LATEST NEWS
Itohoza
RNC ishaje ya Gen. Kayumba Nyamwasa na Gervais Cyondo baratanguranwa abayoboke na New-RNC ya Rudasingwa nk’indaya zitanguranwa abagabo Kampala road.
Publish Date: mardi 9 août 2016
VISITS :2518
By Admin

Urunturuntu muri RNC (Rwanda National Congress) rukomeje gufata indi ntera nyuma yo gucikamo ibice kw’iri shyaka mu mpera za Kamena uyu mwaka, kuri ubu abari abayobozi baryo bari kurushaho kurebana ay’ingwe no gushinjanya ubugambanyi.

Dr Théogene Rudasingwa wari umuhuzabikorwa wa RNC aheruka kwitandukanya nayo avuga ko arambiwe igitugu cy’agatsiko k’abasirikare karangajwe imbere na Kayumba Nyamwasa, ashinga Ihuriro Nyarwanda Rishya, ‘New RNC’.

Kuri ubu Rudasingwa ari kujya hirya nihino ashinga za Komite za New RNC , asangiye na Musonera na Ngarambe mu gihugu cy’ububiligi, aho bakoze nomination z’abayobozi babo.

Hari amakuru avuga ko New-RNC, ifite abayoboke 15, harimo 3 batangiye aribo Rudasingwa, Musonera na Ngarambe bigometse bakava muri RNC ishaje.

Ababikurikiranira hafi bavuga ko kuba bamaze kugera kw’icumi na batanu ar’uko bashukashuka impunzi ko nibamara kuza bazabashakira ibyangombwa by’ubuhunzi niyo mpamvu abo bayoboke 15 bafite ngo arabashaka ibyangombwa by’ubuhunzi maze bakayoboka abarwanya Leta ya Kigali kugirango bibonere izo mpapuro zibatuza iburayi.

Kurundi ruhande Kayumba nawe amaze gutoresha , RNC Ishaje m’u Bwongereza yatoye Jean Pierre Mushimiye umuyobozi w’intara mushya ari kumwe na Kigenza umubitsi mushya

RNC ishaje ya Gen. Kayumba Nyamwasa na Gervais Cyondo baratanguranwa abayoboke na New-RNC ya Rudasingwa nk’indaya zitanguranwa abagabo Kampla road.

Mbere gato y’uko muri RNC haduka intamba y’amagambo Rudasingwa ashinjanya na Kayumba kwadukana politiki ya munyangire, kurema udutsiko dushingiye ku moko no kugundira ubutegetsi, ku buryo imbaraga bari batangiye guhuza zongeye gutatana ubu ishyaka rikaba rigeze aharindimuka.

Rudasingwa avuga ko Kayumba yashyize mu ishyaka agatsiko k’Abatutsi bahoze mu gisirikare kahawe kuyobora RNC nubwo ubuyobozi bwari busanzweho bwageragezaga kugatesha agaciro, ku buryo bisa “nk’aho yaremeye ishyaka mu rindi.”

Amushinja kandi agatsiko yashinze agamije kumuvana ku buyobozi bwa RNC ubwo yari akiyiyoboye cyane cyane mu myaka ibiri ishize, kumusuzugura, kumutuka n’ibindi yavuze ko atari agishoboye kwihanganira.

Kayumba Nyamwasa tariki 26 Nyakanga 2016, yashyize hanze ibibazo bivugwa muri RNC, ubuhemu bwa Rudasingwa washakaga gusenya iryo shyaka biciye mu gukurura amacakubiri ashingiye ku moko no gushaka kuryigarurira biciye mu kwanga amatora n’ibyayavuyemo.

Kayumba yakubise Rudasingwa mu cyico

Kayumba ashinja Rudasingwa gusuzugura ubuyobozi bw’ishyaka, kutitabira inama bwateguraga zaganirirwamo ibikorwa biri imbere, no kwikanyiza akanga kurekura ubutegetsi no hamwe no kutemera ibivuye mu matora.

