LATEST NEWS
Itohoza
Muri RNC Intambara yongeye kubura, barapfa Abarundi
Publish Date: mardi 1er novembre 2016
VISITS :7382
By Admin

Umuriro wongeye kwaka muri RNC zombi, iya Kayumba Nyamwasa niya Rudasingwa Theogene, kuva inama y’ i Oslo muri Norway, yaba, iyo nama yahuje Abarundi na Opposition nyarwanda ikorera mu buhungiro. Leta y’u Burundi yari ihagarariwe muri iyo nama n’Ambassadeur w’u Burundi muri Norway ndetse n’umuvugizi wa Perezida w’u Burundi Willy Nyamitwe.

RNC ya Rudasingwa yari ihagarariwe na Joseph Ngarambe na Musonera Jonathan , mu bateruzi b’ibibindi hari MN Inkubiri ya Nkiko Nsengimana hari kandi Musangamfura Sixbert wa FDU-Inkingi naho mu Ishema Party hari Jeanne Mukamurenzi, wari uhagarariye Padiri Thomas Nahimana.

Kubera iyi nama ya Willy Nyamitwe, RNC ya Rudasingwa n’andi mashyaka ya Opposition, kuri ubu yateje amakimbirane akomeye hagati ya RNC zombi bapfa aba barundi. RNC ya Kayumba Nyamwasa irashinja iya Rudasingwa na Musonera, ubugambanyi bwo kwifatanya n’abarundi bagamije gupfobya Jenoside, barabashinja kandi kurya amafaranga y’abarundi no kwivanga mubibazo byabo kandi ataricyo ngo barwaniye.

Abarudi nabo bafite inyungu yo gukorana na RNC ya Rudasingwa mu gusebya u Rwanda kuko bavuga ko u Rwanda rucumbikiye abashaka gutera uburundi.

Nkiko Nsengimana wa MN Inkubiri ( Umuteruzi w’ibibindi )

Musangamfura Sixbert wa FDU-Inkingi

Jeanne Mukamurenzi, wari uhagarariye Padiri Thomas Nahimana.

Umuvugizi wa Perezida w’u Burundi Willy Nyamitwe

Hano barimo kwerekwa Film Documentaire, Nyamitwe avuga ko arimo amashusho y’intwaro z’u Rwanda zafashwe ndetse n’abasikare b’u Rwanda ngo bafatiwe mu Burundi

Munama ya Oslo muri Norway, Willy Nyamitwe yerekanye Film Documentaire irimo intwaro ngo z’u Rwanda zafatiwe k’ubutaka bw’u Burundi n’amashusho y’abasilikare bavuga ko ari ab’u Rwanda ngo bafatiwe mu Burundi, ariko HCR irabanyomoza ivuga ko ibyo ari ugukabya, atari abasilikare b’u Rwanda.

HCR iti : turabizi neza ko hari ikibazo, ariko murakabije ,sibyo.

Amakuru twabashije gucukumbura y’iyo Film Documentaire ya Willy Nyamitwe yerekaniwe mu nama Oslo n’uko amashusho yagaragaye muri iyo Film Documentaire y’intwaro n’ abasilikare , atari iby’igisilikare cy’u Rwanda, ahubwo herekanywe amashusho arimo intwaro n’abasikare by’aba Congomani b’Abatwa b’Impunyu ziba mu mashyamba ya Congo, abandi ni aba Mai Mai.

Nyuma y’inama RNC ya Rudasingwa na Leta y’u Burundi bemeranje ubufatanye hagati yabo n’abarundi, harimo guhana ibyangombwa by’inzira ( Passport ) zo kubafasha gutembera mubihugu bitandukanye cyane cyane by’Afrika muri Mobilisation na Recruitment. (Sensitization and recruitment).

Hari n’amakuru avuga ko ba Rudasingwa na Musonera bahawe n’u Burundi udufaranga biciye muri Nyamitwe, two kubafasha kwikinga inzara ibugarije muri iyi minsi.

Kuva Rudasingwa yatangira gahunda yo kwibuka Abahutu, agamije kuvuga ko mu Rwanda habaye ‘Double Genocide’ ikozwe na RPF-Inkotanyi ,abarundi batari bake batangiye ku mwibonamo kuko ariyo gahunda ya CNDD-FDD yatangiye kwigisha mu karere, ivuga ko Abatutsi bayobowe na Kagame na Museveni ngo bashaka kwigarurira akarere k’Ibiyaga bigari bityo ngo Abahutu batazabyemera , ayo ni amagambo ya Pascal Nyabenda Perezida w’Inteko Ishingamategeko mu Burundi akaba yari n’umukuru wa CNDD-FDD, kuri ubu akaba yarasimbuwe kuri uyu mwanya wo kuyobora CNDD-FDD.

