LATEST NEWS
Politiki
Akabaye icwende ntikoga
Publish Date: lundi 4 janvier 2016
VISITS :3117
By Admin

Kuva mu nkundura y’amashyaka menshi u Rwanda rwiswe ko rufite Demokarasi ishingiye kuri ayo mashyaka harimo n’ ataravugaga rumwe na Leta ya Habyarimana, kuva ubwo kugeza uyu munsi hari abanyapolitiki bakomeje kwerekana ko atari abanyapolitiki bashaka impunduka kandi bashakira iterambere abaturage, ahubwo ko icyo bashyize imbere n’imyanya n’inda nini zabo.

Twagiramungu Faustin washaka ukongeraho Rukokoma ni izina ritajya ribura mu matwi y’abanyarwanda kenshi ushobora kwikanga ko ryakoze iby’indashyikirwa ariko byahe byo kajya. Abarizi na nyiraryo bazi imbaraga nke zishoboka mu mikorere ariko zigasumbwa no kuvuga cyane ibi wakwita gusakuza nk’ingunguru zirimo ubusa nkuko abahanga babivuze.

Uyu mugabo umaze kuba umusaza yagiye agira umugisha wo kubona imirimo myiza ahantu heza ariko imbaraga ze nke zikamubera ikibuza agatsindwa atarenze umutaru ariko ntiyiburire agasigara ku magambo gusa yayandi aranga imburamukoro. Muri Politiki Twagiramungu yakunze kuvuga ko arwanya ivanguramoko. Ikibazo ibyo yarwanyije ubu nibyo akora, icyo gihe yavugaga ko ishyaka atari ukuvugira ubwoko ahubwo abanyarwanda bose. Ariko ibyo amaze iminsi avuga bigaragara ko yasubiye kuri system yarwanyaga kandi u Rwanda rw’ubu ni urwabanyarwanda bose.

Duhereye ku bizwi kandi bya vuba aha, Twagiramungu yavukanye umwaku cg se umuvumo uko wabyita kose ntaho waba wibeshye.

Mu mwaka wa 1987 Twagiramungu yatorewe kuyobora FERWAFA nk’umukandinda wari watanzwe n’ikipe ya S.T.I.R FC yahoze ari iy’ikigo mpuzamaganga gishinzwe gutwara imizigo mu Rwanda bityo ku myaka ye 41 Twagiramungu wanayoboraga S.T.I.R nka Sosiete y’ubwikorezi, asimbura Col. Mayuya Stanislas. Uyu mwanya ntiyawumazeho imyaka myinshi dore ko yatangiye gushwana nabo bakoranaga barimo umunyamabanga we Jean Kabanda maze ikipe y’igihugu ihahombera ityo izize Rukokoma mu mwaka umwe aba irarangiye burundu ndetse niyo Sosiete yaje guhomba.

Mu nkundura y’amashyaka naho ntiyatanzwe kuko yashatse kugarura MDR – Parmehutu ishyaka rya Sebukwe Kayibanda Gregoire, abahutu bose banga kumuyoboka ahubwo bigira muri CDR, bahoraga bahanganye kuri Radio Rwanda.

Nyuma ya Jenoside yakorewe Abatutsi, Leta y’Ubumwe bw’abanyarwanda nayo yamugiriye icyizere aba Minisitiri w’Intebe kubera amasezerano y’amahoro y’Arusha kuko mbere y’uko Jenoside iba tariki ya 5 Mutarama 1994, Habyarimana yananiwe gushyiraho guverinoma ngo Twagiramungu arahire, Habyarimana arahira wenyine mugitondo ni mugoroba agarutse abura abadepite ba FPR-Inkotanyi n’aba PSD mugihe P.L yo yarifite Liste ebyiri z’abadepite, hari Liste yatanzwe na Mugenzi Justin niyari yatanzwe n’igice cya Landouard Ndasingwa wari watorewe kuyobora PL modere kuko amashyaka yo muri Opposition Habyarimana yari amaze kuyaremamo Power.

Ubwo hajyagaho Leta y’ubumwe Twagiramungu na set Sendashonga bataye inshingano barahunga, Twagiramungu ahungira mu Bubiligi naho Sendashonga ajya Nairobi ari naho yaguye. Ibi nibikwereka ubuda bunini bwa Twagiramungu Fausti, ninabyo byamukurikiranye mu mwaka wa 2003 ubwo yakekaga ko abanyarwanda bibagiwe ubugwari bwe maze yikanga ko bamutora akayobora igihugu ariko yatsinzwe uruhenu bituma atongera kugaruka no muyandi yakurikiyeho.

Faustin Twagiramungu

Twagiramungu Rukokoma asigaye mukuvuga gusa byabindi by’imburamukoro ku buryo ushobora kumwibeshyaho ugira ngo hari icyo yigeze kumara ariko ntacyo rwose .Amagambo ye atagira ibikorwa nka za ngunguru zirimo ubusa, amatiku ye, ni aya kera none dore arayasazanye ntazagire uwo yirarariho.

Umusomyi wa Rushyashya

IBITEKEREZO
Kabamba

Njyewe nshyigikiye Rukokoma kuko niwa warebaga kure muri politiki nyarwanda ikosa yakoze ni rimwe, kwizera inkotanyi.

Emanuel

Rukokoma raa yiyitaga ngonumushinomeroyambere

Emanuel

Rukokoma raa yiyitaga ngonumushinomeroyambere

GASOMBE MAMESE

nibyo kabisa !


TANGA IGITEKEREZO

Kwamamaza
Kwamamaza
Also in this section
Perezida Kagame yitabiriye itangizwa ry’Inteko rusange y’Umuryango w’Abibumbye

Perezida Kagame yitabiriye itangizwa ry’Inteko rusange y’Umuryango...

Madamu Jeannette Kagame yasangije amateka ya Jenoside abatabiriye Inteko rusange ya Loni

Madamu Jeannette Kagame yasangije amateka ya Jenoside abatabiriye Inteko...

Perezida Kagame yagiranye ibiganiro na Emmanuel Macron w’u Bufaransa

Perezida Kagame yagiranye ibiganiro na Emmanuel Macron w’u Bufaransa

Mpayimana agiye kwiyamamariza kuba umudepite nyuma yo gutsindwa amatora ya Perezida

Mpayimana agiye kwiyamamariza kuba umudepite nyuma yo gutsindwa amatora ya...

Pacifique Munezero w’i Gasabo yavuze ko ’ Ukubita imbeba atababarira ihaka ’

Pacifique Munezero w’i Gasabo yavuze ko ’ Ukubita imbeba atababarira ihaka...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’

Umubiligi agiye gusohora igitabo gihuza ubutwari bwa Kagame na Gen. de Gaulle wubatse ikuzo ry’u Bufaransa

6-09-2017

Umubiligi agiye gusohora igitabo gihuza ubutwari bwa Kagame na Gen. de...