LATEST NEWS
Photo Gallery
WASAC yashyikirije ibikombe abakozi besheje imihigo mu gutanga umusaruro
Publish Date: mercredi 28 octobre 2015
VISITS :339
By Admin

Mu rwego rwo kwishimira ibikorwa byiza bagezeho, ikigo gishinzwe gutunganya no gukwirakwiza amazi meza mu Rwanda (WASAC) mu isuzuma bakoze mu mezi abiri ashize, ubuyobozi bw’iki kigo bwashyikirije impano z’ibikombe abayobozi ba zimwe mu nganda zitunganya amazi ( Water Treatment Plants) n’amashami ya WASAC bageze ku mihigo biyemeje.

Ibi, ubuyobozi bwa WASAC bwabitangaje ku mugaragaro i Kigali kuri uyu wa Kabiri tariki 27 Ukwakira 2015, aho bashyize ahagaragara ibyavuye mu bushakashatsi bafashijwemo n’itsinda ryo mu gihugu cya Uganda rizwi ku izina rya (2ML) rikaba ari itsinda rizwiho gufasha sosiyete zitunganya zikanatanga amazi muri Afurika, aha bakaba barakoze iki cyegeranyo mu rwego rwo gufasha WASAC kwesa imihigo yihaye.

Umuyobozi mukuru w’ikigo gishinzwe gukwirakwiza amazi meza mu Rwanda Sano James.

Ashimira abahize abandi mu gutunganya amazi no kuyakwirakwiza mu baturage ndetse n’abaje ku isonga mu kwesa imihigo itandukanye bihaye, umuyobozi mukuru w’ikigo gishinzwe gukwirakwiza amazi meza mu Rwanda Sano James, yavuze ko nk’abakozi bakuru bashinzwe kureberera ibikorwa by’amazi mu Rwanda bafite intego zo kureba imbere bishimira ibyiza byagezweho ariko banategura ejo hazaza heza mu kwesa imihigo no gutanga serivise zinoze.

Yagize ati " umuntu uzakora neza muri iki kigo tuzamushimira ndetse ubutaha tuzakuba cyane, abatsinze none ntimwirare nimukomeze mujye imbere,"
Sano yasabye abayobozi b’inganda zitunganya amazi n’abayobozi b’amashami ya WASAC mu gihugu kurushaho kunoza no gutanga raporo z’imikorere ku gihe.
Yagizeati" wakora neza cyangwa nabi ariko udatanga raporo ntacyo uba ukora, ndabasaba mutange raporo z’umunsi, iz’icyumweru kandi muzitange ku gihe."

Nk’uko Sano yabisobanuye, ngo gutanga amaraporo ku gihe bizafasha kugera ku byo biyemeje ku buryo burambye. Yabasabye kongeramo imbaraga ku buryo mu mezi abiri ari imbere bazashobora kwesa indi mihigo idasanzwe mu kunoza ibikorwa byo gutunganya no kwegereza abaturage amazi meza kandi birinda ibihombo by’amazi atakara atabariwe agaciro mu mafaranga.

Yagize ati "mbijeje ubufatanye no gukomeza gukora ibishoboka byose dushimira abakoze neza tunahana abakoze nabi."

Hatanzwe ibikombe biri mu byiciro bibiri, harimo inganda z’amazi zahize izindi mu gutunganya no gukwirakwiza amazi meza, ndetse n’amashami ya WASAC yahize ayandi mu mihigo itandukanye.

Mugeni Geneviève uhagarariye ishami rya Ngoma yahawe igihembo cy’Indashyikirwa

Mu nganda zahize izindi, uruganda rwaje ku isonga ni uruganda rutunganya amazi rwa Kimisagara mu mujyi wa Kigali (Kimisagara Water Treatment Plant) ruhagarariwe na Akumuntu Jean Baptiste wahawe ibikombe bibiri, kimwe cyo kuba uwa mbere mu nganda zitunganya amazi i Kigali, n’ikindi cyo kuba indashyikirwa mu nganda zitunganya amazi zose zo mu Rwanda.

Akumuntu yagize ati "ibyishimo byanjye ni byinshi cyane, ariko si ibyanjye gusa ahubwo ni iby’abakozi bose bakorera mu ruganda rwa Kimisagara kuko barakoze baritanga, twahawe ibikombe bibiri, icya mbere cy’uko twitwaye neza mu guhanga udushya mu ikoranabuhanga n’icyo kuba twarahize izindi nganda zose zo mu Rwanda zitunganya amazi."

Ibi ngo babigezeho kubera batangiye gukoresha imiti mishya mu gutunganya amazi bakoresheje umuti witwa (SUD FLOC 3895) wizeweho ubushobozi bwo kongera ubuziranenge bw’amazi, uyu muti ukaba warasimbuye uwahozeho witwaga (Alminium Sulfate). Akumuntu yongeyeho ati "icyo twishimira nuko twabashije kubyitwaramo neza kuva twatangira ubu buryo bw’imiti mishya yasimbuye iya mbere uruganda rudahagaze."

