LATEST NEWS
Itohoza
Uko Abajepe ba Nkurunziza bahutaje Sezibera
Publish Date: mercredi 4 novembre 2015
VISITS :5346
By Admin

Amakuru aturuka i Bujumbura ahamya yuko kuwa gatatu tari 28/10/2015 abashinzwe umutekano wa Perezida Pierre Nkurunziza bahutaje umunyamabanga mukuru wa EAC, Dr. Richard Sezibera ubwo yari agiye kwinjira mu nyubako SENA y’icyo gihugu ikoreramo.

Ayo makuru ahamya yuko Sezibera, Nk’umunyamabanga mukuru w’umuryango wa Afurika y’uburasirazuba (EAC) yari yitabiriye inama igerageza kugarura amahoro mu Burundi, inama yari yanitabiriwe na Minisitiri w’ingabo wa Uganda, Crispus Kiyonga, uhagarariye Perezida Yoweri Museveni muri icyo gikorwa cy’ubuhuza nk’umuntu yabishinzwe n’abakuru b’ibihugu bya EAC Nyakanga uyu mwaka.

Nk’uko abanyamakuru bagenzi bacu mu Burundi babitugezaho, Zezibera yagiye kwinjira aho iyo nama yari gukorerwa mu nyubako SENA ikoreramo abo bashinzwe umutekano baramusunika, bamukubita inkokora, bavuga yuko atigeze atumirwa ! Ibi ariko byo kudatumirwa ntabwo byumvikana kuko icyo gikorwa cy’ubuhuza ubwacyo ari icya EAC kandi Sezibera akaba ayibereye umunyamabanga mukuru. Abo banyamakuru bagahamya yuko Sezibera nta kindi yazize uretse yuko ari umunyarwanda gusa !

Uko bigaragara n’uko iryo hohoterwa rya Sezibera ritangiye kubyara ibibazo kurusha uko u Burundi bushobora kuba byabitekerezaga ! Amakuru atugeraho avuga yuko EAC yasabye ibisobanuro leta y’u Burundi kuri ibyo bikorwa by’urukozasoni umunyamabanga mukuru wayo yakorewe ikaba ariyo mpamvu ubona Perezida wa SENA yicyo gihugu, Leverien Ndikuriyo ejo yandikiye Minisitiri w’ububanyi n’amahanga, Alain Nyamitwe, amubwira yuko Sezibera yangiwe kwinjira ngo kubera yuko atari yatumiwe ariko ntagaragaze yuko yasunitswe aterwa inkokora, cyangwa ngo anakubitwe ingumi nk’uko bamwe babivuga.

Perezida Nkurunziza n’abajepe be bahutaza Dr Sezibera Richard hari na Minisitiri ushinzwe umuryango w’ EAC mu Burundi, Leontine Niyonzima, wavuze ko igihugu cye kiri kugambanirwa bikomeye n’ubunyamabanga bwa EAC ngo gikunde kive muri uyu muryango.

Yongeyeho gusa y’uko leta y’u Burundi ya menyesha Perezida wa EAC kubwira abakozi b’uwo muryango, harimo n’umunyamabanga mukuru wawo, kuzaza bubaha Protocal y’u Burundi ngo ntibitumire mu byo batatumiwemo ! Perezida wa EAC ni Jakaya Kikwete wa Tanzania uzasimburwa ku butegetsi na John Pombe Magufuli tariki eshanu mu cyumweru gitaha.

Leta y’u Burundi ikomeje kwikoma abanyarwanda aho mu kwezi gushize havugwaga abakabakaba 40 yari yataye muri yombi ariko nyuma hafi ya bose bakaza kurekurwa ariko ikirukana umudiplomate w’u Rwanda, Desire Nyaruhirira, wari umujyanama wa mbere muri ambasade y’u Rwanda muri icyo gihugu.

Na none mu kwezi gushize leta y’u Budage yategetse ikigo cyayo mpuzamahanga gishinzwe gutera inkunga (GTZ) yuko mu mafaranga cyahaga EAC atagomba kugera ku Burundi cyangwa uwo ariwe wese uhagarariye u Burundi muri uwo muryango.

