LATEST NEWS
Itohoza
Padiri Nahimana akomeje kwiba impunzi akoresheje numero za Compte
Publish Date: lundi 31 octobre 2016
VISITS :3313
By Admin

Abanyarwanda bakunda Igihugu ntibahwemye kwamagana “idéologie” ya Padri Thomas NAHIMANA,ibitekerezo bye bisenya Igihugu n’Ubumwe bw’Abanyarwanda, bibiba amacakubiri, byandagaza Abapadiri bagenzi be, biharabika Abayobozi ba Kiliziya Gatolika mu Rwanda n’Inzego nkuru z’Igihugu, bikwirakwiza”idéologie ya PARMEHUTU,MDR-POWER na CDR…

Padiri Thomas Nahimana amaze kubona ko amasezerano yo kuba i Bulayi amaze kurangira yahindutse mayibobo, akwira imishwaro,maze yiga amayeri yo kubeshya ngo ko ashaka kujya mu Rwanda gukora politiki no kwiyamamariza kuba umukuru w’igihugu mu Rwanda.

Kuri ubu Padiri Thomas Nahimana amaze kuzenguruka ibihugu byinshi mu Burayi, Canada n’ahandi..ateka umutwe kumpunzi z’abanyarwanda ko agiye mu Rwanda gukuraho Perezida Kagame, muri uko kubatekera umutwe niko abasigira numero ya Compte aho bagomba kunyuza amafaranga kuri Compte ye AIPAD-ISHEMA : IBA : FR76 3000 3010 2000 0372 8024 158 BIC : SOGEFRPP RIB : 30003 01020 00037280241 58, biherekezwa n’urwandiko rugira ruti : « Niyo mpamvu dukeneye inkunga ya buri wese, yaba nto, yaba nini », agasoza agira ati : « Nkwandikiye rero ngira ngo nkumenyeshe ko inkunga yawe tuyikeneye rwose kandi ko ushobora kuyitugezaho unyuze muri imwe muri izi nzira eshatu.

Padiri Thomas Nahimana abeshya impunzi ko hasigaye amezi atagera kuri abiri akaba yasesekaye mu Rwanda.ati : Ntabwo nzagenda njyenyine. Mu Ikipe ya mbere tuzaba turi« Abataripfana batagendera kuri baranyica »bagera kuri batandatu (6), barangajwe imbere na Padiri Thomas NAHIMANA, Umukandida wacu ku mwanya wa Perezida wa Repubulika. Hari abandi bazaza nyuma. Mu gihugu tuzahasanga kandi n’abandi basore n’inkumi b’intwari cyane badutegereje tuzafatanya.

Iyi misanzu Padiri Thomas amaze iminsi akusanya niyo yateye bombri bombori yadutse mu ishyaka ISHEMA, amakuru agera kuri Rushyashya aravuga ko haba hari ibibazo by’ingutu muri iryo shyaka ku buryo bamwe mu barwanashyaka b’imena b’iryo shyaka batakiribarizwamo.

Abo ni Dr Déogratias Basesayabo wari Umunyamabanga mukuru wungirije na Sixbert Bitangisha beguye ku mirimo yabo kubera ubwumvikane bucye n’ubuyobozi bw’ishyaka buri mu maboko ya Padiri Thomas Nahimana, amakuru dufite ni uko hari n’abandi barwanashyaka b’imena bashatse kwegura ariko kubera ubucuti bwihariye bafitanye na Padiri Thomas bwo kuvanga amaraso, barabireka, abo ninka Jeanne Mukamurenzi wari munama yabereye i Oslo muri Norway, iyo nama yarimo n’umuvugizi wa Perezida w’u Burundi Willy Nyamitwe.

Willy Nyamitwe na Jeanne Mukamurenzi

Jeanne Mukamurenzin n’umwana yabyaranye na Padiri Thomas Nahimana

Ibi bikorwa bya Padiri Thomas Nahimana byo kugambanira u Rwanda, kubiba amacakubiri mu banyarwanda no kurya iby’impunzi azibeshyeshya kujya mu Rwanda kwiyamamaza kandi mubyukuri ntaho azajya nibyo byatumye umwe mu banyarwanda utifuje ko dutangaza izina rye atubwira ko Padiri Thomas Nahimana akwiye kwamaganirwa kure ndetse byabangombwa agashyikirizwa ubutabera mpuzamahanga.

Cyiza Davidson

IBITEKEREZO
mugwaneza jean paul

Usibye nibyo no kuba padiri ndumva atari abikwiriye.Umukozi w'Imana ushaka gushishikariza abanyarwanda kwanga igihugu.Uwo ni uwo kwamaganwa

Kanyinya

Yashyikizwa ate ubutabera mpuzamahanga kandi u Rwanda rutemera ubwo butabera ?

MUGABO

Genda Rwanda waragowe, ubu koko n'abatekamutwe bose ngo barashaka kuba Perezida. Dufite Perezida w'indashyikirwa kubera ubushobozi amaze kwerekana na Afrika yose yamuhaye inshingano yo kuvugurura African Union. Ibyo yatugejejeho nibyo bizatuma twongera kumutora, naho uwo umutekamutwe kuba Padiri byaramunaniye ngo kuba Perezida nibyo yahobora ?

Haguma

Uyu padiri Ni igisambo Ni indanini no gushaka amaramuko, niyamaganirwe kuri, abobasore Ni nkumi abeshyera se Bari mu Rwanda yabakurahe , ntawe yashyuka tuzi aho our best leader Paul yadukuye, kandi adufitiye ibyiza byinshi.


TANGA IGITEKEREZO

Kwamamaza
Kwamamaza
Also in this section
Kubera urukundo, asuka amarira iyo abonye Perezida Kagame

Kubera urukundo, asuka amarira iyo abonye Perezida Kagame

Hanze y’igihugu haracyari indashima nyuma y’imyaka 23 Leta y’ubumwe bw’abanyarwanda igiyeho

Hanze y’igihugu haracyari indashima nyuma y’imyaka 23 Leta y’ubumwe...

Lt Gen Karenzi Karake na Maj. Gen Jack Nziza mu basirikare bakuru basezerewe

Lt Gen Karenzi Karake na Maj. Gen Jack Nziza mu basirikare bakuru...

Urukiko rwemeje ko Protais Zigiranyirazo akomeza kwimwa viza yo gutura mu Bufaransa

Urukiko rwemeje ko Protais Zigiranyirazo akomeza kwimwa viza yo gutura mu...

Perezida wa Koreya ya Ruguru yarapfuye Imana ikinga akaboko

Perezida wa Koreya ya Ruguru yarapfuye Imana ikinga akaboko

NEW POSTS
Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...

Umunyarwanda akurikiranyweho kubeshya inzego za Amerika asaba ubuhungiro

9-08-2017

Umunyarwanda akurikiranyweho kubeshya inzego za Amerika asaba...