LATEST NEWS
Itohoza
Nyuma yo kuvugwaho inkuru yo gutwita : Ingabire Victoire aheze mu gihirahiro
Publish Date: dimanche 6 décembre 2015
VISITS :6541
By Admin

Mu myaka itanu ari muri prison, abamushyigikiye bose bemeza ko ifatwa rye rishingiye kuri politike, ariko ukuri nyako ni ishusho ya nyir’ubwite.

Boniface twagirimana, umwe mubashyigikiye ingabire, agira ati : « byose byakorewe kwirukana ingabire victoire hanze ya politike y’urwanda.

Abamushyigikiye kandi bamugereranya na Aung San Suu Kyi, umunyapolitiki witandukanije n’ubutegetsi bwa leta ya Birmaniya, akaba yaranatwaye igikombe cy’amahoro cyo mu mwaka wa 1991.

Kuva mumyaka itanu ishize, Victoire Ingabire Umuhoza w’imyaka 47 y’amavuko yafungiwe muri gereza nkuru ya kigali izwi ku izina rya « 1930 ». yakatiwe igifungo cy’imyaka 15 kubera kubiba umwuka mubi mu buyobozi , hakoreshejwe iterabwoba n’intambara », « gupfobya jenoside » no gukwirakwiza ibihuha bigamije gukangurira imbaga gukora ubugizi bwa nabi », uyu mukuru w’ishyaka ry’ingufu za demokarasi zishyize hamwe (FDU Inkingi), ishyaka ritavuga rumwe n’ubutegetsi bwa kagame yafatiwe hanze y’urwanda nk’umunyabyaha bishingiye kuri politike.

Nk’uko abamushyigikira bavuga, bahamya ko icyaha cye ari ukuba yaragaruwe mu gihugu cye mu mwaka wa 2010 kugirango ashotore /ahangare umugabo ukomeye wa Kigali mu ngoro y’umukuru w’igihugu (perezidanse) akanahavugira amagambo afatwa nk’ibyaha ndengakamere.

« yashyize mu kibazo ubutegetsi bw’urwanda kuri jenoside n’imyitwarire ya demokarasi y’ubutegetsi », ibi byatangajwe n’umwarimu wo muri kaminuza y’ububirigi Filip Reyntjens, udashyigikiye ishyaka FPR akanahamya ko ifungwa rya ingabire rishingiye kuri politiki.

Yibuka isabukuru y’umunsi yafungiweho, bikajyana no gushyira ahagaragara igitabo cye kigaragaza ifungwa rye yise : ( hagati y’inkuta enye za 1930 mu magambo y’igifaransa : ( Entre les quatre murs du 1930,éd. Scribe), abamushyigikiye nabo baboneyeho gushyiraho kampanye imurengera isaba ubufasha bw’imiryango itegamiye kuri leta ndetse n’amashyaka ya politike.

Mu bufaransa, ishyaka ry’abishyize hamwe( parti socialiste) ryatangaje ko rishyigikiye gusabira kubohorwa uyu munyarwandakazi utavuga rumwe n’ubutegetsi, rivugako ari urwitwazo ko yafunzwe azira akarengane ngo nyuma y’imyaka myinshi arwanira ubwiyunge bw’abaturage b’urwanda, ubutabera na demokarasi.

Nk’uko ikinyamakuru Jeune Afrique, dukesha iyi nkuru kibivuga ngo abanyarwanda barokotse jenoside bahakana ibi, Alain Ngirinshuti umunyarwanda uhagarariye Ibuka-France ari na we abanyapolitike b’ishyaka ry’aba socialiste b’Abafaransa bashingiraho bavuga ko afite guhubuka biganisha ku kutagira icyo yitaho. Avuga ko ku birenze ibyo urukiko ruhamya victoire ingabire, avuga ko ingabire yazize impamvu zitumvikana ziturutse ku mashyaka ya politike, byahawe agaciro cyane mu kuvuga ko yagize uruhare mu gushyiraho umubare munini w’abakoze jenoside y’abatutsi.

