LATEST NEWS
Itohoza
Umunyarwanda yateye utwatsi ibyavugiwe kuri Radio Inkingi
Publish Date: jeudi 6 octobre 2016
VISITS :4623
By Admin

Umwe mu mu banyarwanda basheshe akanguhe yandikiye Itangazamakuru ry’i Kigali agaya amwe mu maradiyo ngo ahora abomborekanira muma interineti ngo akanavugiraho abantu bahindura amateka y’urwanda.

Yagize ati, ‘’Banyamakuru mbandikiye mbasaba kuzasohora inyandiko yange kubera ibinyoma maze iminsi numva kuri radiyo inkingi hamwe niyindi ngo ya Rudasingwa’’.

Wamugabo we uvuga kuri radio Inkingi, itonde kuko iyo uvuga bamwe biradutoneka.

Ihangane uvuge witonze maze ugabanya witonde wekuvuduka, ese wamunyarwanda we ibyo uvuga urabizi cyangwa warabibwiwe ? Jyewe ukubwira ndimukuru bitari cyane kuko nshobora kumva ukuri cyangwa ibinyoma. Ubwigenge ngo bwasabwe nande ? Rudahigwa Nkubito Yimanzi niwe wabusabye, kuko niwe wumvikanaga nabamwe mubazungu azakwicwa atarabubona, ibyiza abo uvugira « Parmehutu » uvuga bakoze nibihe ? Rudahigwa niwe wabitugejejeho.

Yazanye inkiko, azana Amashuri, Amavuliro, Imihanda, yaciye akarengane, aca ubuhake. Abantu baragabana, uwo ukoresheje ukamwishyura, ninde mu parmehutu wigeze abyubahiriza ? Niba mushaka ko abanyarwanda bumvikana nimuturuke inyuma mwibicamo kabiri, nimutangirire kugihe Kigeli yimaga Rudahigwa amaze gutanga, ntiyamaze kabiri ubwo abakuru namwe murabizi mwibeshya abana kuko ibyo muvuga nabo nibyo bazavuga. Haza Mbonyumutwa nawe nuko yahise avaho nka Kigeli nibwo haje Kayibanda ubwo nibwo byabaye ibindi, data nibwo bamutemaguye, mama aratemwa ariko we aravurwa arakira, abandi babajugunya mu kagera imitungo barayitwara.

Ubundi twiruka kubuzima, ntabwo nabivuga ngo mbirangize aparmehutu ntabwo muzi icyo yakoze ? Hanyuma se umuntu iyo umutsinze ntumugaruza umuheto akakuyoboka ? Ubwo abacitse kwicumu barahunze abasigaye barya inyama yumusangiro, abahutu icumi bakayitapfuna, ntibyatinze Habyarimana araza ngo aje gutabara abantu, ahubwo niryali risigaye ararihuma.

Niba mushaka kuba inyanga mugayo nimubivuge kandi murabizi simwese ariko tubivuge, nimwe mwashatse ko bijya hanze abiciwe na Parmehutu, abariho mutangirira. Abana bakeneye kubabwiza ukuri kuko ntacyo bazi nfite byinshi navuga, undi nawe uvugira kuri radio inking ntibuka izina ati Murorunkwere umugabekazi, ati bamuhoye Seruteganya ngo yamuteye inda ndetse akavuga ko ngo Seruteganya bamwishe bamuhoye kuba umuhutu.

Singiye kuvuga byinshi nimuzana ibyo gusaba imbabazi muzatangirire muri 1959 muzisabe, mwongere mutangirire muri 1994 muzisabe.

Radio Inkingi, Rudasingwa Theogene, Umwami Mutara Rudahigwa

IBITEKEREZO
sam Gody

Iyo bavuga iby'Ubwami, wagirango mu Rwanda niho habaye abami gusa ! N'ubu abami babaho. Cyera ku isi yose, abami bagiraga uko barambagira igihugu cyabo , no guhekwa kwarimo ku bihugu bitagenderaga ku migongo y'iyanyamaswa. Ariko iyo Abaparmehutu bavuga ko bakuye abahutu mu guheka umwami, bazi ko Rudahigwa yagendaga mu modoka ya Porch, na Habyarimana yapfuye atarayikozamo ikirenge ? Imodoka ni nayo umwami w'Ubuibiligi yagenderagamo. Urukari, aho yabaga, ko n'ubu hakiriho, hashobora gucumbikira abantu barenga 100, mwabonye hari urubariro abo bahutu muvuga bazaga gushyira ku nkike ? Iyo muvuga ibyo, abana bakeka ko Rudahigwa yabaga muri ya nzu iri mu ngoro y'Umurage inyanza ! Maze natwe ababyeyi bacu batari abatware, bari baratangiye gutunga amamodoka ! Un peu de serieux les gars !

sam Gody

Iyo bavuga iby'Ubwami, wagirango mu Rwanda niho habaye abami gusa ! N'ubu abami babaho. Cyera ku isi yose, abami bagiraga uko barambagira igihugu cyabo , no guhekwa kwarimo ku bihugu bitagenderaga ku migongo y'iyanyamaswa. Ariko iyo Abaparmehutu bavuga ko bakuye abahutu mu guheka umwami, bazi ko Rudahigwa yagendaga mu modoka ya Porch, na Habyarimana yapfuye atarayikozamo ikirenge ? Imodoka ni nayo umwami w'Ubuibiligi yagenderagamo. Urukari, aho yabaga, ko n'ubu hakiriho, hashobora gucumbikira abantu barenga 100, mwabonye hari urubariro abo bahutu muvuga bazaga gushyira ku nkike ? Iyo muvuga ibyo, abana bakeka ko Rudahigwa yabaga muri ya nzu iri mu ngoro y'Umurage inyanza ! Maze natwe ababyeyi bacu batari abatware, bari baratangiye gutunga amamodoka ! Un peu de serieux les gars !

