LATEST NEWS
Itohoza
Tumenye bamwe mubarwanya Leta y’u Rwanda
Publish Date: vendredi 26 février 2016
VISITS :8120
By Admin

Maj. Robert Higiro Alias Kasisi : ‘Kasisi’, iri ni izina ryibukwa na benshi mu babaye mu nkotanyi.. Ugenekereje bisobanura ‘umuntu usenya’, Kasisi ni izina yahawe mu gihe cye nk’umusirikare.

Kimwe n’abandi biyita ko batemera ibyo u Rwanda rukora, Higiro amaze kumenyekana nk’urwanya Leta, bene uwo muntu muri Afurika ngo niwe uba ari umunyakuri. Ibi bikajyana n’uko uyu yahoze ari umusirikare ukunda kwishyira hejuru, ibintu byagombaga kumuganisha ku bibazo arimo muri iki gihe nk’iby’umuntu usenya, ‘Kasisi’.

Ubwo yari akiri mu gisilikare nyuma y’imyaka mike mu 2008, Higiro yoherejwe nk’umwarimu mu ishuri rya gisirikare ry’u Rwanda (Rwanda Military Academy). Nyuma yo gufata nabi abarimu ba gisirikare bari baturutse muri Leta Zunze Ubumwe za Amerika, Umugaba w’Ingabo z’u Rwanda yahamagaje inama nayo Higiro ayigaragarizamo imyitwarire ye isanzwe, atuka Umugaba w’Ingabo imbere y’abandi basirikare.

Nyuma yo kwihanangirizwa inshuro nyinshi, Higiro yirukanywe mu gisirikare mu 2010. Yavuye mu Rwanda azi neza ko amahirwe ye azaba menshi nk’umuntu urwanya guverinoma kurusha kubaho nk’umuntu wemeye amakosa ye. Yihutira kwihindura nk’ijwi rihamagarira abandi kugira indangagaciro we zamunaniye akiri mu Rwanda.

Umunyamakuru Serge Ndayizeye :

Avuka ku Kimihurura mu mujyi wa Kigali Ise yahoze ari Agronome, muri Jonoside Serge yari afite nk’imyaka 18 yahungiye muri Congo i Kinshasa ava i Kinshasa ajya i Burayi. Iwabo hari bariyeri yaguyeho abatutsi benshi bishwe na mukuruwe witwaga Jean Pierre uyu mukuruwe yabaga kuri iyi bariyeri yambaye imyenda ya gisilikare afite n’imbunda yaje gupfa ahunga. Ntakiza rero cyava kuri Serge Ndayizeye, cyane ko ubu afitanye ibibazo bikomeye n’umugore we baheruka gutandukana Serge akaba yaranze gutanga indezo y’umwana, iki kibazo kikaba kimuhoza munkiko.

Jean Paul Turayishimye :

Ni umuhuzabikorwa wa Radio Itahuka ya RNC, akaba yarahoze ari Escort wa Gen. Kayumba Nyamwasa.

Uyu Jean Paul yahunze akurikiye Kayumba kubera urupfu rwa nyirabukwe wa mushiki wa Nyamwasa yishe abitumwe na Kayumba ubwe amuhora amafaranga ya muramu we bari basangiye yari muri BACAR, witwa EL-HADJI Murwanashyaka wahungiye muri Canada nawe bashaka kumwica.

Uyu Ibrahim yumvise ko nyina bamwishe,ariko n’umurambo we bawusanga mu modoka y’uwo Jean-Paul Turayishimye. Ibrahim yari yarahahamutse cyane ku buryo n’aho amenyeye ko Kayumba yamwiciye nyina,yahise abwira murumuna we ngo ave mu Rwanda bwangu. Ubu El-Hadj yahinduye idini,asigaye ar’umurokore ndetse na Pasteur Canada.

Ibi Jean-Paul Turayishimye ntabihakana ahubwo mu bamwandikiye bamuryoza uwo mubyeyi yishe ku mabwiriza ya Kayumba,yagize ati:Nari ndi ku kazi,kandi byari mu nshingano zanjye mpawe na "Afande "

Jean-Paul ntiyatinye kwirenza umukecuru,ufite imyaka 81,abitumwe na shebuja kandi umubyeyi atazi niyo biva,niyo bijya.Ngaho namwe ni mwiyumvire amateka y’aba bantu kubahuka umukecuru nkuwo nguwo.