Abayobozi bahawe ibikombe bifotoranyije n’umuyobozi mukuru wa WASAC n’itsinda (2ML) ryabafashije mu gukora isuzumamikorere.

Yavuze ko kandi ibi byatumye umuturage abasha kubona amazi meza kandi ahagije haba mu gihe cy’imvura cyangwa izuba. Amashami ya WASAC yaserukiye ayandi mu kwesa imihigo harimo ishami rya Kanombe ryesheje imihigo mu gukusanya amafaranga menshi yinjiye mu kigo, ishami rya Rubavu ryesheje imihigo mu gutanga amaraporo, ishami rya Gikondo ryesheje imihigo mu gutanga serivise nziza, ishami rya Ngoma ryaje imbere mu kugabanya amazi atakara atabariwe mu mafaranga (Non Revenue Water) rikaba ari naryo shami ryaje ku isonga mu mashami ya WASAC yose mu Rwanda mu kugabanya amazi atakara atakorewe fagitire mu mafaranga.

Mugeni Geneviève uhagarariye iri shami rya Ngoma yagize ati "nishimiye cyane kuba nabaye uwa mbere mu mashami ya WASAC yose yo mu Rwanda ,ni ishema rikomeye ku kigo nkorera n’abakozi dukorana muri iyi gahunda y’amezi abiri ashize yo kunoza imihigo."

Akumuntu Jean Baptiste uhagarariye uruganda rw’amazi rwa Kimisagara yahawe igikombe cy’indashyikirwa.

Mugeni yavuze ko ibanga yakoresheje ari ugukora cyane kandi bagakorera hamwe nta n’umwe ugandishije abandi mu kugera kubyo biyemeje.

Gatera, uhagarariye Umunyamabanga wa Leta muri minisiteri y’ibikorwaremezo yasabye abakozi ba WASAC gukosora ibyabangamira imikorere n’imikoranire hagati yabo, anavuga ko mbere y’uko habaho indi gahunda yo gutanga ibihembo nyirizina kuri aba bahize abandi ndetse no guhana abakoze nabi hazabanza kubaho igenzura kugira ngo hemezwe neza koko niba amakuru yatanzwe ari yo harebwa ko ntawahawe ibyo adakwiye.

Kuva aho aya mavugurura atangiriye hagati y’ukwezi kwa Kanama-Nzeri 2015, abakozi ba WASAC babyajwe umusaruro ungana na 97% by’umusaruro bari biteze, naho mu kwezi kwa Kanama gusa, ikigo cya WASAC kikaba cyarinjije amafaranga agera kuri Miliyari 1 na miliyoni 400 z’amanyarwanda, akaba ari na yo mafaranga menshi iki kigo cyinjije kuva cyashingwa.

Elias Hakizimana
.

IBITEKEREZO

TANGA IGITEKEREZO

Kwamamaza
Kwamamaza
Also in this section
Igitaramo cya Dudu

Igitaramo cya Dudu

Igitaramo cya Gaby

Igitaramo cya Gaby

Isabukuru ya Four Square Gospel Church

Isabukuru ya Four Square Gospel Church

Ibitaramo

Ibitaramo

Pambazuka Week-end

Pambazuka Week-end

NEW POSTS
Ibimenyetso bishya ku ihanurwa ry’Indege ya Habyarimana : Imbunda yakoreshejwe irasa missile yafatiwe muri Congo

27-02-2017

Ibimenyetso bishya ku ihanurwa ry’Indege ya Habyarimana : Imbunda...

Amaraso arasama : Kayumba yataye umutwe asigaye arara kumva ya Karegeya

26-02-2017

Amaraso arasama : Kayumba yataye umutwe asigaye arara kumva ya...

Umugororwa Rugamba Jovin arashakishwa uruhindu kubera gutoroka gereza nshya ya Mageragere

26-02-2017

Umugororwa Rugamba Jovin arashakishwa uruhindu kubera gutoroka gereza...

Uko Dusabe Therese nyina wa Victoire Ingabire yoretse imbaga i Butamwa

25-02-2017

Uko Dusabe Therese nyina wa Victoire Ingabire yoretse imbaga i...

Guverinoma y’Icyuka isa n’abana batoba akondo

24-02-2017

Guverinoma y’Icyuka isa n’abana batoba akondo

Hagati ya leta ya CNDD-FDD n’ Inshuti yayo Mkapa harimo utavugisha ukuri

23-02-2017

Hagati ya leta ya CNDD-FDD n’ Inshuti yayo Mkapa harimo utavugisha...

Kugirango u Rwanda rugire amahoro ni uko Abafaransa bava muri Uganda, ese birashoboka ?

23-02-2017

Kugirango u Rwanda rugire amahoro ni uko Abafaransa bava muri Uganda, ese...

Visi Perezida w’u Buhinde yashimye Kagame aho yavanye u Rwanda

22-02-2017

Visi Perezida w’u Buhinde yashimye Kagame aho yavanye u Rwanda