LATEST NEWS
Itohoza
RNC yagize icyo ivuga ku bikorwa by’iterabwoba yatangije mu Rwanda
Publish Date: lundi 8 février 2016
VISITS :4948
By Admin

Mu ijoro rishyira kuwa 2 Gashyantare 2016, abaturage ba Ndera baraye batewe n’ abantu bitwaje intwaro za gakondo ndetse n’ ibitoroshi bihuma abantu amaso .

Kugeza ubu haravugwa abantu icyenda bakomerekejwe n’ icyo gitero. Inzego z’ Umutekano ntizivuga rumwe kuri iki gitero aho Ingabo zivuga ko u Rwanda rwatewe n’ Umwanzi kubera ubuhanga ibyo bitero bwakoranwe, naho Polisi ikavuga ko ari ibisambo.

Mu itangazo rya RNC rigaragara k’urubuga rwa The Rwandan yasohoye nyuma gato y’ubu bugizi bwanabi, rirasa niryigiza nkana rikanateza ubwega muri ibi bikorwa by’iterabwoba bisa nko kwihorera k’urupfu rwa Mugemangango Muhamed wakoranaga n’imitwe y’iterabwoba ya ki islam, RNC ndetse na FDLR. Abandi bakavuga ko bifitanye isano n’ Urubanza rwa Gen. Frank Rusagara na Col. Tom Byabagamba.

Gen. Frank Rusagara Na Col. Byabagamba

Uko iryo temwa ry’abantu aho muri Ndera ryakozwe rigaragaza neza yuko ryari iryo kwangisha abaturage ubutegetsi ku mpamvu nk’eshatu zigaragaza. Iya mbere n’uko ahantu hose abo bantu bagabye ibitero nta kintu bigeze biba, bamwe mu bo twanaganiriye bakavuga yuko basabaga abo bari babateye ngo babahe amafaranga ntibabice, bakayanga bagatema ahubwo bakabambura indangamuntu !

Impamvu ya kabiri n’uko mu by’ukuri abo bantu usanga bari batagambiriye kwica ahubwo gukomeretsa gusa kuko basangaga abantu mu inzu bagatema ntibice kandi iyo baza kuba ari ukwica bifuzaga nta cyari ku bibabuza !

Gen. Kayumba Nyamwasa

Ibi byabanjirijwe n’ ihunga rya bamwe mu bayoboke mu idini rya Islam, kugeza ubu bikekwa ko byaba bifitanye isano n’ibitero ku Rwanda bitegurirwa mu Burundi. Nyuma y’urupfu rwa Muhamed Mugemangango, Polisi yatangaje ko ifite ibimenyetso byinshi by’ uko Mugemangango yakoranaga n’ Intagondwa za ki islam, harimo no kwibasira ingabo z’u Rwanda ziri mu butumwa bw’amahoro mu bice bitandukanye muri Afrika.

Muhamed Mugemangango

Iyo usesenguye neza ibi bikorwa usanga bifitanye isano n’ibimenyetso byinshi byagiye bigaragara mu Ntara y’Amajyaruguru mu mwaka w’2014, aribwo uwahoze ari Executif(Gitifu wa Cyuve) Nsengimana Alfred, yishwe ashaka gutoroka nyuma y’ibikorwa by’ubucengezi bya muvugwagaho.

Uwari Executif(Gitifu wa Cyuve) Nsengimana Alfred

Uyu Alfred n’ubwo yari umukozi wa Leta, ariko nijoro yajyaga ajya mu manama za FDLR muri Congo, akabwira inzego bakorana ko aba yagiye kwiga muri Kaminuza kuri Goma, Alfred yamaraga kwambuka umupaka, akambara imyenda ya gisilikare ya FARDC, iriho n’amapeti ngo hatazagira umuca iryera, yarangiza akajya munama za FDLR. Yishwe amaze kwinjiza intwaro n’ibikoresho byinshi byagisikare mu Ntara y’amajyaruguru.

Muri iryo tangazo ihuriro Nyarwanda, RNC rirasa niryerura intambara ku Rwanda. Abakurikirana iby’umutekano muri aka karere bakavuga ko iri terabwoba ari igeragezwa ry’ inzego z’ Umutekano ariko hari n’umugambi wo gukwirakwiza ibi bikorwa mugihugu hose.