Ngiyo coalition iri hagati y’abarundi na RNC ya Rudasingwa Theogene n’intamara yongeye kubura muri RNC zombi bapfa amafaranga y’abarundi.

Cyiza Davidson

IBITEKEREZO
Svety

Rushyashya ndabemera cyaneee, mwigeze kwandika ko willy ,nyamitwe akorana na RNC abantu barabatuka ngo ni ibihuha,none dore bigiye ahagaragara kuko ntawe utwika inzu ngo ahishe umwotsi. Ahubwo abayobozi ba rushyashya ni abahanga cyane bazi gucukumbura bamenya amakuru mbere yuko n'inzego zubutasi zurwanda ziyamenya !! nanjye mbafitiye amakuru akomeye y'abantu benshi barwanya leta yurwanda bagamije guhirika kagame , bamwe baba murwanda abandi baba hanze yurwanda, ikibabaje nuko benshi luribo ari abo leta yahaye imyanya yicyubahiro bafite ijambo murwanda nohanze yarwo ariko bakanga bakagambanira leta yabagize icyo baricyo bakayihishamo bigize nyoni nyinshi . Nimushaka kombaha ayo makuru muzanyandikire nyabahe.

Emmy

erega barapfa ubusa bose bavutse basanga Imana yaraciye inzira buriya kd Imana yari uko muburundi hagomba kuzamera.naho abo nabo bafatabanyije ndumva batuza bagasenyera inzira 1 yamajyambere.hari benshi batazi nicyo bazira Iburundi.naho iby Urwanda bazaruvuga rutere imbere.ndabona ntakundi.amagambo yabo no kuduseby biratuma twihuta mu itera mbere.

Robert

Abobose nindanini zibibakora ntanumwe urimo wukuri wayobora abantu reba nkakayumba gyewe muciriye umugani inyende yagyenze inyuma yagyenzizayo iraziseka ngo doruko zitwara imirizo iyonunva kayumba yitwa impunzi biranshimisha kuko harabahunze kubwe rero ingaruka yicyaha nurupfu nibashake bamarane nindanini zabo nubutamenya bwabo .

Inzobere

Mbega ibiryabarezi ????Ni impyisi gusa

bahizi

Mugabo uri mugabo koko, ibyo uvuze ni ko kuri !

batigol

Yemwe nukwicecekera iburundi buheze habi bugeze aho bukorana nabariya babategerejeho iki ! Biransekeje cyane imana ifashe abarundi n' uburundi. Imana yirirwahandi igataha I Rwanda. u Rwana oyyyeeeee songa mbele

Jovit

Kubona ku mugaragaro bene ziriya nama hagati ya Leta yemewe y'Uburundi n'Ibigirwa-nyeshyamba byibera mu ma étages muri America n'Iburayi, birashekeje pe ! Bisa n'ibyerekana kandi nabyo byivugira ubwabyo ko ari ibyo kwikinira. Kandi na Rudasingwa arabizi ko nta guerilla ikorera Inama ku ma vidéo yo gukwirakwiza kuri internet, Nyamitwe we byose abirimo yitegurira aho ahungira nava muri iriya Leta yabo bagize mafene.

MUGABO

Ngo abarundi berekanye filime irimo ingabo z'u Rwanda bafashe ? No gufata amabandi byarabananiye ngo ingabo z'u Rwanda nizo bashobora ? Uretse n'abarundi batagira intege n'ingabo zikomeye nka Angola na Zimbabwe ntibigeze bashobora ingabo z'u Rwanda none ngo ziriya ngarisi nizo zafata ingabo z'u Rwanda ?


TANGA IGITEKEREZO

Kwamamaza
Kwamamaza
Also in this section
Ibimenyetso biraca amarenga ku mpinduka zikomeye muri Guverinoma

Ibimenyetso biraca amarenga ku mpinduka zikomeye muri Guverinoma

Isesengura ku matora ya Perezida wa Repubulika w’u Rwanda (Igice cya 1)

Isesengura ku matora ya Perezida wa Repubulika w’u Rwanda (Igice cya...

Umunyarwanda akurikiranyweho kubeshya inzego za Amerika asaba ubuhungiro

Umunyarwanda akurikiranyweho kubeshya inzego za Amerika asaba...

Urujijo k’ Urupfu rw’Umupolisi w’u Rwanda wirasiye muri Centrafrique

Urujijo k’ Urupfu rw’Umupolisi w’u Rwanda wirasiye muri Centrafrique

NEW POSTS
Perezida Kagame yarahiriye kuyobora u Rwanda muri manda y’imyaka irindwi

22-08-2017

Perezida Kagame yarahiriye kuyobora u Rwanda muri manda y’imyaka...

Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...