LATEST NEWS
Itohoza
Tumenye bamwe mu barwanya Leta y’u Rwanda ( Igice cya 5)
Publish Date: jeudi 17 mars 2016
VISITS :3769
By Admin

Murwego rwo gukomeza kubagezaho urutonde rwa bamwe mu barwanya Leta y’u Rwanda . Abakorana n’abatera inkunga abanzi b’Igihugu cy’u Rwanda. Uyu munsi turabagezaho abakorana bakanatera inkunga abanyapolitiki barwanya leta y’u Rwanda cyane cyane abo mu ishyaka rya Ingabire Victoire, FDU-INKINGI.

Amakuru agera kuri Rushyashya ava i Buruseli mu gihugu cy’u Bubiligi aravuga ko ku mugoroba wo ku wa gatandatu tariki 12 Werurwe 2016, habaye igisa n’ umuhango wo gutanga igihembo cyitiriwe Madame Victoire Ingabire Umuhoza, umukuru w’ishyaka FDU-Inkingi ubu ufungiye mu Rwanda.

Icyo gihembo kitiriwe Madame Victoire Ingabire gitangwa buri mwaka n’umuryango RIFDP(Réseau international des Femmes pour la Démocratie et la Paix) ni umuryango udahanira inyungu wiyemeje gutera inkunga abanzi b’u Rwanda

1.Fred Winther Holt : Azwi nk’ impirimbanyi y’uburenganzira bwa muntu cyane cyane uburenganzira bw’abasize bahekuye u Rwanda muri 1994, bahunze igihugu. Akomoka mu gihugu cya Norvège, by’umwihariko akaba ari inshuti ikomeye ya Victoire Ingabire n’zindi mpunzi z’abanyarwanda barwanyiriza Leta y’u Rwanda mu buhungiro.

Fred Winther Holt

Fred Holt ubu uri mu kiruhuko cy’izabukuru akorana akanatera inkunga impunzi z’abanyarwanda biyita abanyapolitiki ndetse n’abarwanya Leta y’u Rwanda. Afite ishyirahamwe bita Espoir-Menneskererrsgruppe, uyu muryango ukaba ufite intego yo guhuza no gufasha abashaka gusenya ubutegetsi bwa Leta y’u Rwanda.

Akurikiranira bya hafi ikibazo cya Madame Victoire Ingabire Umuhoza, yashinze kandi akoresheje Facebook icyo yise« Slipp Victoire Ingabire Fri » (ugenekereje mu kinyarwanda bikaba bivuga ngo : Nimurekure Victoire Ingabire).

2. Anneke Verbraeken : Umunyamakuru w’umuholandikazi utarahwemye kwandika nabi u Rwanda avugira Victoire Ingabire .Ni umunyamakuru wigenga wandika mu bitangazamakuru binyuranye nka : Groene Amsterdammer, Vrij Nederland, Brandpunt, Knack na MO+.

Anneke Verbraeken ni umunyamakuru ukurikiranira hafi ibibera mu karere k’ibiyaga bigari kuva mu 2009. Ikintu nyamukuru kimushishikaje ni uguharabika Perezida KAGAME n’u Rwanda mubyo akora byose yibanda ku ifungwa rya Madame Victoire Ingabire.

Anneke Verbraeken

Anneke Verbraeken yandika inkuru nyinshi ku buzima Madame Ingabire ,kandi akaba apfobya Jenoside yakorewe Abatutsi avugira abicanyi bari mu bihugu by’i Burayi baregwa Genocide n’ibinyamakuru mpuzamahanga.

Afatanije na Hofdijk, arimo kurwana inkundura kugira ngo Leta y’u Buhorandi yemere ku mugaragaro ko Madame Ingabire ari imfungwa ya politiki.

Leta y’u Rwanda bafashe icyemezo cy’uko Anneke Verbraeken atemerewe gukandagira ku butaka bw’u Rwanda( personne non grata).

Uyu munyamakuru yateye akavuyo muri Rwanda day yabereye i Amsterdam mu Buhorandi mu 2015.Police imwambura ibyo yari afite byose.

3. Patrick Mbeko : Uyu ni umucongomani w’ Umwanditsi n’umusesenguzi ku bibazo bya politiki cyane cyane ibyo mu karere k’ibiyaga bigari.

Patrick MBEKO ahagarariye muri Québec umuryango Collectif Friends of the Congo ufite ikicaro i Washington muri Amerika.