Ubu Jean-Paul T yihishe Boston,aho yiga ikigoroba muri University,muri LawSchool.

Micombero JMV RNC Belgique :

Jean Marie Micombero, Ni impunzi yabaye muri Congo ikitwa Zaire, yaje kujya mu Nkotanyi nyuma iba RDF aho yakuye ipeti rya Major, yahoze ari umunyamabanga mukuru muri Ministeri y’ingabo mu Rwanda, aza gufungwa azira kwiba imishahara y’abasilikare no gutanga amasoko mu buryo bunyuranije n’amategeko mu buriganya na ruswa yaje gukatirwa n’inkiko nyuma za gufungurwa, arahunga, ubu akaba ari umuhuzabikorwa w’Ihuriro RNC mu gihugu cy’u Bubiligi.

Micombero hari inyandiko ndende yasohotse mu kinyamakuru kitwa Marianne yavugaga ku buhamya Micombero yatanze inshuro 2 ku ihanurwa ry’indege ya Perezida Habyarimana. Akaba yarabuhaye umucamanza Marc Trévidic w’umufaransa wakoraga iperereza ku ihanurwa ry’iyo ndege iri perereza rikaba ryaraje guteshwa agaciro.

Umuhanzi Ben Rutabana

Rutabana Benjamin yavutse mu 1970 mu cyahoze ari Kibuye , ni umuhanzi w’ umunyarwanda, avuka mu muryango w’ abana icyenda abahungu batandatu n’ abakobwa batatu, se akaba yari umu pasiteri w’ umudivantisiti.

Rutabana yatangiye kugaragaza impano ye afite imyaka 14 aho yaririmbiye imbere y’ imbaga y’ abantu kuri stade regional y’i Nyamirambo. Gusa se yamusabye gukomeza amashuri kuko yari umunyeshuri.

Mu 1990 ubwo Rutabana yari ageze mu mwaka wa nyuma w’ amashuri yisumbuye, yarafashwe maze arafungwa ashinjwa kuba icyitso cya FPR-Inkotanyi, aza kurekurwa muri Werurwe 1991. Bitewe n’ akababaro yatewe n’uko gufungwa yahise yerekeza muri FPR mu Burundi nyuma aza no kujya muri Uganda.

Muri icyo gihe ni nabwo yanditse indirimbo ebyiri :”Iyambere Ukwakira” yaje gukundwa cyane cyane n’ingabo za FPR ndetse na “Africa” aho yaririmbaga ibigwi by’ intwari za Afurika.

Benshi mu muryango we harimo n’ ababyeyi be bahitanywe na jenoside yakorewe Abatutsi.

Mu 1995 nibwo yavuye mu gisirikare afite ipei rya “Su Riyetona”, nibwo yahise yinjira mu mwuga wo kuririmba.

Mu 1996 nibwo yakoze album ye yambere yise “Ijuru ry’ intwari”, mu 1998 nibwo yahuye na Rudatsimburwa Albert amufasha gufata amajwi y’ indirimbo ze, nibwo indirimbo za Rutabana zatangiye kumenyekana cyane zinyura kuri televiziyo na radioby’ u Rwanda.

Rutabana yaje gukora Album ye ya kabiri yise “Imbaraga z’ urukundo”, irimo indirimbo yanditse afunze, icyo gihe yari yafatiwe muri Tanzinia azira kwiba umuhinde agarurwa mu Rwanda. Mu 2001 yaje gusubiramo “Afrika”.

Mu 2002 MTN yateguye ibitaramo byinshi aho Rutabana yagiye atumirwa, Rutabana akomeza kuririmba ahantu henshi mu gihugu akaririmba indirimbo ze. Mu 2004 yerekeje mu gihugu cy’ u Bufaransa mu rwego rwo gukomeza kumenyekanisha umuziki we, agezeyo yiyita impunzi.

Kuri ubu niwe ushinzwe urubyiruko rwa RNC mu Bubiligi akaba ari muramu wa nyakwigendera Assinapol Rwigara wahitanywe n’impanuka mu Gashyantare 2015.

Kayumba Nyamwasa

Ni Umuyobozi wa RNC : Ise yari umukiga w’i Byumba wagiye ateruye inka z’Abatutsi ubwo bahungaga ubwicanyi bwa Kayibanda na Parmehutu, Kayumba Nyamwasa yaje kwinjira mungabo za Uganda, aho yakuye amateka atari meza.

