LATEST NEWS
Itohoza
N’iki cyihishe inyuma yo gutangaza kwa bamwe ko bashaka kuyobora u Rwanda 2017
Publish Date: mercredi 3 février 2016
VISITS :4825
By Admin

Amakuru yatugezeho taliki ya 27/01/2016 twari tugitohoza aratangaza ko Paul Rusesabagina amaze iminsi ashakisha amafaranga yitwaza ko afite gahunda yo kuza kwiyamamariza kuyobora u Rwanda mu matora y’umukuru w’igihugu ateganijwe muri 2017.

Paul Rusesabagina

Amakuru aturuka mu Igihugu cya Africa y’epfo aho Rusesabagina Paul ari muri iyi minsi ashakisha amafaranga abifashijwemo na Kayumba Nyamwasa uhamaze igihe.

Paul Rusesabagina

Rusesabagina ngo yakoranye amasezerano hagati y’ishyaka rye PDR-Ihumure na RNC igice cya Kayumba Nyamwasa, kwifatanya ngo bongere ingufu bishakire amafaranga bitwaza ko Rusesabagina agiye kuza mu Rwanda kwiyamamaza kuyobora u Rwanda muri 2017.

Hashize igihe abanyarwanda bamwe na bamwe bifuza kuza mu Rwanda bakiyamamaza, bamwe barabikoze baratsindwa abandi bashatse kuzana amayeri yo kubiba amacakubiri no guhakana Genocide amategeko arabibaryoza.

Reka tubanyurire muri make ku rutonde rwa bamwe muri abo n’amateka yabo mu mpine :

Paul Rusesabagina : Uyu mugabo yahoze ashinzwe imicungire ya Hotel Mille Collines ( 1994) nka maneko w’inzego z’iperereza z’igisilikare cya Habyarimana akaba yari ashinzwe gutanga raporo y’impunzi z’Abatutsi zari zarahungiye muri Mille Collines, akaba yarajyanywe muri Mille Collines akuwe muri Hotel Des Diplomate, ntiyegeze arota gukora politiki byamuguyeho nk’ inzozi nyuma y’ uruhare rukomeye yagize muri filme “Hotel Rwanda”. Muri icyo gihe cy’ubwicanyi Rusesabagina akigera muri Hotel des Milles Collines ibintu byahise bifata indi sura kuko impunzi zarimo zisanze zihabwa amafunguro ndetse n’amazi bya Picsine mugihe ataraza babonaga amazi meza n’ifunguro ku buryo bworoshye, ahageze rero yahise ashyiraho umuntu wishyuza buri wese ufite icumbi , ushaka kurya aho uwabaga adafite amafaranga yajugunywaga hanze.

Nahimana Thomas :

Yahoze ari padiri muri Diyoseze ya Cyangugu arahagarikwa bitewe no kuvangira kiliziya gatulika ayihisha mu kwaha ngo akore politiki idasobanutse. Uyu duherutse kumwandikaho inkuru tubabwira imipangu ye yo kuza mu Rwanda ngo azanye nuwo yise “first lady” Jeanne Mukamurenzi, umukobwa wahoze muri FDLR kurugamba, uyu niwe wabyaranye na Tomas ninawe bagombaga kuzana tariki ya 28 Mutarama 2016, ariko amakuru atugeraho aravuga ko abo bagore be bamucucuye udufaranga twose yasabirije mu mpunzi no mubazungu cyane abo muri Austraria none akaba yarabuze ticket imugeza i Kigali, ubwo nabona ticket natwe tuzabagezaho iby’uru rugendo r’uyu munyapolitiki mu Rwanda, uzaba uje kwiyamamariza kuyobora u Rwanda muri 2017. Umwanya ukomeye cyane. Padiri Tomas n’ ubwo ari mu buhungiro mu Burayi arangwa no gutukana no gusebanya ndetse azwiho kurangwa n’ amatwara yagi PARMEHUTU.

Faustin Kayumba Nyamwasa :

Uyu mugabo yabaye Generali mu ngabo z’u Rwanda nyuma yaje gahunga kubera amafuti yari amaze igihe akora mu Rwanda, yayabazwa agahitamo guhunga igihugu, ndetse naho agereye mu buhungiro yagiye akora amafuti menshi aho mu gihugu cya Africa y’epfo, harimo no kwirashisha munda akabeshyera u Rwanda. Akiri umuyobozi w’iperereza mu rwanda yavuzweho kwicisha umusore witwa Lt. Dan Twahirwa umuhungu wa Gapfuratsi, wari inshuti magara ya Rosette Kayumba, kuva mu busore bwabo, Kayumba yaje kumva amakuru yuko Twahirwa agenda avuga ko afitanye ubucuti bw’ibanga na Rosette Kayumba umugore wa Kayumba, nyuma yo kumutoteza ,apanga uko yamwambura ubuzima, bamurasira i Nyamirambo.

