LATEST NEWS
Itohoza
N’uwanga Urukwavu yemera ko ruzi kwiruka, Twagiramungu yashimye ibyiza U Rwanda rwagezeho
Publish Date: lundi 9 janvier 2017
VISITS :4350
By Admin

Twagiramungu Faustin uzwi ku kazina ka Rukokoma, aratangaza ko umwaka wa 2016 usize u Rwanda rugeze ku bintu 3 by’ingenzi bitazibagirana mu mateka y’isi. Aba yaratangaje ko bidakwiye kwitirirwa umuntu umwe cyangwa itsinda ry’abantu ahubwo byakwitirirwa abanyarwanda bose nawe arimo.

Twagiramungu Faustin avuga ko mu rwego rw’igihugu, umwaka w’2016 usize ibikorwa by’ingirakamaro byongereye u Rwanda ishema mu ruhando rw’amahanga. Muri ibyo bikorwa mboneragihugu, twavuga ibi bikurikira :

1.Inyubako yiswe « Kigali Convention Center » (KCC), n’ubwo idahiga ubwiza « Kenyatta Conference Center » y’i Nayirobi ; ariko ku gihugu gikennye nk’icyacu, ni igitego mu bihugu bitatu byahoze biyoborwa n’abakoloni b’Ababiligi (Burundi, RD Congo, Rwanda).

2.Indege ebyiri za AIRBUS 330-320 na 330-300 zizaba indorerwamo y’u Rwanda mu bihugu zizajya zitwarira abagenzi.

3.Hafashwe icyemezo cyo kuzubaka « ikibuga mpuzamahanga cy’indege » (AEROPORT INTERNATIONAL) mu Bugesera, hakaba hari hashize imyaka 50 irenga iki kibuga gishakwa n’Abanyarwanda ndetse n’Abanyamahanga, bamwe bakaba barifuzaga ko cyubakwa igitaraganya, ku mpamvu zitarasobanuka.

Ati “Bigomba kumvikana ko ibyo bikorwa atari iby’abantu ku giti cyabo, ko ari iby’igihugu, dore ko n’amadeni yasabwe na Leta azabyubaka azishyurwa ku ngengo y’imali y’igihugu, iturutse ahanini ku misoro n’imisanzu y’abenegihugu.”

Twagiramungu Faustin akaba avuga ko mu babyitirirwa nawe adakwiye kuburamo kuko nawe ari mu batanze umusaruro uhagije mu kubaka igihugu.

Ati “ Ibyo bikorwa kandi biramutse bigurishijwe, amafaranga byinjije agomba kujya mu isanduku y’igihugu. Ibikorwa nk’ibi ni ibyo gushyigikirwa kuko bitandukanye n’ibyiswe imiturirwa isigaye isa n’umurato mu mujyi wa Kigali. Ibikorwa by’amajyambere mu Rwanda byaba imihanda, ibitaro bya Leta, n’izindi nyubako z’ingirakamaro bigomba gushyigikirwa, mu gihe bifitiye akamaro Abataturarwanda muri rusange.”

Iri jambo yavuze ryatunguye benshi cyane n’ubwo harimo amagambo akarishye y’ubwishongozi, ariko nibura yashimye ibyo ubuyobozi bwiza bukorera abanyarwanda aho ku basanzwe tumuzi ko anenga gusa ibyo u Rwanda rwagezeho, twatangajwe no kumva noneho abishima. Ari nayo mpamvu natwe tumuhaye ijambo.

Uyu musaza ugeze mu myaka y’ubukure, yakunze kuvuga ko nawe ashaka kwiyamamaza akayobora u Rwanda ariko mu mwaka umwe ushize yabaye nk’uceceka ibyo kwiyamamaza ntiyongera kubihingutsa mu kanwa ke.

Uyu mugabo yigeze kwiyamamaza mu matora ya Perezida yabaye mu 2003 aza gutsindwa ku majwi atageze kuri ane ku ijana. Kuva icyo gihe ntiyahwemye kuvuga ko aziyamamaza kuko mu 2010 nabwo yagerageje kuza kwiyamamaza ariko ntiyabasha kugera mu Rwanda kuko Atari yujuje ibyangombwa bimuhesha uburenganzira bwo kwinjira mu gihugu.

