LATEST NEWS
Politiki
Akababaro muri opposition nyuma yaho Leta z’unze Ubumwe z’Amerika zifashe icyemezo cyo kohereza Munyakazi Léopold kuburanishirizwa mu Rwanda
Publish Date: lundi 16 novembre 2015
VISITS :4224
By Admin

Amakuru yizewe yageze kuri Rushyashya aremeza ko abanyarwanda ndetse n’abanyamahanga bafatanya kurwanya leta y’u Rwanda bari mu kababaro nyuma yaho Leta z’unze Ubumwe bw’Amerika zifatiye icyemezo cyo kohereza mu Rwanda Munyakazi Léopold kugira ngo agezwe imbere y’ubutabera bw’igihugu avukamo kubera ibyaha bya jenoside ashinjwa.

Munyakazi Leopold

Mu ijoro ryo kuwa 4 Nzeli 2015, Munyakazi Léopold yafashwe n’inzego za Amerika zishinzwe abinjira, ashinjwa kuba ari ku butaka bwa Amerika ku buryo butemewe n’amategeko.

Ubu, Munyakazi Léopold yabaga muri Leta Zunze Ubumwe za Amerika aho yabonye ubuhungiro kuva mu 2004 atinya gukurikiranwa n’ubutabera kubera uruhare yagize muri Jenoside yakorewe Abatutsi mu 1994.

Munyakazi ni muntu ki ?

Munyakazi Léopold ni umunyarwanda, akaba mwene Kanyamijanju Gérard na Nyirakabano Agnès.

Yavutse mu 1950 mu yahoze ari Selire Kirwa,Segiteri Kirwa, Komini Kayenzi, Perefegitura ya Gitarama.

Mu 1994, yabaga muri Selire Bwahirimba, Segiteri Rugenge, Komini Nyarugenge muri Perefegitura y’Umujyi wa Kigali. Yashakanye na Mukantabana Catherine bakaba bafitanye abana bane.

Yigishije muri Kaminuza Nkuru y’u Rwanda kuva mu 1984 kugeza mu 1992, anaba Umunyamabanga Mukuru w’ishyirahamwe ryari rikomeye ry’abakozi bo mu Rwanda ryari ryarashyizweho nkana na Leta y’u Rwanda ryari rizwi kw’izina rya CESTRAL kuva mu 1992 kugeza mu 1994 ubwo Jenoside yabaga.

Ubushinjacyaha bukuru bw’u Rwanda bwamushinje icyaha cya Jenoside maze afungirwa mu Rwanda kuva mu 1994 kugeza mu 1999 ubwo yarekurwaga by’agateganyo.
Kuva muri 1999 kugeza muri 2004, yigishije mu Ishuri Rikuru Nderabarezi rya Kigali (KIE),ishuri rikuru ryigisha abazaba abarimu mu mashuri yisumbuye.

Komisiyo y’Igihugu yo kurwanya Jenoside, ivuga ko Munyakazi ari mu gatsiko k’abo yita ‘abanyabwenge b’intagondwa’ bari kw’isonga ry’abacuze bakanakwirakwiza umugambi w’ingengabitekerezo igamije guheza Abatutsi mu mashuri no mu kazi.

Ngo afatanije n’abarimu bo muri Kaminuza Nkuru y’u Rwanda nka Laurien Uwizeyimana, Maniragaba Balibutsa, Ferdinand Nahimana, Jean-Damascène Nduwayezu n’abandi, Munyakazi ngo yanditse anakwirakwiza ku mugaragaro inyandiko zangisha zikanasebya Abatutsi kandi zemeza ko bagomba kuvutswa uburenganzira bwabo bwo kwiga no gukora akazi.

Dr Bizimana Jean Damascène, Umunyamabanga Nshingwabikorwa wa CNLG avuga ko nk’uko bizwi, mu myaka 1980, ubutegetsi bwa Habyarimana bwashyizeho politike yitwa iy’iringaniza ry’amoko n’uturere yemereraga Abatutsi imyanya igera kuri 10% gusa.