Kayumba yaje gushinga ishya RNC , afatanyije na Karegeya, Rudasingwa na Gahima kugeza ubu iri shyaka ntabayoboke rigira uretse amatiku no gusebya ubutegetsi buriho mu Rwanda. Ishyaka RNC yayoboyeho ryacitsemo ibice nyuma yaho Rudasingwa yagendaga asebya Kayumba amuteranya n’abamuha amafaranga akoresha mu bikorwa byo guhungabanya umutekano w’u Rwanda.

Twagiramungu Faustin (Rukokoma)

Twagiramungu Faustin washaka ukongeraho Rukokoma ni izina ritajya ribura mu matwi y’abanyarwanda kenshi ushobora kwikanga ko ryakoze iby’indashyikirwa ariko byahe byo kajya. Abarizi na nyiraryo bazi imbaraga nke zishoboka mu mikorere ariko zigasumbwa no kuvuga cyane ibi wakwita gusakuza nk’ingunguru zirimo ubusa nkuko abahanga babivuze.

Uyu mugabo umaze kuba umusaza yagiye agira umugisha wo kubona imirimo myiza ahantu heza ariko imbaraga ze nke zikamubera ikibuza agatsindwa atarenze umutaru ariko ntiyiburire agasigara ku magambo gusa yayandi aranga imburamukoro. Muri Politiki Rukokoma yakunze kuvuga ko arwanya ivanguramoko ariko azwiho kuba afitwa amatwara ya gi PARMEHUTU yiyitirira ko ifite amatwara yasigiwe n’abakurambere. biye kuri system yarwanyaga kandi u Rwanda rw’ubu ni urwabanyarwanda bose. Muri 2003, Rukokoma yiyamamarije kuyobora u Rwanda ariko akubitirwa ahareba i Nzega na Perezida uriho Paul Kagame. None ubu yafashe iturufu yo guhamagarira impunzi gutera u Rwanda icyaha gihanwa n’amategeko y’u Rwanda.

Umwami Kigeli V Ndahindurwa

Nta byinshi twavuga kuri Kigali Icyambere arashaje kandi akunda kumva amabwire ari nayo atumye ashobora kugwa ishyanga. Abakurikiranira hafi ibitekerezo bya Kigeli basanga n’ ubundi yifuza ko u Rwanda rwagendera ku matwara nyabwami (Monarchie constitutionnelle) mu gihe abanyarwanda benshi bavuga ko ibyo bihe byarangiye ndetse ko bitazagaruka ukundi. Kigeli V Ndahindurwa yabaye umwami wa nyuma w’ u Rwanda. Kandi ubwami ntibukiriho mu Rwanda.

Bernard Ntaganda

Me Ntaganda Bernard washinze ishyaka rya PS Imberakuri ritavuga rumwe n’ubutegetsi bw’u Rwanda yafunzwe imyaka ine nyuma aza gusohoka muri gereza ya Nyanza taliki 04/06/2014. Me Ntaganda yari yahamijwe ibyaha byo byo kuvutsa igihugu umudendezo, gukurura amacakubiri n’ivangura mu Banyarwanda ndetse n’ubufatanyacyaha mu gukora imyigaragambyo itemewe. Uyu Ntaganda yajwe kwirukanwa muri iryo shyaka yashize nyuma yo gushaka kurihuza na FDLR (igice kimwe cyari kayobowe na Alexis bakunzibake n’ubundi cyihuje na FDLR), Umutwe w’iterabwoba ushinjwa ibyaha ndengakamere kubera ubwicanyi wirirwa ukora mu burasirazuba bwa Congo (DRC).

