LATEST NEWS
Itohoza
Muri RNC : Umwotsi uracyacumbeka hagati ya Kayumba na Rudasingwa
Publish Date: lundi 5 décembre 2016
VISITS :5009
By Admin

Nyuma yo gucikamo ibice muri RNC, hagati ya Rudasingwa na Kayumba Nyamwasa wahunze igihugu akaba amaze imyaka itandatu ari mu bikorwa bigamje guhungabanya umutekano no gusenya ibyiza u Rwanda rumaze kugeraho ari nako ashukashuka bamwe mu babaye abarinzi be (escort) abashora mu bikorwa byo guhungabanya umutekano mu Rwanda.

Kayumba usa nuwataye umutwe muri ikigihe, arasa n’uwahiriye munzu kuko ntaho adapfunda imitwe, ubu akaba yarigize umunyapolitiki ukomeye, asigaye yirirwa kuri radio itahuka atuka u Rwanda nyuma yo gusubiranamo na Rudasingwa Theogene wataye abana n’umugore akiruka inyuma y’abicanyi ababeshyeshya utugambo kugirango aramuke.

Ubu noneho bari gutumanaho amagambo y’iterabwoba “NGO NZAKWICA” Kayumba atuma kuri Rudasingwa, Rudasingwa nawe atuma kuri kayumba ngo afite amabanga ye agiye gushyira hanze.



Kayumba Nyamwasa

Ariko ikibazo nyamukuru bapfa ni amafaranga y’impunzi bagiye babona bakiri kumwe bakananirwa kuyagabana kugera naho basigaye batukana nk’abashumba, ikindi bapfa ni amafaranga y’abahutu b’impunzi abo bita “ Abateruzi b’ibibindi “ nka Condo Gervais wagiye kwa Kayumba akajya amucyurira ko ari umuteruzi w’ibibindi nyuma akaza kwahukana kugeza ubwo ajya gucyurwa namwene wabo Nayigiziki, umuteruzi w’ibibindi mukuru kwa kayumba Nyamwasa, nyamara aba bateruzi b’ibibindi birirwa mu mujishi kwa Kayumba ntacyo azabamarira nkuko nawe ntacyo yimariye.

Condo Gervais, umuteruzi w’ Ibibindi

Abateruzi b’ibibindi bo kwa Kayumba, Nkerinka Eustache na Serge Ndayizeye

Hari abagira bati : Nibe na Rudasingwa abajyamo akabona ayo kwivuza, ariko se nka Kayumba wishongora kubantu abita abateruzi b’ibibindi badasogongera inzoga. Ibi rero nibyo byabaye incyuro kuri bagenzibe bari basangiye urwango banga urwanda aribo Musonera na Ngarambe birirwa kuri zaradio zabo bagira bati “nta mupfu winukira”, bagatanga urugero kuri Serge Ndayizeye umuteruzi w’ibibindi kwa Kayumba wahungiye Tingi-Tingi, Kayumba shebuja amwirukankaho,amugeza Kinshasa, acumbikirwa n’abanyekongo aribwo yafunzwe mu gihe cya Kabila muri 1998.

Bavuga ko Serge yaje kujyanwa n’abandi bakongomani b’Abatutsi muri USA, ahageze ngo abana n’umuzungu, ndetse w’umutinganyi bamaranye imyaka 5 babana nk’umugabo n’umugore.

Rero Serge ngo yaje kubon’akazi muri Pharmacy yitwa Walgreen’s ko gupfunyika imiti, ariko aza kwirukanwa yibye imiti n’ibindi bikoresho.

Ibyo bikaba bivuga ko ubu adateze kubona akandi kazi muri USA kubera criminal record imuri ku mutwe. Igisigaye gusa ni ukujya kuri radio agasakuza nk’ucurangira abahetsi.