Muw’1985, amezi atatu gusa ageze mu ngabo za Uganda, Kayumba Nyamwasa yahawe kujyana agahunga k’abasivili ahitwa Mutuga, igice cyo mu karere ka Arua, mu majyaruguru ya Uganda. Kayumba ntiyaretse agahunga kagera iyo kajya, yashutse abo bari kumwe bagurisha ibyo biribwa mu nzira.

Nyuma y’uko Komanda wa Batayo ya 7 abimenye icyo gihe yari Lt Col Matayo Kyaligonza yemeje ko amuhana n’abandi bakareberaho. Icyatumye ariko bikomera ni uko Kayumba atari ubwa mbere anyereza ibigenewe abantu benshi ku nyungu ze bwite.

Amakuru dukesha The Exposer ivuga ko Matayo Kyaligonza ubu ni Brigadier General ndetse akaba na ambasaderi wa Uganda I Burundi, avuga ko bitamutangaje cyane ubwo Kayumba yajyanwaga mu rukiko aregwa Ruswa.

Lt Col Matayo Kyaligonza yabonye amakuru yose, ko Kayumba yavanye Kawunga Matugo akajya kukagurisha Garamba, ngiyo ingeso ya Kayumba n’uko yabaye umusahuzi igihe yari afite imyanya ikomeye mu Rwanda.

Nyuma y’uko iperereza rirangiye Lt Col Matayo Kyaligonza yafashe Kayumba aramufunga. Hanyuma yasabye ko Kayumba akubitwa kugeza ubwo yemeye ko yibye ako Kawunga. Kayumba yarakubiswe azengurutswa mu kigo hose. Wakwibaza ukuntu yari ameze yariraga nk’akana gato.

Nguwo Kayumba wirirwa abeshya abatazi iyo bagana ! Ngo ni umuntu ukunda amahoro ushaka kuzana demokarasi mu Rwanda ! Ese ni uwuhe mudemokarate muzi ugurisha ibyo abaturage bakeneye, ni mudemokarate ki wica abo bakorana ubucuruzi ?... ninde mudemokarate muzi ushinga udutsiko two kwiba iby’abaturage, ninde muntu ukunda amahoro muzi ushinga udutsiko ducuruza ibiyobyabwenge no kwiba imisoro ?

Kayumba yahemukiye benshi bamwizeye nk’umuntu muzima. Ubutekamutwe no kwikunda byatumye yibagirwa ko akorera abaturage ! Yakoreraga mu bwihisho we na bagenzi be bafatanije n’ubu abo bahora biteguye gukora icyo aricyo cyose upfa kubaha agafaranga ! Bagera n’aho bica bene wabo ! Ese ninde wakwizera uyu mugabo ? Ukorana n’abashaka kumara abanyarwanda ?

Gasana Gallican wo mu Ishyaka Amahoro .

Uyu Gasana Gallican ni umuhungu wa Gasana ni umu rescape avuka ku Muhima mu mujyi wa Kigali yahoze acuranga muri Orchestre Les huit anges y’umuzungu baryamanaga nk’abatinganyi, uyu muzungu yari Ambasaderi w’Ububiligi mu Rwanda ni we wamuvanye mu Rwanda hagati ya 1992-93 amujyana mu Bubiligi kuko yari umugore we. Gasana Gallican yaje kuva mu Bubiligi ajya muri Canada

Providence Rubingisa

Avuka mu mujyi wa Kigali kuri peage, yahunze hagati ya 1995-96 yari afite Company yakoraga ibintu by’amazi aza kubona ikiraka cyo gukora amazi mucyaro, akaba yari afite umugore w’umwarabu wasize amwibye amafaranga yose yakoreye mu mazi kuko yacaga kuri compte y’uwo mugore.

Rubingisa yavuye mu rwanda atorotse imyenda y’Abaturage n’abacuruzi bari baramugemuriye ibikoresho, yabanje kuba mu Bubiligi nyuma avayo ajya kuba muri Amerika abona akazi kwa Rusesabagina ko kumubera Secretaire nyuma baza gushwana aba umudozi w’inkweto aho azitoragura aho bazijugunye, akazibyaza umusaruro, ubu niwe mukangurambaga ukomeye mu ishyaka RNC muri uwo mujyi kandi akanakorana bya hafi na Kayumba Nyamwasa.