Kutagira ibanga kwa Rudasingwa ngo biri mu bindi bikomeye byashenguye Kayumba wavuze ko arutwa na Paul Rusesabagina witandukanyije na RNC akababeshya ko aretse politiki nubwo nyuma yayikomeje, ariko ntabe nka we [Rudasingwa] wagiye asebya ishyaka akamena n’amabanga yaryo.

Kayumba yiyemereye ko RNC yugarijwe n’ibibazo, Rudasingwa we yavuze ko ari ishyaka ryasabitswe n’urwango rushingiye ku moko, kudashyira hamwe n’ibindi nubwo Kayumba abihuza no kuba “nta shyaka ku Isi ritabamo ibibazo.”

Yavuze ko Rudasingwa yihutiye kubigaragaza mu itangazamakuru nyamara ngo we n’abo bafatanyije kwiyomora kuri Kayumba bagiye bakora ibikorwa bibi bakingirwa ikibaba.

Kayumba ati “Hari ibikorwa bibi bagiye bakora, twabagiriye ibanga ariko bo ntibaritugirira, n’ubu hari ibyo tutavuga kandi si uko bidahari, si uko tutabizi.”

Mu myaka yamaze muri RNC, Dr Rudasingwa ngo ntiyigeze ashyigikira demokarasi, zimwe mu ngero zikaba kuba yaranze ko muri RNC hakorwa amatora y’abayobozi, atinya ko azasimburwa ku mwanya w’umuhuzabikorwa.

Indaya Kampala road

IBITEKEREZO
Ntihi Grace

Niya ngo iyakariye ntigata,kandi ngo "Akabaye icwende ntikoga,niyo koze ntigashira..........Bariya bagabo babiri bikuye mu gihugu kubera kudahaga.Ntacyo bari babuze,ndetse bari bafite n'ibyo batigeze batekereza kugira.Barangije bavuma ibiganza byabafatiye inkongoro y'amata.Uriya murengwe,umwijuto w'abatindi niwo bazapfa kugeza kera.Iyo bene nka bariya dore ko buzuye igihugu,bageze hanze,ntibihanganira gusubira ku mamininwa,ahubwo barasenyana kugirango baramuke.Muzumva uko birirwa basebanya muri ya ma radiyo bashinze yo guharabika u Rwanda rwababyaye,n'Umukuru w'Igihugu.Byose byarakunguraga kuko batatiye igihango.

Ntihi Grace

Urugiye kera ruhinyuza intwari.Nigeze kwita RNC-Rwandans Nyakabwana Corporation,abantu baranyiha ngo natukanye.none basomyi ba rushyashya murabyiboneye.Imana niyo irimo kugonganisha iriya mitwe yose kuko yuzuyemo ubuhemu n'ubugambanyi.Kandi iyo mitwe yiyita iya politike,irabomborana gusa,nta kiyirimo.Niyo mpamvu Abanyarwanda baseka bigaramiye,uwo mwiryane wose bakawureba bicecekeye.Abakorikirana ibyabo ba Hadui basubiranyemo,buretse muziyumvire uko basebanya nk'abakeba,naho indaya zo zipfa ifaranga gusa.