Igitangaje ariko n’uko nyuma y’ibibikorwa by’ubugizi bwa nabi Leta z’ Unze ubumwe z’ amerika (USA) ikaba yavuze ko iyi mikorere isanzwe igaragara mu banyagitugu. Kirby, umuvugizi wa Ministeri Ishinzwe ububanyi n’ Amahanga yasobanuye ko “mu bihugu bitari bike byo ku isi abategetsi bitwaza ibikorwa by’iterabwoba mu kumvisha no kubuza abanyagihugu gutangaza ibitekerezo byabo”.

Ibi biratangaje kubona Amerika ishyigikira ibikorwa by’iterabwoba nk’ibi kandi ivuga ko ariyo irwanya iterabwoba ku isi.

Gen. Byiringiro Victor wa FDLR

Amakuru agera kuri Rushyashya aravuga ko u Rwanda rushobora guterwa na FDLR. Aya makuru avugako bazinjirira kuri Ruhwa kumupaka w’u Burundi n’u Rwanda ngo benshi bamaze kwinjira mu Rwanda. Andi makuru akavuga ko bazigabanyamo ibice bibiri, abandi bazinjirira i Bukavu ku ijwi mu Rwanda, kugirango bafatanye na bagenzi babo bo muri FDLR, Nkurunziza avugako atazava kubutegetsi adatwitse u Rwanda.

Umwanditsi wacu

IBITEKEREZO
Kamanyukumutsima

Komwase gusangira, emera musangire kuko murabavandimwe.

kadege

Kumira kuboyobozi niwomuzi wingorane nintambara !!! Kugiramahoro aboneke muri Africa nukohobaho guhebingeso igayitse, iteyisoni yokumira kubutegetsi, birateyisoni ahumuntu yobura numwe yizeye mubobakoranye. Guhindura ibwirizwa shingiro/ubundi bubeshi bwose ntibikwiye kugira ikibanza kukonumuzi wintambara nubukene vyugarije afrika. Kumira kubutegetsi, ninda ndende, noguhahamira amaronko ariko vyica beshi.

itonde

Dear Kanyarwanda, Numva utakwitwa Kanyarwanda ahubwo Gacengezi. Iyo uvuga intambara wagira ngo wewe uzaba wibereye kuri piscine ibisasu bikunyura hejuru cyange bizinwa n'amazi. Ntukaririmbe intambara nk'umukristu uri mu rusengerero/Kiriziya urimba izatoranijwe, kuko ushobora kuyikurura ikagutwara bwa mbere. URUCIRA MUKASO RUGATWARA................................. Komeza. Itonde

rwagasore louis

ok

nzuri

Itegure kujya wandika inkuru nk'izi zitari impimbano. Mutisubiyeho tuzaza nta kabuza turebe ubwo butore bwawe na Kagame.

Kandi

Haaaaaa, Keretse mukeka ko abanyarwanda tutazi ubwenge ???? Ntimukatubeshye ukuri turakuzi iyo ni propaganda ahubwo mukwiye kureka abanyarwanda bakabaho mutababujije ubuzima .Nimushaka muyikureho comments yanjye gusa amaraso murimo kumena muzayabazwa mugatangira kubeshya !!

Kanyarwanda

Tangira ukenyere kuko ubutaha inkuru nkizi uzajya uzandikira kurugamba.


TANGA IGITEKEREZO

Kwamamaza
Kwamamaza
Also in this section
Abayobozi barindwi batawe muri yombi

Abayobozi barindwi batawe muri yombi

Umu ofisiye w’umupolisi n’umukunzi we bakoze impanuka mu buryo bw’amayobera

Umu ofisiye w’umupolisi n’umukunzi we bakoze impanuka mu buryo...

RNC : Abagore b’ibigarasha mu Bubiligi mu mihango yo gupfobya Jenoside yakorewe Abatutsi

RNC : Abagore b’ibigarasha mu Bubiligi mu mihango yo gupfobya Jenoside...

Karamaga wahishe umurambo wa Uwiringiyimana Agathe yatangiye kurindirwa umutekano

Karamaga wahishe umurambo wa Uwiringiyimana Agathe yatangiye kurindirwa...

NEW POSTS
Abava muri FDLR bose bagaragaza gucikamo ibice gukomeye

29-04-2017

Abava muri FDLR bose bagaragaza gucikamo ibice gukomeye

Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...