Rubingisa aherutse kubeshya abazungu ( nubwo bamuvumbuye) ko afite ishyirahamwe ryitwa “STUFF FOR THE POOR” ugenekereje mu kinyarwanda ni “Iby’abakene”.

Biracyaza...

Cyiza Davidson

IBITEKEREZO
Fred

Serge ndamuzi twariganye muri primaire ku kimihurura twese tungana kandi genocide yabaye nge mfite imyaka 18 mwibeshye rero Serge ni umusaza

Fred

Serge ndamuzi twariganye muri primaire ku kimihurura twese tungana kandi genocide yabaye nge mfite imyaka 18 mwibeshye rero Serge ni umusaza

Ahmed Shyaka

@ Saba Ramos, Nanjye nibyo twese twibaza.Ni kuki bashobora kwizera umuntu nkuwo mu gisilikari cy'u Rwanda kandi azwi ?Jyewe rwose naritegereje,si nawe wenyine w'umujura wabonye umwanya ukomeye.Hafi y'Ibigarasha byose,n'abafunzwe bari bafite imyanya ya mbere,bakajya bavuga rikijyana,bakica bagakiza.Muribika Nyakabwana Theogene afungira Methode muri Container ?Ariko se yarabihaniwe ?Ahubwo yAVUYE KUBA aMBASSADEUR MURI Washington DC,agirwa SG wa RPF,yongera kujya gukora mu Rugwiro kandi afite ibyo byaha byose by'uburiganya n'ubujura.Ubwo ntituvuze Gahima,Karegeya,ndetse na bariya bafunzwe.Ubu hongereyeho na Afande Rutatina.Ubu se nagira ibyo yangiza tuzavug'iki kandi ari muramu w'Ibigarasha.Murebe kariya kanyarumogi Himbara,wari iruhande ya Mzee wacu ?Biriya koko ni bizima ?Ese babona iyo myanya bate ?Begera H.E.wacu banyuze he,bafite iyihe background ?Ubu se nibo babanye mw'ishyamba bonyine niba ariyo criteria ? Reka tunavuge n'abandi bangiza ku mugaragaro bitwaje iturufu y'amoko.Ubu nta Muhutu uhanwa,atabanje kwiregura ko bamuziza ubwoko bwe.Ubu rwose niyo yabaye feuiile de route y'Abahutu bose,Iyo bagambana,bagafatwa,bakanashinjwa ibyaha bigaragara,ako kanya bavuga ko ari ba Nyamwinshi,bakarekurwa,noneho bakaboneraho no gukora ayandi mahano batitangira.Ubu bamenye n'ubwenge bwo gusaba IMBABAZI ZA NYIRARURESHWA ngo babone kuguma mu myanya yabo iyo batabagororeye ngo babahe imyanya yisumbuye.Nta Mututsi ugifite ijambo,barumiwe,ntaho bavugira. Ariko igitangaje kikanatubabaza,nuko babwira bene wabo ko ''bagowe,ntako bameze,nta kazi,nta mashuli,ko intwaro y'Igitugu ya Kagame ibica buri munsi.Icyo nicyo gihembo bagenera ubutegetsi bubafata nk'Ingagi.Ariko bazasabe Imana Nyakubahwa Paul Kagame akomeze ayobore,kuko bazagira ibyago cyane,ntitwibagirwa Genocide,ngo"Akataraza kar'inyuma,bakomeze bishushanye,babeshye,ariko umunsi numwe.

Uruvugundi Evode

yewe murabavuze karahava. Ibyo turabishimye. Ariko se kuki mutabitubwiye bakiri ku ngoma ra ? Mujye mubavuga kare tubamenye tumenye ko dutegekwa n'abantu badahwitse. Nkwibarize ariko se ? Ubu abadutegeka ubu ni shyashya ? Wowe se ? Mbere yo gutokora ijisho rya mugenzi wawe banza utokore umugogo uri mu ryawe. Vuguziga ni umwana w'Umunyarwanda. Asante sana .

murwaneza samuson

Mwihangane mwafatanije kurwana muca mubakubita kuntoke,nimubahe kunot kuko mshatse kuryamwenyene muciye mutangura kubatuka ?namwe ntawobura ivyo abatuka.komutavuze ivyiza bakoze ?