Ibindi bivugwa kuri Ingabire Victoire

Amateka ya ingabire victoire atangirira ku italiki ya 16 Mutarama mu mwaka wa 2010. Nyuma y’imyaka 16 y’ubuhungiro mu gihugu cy’Ubuhorande, uyu mubyeyi w’abana batatu wari warahawe umurimo mu rugaga rw’abanyamwuga mu icungamutungo, yafashe umwanzuro wo kugaruka mu rwanda akiyamamariza kuyobora igihugu.

Agikandagiza ikirenge ku butaka bw’urwanda i kigali, yahise agera ku rwibutso rwa jenoside rwa Gisozi, rushyinguyemo inzirakarengane za jenoside yakorewe abatutsi mu mwaka w’1994. Asura urwibutso, amagambo ye yagaragayemo kutavugarumwe. Yirengagije ukuri kuri jenoside yakorewe abatutsi , ingabire victoire yatsindagiye ko ari ngombwa ko hanibukwa muri ako gace, indi mbaga y’abahutu bishwe.

Mu rwanda, uko gusura urwibutso kwa ingabire kwafashwe nk’ubushake bwo kuzura cyangwa se gushyigikira amacakubiri ashingiye ku moko ndetse n’ihame ryo gushyigikira ko habayeho jenoside y’ubwoko bubiri bigamije guhakana jenocide yakorewe abatutsi. Guhera ubwo, ijambo ry’ikinyarwanda yakoresheje mu ijambo rye, :(itsembatsemba) rigaragaza ko habayeho kurimbura abahutu , mu yandi magambo bigasobanura ko habayeho jenoside ya kabiri. Hashize amezi atatu, ingabire victoire yarezwe guhakana jenoside.

Uburakari bwe bwarakomeje. Kubera ko, mu ntangiriro z’ukwezi kwa nzeri mu mwaka wa 2009, serivise z’ibirango by’urwanda zashingiye ku miterere y’aba ofisiye babiri b’umutwe wa FDLR, umutwe w’intambara ugizwe n’imbaraga z’abagize uruhare muri jenoside yakorewe abatutsi mu rwanda, uyu mutwe ukaba urwanira mu burasirazuba bwa repubulika iharanira demokarasi ya Congo.

Baje gutanga ubufasha bw’umutekano w’uburundi, ubufasha bwa gisirikare burwanya urwanda, aba bagabo babiri baje bagana i kigali. Mu bibazo babajijwe, basobanuye icyo bari bagamije ko ari ukurwanya ubutegetsi buriho. Basobanura abari babashyigikiye, batanze izina rya Ingabire Victoire, washyigikiraga ibikorwa byabo binyuze mu butumwa bukakaye bwo kurubuga rwa interineti (e-mails) bahererekanyaga. Abandi ba ofisiye babiri bavuye muri FDLR na bo baje gufatirwa mu rwanda, na bo batsindagiye ibyo bagenzi babo bavuze.

Impapuro nyinshi zanditswe muri icyo gihe, harimo zimwe zafatiwe mu rugo rwa Ingabire, zifashwe n’ubutabera bw’ Ubuhorande, zikaba zihamya uruhare rw’uyu mukuru w’ishyaka FDU mu gushaka kurema umutwe w’ingabo.

Mu kwezi kwa mata mu mwaka wa 2010, Ingabire na none yarezwe kwifatanya n’umutwe w’iterabwoba. Ikigaragaza ibyo bikorwa bye byabaye mu mezi 7, byagaragaraga nk’ibidakomeye cyane. Imbaraga ku burenganzira bwo kurinda, kunanirwa guhana byavuzwe mu rukiko rwa mbere ( imyaka 8, kandi parquet yarategekaga ko ahabwa igifungo cya burundu) cyangwa ihakana ry’abamurega ku munsi wakurikiyeho hakwirakwizwa ry’igitekerezo cya politike kigamije kugirira nabi uyu mutegarugori utavuga rumwe n’ubutegetsi bw’urwanda.