Ibi byagize ingaruka mbi cyane ku burere bw’abana b’Abatutsi kuko benshi batabashije kwiga kandi bwari uburenganzira bwabo ntakuka nk’uko biri mu mahame ngenderwaho y’ubutabera mpuzamahanga.

Nk’umwarimu wo muri kaminuza, Léopold Munyakazi yashyigikiye iri vangura anemeza ko rifite ishingiro n’impamvu.

CNLG ivuga ko kimwe mu bimenyetso byerekana ko Munyakazi Léopold yari ashyigikiye iyi politike yo kwanga no guheza Abatutsi, ni inyandiko yasohoye muri 1991 mu kinyamakuru Dialogue n0 146 cyo muri Gicurasi – Kamena 1991.

Muri iyo nyandiko, yemezaga ko 90% by’Abatutsi bagomba guhezwa mu mashuri no mu murimo.

Iri shyigikirwa ry’ubutegetsi buheza, bukozwe n’umuntu ufatwa nk’umunyabwenge, byatumye ubu butegetsi bukomeza ubukana kugeza ubwo buteguye Jenoside yakorewe Abatutsi muri 1994 nk’igikorwa cya rurangiza cyuzuza umugambi wa politike.

Inyandiko nk’izi zirerekana ko Munyakazi Léopold, kuva ndetse imyaka itatu mbere ya Jenoside, yari ashyigikiye nkana ingengabitekerezo yo kwanga Abatutsi urunuka.

CNLG ishimangira ko yakomeje kugira uruhare mu bitekerezo nk’ibi ubwo mu 1992 yajyaga mw’ishyaka ry’intagondwa ryitwaga MDR akanakora n’ibikorwa bijyanye n’icyaha cya Jenoside ku buryo butavuguruzwa muri 1994.

Ntagihindutse, biteganijwe ko bitarenze Ugushyingo 2015, abakozi b’urwego rw’abinjira n’abasohoka rw’Amerika rumugeza k’ubutaka bw’u Rwanda agahabwa Urwego rw’ ubutabera bw’u Rwanda.

Rushyashya

IBITEKEREZO
fredo

Uyu ni umusaruro mwiza w'ubufatanye mpuzamahanga bw'umutabera. Ariko ndakeka byaba byiza nk'ubucamanza bw"u Rwanda rwakikubise agashyi rukigaya ni gute barekuye umuntu nkuriya batamukozeho iperereza ryimitse kandi bamukeka. Umuntu ufite Title ya Dr kumurekura si ko warekura umukarani ukekwaho genocide. Ndakeka ubucamanza bwacu bwagombye gusubira muri iriya dossier bakarena abari bayirimo ko batari batamitswe akantu. Bibaye ngombwa bakabijyozwa.


TANGA IGITEKEREZO

Kwamamaza
Kwamamaza
Also in this section
Perezida Kagame yitabiriye itangizwa ry’Inteko rusange y’Umuryango w’Abibumbye

Perezida Kagame yitabiriye itangizwa ry’Inteko rusange y’Umuryango...

Madamu Jeannette Kagame yasangije amateka ya Jenoside abatabiriye Inteko rusange ya Loni

Madamu Jeannette Kagame yasangije amateka ya Jenoside abatabiriye Inteko...

Perezida Kagame yagiranye ibiganiro na Emmanuel Macron w’u Bufaransa

Perezida Kagame yagiranye ibiganiro na Emmanuel Macron w’u Bufaransa

Mpayimana agiye kwiyamamariza kuba umudepite nyuma yo gutsindwa amatora ya Perezida

Mpayimana agiye kwiyamamariza kuba umudepite nyuma yo gutsindwa amatora ya...

Pacifique Munezero w’i Gasabo yavuze ko ’ Ukubita imbeba atababarira ihaka ’

Pacifique Munezero w’i Gasabo yavuze ko ’ Ukubita imbeba atababarira ihaka...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’

Umubiligi agiye gusohora igitabo gihuza ubutwari bwa Kagame na Gen. de Gaulle wubatse ikuzo ry’u Bufaransa

6-09-2017

Umubiligi agiye gusohora igitabo gihuza ubutwari bwa Kagame na Gen. de...