Ikindi tawamenye Kayumba na Rudasingwa bapafa ni amafaranga y’abarundi yatanzwe nyuma y’inama ya Nyamitwe yabereye i Oslo muri Norway, iyo nama yahuje Abarundi na Opposition nyarwanda ikorera mu buhungiro yarimo na Musonera wari uhagarariye Rudasingwa dore ko muri iyi minsi hari amakuru avuga ko yongeye kuremba.

RNC ya Rudasingwa Theogene

Ibi Kayumba ngo byaramuriye kuburyo ashinja RNC ya Rudasingwa kumuca inyuma bakarya amafaranga y’abarundi no kwifatanya nabo kandi ariwe wabitangije bakiri kumwe muri RNC, itaracikamo ibice.

Amakuru avuga ko RNC ya Rudasingwa yashatse abarundi ngo bafatanye kurwanya u Rwanda kubera ko icyo bahuriyeho ari urwango bafitiye ubuyobozi buriho ndetse ba Rudasingwa bakumva ko icyaza cyose kigamije gukuraho Perezida Kagame bakijyamo. Abarundi nabo bafite inyungu gukorana n’abahoze muri RPF nka Rudasingwa bibwira ko byabaha amakuru kubirebana n’umutekano w’u Rwanda bakaba babona inzira yo kuwuhungabanya biboroheye baciye mu banzi barwo.

Ikindi cyatangaje abantu bakurikirana ibya Politiki, naho RNC, yagiye kurwanira umugogo w’umwami Kigeli ngo udatabarizwa mu Rwanda, cyakoze ahaho Rudasingwa ntiyahakandagiye kuko hagaragaye mwene nyina Gahima n’igice cya RNC ya Kayumba Nyamwasa, wari uhagarariwe na Condo Gervais, ariko Condo bamwirukanira ku muryango ngo ntamuteruzi w’ibibindi ureba umugogo w’umwami.

Gahima abibonye atyo aranyererera kuburyo ngo ntawamenye aho anyuze. Kuva ubwo kugeza ubu ntakigarasha cyongeye kugaragara mu kiriyo cy’umwami Kigeli nk’uko twabibwiwe n’umwe mubo mu muryango wa Kigeli.

Tuzakomeza kubagezaho amakuru ava mu barwanya Leta y’u Rwanda bigaragara ko kuri ubu bamaze gucika intege.

Cyiza Davidson

IBITEKEREZO
gaspard

bariya bagabo bizarangira basaze nako ntibasara kabiri

Jov

Abateruzi b'ibibindi badasoma ku nzoga ! Hahahaha hahahaha ha hahahaha hahahaha. ...

Jov

Abateruzi b'ibibindi badasoma ku nzoga ! Hahahaha hahahaha ha hahahaha hahahaha. ...


TANGA IGITEKEREZO

Kwamamaza
Kwamamaza
Also in this section
Ibaruwa ifunguye igenewe Musonera Jonathan ku kinyoma ashinja RPF-Inkotanyi

Ibaruwa ifunguye igenewe Musonera Jonathan ku kinyoma ashinja...

Iturufu y’amoko (Hutu &Tutsi) kimwe mu byatumye Gen Kayumba ashwana na bagenzi be

Iturufu y’amoko (Hutu &Tutsi) kimwe mu byatumye Gen Kayumba ashwana na...

Kamonyi:Umugore yatezwe igico n’abagabo batanu bamufata ’ku ngufu’

Kamonyi:Umugore yatezwe igico n’abagabo batanu bamufata ’ku ngufu’

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

Arusha : urubanza Lt Gen Kayumba yarezemo u Rwanda rwahinduwe impfabusa...

PETER VERLINDEN yashatse guteza akavuyo aho abagabo bateraniye afungirwa mu kazu k’imbwa

PETER VERLINDEN yashatse guteza akavuyo aho abagabo bateraniye afungirwa mu...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...

Afurika y’Epfo : Umunyarwanda yishwe atwikiwe mu nzu azira umugore w’abandi

18-03-2017

Afurika y’Epfo : Umunyarwanda yishwe atwikiwe mu nzu azira umugore...