LATEST NEWS
Itohoza
Ubutekamutwe bwa Mugenzi bumukozeho
Publish Date: lundi 7 novembre 2016
VISITS :8743
By Admin

Rene Claude Mugenzi Alias Kirabiranya, n’umunyaRwanda kavukire ariko wavukiye mu Burusiya ahitwa Pyatigovski muli 1976, nubwo ubu akunda kuba Umwongereza kurusha Umwamikazi wabo.

Kuruhande rumwe ntashaka kuba Umunyarwanda ariko agashishikarizwa no kurwanya Leta y’Urwanda ubwe yifuza gutandukana nayo, ngo iyo umwise Umunyarwanda atabifitemo inyungu yaguhitana.

We ngo n’Umwongereza w’Umunyarwanda ntabwo ari Umunyarwanda w’Umwongereza.

Icyo dukwiye kumubaza gusa nuko abona aho imitekerereze nkiyo icyo izamufasha
cyane cyane ko politiki y’iburayi na Amerika isigaye yarakaze ku bantu nkawe biyomeka kumpu zabo. Batangiye gutahura no guta muri yombi abigira ba nyirigihugu kurusha ba kavukire, ikizakurikiraho ubwo muracyumva.

Ahubwo icyo dukwiye kwibaza niba umwongereza utuye Mu Rwanda nubwo yaba yarabonye ubwenegihugu bw’Urwanda, yatinyuka guhaguruka agashaka ibigambo by’ibihimbano kurwanya Leta y’Ubwongereza ! Ese Leta y’Urwanda yabyemera !

Ahubwo ntiwasanga kibaye ikibazo cya Politike hashakishwa uburyo ni imfashanyo zihabwa Urwanda zafatirwa. Ntanubwo cyaba ikibazo kibihugu bibiri gusa, ahubwo cyafata intera mpuzamahanga.

Reka ibyo tube tubicumbikishije aha, Rene Mugenzi yaje kugira ibibazo bikomeye muriyi minsi biturutse kubusambo, no gukekwa ko yaba ari nkozi y’ibibi aho atuye.

Ibibazo bya Mugenzi byatangiye mbere gato aho akekwa kunyereza icyo yise infashanyo ya Foundation ya baringa yashyizeho. Ibintu byaje gukomera aho atangiye kubeshya ko afite umutekano mucye. Icyo gihe ngo yaba yarabonye abamurinda.



Rene Mugenzi

Ukuntu yiyemera rero abona biryoshye noneho ati sinaba umuntu ukomeye muriki gihugu. Ubwo atangira gushaka guhatanira umwanya w’Ubudepite. Nkuko bisanzwe iyo umuntu ashaka bene ubwo buyobozi aragenzurwa kugirango amenyekane neza.

Igenzura ryakozwe basanze hari ibyo yabeshye asaba ubwenegihugu. Yahishe icyo ise yakoraga mu Burusiya nuko yagiyeyo kuko yari azi ko byamukoraho.

Mu byukuri ise yari yaragiyeyo kuri buruse ya leta y’u Burusiya, yiga kuri Lumumba University, icyo gihe yarizwi cyane ko ari uburyo bwo gushaka abakorera urwego rw’iperereza rwaho rwari ruzwi nka KGB. Uwo muryango waje kugumayo igihe kirekire, bikaba byaramuteye impungenge ko bamukeka kuba yakorera urwo rwego rw’ubutasi bityo bikamuviramo kubura ubwenegihugu.

Hashize igihe kitari kirekire bitahuwe ko umwirondoro yatanze utari wuzuye, kandi byarakozwe kubwende bwe. Iki ni ikintu gikomeye cyane, kuko kutavugisha ukuri bituma utagirirwa ikizere, kandi ko mubyukuri hari ibyihishe inyuma.

Muzi uburyo ibihugu by’Ubwongereza n’Uburusiya bihangana cyane kubijyanye n’ubutasi hagati yabo. Abakuru bazi amateka y’ikirangirire cya sinema James Bond, byinshi ibyo byerekanarwa akora byari guhangana kw’izo nzego zabo z’ubutasi. Mwene wacu rero yakinishije ibidakinishwa, kubeshya warangiza ugashaka ubuyobozi. Ibyo arimo azabiryozwa niba bitazamukoraho.

Ibindi byamugaragayeho n’ubusambo no kunyereza umutungo w’icyo yise ishyirahamwe London Centre for Social Impact. Ngo amafaranga yose yabonye ayakuye mu bongereza yarayarigishije. Yavugaga ko agiye gufasha abatishoboye, agaharanira demokrasi. Ariko byaje kugaragaza ko mubyukuri yayakoresheje ubwe hamwe na murumuna we, ariko nawe ntiyishoboye, yarayifashishije ! Icyo yaregwa n’ubutekamutwe, naho kutishobora byo n’ukuri.