Impapuro nyinshi zanditswe muri icyo gihe, harimo zimwe zafatiwe mu rugo rwa Ingabire, zifashwe n’ubutabera bw’ Ubuhorande, zikaba zihamya uruhare rw’uyu mukuru w’ishyaka FDU mu gushaka kurema umutwe w’ingabo-ugamije kwigumura ku butegetsi mu gihe kizaza, nabyo byashyizwe mu kiganza cye. Naho kuba agirana ibiganiro n’ingabo za FDLR, byashyizwe ahagaragara mu mwaka wa 2009 na raporo y’itsinda ry’impuguke za ONU kuri Repubulika iharanira Demokarasi ya Congo.

Ibindi bigaragaza ukutavuga rumwe kwe n’ubutegetsi

Ibindi bigaragaza ibikorwa bye bigereranywa nk’ibya shitani, ni byo bimwanduza gufatwa nka « Aung San Suu Kyi w’umunyarwandakazi ».

Ushingwa mu w’1995 mu nkambi z’impunzi muri Congo, umutwe uharanira gutaha kw’impinzi na demokarasi mu rwanda (RDR), Ingabire yawinjiyemo mu w’1997 mbere y’uko awubera perezidante mu mwaka wa 2000 ( akana wuhuza n’indi mitwe itavuga rumwe n’ubutegetsi mu mwaka wa 2006 ku nyungu z’ishyaka FDU), uyu mutwe ukaba waranifatanije n’ubutegetsi bwakoze jenoside.

Hamwe n’umwunganira mu rubanza rwe ubwo yari yitabye urukiko rukuru i kigali ku wa 25 werurwe 2013.

Filip Reyntjens yagize ati :« RDR yabaye imbarutso y’ihakana rya jenoside ndetse n’imwe mu mitwe yayo yari ifite amabanga y’abajenosideri »

Nibwo mu mwaka wa 1996, umuzungukazi w’umunya Cameroun ukomoka mu ishyaka ryakwirakwije inyandiko ihakana burundu Jenoside yakorewe abatutsi.

Bamwe mu bari bafatanije n’uyu muzungukazi, ari nabo babaye imbarutso y’iyicwa rubozo ry’inzirakarengane za Jenoside yakorewe abatutsi barimo Théoneste Bagosora, Ferdinand Nahimana na Jean Bosco Barayagwiza na bo baje gutabwa muri yombi n’urukiko mpuzamahanga mpanabyaha rw’urwanda ( TPIR).

Nyuma, uyu Ingabire Victoire yari mu Buhorande mu gihe cya jenoside Nyina umubyara na we yaje gutabwa muri yombi akatirwa imyaka 30 y’igifungo n’urukiko Gacaca rwo mu Rwanda azira kugira uruhare mu Iyicwarubozo ry’inzirakarengane za Jenoside yakorewe abatutsi.

Umugabo we Lin Muyizere na we yarezwe n’ubuyobozi bwo mu Buhorande kugiramo uruhare. Kubitangazwa na visi-perezida wa FDU, Joseph Ntawangundi, winjiriye rimwe mu Rwanda na Ingabire mu mwaka wa 2010, avuga ko ubuhamya buhuzwa n’amateka ye.

Acirwa urubanza nyuma y’uko afatwa, uyu mugabo yagereranijwe n’abamutangiraga ubuhamya barimo uwari umugore we wa mbere ahita akatirwa igifungo cy’imyaka 17 kubera kugira uruhare mu kwicisha abantu umunani.

