LATEST NEWS
Itohoza
Padiri Nahimana yemeje itariki ntarengwa yo kuza mu Rwanda kwiyamamaza kuba Perezida
Publish Date: jeudi 3 novembre 2016
VISITS :5820
By Admin

Umupadiri umwe mubashinze urubuga kuri murandasi rwitwa Le prophete. Urwo rubuga rufite ishingano imwe rukumbi yo kwunganira abakoze jenoside y’abatutsi mu 1994, amaze gutangaza ko azagera mu Rwanda, tariki ya 23/11/2016, aje kwiyamamariza kuba Perezida w’u Rwanda.

Tubibutse ko Padiri Thomas Nahimana ariwe washinze urubuga Le prophete rwatangijwe kandi ruyoborwa nawe ndetse n’undi mu Padiri usigaye uba muri Canada Padiri Fortunatus Rudakemwa kugeza ubu bombi bakibarizwa muri diyoseze ya Cyangugu, iyoborwa na Myr. Bimenyimana.

Kuva muri Gicurasi 2011, ibyandikirwa ku rubuga rwa internet “le prophete” ubwabyo n’icyaha gihanwa n’amategeko ,Thomas Nahimana amaze imyaka i Bulayi akora Politiki yo kwigisha urwango n’ingengabitekerezo ya jenoside.

Ubufatanyacyaha na Diyoseze ya Cyangugu

Nahimana ntashobora kuba muri Diyoseze y’i Bulayi, iyo bakomokamo ya Cyangugu itabizi. Paruwasi abarizwamo yagiranye amasezerano n’iya Cyangugu kugirango abashe gukora.

Rudakemwa na Nahimana bavuye mu Rwanda bahunze kubera ingengabitekerezo ya Jenoside yabagaragayeho ari abayobozi ba Seminari nto ya Cyangugu.

Urugero rumwe umuntu yaheraho ni urwa Padiri Thomas Nahimana. Uyu mupadiri yahunze afite pasiporo ya Congo. Ahunga afite andi mazina ndetse anyura i Kanombe.

Umupadiri ujya i bulayi n’ahandi hakenera visa, umusenyeri wa diyoseze ye agira uruhare mu kuyimusabira. No kuri Thomas Nahimana niko byagenze.

Ageze i Bulayi, Nahimana yasabye Umwepiskopi we ko amufasha akiga anakora n’akazi ke kandi k’ubupadiri.

Ibyo bivuga ko Musenyeri Bimenyimana yari yaranamufashije kwakirwa mu gihugu cy’Ubutaliyani nkuko amasezerano ateganywa ya za diyoseze z’aho umuntu akomoka n’aho agiye.

Imwe mu ngingo ziri muri ayo masezerano igira iti : “Umwepiskopi wa diyoseze yakiriye umusaserdoti, akurikije ibyasabwe n’umwepiskopi wa diyosezi imwohereje, ishinze umusaserdoti umurimo ukurikira..”

Ibi bivuga neza ko diyoseze yo mu butaliyani itari kumwakira itabisabwe na Myr. Bimenyimana. Ariko Nahimana yagiye muri iyi diyoseze kuri pasiporo y’igihugu cya Congo (DRC) kuko ariyo yahereweho visa.

Icyatuma umuntu atibaza kuri uyu mukino ni iki ? Nahimana yasabiwe visa kuri pasiporo ya DR Congo, asabirwa gutura no kuba muri ayo mahanga nk’umunyarwanda wo muri diyoseze ya Cyangugu mu Rwanda !

Cyangugu iri muri Congo, cyangwa Congo iri muri Cyangugu ?.

Umupadiri wakiriwe hari ibyo agomba kwiyemeza mu gutangira imirimo aho yakiriwe muri ayo masezerano biteganywa ko yiyemeza “kurangiza ubutumwa ahawe yifatanyije n’umwepiskopi umwakiriye, abandi basaserdoti n’imbaga y’abakristu azakora akurikije gahunda y’iyogezabutumwa rya diyosezi imwakiriye, by’umwihariko imirimo igenewe abasaserdoti, kandi akagumana ubumwe na diyosezi akomokamo, akayigezaho imbuto z’ubwo bunararibonye bw’umwihariko.”

Muri ayo masezerano, hakanateganywa ko uwo musaserdoti, “abigiranye umutima w’ubwumvire n’ubufatanye n’umwepiskopi wa diyosezi imwakiriye, yitangira n’indi mirimo yabanje kwumvikanaho n’umwepiskopi wa diyosezi imwohereje.”

Padiri Thomas Nahimana

Ese Nahimana na mugenzi we bakomeje ubumwe na diyoseze bakomotsemo cyangwa bwarahagaze ? Ubwo bumwe bwakagombye kubamo inama umusenyeri agira abapadiri be bategetswe guhorana umubano na diyoseze bakomokamo. Uwo mubano urangwa n’iki ?

Niba Nahimana na Rudakemwa baragombaga kubyumvikanaho n’umwepiskopi wabohereje mu itangizwa rya “le prophete” n’ishyaka rya Politiki Ishema (nk’indi mirimo bihangiye), ese barabikoze cyangwa ntibabikoze ? Ni ikibazo gifite ipfundo rikomeye, bagomba kubanza gusubiza abanyarwanda mbere yo kwiyamamaza no kwandikisha ishyaka.

Bamwe mu bayoboke bimene bazaba barikumwe ngo na Padiri Nahimana

Iri shyaka ritazwi na benshi ariko bake barizi bemeza ko ari ishyaka rishingiye ku bagabo bimakaje ivangura n’amacakubiri imbere ku buryo ngo gahunda yabo izaba ibazanye harimo icyo ubwabo bise ’’Revolution Hutu’’

Ese iri shyaka waribwira iki nk’umunyarwanda ubona neza icyerekezo igihugu kirimo ? ese ubu koko bakwiye gushyigikirwa ?