Hari n’ubundi buriganya bugishakishwa gihamya kubijyanye n’amazina ye ndetse n’ayababyeyi yandikishije ageze mu Bwongereza, nabyo nibiboneka tuzabibagezaho.

Ibi byose bisobanuye ko aho bukera baramupakiza atahe iwabo, niba azajya mu burusiya ntawubizi, ariko Putin uri hariya ntiyamwemera, ubwo n’ugutaha mu Rwanda.

Ashatse yatangira gufunga utwangushye ntazabe nka Leopord Munyakazi wishinze Himbara, Rudasingwa naya nshoreke yabo Jennifer Frieberg.

Cyiza Davidson

IBITEKEREZO
Bandora Charles

Erega ntawakoreraikibi Urwanda ngo aramuke !!!!mwibuke ko ishirahamwe rye ryari ku isonga mu gufatisha KK umusirikare wacu,kandi mubirebye abo bose bibasiye igihugu kucandagaza no kugisenya, mumenye ko ari abana b´abakozi ishyano mu 94,rero baronse ingengabitekerezo mu buryo abo utabisangana ari imbarwa,barahari,hariho inziramugayo barenze iyo mipaka ,n´abo ngabo rero batazigera bava ku izima,ariko bamenye ko tuhari kugira duhangane ,tubarwanye baragatsindwa, yewe byaba na byiza batuviriye munzira umuryango nyarwanda twahisemo Namwe nimurebe uko asa yitwa ngo ari mubwongereza, ese amafranga arigisa bavuga ntabwo yakwiyoza ngo yisige utuvuta tumufate,wagira ngo nizangagi mu birunga rwose nje numiwe.......

Bavuga Charles

Uwo musore ni mwene Mugenzi wari pharmacien wabyigiye mu Burusiya. Se w'uwo Mugenzi fils yari inshuti magara na Karamira Froduald umwe wamaze abatutsi muri 1994 agahungira mu Buhinde akagarurwa shishitabona mu Rwanda aho yakatiwe igihano cy'urupfu akarasirwa kuri tapis rouge i Nyamirambo. Mugenzi père yize mu Burusiya hamwe n'umugore we wasaga n'icyaha. Bombi bangaga abatutsi urunuka. Baje guhungira mu Buholandi bakomeza gucuruza imiti. Bakomeje kurwanya Leta y'ubumwe hamwe na Ingabire ufungiye i Kigali. Mugenzi yasize inzu ituzuye i Nyamirambo yari akataraboneka muri 1994 yari yubakishije amafaranga yahawe ngo yice inkotanyi n'abo bakekaga ko zifatanyije nabo. BAVUGA

kalisa

Cyiza rwose mbere yo gusohora ibintu ujye ubanza ukore ubushakahatsi. Université yigeze kwitirirwa Lumumba yari mu mujyi wa Moscou. Iyo Université yari ifite faculté ya médecine arico nta pharmacie yagiraga. Ikindi wivugiye ko Réné Mugenzi yavukiye Pittsgorsky, none se iyo mijyi iba hamwe. Gute wakwemeza ko abanyeshuri 16.000 ba Université de l'Amitié des Peuples Patrice Lumumba bakoreraga KGB ? aha ndabona atari kureba kure, uzabaze depite Rutijanwa Médard ko yaba yarakoreye KGB, ahubwo numvise ko ari mu muryango w'umwami. Muri déclaration usaba ubuhunzi ndumva bakubaza ababyeyi ari ko si ngombwa ko ubabwira n'ibyo bize. Niba nibuka neza na Maman wa Réné nawe yari yarize pharmacie.

sasu

Nimubi aragatsindwa asa namushushwe iminwaye puuu

maburakindi ildephonse

ise wa René ntiyashoboraga kwiga muli Lumumba kuko nta fac ya Pharmacetical yali ihali !!!!!!!!!!!!!!!!


TANGA IGITEKEREZO

Kwamamaza
Kwamamaza
Also in this section
( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Musanze : Abasore babiri babanaga mu nzu bishwe n’abataramenyekana

Musanze : Abasore babiri babanaga mu nzu bishwe n’abataramenyekana

Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Impamvu Umunyamakuru Eminente yatawe muri yombi irashidikanwaho

Impamvu Umunyamakuru Eminente yatawe muri yombi irashidikanwaho

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...