umuntu

hahahaha Robert Major bwoba utazi no gufungura pistor ahubwo ajye ashima abamuhaye iryo petit nyakabwana. umu pede witwa gallican ejobundi umugore yamujunye hanze kubera kurara muri za night partis arikumwe na bagabo babazungu. cyangwa abagabo be . Micombero hahahahah uvuye iruhande kwiga harya wari he ?? ndakwibuka muri 3rd batallion wari infura pe ariko kubera innyo y'umukobwa wa Gasana Anastise warahemutse uba ingeruza harya undi ninde .. nyibutsa di ok uwari Afandii Kayumba ugiye guhera ishyanga kubera ubugome bwe, ujya wivuka ibyo wakoreye bagenzi bawe ??Biseruka yazize nde risinde yazize nde siwowe ?none ubu wigize Yezu wigitangaza ushaka ahubwo kumara nutwari dusigaye ndakuzi cyane kuko n'abarescape ntiwarebagaho wabitaga interhamwe bose warakandagiye none ni wowe ushaka kuzana inyigisho ??? hahahah i know better abo banya mkuru bo simbatindaho kuko batuznwe no gushukura.

Dieudonne Mpamo

Birabababje cyane kubona abo bagabo bazerera basebya igihugu cyababyaye n'umukuru wacyo. Bur'igihe iyo umuntu yikoze mu nda agira ibyago bikomeye cyane.Nta wanze ko banenga ibidakorwa neza kuko nta byera ngo dee !! Ariko hari n'uburere n'umuco.Kugenda wandagaza umukuru w'igihugu uba ur'igicucu kidasubirwaho.Kandi rero niba umuntu ar'umugabo koko,naze ahangane n'ubuyobozi,avuge ku mugaragaro,naho biriya byo kwihisha inyuma ya Internet usebya,wisihinga mu kurwanya ubutegetsi,kandi utagaragara,ubundi byitwa UBUBWA.Sinumva ko nabo bivugira bakiyemerera ko ari ba Nyakabwana ?Ninyo rer.o

Emery Nkubito

Egide we, Komera,nanjye ndashima Rushyashya ko itigezaho ben'abo batindi ba Bangamwabo.Nkunda gusoma rushyashya,ariko icyo nzi nuko bafite amakuru y'impamo kuko aba afite ishingiro.Wagirango n'amakuru ya wa wundi Julian Saange,wa WIKILEAKS washyize ahabona amabanga y'ubugome n'iperereza za Amerika uko riteye.Kuva Wikileaks ishiyira ku karubanda imikorere ya Mpatsibihugu,byaratunguranye cyane. Maze inzego z'ubutasi zimushakira ibirego kugirango bimucecekeshe mu kumutera urubwa bwo gufata abagore ku ngufu.Byaje kugaragara ko aribyo bamuhimbiye. None namwe abanditsi ba rushyashya,ntimuzacike intege na gato.Ni biba ngombwa natwe tuzatanga umusanzu wo kwambika ubusa umuntu wese ushaka konona izina ry'igihugu cyane-cyane H.E.Paul Kagame.Tuzahangana bitinde.Ni mukomere turi kumwe.

Leonard Ndayishimiye

@ Samantha, Iyo umuntu akoze ibyiza maze yarangiza akaba ariwe ubyonona,nuko aba afite indi mitwe ateka. Icyo nzi nuko benshi turabana ino mu mahanga,ariko iyo muganiriye,usanga nta argument bifitiye . Mur'abo navuga ko bamwe ari abari confused ,batakimenya ibyo babamo naho bibaganisha. Urugero:Uyu Gallican abana nanyina yirirwa avuza ibikomere bitoroshye bya genocide.Umubyeyi baratemye barimbika,kugez'aho bamuvuza uko bashoboye ariko ahora avirirana rimwe na rimwe.Tujya gusura Maman akatuganyira uburyo umuhungu we yikoma Kagame,ati nabonye ko YIKUNGURIRA. Niba umubyeyi agez'aho kuvuga artyo,abandi bashatse bamwihorera kuko nuwo n'umuvumo.