Umwanditsi wacu

IBITEKEREZO
MICO THE ONE

Ariko abantu barasetsa mugani wawawundi !ngo aje kugira ate ?kuyobora bande se ko avugako igihugu cyuzuye inyenzi ?naze arakaza neza nubundi turifuzako bose bataha tugafatanya kucyubaka !urebye ntanukuntu Nhimana yari kuzabona penetencia atanyuze mu itorero ngo yibutswe kirazira n,indangagaciro z,ubunyarda !ubu se yari kuzamenya abarinzi b,igihango mu mujishi wa ndii Umunyarda ?mubazamwakira Rucagu na IGP ntibazaburemo !!!

niyonsaba enide

uwo mupadiri turamwaganye

Dumbuli

Bonjour Padiri Nahimana, wowe wumva vuba Leta yacu y'ubumwe yaduhaye inka n'amata ishishikariza abantu bose kuza kubaka u Rwanda, Warasigaye ngwino tuguhe amata n'ubuki bya Nyakubahwa Kagame rwose n'uhaga amahoro yatanze n'umutekano tuzaguha rugari wiyamamaze nk'umunyarwanda tubyemere cyangwa tubyange gusa ntuzasakuze kuko igihugu cyacu nta rusaku dutora dutuje nta macakubiri nta ronda Karere gusa uzane ifaranga ryinshi ryo kwa Papa i Roma dukore imishinga dutere imbere urugendo rwiza utaha iwanyu i Rwanda ntuzasige Nadine na basaza be.

sabato

naze bamucumbikire muri 1930 aho izindi ntumva nkawe ziri nawe umenya umwanzi wa mbere wumuntu (ubwenge buke) yaramujyendereye

Ntacyo mvuze

N'uwanditse inyandiko arashidikanya. Wagendera kuri Passport ya Cong/Zaire se hanyuma ugatahuka gute kuba Perezida w'u Rda ? None se ubwo afite icyangombwa cya Congo ? Ese ubundi mwamuretse, ntimumutere ubwoba, maze akaza ? I.V.U. se ubu yabaye Perezida ? Ayi nya ! U Rda rufite Perezida, n'ibyo by'amatora ntitubikeneye, nibinabaho tujye dutora YEGO vs OYA. Igitsinze kibe ari cyo gikora ! Rukara rwishe Rupias yamujijije kwivanga, na Padiri Thomas rero ararye ari menge, ba Rukara baracyariho !

Mutijima

Naze adufashe muri ibi bitatu : Staying together Being accountable Thinking big Ibitekerezo bibi abisige imahanga.

m.niyogushumwa

courage rata Niba nacyo umutima ugushinja lki NI igihugu cyakubyaye ark Niba haricyo wishinja uze uhanwe.

emmanuel

Padiri karibu, jyewe ndumva kugira Perezida wabaye umupadiri byadufasha kuko yajya atuyobora akajya aduha na penetensiya.

MZALENDO WAKWELI

Naze nawe aje muri babahutu biyemeje gufyeta imbehe ya fpr cangwa azaje 1930 asange Ingabire

sibomana fred

Thomas urumuntu wumugabo ngwino wishyikirize ubutabera baguhane banakwigishe kuko ugumye aho urwanda ntiwazarufata waratakaye cyanee, noho kwiyamamaza ntanuwakwemera candidatire yiwe

Moreno

Uwo ni ikiryabarezi arabeshya ntiyakandagira mu Rwanda kuko ibitekerezo bye bikiri muri 1963 mu gihe mu Rwanda tugeze muri 2016. Twe dukunda gusoma twabihamya kuko tubizi y yamaze rtlm imurimo

munana

Jean Paul Mugwaneza wowe wamaganira iki umunyarwanda utashye iwabo ?! LETA irahamagalira impunzi gutaha wowe ukazamagana ! Nkwise inyangarwanda wavuga ko ngututse ? Twaganiraga nshuti yange,nkwibutsa ko Kinani yigeze gukora iryo kosa likamukoraho.

jmv

Padiri ndahimana nimuntu ki ???? Nicyikimuranga nibyiza bitatse urwatubyaye ???? Mureke guhinda nibyadutse byose ??

Gakuru

Iyo mvugo yinyangarwanda muyikurahe ubwose utandukaniye nabitaga inkotanyi inyangarwanda,ubwo koko hari ukurusha kugira ingenga bitekerezo,wihane dushaka ubumwe mu rwanda n'urwatwese.

nadina uwase

ni karibu murwamubyaye nicyo twifuza ko bose baza tugafatanya kubaka igihugu cyacu

MUGWANEZA Jean Paul

Reka reka izo nyangarwanda ntizikagaruke mu gihugu.Turabamaganye turabamaganye


TANGA IGITEKEREZO

Kwamamaza
Kwamamaza
Also in this section
Uburaya muri hotel zikomeye z’i Kigali buravuza ubuhuha

Uburaya muri hotel zikomeye z’i Kigali buravuza ubuhuha

Maboneza wari Umujyanama wa mbere muri Ambasade y’u Rwanda muri Loni yapfuye

Maboneza wari Umujyanama wa mbere muri Ambasade y’u Rwanda muri Loni...

Umuhango wo kwibuka Mucyo Jean de Dieu mu Bubiligi ( AMAFOTO )

Umuhango wo kwibuka Mucyo Jean de Dieu mu Bubiligi ( AMAFOTO...

Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Iryavuzwe riratashye : Nahimana yasohoye inyandiko ihakana Jenoside n’abayikoze

Iryavuzwe riratashye : Nahimana yasohoye inyandiko ihakana Jenoside...

NEW POSTS
Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...