Miweto

Umva sindi uwa kera sinzi n'amateka menshi ariko ntaho nigeze numva umubare w'abanyarwanda bishwe bazira ubwoko bwabo kandi bakicwa hagamijwe kubamaraho kuva urwanda rwabaho kugeza mu 1959.Abavuga rero ibyabaye ku gihe cya cyami,bibuke ko ariko igihe cyari kimeze henshi ku isi.Guhera muri 1959 ni uko abakoze icyo bise revolution bavugaga ko bazanye democratie kandi twese tuzi neza igisobanuro cya democratie ko ari ukuba abantu bareshya imbere y'amategeko,bakishyira bakizana mu gihugu cyabo.Nonese kuva 1959-1994 ibyo niko byagenze ? mukuri ingoma3 z'abahutu zakurikiranye kuva 1959-1994icyo zashyize imbere kwari ukurimbura abatutsi kandi n'isi yose irabizi.Kuba ibi byarabaye mugihe abanyarwanda bamwe bari bamaze kumenya kwandika bakagira bimwe bandika n'ubwo atari byose nibyo bituma amateka y'u rwanda mubya politique asa n'aho atangirira mu1959.Ibindi byaba ari ugushakisha impamvu yo kwikuraho icyaha cg kugikura kuruhande wumva uherereye mo.

k c

Bavandimwe nanjye ndabashimye cyane kubitekerezo bisukuye mwatanze. ubundi amateka yurwanda ntabwo bayatwigisha nkuko yakabaye. kuko ndibuka kubwahabyarimana batwigishagako bigobotoye igitugu uburetwa guheka abatware babatutsi ninkoni zacyami,zayoborwaga na batutsi,none uyumunsi inkotanyi zitwumvisha ibiryo zigobotoye abahezanguni babahutu,none basomyi bavandimwe tuzacira ayahe tumire ayahe ?

M.A.B

Muraho ! Abatanga ibitekerezo ku mateka y`u Rwanda ndabashima ariko nabasaba kwihangana mukajya mukoresha amagambo y`ubworoherane,ubukana bukaba buke. Mbiseguyeho kandi kuri observations zanjye ! ariko mujye mutubwiza ukuri munatange ibimenyetso,ko buri gihe abavuga amateka y`u Rwanda bakunda kuyahera muw`1959 ni mpamvu iki bashingiraho ? Nasaba ko umuntu wese ukunda u Rwanda kandi utabogamiye ku bwoko ubwo ari bwo bwose kandi uzi amateka wakwiyemeza kutubwiza ukuri yabwira abanyarwanda cyane cyane abavutse nyuma ya 1959,agasobanura uko abatusti,abatwa n`abahutu ayo moko yari abanye,uko yubahanaga,uko yakundanaga n`uko yashyingiranaga mbere ya 1959 ? Nsabye abanyamakuru kuzatubariza abantu bakuru ariko badafite indimi ebyiri ibyo bibazo,njye ndi umunyamakuru muri abo basaza sinasiga umusaza nubaha cyane witwa MPYISI,NAWE NAMUSOBANUZA,nimubigeraho muzabishyire ahabona tubyumve,ndabashimiye basomyi.

Ruhago

NONGEYE KUBASHIMIRA CYANE KUKO MWARIVUGURUYE BISHIMISHIJE MURATAMBUTSA IBITEKEREZO BYABASOMYI BIKINYAMAKURU CYANYU MUSIGAYE MUNIGA DUKEYA NGUBWO UBUNYAMWUGA BUNOZE RERO !! ARIKO IYINKURU ABANTU BASHOBORA KUYIFATA NKA TRACTE IBYAVUGA WENDA NIBYO KUKI AHISHA AMAZINAYE ? NIMPAMVU. ZUMUTEKANO WE ? ABA MUBUBILIGI ?

vugukuri

hakenewe ikiganiro mpaka ku banyamateka naho buri wese akuruye yishyira byagarura umwiryane.none se uyu musaza uvuye ngo bahere 1959 mbere y'aho ahasigiye iki ?arongera ngo 1994 mbere y'aho na nyuma y'aho ho bite ? Ukuri ntikweyerekezaho gusa kureba no kubandi.uko niko Kuri.


TANGA IGITEKEREZO

Kwamamaza
Kwamamaza
Also in this section
Musanze : Abasore babiri babanaga mu nzu bishwe n’abataramenyekana

Musanze : Abasore babiri babanaga mu nzu bishwe n’abataramenyekana

Umudiho uva mu itako

Umudiho uva mu itako

Muri RNC : Umwotsi uracyacumbeka hagati ya Kayumba na Rudasingwa

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

Burundi : Ubufaransa inyuma y’ inyeshyamba izwiho no kuvangura amoko, nk’...

Impamvu Umunyamakuru Eminente yatawe muri yombi irashidikanwaho

Impamvu Umunyamakuru Eminente yatawe muri yombi irashidikanwaho

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...