Patrick MBEKO

Mu 2012, Patrick MBEKO yasohoye igitabo cye cya mbere yise : « Le Canada dans les guerres en Afrique centrale : Génocides et pillages des ressources minières du Congo par le Rwanda interposé ».Bivuze :" Igihugu cya Canada mu ntambara z’Afurika yo hagati : genoside no kunyuruza imitungo y’amabuye y’agaciro ya Congo byakozwe n’u Rwanda"

Mu 2014, yasohoye ikindi gitabo yise : « Le Canada et le pouvoir tutsi du Rwanda : deux décennies de complicité criminelle en Afrique centrale » nabyo bivuze ;"Igihugu cya Canada n’ubutegetsi bw’Abatutsi mu Rwanda : Imyaka makumyabiri y’ubukimbirane n’ubwicanyi muri Afurika yo hagati" Muri uwo mwaka kandi yasohoye ikindi gitabo yise : « Stratégie du Chaos et du mensonge : Poker menteur en Afrique des Grands Lacs », yandikaye n’uwari umujyanama mu by’umutekano wa Perezida Mobutu witwa Honoré Ngbanda.

Mu 2015 yasohoye ikindi yise : « Guerre secrète en Afrique ». Patrick Mbeko ubu arimo kwitegura gusohora inyandiko ku iperereza yakoze ku buzima bwa Mouammar Kadhafi n’intambara umuryango wa OTAN wagabye ku gihugu cya Libiya.

Kuva mu myaka myinshi ishize Patrick Mbeko abicishije mu manama agiramo uruhare ndetse n’ibiganiro ku mateleviziyo n’ibindi bitangazamakuru bitandukanye akunze kugaraga asebya Leta y’u Rwanda. Patrick MBEKO yavukiye i Kinshasa muri Congo, akaba ari ho yize amashuri abanza n’ayisumbuye nyuma yakomeje amashuri ye ya Kaminuza muri Leta Zunze ubumwe z’Amerika ndetse no muri Canada aho yize ibijyanye na politiki.

Umwanditsi wacu

IBITEKEREZO
vision 2050

Ariko se abo banyamahanga bivanga muri politike y'u Rwanda iwabo ibibazo byaracyemutse ku buryo bajya mu by'abandi ? Urusha nyina w'umwana imbabazi aba ashaka kumurya. Ko bize babuze indi business yabatunga ko ku isi hariho akazi kenshi ?

Ntambara Robert

Aha nihatari ariko niko mbona iy'Isi yacu iteye kand'izarinda irunduka .?

kodo

ongeraho n'uwitwa Jean Claude Manzueto niyo aryamye arota avuga ubutegetsi bw'u Rwanda nabi n'abayobozi barwo ntahwema kwandika no gusohora articles zisebya u Rwanda ni umunyekongo usa n'umumetis


TANGA IGITEKEREZO

Kwamamaza
Kwamamaza
Also in this section
Kubera urukundo, asuka amarira iyo abonye Perezida Kagame

Kubera urukundo, asuka amarira iyo abonye Perezida Kagame

Hanze y’igihugu haracyari indashima nyuma y’imyaka 23 Leta y’ubumwe bw’abanyarwanda igiyeho

Hanze y’igihugu haracyari indashima nyuma y’imyaka 23 Leta y’ubumwe...

Lt Gen Karenzi Karake na Maj. Gen Jack Nziza mu basirikare bakuru basezerewe

Lt Gen Karenzi Karake na Maj. Gen Jack Nziza mu basirikare bakuru...

Urukiko rwemeje ko Protais Zigiranyirazo akomeza kwimwa viza yo gutura mu Bufaransa

Urukiko rwemeje ko Protais Zigiranyirazo akomeza kwimwa viza yo gutura mu...

Perezida wa Koreya ya Ruguru yarapfuye Imana ikinga akaboko

Perezida wa Koreya ya Ruguru yarapfuye Imana ikinga akaboko

NEW POSTS
Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...

Umunyarwanda akurikiranyweho kubeshya inzego za Amerika asaba ubuhungiro

9-08-2017

Umunyarwanda akurikiranyweho kubeshya inzego za Amerika asaba...

Perezida Kagame niwe wongeye gutsinda amatora ku majwi 98,66%

7-08-2017

Perezida Kagame niwe wongeye gutsinda amatora ku majwi 98,66%