IBITEKEREZO
NGABO

ICYO GISAZA CYARWAYE BWAKI KIKIRI URUBYIRUKO.ndavuga ubwonko butekereza muli negative.espece des mal plante'.

Musa

Ariko mukunda kugaya , koyashimnye ibyagezweho namakosa ?

Daily Dose

Rukokoma igihugu cyamuhaye amahirwe ayapfusha ubusa, ubundi Rukokoma yahunze iki ? Iyo utunvikanye na leta se ( igihe yari premier ministre) iyo utsinzwe amatora se uranyanyagira. Undi muntu utagombye kuba ari mu buhungiro, Kayumba Nyamwasa, kuba umuntu yarabaye Chief of Staff wa RDF, akava mu gihugu gutya gusa ni nko kugenda ari naked, ahubwo immana igira amaboko kubona akiriho. Umuntu ufite military training ingana kuriya. Biriya bya RNC ni ukurindagira. Kayumba Nyamwasa is a soldier not a politician. Interview we yitangiye igaragaza amakosa yakoze, urugero wali chief of staff, kuki wacaga inyuma defense minister, ukajya kuvugana na Interior Minister Sendashonga ? Ahandi uti President Bizimungu amaze kwegura nagiye kumureba iwe mu rugo ? Wagiye ku mureba nka nde ? ibiganiro mwagiranye byari bigamije iki ? you are looking at a series of screw ups. A General who deserted is a life sentence. Wagombye gushaka uko utaha.

emmanuel

Niba Twagiramungu atumva igifaransa nagirango mufashe kumva icyo " La mouche du coche " bivuga. Bisobanura umuntu w'imburamukoro wiyitirira ibikorwa abandi bagezeho. Mu gifaransa yashobora kumva (erega nta kintu ngo aba anibitseho mu mutwe) bivuze " une personne inutile mais qui se persuade du contraire". iki gisaza ni ikintu cya cyenyeji cyane. Gusa nkifurije umwaka wo kugabanya ibigambo no kureka kwirirwa gita ibitabapfu ngo kirakina politiki yo mu kirere. ababababa, injiji ziragwira. Kibura gucisha make maze kikegera FPR bakagikura muri iriya mbeho bakakigira nka senateri kigataha kikirirwa kivuga ubusa. Baca umugani ngo "urongoye nyoko ni we so", ibyo bigambo se uvuga byakumarira iki ? Abo kiyitirira se ngo kirabavugira ibigambo bibamariye iki. Wabyanga wabyemera FPR yararwanye iratsinda irayobora kugera nubu. ibintu wowe gisaza wifuza ntiwabigeraho Atari fpr ibiguhaye.

JOHN

twagiramungu aransetsa ngo ziriyanzu ziswe imiturirwa zimeze nkimirato wajaje ukubaka imwe nkumva uko uyita

jovit

Nari ngatangaye atishyize mu bagomba gushimirwa. Haha.😄. Ni nka ya sazi yibwiraga ko ariyo ituma "coche" yari yashaye iva mu rwondo abantu bayikuyemo. La mouche du coche.

keter

Yashimaga ibyiza se ari uko yageze kuri bingahe ku % muri byo ? ashaje nabi gusa. Fake politician


TANGA IGITEKEREZO

Kwamamaza
Kwamamaza
Also in this section
Agatha Kanziga : sinigeze nunva radio RTLM na Habyarimana ntayo yumvaga

Agatha Kanziga : sinigeze nunva radio RTLM na Habyarimana ntayo...

Abava muri FDLR bose bagaragaza gucikamo ibice gukomeye

Abava muri FDLR bose bagaragaza gucikamo ibice gukomeye

Karamaga wahishe umurambo wa Uwiringiyimana Agathe yatangiye kurindirwa umutekano

Karamaga wahishe umurambo wa Uwiringiyimana Agathe yatangiye kurindirwa...

Uko umugabo yigize impumyi ashaka gusumira Malia Obama

Uko umugabo yigize impumyi ashaka gusumira Malia Obama

U Rwanda ku mwanya wa cyenda ku Isi mu bihugu bifite umutekano usesuye

U Rwanda ku mwanya wa cyenda ku Isi mu bihugu bifite umutekano...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...

Perezida Kagame yasabye RDF gukomeza intego ko Jenoside itazongera kubaho

10-04-2017

Perezida Kagame yasabye RDF gukomeza intego ko Jenoside itazongera...