Mu w’2010, atabwa muri yombi mu minsi ye ya nyuma, Minisitiri w’intebe w’ubufaransa, Manuel Valls, waje kuba Depite ndetse n’Umukuru w’Akarere ka Evry, kuri bariyeri y’i Paris yaje kuburizamo umushinga w’ishyirahamwe rikorana mu buryo bwa hafi n’Akarere, umushinga wari ugamije gushyigikira umunsi w’umugore hazirikanwa Victoire Ingabire.

Agereranywa n’umurwanyi w’ingufu

Imwe mu nyandiko zafatiwe mu rugo rwa Ingabire Victoire mu Buhorande, igaragaza uburyo bwo gushyira mu bikorwa imiterere ya gisirikare ikanerekana urwikekwe ko uyu munyarwandakazi utavugarumwe n’ubutegetsi afite umugambi wo kurema umutwe w’ingabo zirwanya ubutegetsi bwa kigali.

Iyi nyandiko igira iti : « hagomba kwagurwa inyandiko irega ubutegetsi yerekana ko ubutegetsi buriho butaduha amahirwe yo guhitamo kwitabira gukoresha ingufu. Iyi nyandiko igomba kwerekana impamvu twahisemo iyi nzira (le casus belli) kandi tugomba kuyitwaza igihe cyose n’aho tugiye hose kuko ariyo igomba kuba bibiliya yacu. »

Mu mwaka wa 2005, mu gihe cy’ubuhamya imbere y’icyicaro cy’umuryango w’ubumwe bw’uburayi (Union européenne), Victoire Ingabire yongeye kuvuga amagambo y’ubushotoranyi agira ati : « Ubutumwa bwacu nuko niba ntagikozwe kugira ngo hashyirweho ubutegetsi buhamye buzashyiraho ubutabera bukwiye, hazabaho na none ibibazo biganisha ku imeneka ry’amaraso nk’ayamenetse mu mwaka w’1994. »

[…] umuryango w’abibumbye (ONU) warifashe ntiwagira icyo ukora, abanyarwanda na bo bashoboraga gufata umwanzuro wo gukemura ibibazo byabo bicana mu gihe ONU yashoboraga gutanga umusanzu wayo mu gukemura ibibazo mbere mu kubafasha gushaka igisubizo. »

Inkuru ya Jeune Afrique, yahinduwe mu Kinyarwanda n’Ubwanditsi bwa Rushyashya.net

NDLR : Icyo twakongeraho n’uko hakwirakwijwe igihuha ko Ingabire Victoire atwite inda yasamiye muri gereza, ariko nyuma y’ubucukumbuzi bwacu, twasanze ari ikinyoma cyakwirakwijwe nabo mu ishyaka rye FDU-Inkingi, kugirango basebye ubuyobozi bwa gereza 1930, n’ubuyobozi bw’igihugu muri rusange, hagamijwe ko ingabire yahabwa imbabazi akaba yarekurwa akajya kubyarira hanze, ariko yari amayeri yo kugirango mu gihe yaba arekuwe azahite yiyamamariza umwanya w’umukuru w’igihugu mumatora ya 2017.

IBITEKEREZO
Munyakuri

Rukokoma yari yamubwiye ayo aza kumwumvira , n'uko aza atera utubuno hejuru atazi ko Urwanda RUTAVOGERWA . Amacakubiri ashaka kuzana twarayarenze kera .Yaherukaga inzira mucyi .Narusome nk'uwarwishigishiye .

