06-2017

RWANDA DAY : Perezida Kagame yabwiye abanyarwanda ko muri raporo...

Bruxelles : Imyiteguro ya Rwanda Day irarimbanije [ AMAFOTO ]

12-06-2017

Bruxelles : Imyiteguro ya Rwanda Day irarimbanije [ AMAFOTO...

Bruxelles : Abarundi benshi n’ Abacongomani batawe muri yombi bazira gutera amabuye abanyarwanda baje kwakira Perezida Kagame

12-06-2017

Bruxelles : Abarundi benshi n’ Abacongomani batawe muri yombi bazira gutera...

Hari impamvu muri PL na PSD koko bagombaga guhitamo Kagame

9-06-2017

Hari impamvu muri PL na PSD koko bagombaga guhitamo Kagame