saba ramos

Murakoze kubw'ubwo bucukumbuzi mwakoze kuri abo bantu ariko hari icyo ntasobanukiwe : Kuki Ben Rutabana mwongeyeho ko ari Muramu wa Assinapol wapfuye umwaka ushize bihuriye he n'iyi nkuru ? Ikindi nuko amateka ya Kayumba Nyamwasa mwatubwiye ayo mu Gisirikali cya Uganda gusa kandi yarabaye no muri APR-RDF, ese ho yitwaye ate ? Ese yinjiye mu Nkotanyi ate kandi yari umuntu w'umujura muri gisilikali cya Uganda ? Cyangwa ibye ntibyari byakamenyekanye ? Usomye iyi nkuru wagirango yavuye mu gisilikali cya Uganda ahita ajya kurwanya Ubutegetsi bw'u Rwanda. Ndumva byari kuba byiza iyo mutubwira amateka ye yose abatamuzi tukamumenya kuko ndumva yarabaye muri RDF igihe kitari gito ! Ariko ntabwo yigeze kuba Chef d'État Major ra ? Aribyo se yaba yarahawe umwanya nk'uwo gute kandi bamuzi nk'umujura mudusobanurire

Egide

Rushyashya turabashimye ibi bituma tumenya aba bantu uko batangiye kwanga igihugu nuko babayeho kuva mbere muzakomeze muducumburire nabandi nkaba baranzwe nibibi gusa

Mashema Eddy

Niba Vuvuzela biberey'aho nta kindi bamaze. Ni twa Nyakabwana nkuko umumotsi mukuru Himbara abivuga kandi ar'uwabo. Iyo biherereye barira ayo kwarika,kuko harigiye bicuza ibyo barimo,ariko bakihagararaho,no kwirarira.

Irebe Ester

Abo barwanya Leta ya Kigali bose bavuye kw'isoko.Muri Diaspora bitwa abantu PERIMES nka ya miti cg ibiryo byarengeje igihe cyo gufungurwa.Iyo bakuvuje umuti warengeje igihe,urakwica nta kabuza. Naho iyo uriye ibiryo byaboze,ni hahandi biraguhitana. Aba bavandimwe,bose bari mu nkono yitwa RNC(Radio Nyakabwana Corporation).Babaye igihe kirekire ibigarasha,ariko bameze KUGAGA.

Samantha Lindsay

Ehhhehh Ko Numva Bose Ari Aba Bad Boys !!!!!Bakaba Bafite Ibibi Byinshi !!! Ok Mwanditse Ibibi Byabo Muzandike Nibyiza Dore Ko Babifite !!?? (babohoye Igihugu Igihe Twicwaga Baradukiza........) Kuvuga Ibibi Gusa Rero Nta Kuri Kwabibonekamo Dore Ko Tubazi Bihagije !!!!!!!!


TANGA IGITEKEREZO

Kwamamaza
Kwamamaza
Also in this section
Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Padiri Nahimana arategura imyigaragambyo itemewe kuri Ambasade y’u Rwanda i Buruseli

Padiri Nahimana arategura imyigaragambyo itemewe kuri Ambasade y’u Rwanda...

Burundi : Willy Nyamitwe yarusimbutse, umwe mu bamurindaga ahasiga ubuzima

Burundi : Willy Nyamitwe yarusimbutse, umwe mu bamurindaga ahasiga...

Uganda : Imvuru zadukiriye Umujyi wa Kasese

Uganda : Imvuru zadukiriye Umujyi wa Kasese

Urukiko Ruzemeza Aho Umugogo w’Umwami Kigeli V Uzatabarizwa

Urukiko Ruzemeza Aho Umugogo w’Umwami Kigeli V Uzatabarizwa

NEW POSTS
Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...

Biracyekwa ko Urupfu rwa Padiri Evariste Nambaje rwaba rufitanye isano no kwiyamamaza kwa Nahimana

24-11-2016

Biracyekwa ko Urupfu rwa Padiri Evariste Nambaje rwaba rufitanye isano no...

Kiliziya Gatolika yamaganiye kure Nahimana Thomas ugiye kuza mu Rwanda

24-11-2016

Kiliziya Gatolika yamaganiye kure Nahimana Thomas ugiye kuza mu...

Ibibazo bibazwa Padiri Thomas Nahimana uzagera mu Rwanda kuri uyu wa Gatatu

23-11-2016

Ibibazo bibazwa Padiri Thomas Nahimana uzagera mu Rwanda kuri uyu wa...