Yohani Baptista Mvano

Imbwa iracyira nticyira umurizo ! Agakara gasiga imbwa ntigasiga akako ! ingeso ishira ari uko nyirayo yapfuye ! Burya imwe mu nkingi ikomeye ya politiki ni ukwicisha bugufi ukemera guhanurwa, Ukagira inyota yo kwakira inama, kurusha kuzitanga. ukarushaho kumva ibyo ubwirwa kurusha gushimishwa n'ibyo ubwira abandi. Iyo witegereje neza nyirabayazana w'ibibazo bya politiki mu gihugu cyacu ni ubwiko n'ubwikanyize. Ibi ariko bibaye hagati y'aba bagabo babiri bashyamiraniye hanze, bibere n'abandi isomo rikomeye. Burya kuvugurura byoroshye kurusha gusenya ugatangira bundi bushya. Nasabaga abanyapolitiki babyawe n'Umuryango RPF, gushishoza bagashyira mu gaciro bakamenya igiciro cyatanzwe ngo Urwanda rube rugeze aha. Hatabaye kwikunda kurenze urugero, twari dukwiriye kunyurwan'ibyo Abanyarwanda muri rusange tumaze kugeraho, kabone n'iyo Leta yaba yarakurenganyije cg ntuyigiremo inyungu yawe bwite ku giti cyawe. Mpora mbwira inshuti zanjye ko ibyo Leta itaguhaye , igihugu cyizabiguha cg kizabiguhere abana n'abuzukuru. Iyo umutwe wa politiki na Leta uyoboye byubaka igihugu buri wese akwiriye kunyurwa kandi agatanga umuganda uko ashoboye ngo ibyagezweho bidasubira inyuma. Ngiyo impamvu nagirango nsabe ko twagerageza kujya dutandukanya inyungu yacu bwite, inyungu y(umutwe wa politiki turimo, inyungu ya Leta n'inyungu nkuru y'igihugu. N'ubwo izo nyungu zishobora kuzuzanya, rimwe na rimwe zishobora no gushyamirana. Urugero : umutwe wa politiki ndimo utampaye cg ngo umpeshe umwanya muri Leta cg se ukanyaka umwanya wari wanshyizemo, bikwiriye ko nitandukanya nawo kandi mbona neza ko imigambi yawo iteza imbere igihugu ? Oya. Icyo gihe naba ndi Mperinda. Nagirango kandi mu bwenge twahawe na kamere tujye tumenya ko bidahagije gukora neza cg kuvuga neza gusa. Ahubwo buri gikorwa tugomba kumenya aho gikorewe n'igihe gikorewemo, buri mvugo tugomba kumenya aho ivugiwe n'igihe ivugiwemo. Koko rero iyo numva zimwe mu mvugo z''abanyapolitiki b'Abanyarwanda, akenshi bintera kwibaza niba umurima w'Abanyapolitiki utararumbye mu Rwanda. Nitwisubireho twese, twishyire hamwe twiyubakire igihugu. Niba mu mvugo yanjye hari uwo mbangamiye cg nkomerekeje mbaye nsabye imbabazi bavandimwe. Me JB Mvano mu Bubiligi


TANGA IGITEKEREZO

Kwamamaza
Kwamamaza
Also in this section
RNC –Ishaje yadukanye ’Agashya ’ noneho igeze no mubapfakazi

RNC –Ishaje yadukanye ’Agashya ’ noneho igeze no mubapfakazi

Kugirango u Rwanda rugire amahoro ni uko Abafaransa bava muri Uganda, ese birashoboka ?

Kugirango u Rwanda rugire amahoro ni uko Abafaransa bava muri Uganda, ese...

Nibogora Lydie warutuye mu Mujyi wa Bujumbura ( mu Ijabe ) yishwe bunyamanswa

Nibogora Lydie warutuye mu Mujyi wa Bujumbura ( mu Ijabe ) yishwe...

Amakimbirane hagati ya Company zitwara abagenzi Nyabugogo na RITCO (Rwanda Interlink Company Limited)

Amakimbirane hagati ya Company zitwara abagenzi Nyabugogo na RITCO (Rwanda...

NEW POSTS
Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

Impanuro z’Umukuru w’Igihugu Perezida Kagame i Nyagatare

18-02-2017

Impanuro z’Umukuru w’Igihugu Perezida Kagame i Nyagatare

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...

“ Udashinga ntabyina” MPAYIMANA, NAHIMANA na HABINEZA kuyobora u Rwanda - twisekere !!!!

14-02-2017

“ Udashinga ntabyina” MPAYIMANA, NAHIMANA na HABINEZA kuyobora u Rwanda -...

Ubutinganyi (homosexuals) buravuza ubuhuha muri RNC

13-02-2017

Ubutinganyi (homosexuals) buravuza ubuhuha muri RNC

Ni nde Muyobozi ukwiriye u Rwanda

13-02-2017

Ni nde Muyobozi ukwiriye u Rwanda