Minisitiri w’ingabo muri Uganda akaba n’ umuhuza ku bibazo by’Uburundi Crispus Kiyonga na Nyabenda Perezida w’inteko akaba na Perezida wa CNDD FDD .)

Ububiligi n’u Buhollandi nabwo bwafashe icyemezo cyo kuba byahagarika inkunga ku Burundi, Bujumbura ikavuga yuko igambanirwa n’u Rwanda cyane Sezibera ngo uhora ashaka kwigizayo u Burundi mu bikorwa bya EAC. Uko u Rwanda cyangwa Sezibera ibyo babishobora bikakuyobera, uretse n’uko nta n’inyungu baba babifitemo !

Kayumba Casmiry

IBITEKEREZO
RUBALIRA

UBWO SE IZO NI INGABO Z'IGIHUGU KIGENGA ? CYANGWA NI INGABO Z'IBYIGENGE N'IBYIGOMEKE BIHORA BISHIMISHWA NO KUMENA AMARASO Y'INZIRAKARENGANE ? GUSUNIKA UMUNYAMABANGA MUKURU WA EAC ? SHA ABO BAJEPE BA NKURUNZIZA NI IBIJUJU PEEEEEEEEEE !!!!!!!!

GITANGAZA

noneho biragaragaye ko nkurunziza arinzwe na FDLR nta musirikare wumwuga wakora ibyo

kotakokombe

Umujinga witwa KAKA ngo inkotanyi zokamwe numuvumo ?uwo mufite si muto, reba nawe uwo muswa ngo ni nkurumbi wamaze abantu, umusenzi nyamitwe wirirwa ateka imitwe mu batamwitayeho, izo mbonerahafi zirirwa zirasa inzirakarengane z'abanegihugu, abapolisi batunzwe na ruswa kugez amu misokoro yabo, ubwo se abafite umuvumo ni bande n'inkotanyi z'amarere , zitabara u Rwanda , n'amahanga .....aho ubwo bwicanyi bwanyu sibwo mugiye kuzira ?...ko musigaye mwica ikinyegnyeze cyose, ese ko numva ngo muritegura urugamba , muzarurwana mute nayo macupa ya amstel mwiteretse imbere ??..yababa , uwazura MICOMBERO ngo yongere abashyire kumurongo, mumaze kwijuta ibijumba cyane.........

fidele

Iyi nkuru iraryana mu matwi. Abo bajepe barikungurira.

shishoza

Mega Burundi, iyobowe ni njijigusa.

kaka

Iyonkokora ntakivuze ahubwo iyo bamumena amaso,cyangwa bakamushyiraahobashyize adorpfu izonkotanyizokamye umuvumo

Moreno

Izo nyamanswa ntago ari civilisés. Ubwo bayobewe umunyamabanga w'umuryango barimo, nta na diplomatie bagira vraiment ?! Imbonerakure si abantu ! Ni akumiro

paul rwigamba

Ngo bamukubise inkokora ? Nimba nawe ! Abandi bo barishwe !


TANGA IGITEKEREZO

Kwamamaza
Kwamamaza
Also in this section
Urubanza rwa Murekezi ukekwaho Jenoside rwasubitswe, hitabazwa Minisiteri

Urubanza rwa Murekezi ukekwaho Jenoside rwasubitswe, hitabazwa...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

Fatima-Portugal : Habaye umuhango wo gusezera kuri Kigeli V, ikimenyetso...

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...

Uko Kigeli bashakaga kumutabariza muri Portugal, n’ uko yazanywe mu Rwanda bujura

13-01-2017

Uko Kigeli bashakaga kumutabariza muri Portugal, n’ uko yazanywe mu Rwanda...

Mugihe twiturije Abanyapolitiki n’Abaherwe barategura aho bazahungira

13-01-2017

Mugihe twiturije Abanyapolitiki n’Abaherwe barategura aho bazahungira

Amahano : Umwami wimikiwe ishyanga

12-01-2017

Amahano : Umwami wimikiwe ishyanga