Victoire Ingabire

Taliki 13/12/2013 Urukiko rw’Ikirenga rwakatiye Ingabire Victoire igifungo cy’imyaka 15 mu isomwa ry’urubanza yaba we ndetse n’ubushinjacyaha bari bajuririye nyuma yo kumukatira bwa mbere igifungo cy’imyaka 8. Ingabire Victoire watangiye kuburana mu mwaka wa 2010 afunzwe, yakatiwe iki gifungo nyuma yo guhamywa ibyaha byo kugambanira igihugu agamije kukibuza umudendezo no kurema umutwe w’abagizi ba nabi. Muribuka ko Ingabire akigera mu Rwanda yahise ajya ku Rwibutso rwa Gisozi ahavugira amagambo asesereza abanyarwanda ndetse anapfobya genocide yakorewe abatutsi. Ubwo ngo yari aje kwiyamamariza kuyobora igihugu ashyize imbere politiki y’vanguramoko.

Iyo witegereje ugakora ni isesengura kuri Opposition Nyarwanda cyane cyane izikorera hanze y’u Rwanda, ukareba ubuyo zagiye zivuka ni impamvu yagiye ituma zivuka usanga ari amaburakindi kandi aho kuba koko zaravutse ari amashyaka ya politike (Political party) ahubwo zaravutse ari amashyirahamwe yo gushabika (Business corporation) kuko birazwi neza ko ngo mu bihugu by’uburayi n’Amerika ari naho menshi yavukiye kugira ishyaka cyangwa se ishyirahamwe rya politike ritavuga rumwe nu ubutegetsi bw’u Rwanda uba ucishijemo, uba buzima buba butangiye kuko bigufasha kubona icyo wirirwa ukora.

Cyiza Davidson

IBITEKEREZO
isimbi

hhhhh baribeshya cyane kuko twe ibyacu tubigeze kure icyo dushaka nugutera intabwe tujya mbere nkabene kanyarwanda naho aba baragosorera murucaca icyo tuzi nuko twe abanyarwada bakunda igihugu cyacu duhumeka umwuka wubunyarwanda abanzi ntaho bazamenera as we know together we can ubundi basigare inyuma nkikote.

Janne

Birababaje kndi biteye nisoni Nkawe iyo ufata abantu bose Ukabagira babi wibaza ko imana ikubona ite ? Iki kinyamakuru ni gashoza ntambara pe Uziko ugisoma ukakirangiza wumva amarira yagutakaranye kubera kwibaza aho urwanda rugana. Watuje mugacisha make ko imana yacu ibabarira ? Mugasaba imbabazi zabantu mwica burimunsi mubaziza kutavugarumwe namwe nkaho ari vrais jumaux zanyu. Ntawe ndengera ariko hari bimwe bizwi Nka RUSESABAGINA ntawe utazi ko yakijije abatutsi benshi kuki nkibyo bitavugwa kndi yabikoze ari umuhutu. None se mwamwirukagaho ngo aze mumwiture kuki ?? Ahaaaa Imana nitubabarire twese abanyarwanda Kndi ishyire byihuse iherezo kuri ibi bibazo abanyarwanda bafite. Wowe uhemberwa gusenanya Washatse akandi kazi ko ushobora kuba warize ?bigushuka kuko nibikomera buri wese azabazwa ibye ! Murakoze !!! Yari marie janne

ndagijimana

Hari ibintu bidakwiye kwemerwa muri iki gihe ;umuntu umwe ushoboye byose utasimburwa nawe abambari bamubeshya !abanyepolitiki bagaya byose kubera umujinya.abo bose turabamaganye kuko badutegurira akaga nabo batiretse !

akazarama

BOSE NUKO ARABANYARWANDA KANDI BAFITE UBURENGANZIRA KAMERE BWO GUPIGANIRA UMWANYA WOSE WA POLITICS......NDUNVA ARI LOGICAL .

Karera

Ororororo !!!! Aba bantu bose uko bakabaye ni babiiiiiiiii, umuntu mwe wenyine mwiza mu Rwanda ni HE President PK ? Ni ukutubwira matière ikorwamo abantu beza kuko mbona ari ingume !


TANGA IGITEKEREZO

Kwamamaza
Kwamamaza
Also in this section
Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Iryavuzwe riratashye : Nahimana yasohoye inyandiko ihakana Jenoside n’abayikoze

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

UK : Abanyarwanda barokotse Jenoside babangamiwe n’abayikoze...

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Padiri Nahimana arategura imyigaragambyo itemewe kuri Ambasade y’u Rwanda i Buruseli

Padiri Nahimana arategura imyigaragambyo itemewe kuri Ambasade y’u Rwanda...

NEW POSTS
Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...

Kiliziya Gatolika yamaganiye kure Nahimana Thomas ugiye kuza mu Rwanda

24-11-2016

Kiliziya Gatolika yamaganiye kure Nahimana Thomas ugiye kuza mu...