Agaca

Uyu mubyeyi yazize kutamenya ingufu ahanganye nazo mbere y'uko atangiza urugamba rwa politique.ubundi iyo ugiye kwinjira mu rugamba nk'uru ugomba kumenya mu bice byose inzitizi wahura nazo n,uko wazikuramo,yarazi ko mu Rwanda nta butabera burimo,yari azi ko ingabo ari iz'umuntu ku giti cye atari iz,igihugu,yari azi ko amahanga yatanze ubutegetsi agishigikiye uwo yabuhaye kubera inyungu mu by'ubukungu,yari azi ko nta Radio cg se ikinyamakuru mu Rwanda kivuga ibitagenda ngo gitere kabiri,yari azi ko nta ngabo ashobora kwitabaza bibaye ngombwa kurwana ngo zihaguruke, yari aziko uwo ahanganye nawe amurusha amafranga,ubwo se yari agiye he iyo areka akitegura neza afatanije n'abandi cg se akabaza neza abari mu gihugu bize bazi uko FPR IKORA uko babayeho.?Politike ntabwo ari kumenya ukuvuga neza icyongereza,igifaransa cg se igishinwa,.. ,politique ni ukugira information yose kubyo ugiye gukora n'aho ugiye kuyikorera, Bizabere urugero n'undi wese uzahubuka ngo aje gukora politique mu Rwanda.Ubutegetsi buriho mu Rwanda ni ubwa Gisirikari ,bwagiyeho ku ruhembe rw'umuheto,Langage bwumva ni iy'imbunda,ubwo rero abaza kurata icyongereza n,igifransa sinzi iyo iyo myumvire bayikura biterwa na analyses nkeya.Niba nta mbunda mufite nta mafrang mufite, murata igihe ni mwemere muyoboke,muce bugufi kuko mutazi icyakorwa,mwipfire.,mwabaye bwa buro bwinshi budakoza umusururu(ikigage).

Moreno

Wowe Nyamukebeka, umwita umwere nkande mu gihe ubucamanza bwamuhamije icyaha ? Jya uva ku marangamutima urebe ukuri. Ataraza mu Rwanda ibyo yavugaga ku ma radio yo hanze wigeze ubyumva ? Twe twarabyumvaga ahubwo ubucamanza bwaramudohoreye.

Rukokoma

Uyu mutegarugore yakoze amakosa menshi. Ariko igikomeye kuri we ni INGENGABITEKEREZO ya Genicede. Reka rero abyishyure. Nafungurwa yarihannye bizamufasha gukora Politike neza cyane cyane ko akiri muto. Ibyo atigishijwe n'ababyeyi azakore uko ashoboye abyigire 1930. Naho yagize umurengwe ukabije. Nta muntu ushobora kuzana igiteketezo cy'amacakubiri ngo tumwemerere nk'abanyarwanda.

kanobana kanuma

Ariko abanditsi ba Rushyashya ndabanenga ! Inyandiko byinshi zanyu ubona nta bwenge mushyiramo, i can say , u are not professionnel ! Murebe nka titre mwahaye iyo nyandiko, murebe na contenu ! Nta hantu muhuriye, kandi mujye mubanza mukore analyse ! Niba mutabizi, muzambwire, nabaha training !

Nyamukebeka

Ntabwo mbashije gusoma iyi nkuru yose, gusa jye mbona uyu mubyeyi akwiye gufungurwa ntayandi mananiza kuko arengana. Ikibazo cye ni politike.


TANGA IGITEKEREZO

Kwamamaza
Kwamamaza
Also in this section
Maboneza wari Umujyanama wa mbere muri Ambasade y’u Rwanda muri Loni yapfuye

Maboneza wari Umujyanama wa mbere muri Ambasade y’u Rwanda muri Loni...

Umuhango wo kwibuka Mucyo Jean de Dieu mu Bubiligi ( AMAFOTO )

Umuhango wo kwibuka Mucyo Jean de Dieu mu Bubiligi ( AMAFOTO...

Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Iryavuzwe riratashye : Nahimana yasohoye inyandiko ihakana Jenoside n’abayikoze

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

UK : Abanyarwanda barokotse Jenoside babangamiwe n’abayikoze...

NEW POSTS
Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...

Kiliziya Gatolika yamaganiye kure Nahimana Thomas ugiye kuza mu Rwanda

24-11-2016

Kiliziya Gatolika yamaganiye kure Nahimana Thomas ugiye kuza mu...