LATEST NEWS
Politiki
Amerika yafatiye ibihano u Burundi bwo bukavuga yuko nta kibazo biteye
Publish Date: mercredi 4 novembre 2015
VISITS :1663
By Admin

Ubutegetsi bwa Perezida Barack Obama kuwa kane w’igishe bwafashe icyemezo cyo gukura u Burundi ku rutonde rw’ibihugu bya Afurika byoroherezwaga mu by’ubucuruzi n’igihugu cya Amerika ariko Bujumbura yo ikavuga yuko nta kibazo biteye !

Muri 2000 Amerika yashyizeho icyiswe African Growth and Opportunity Act (AGOA) kigamije gufasha ibihugu bya Afurika yo hasi y’ubutayu bwa Sahara kuzajya byohereza ibicuruzwa byabyo mu masoko ya Amerika bidasoreshejwe kandi Washington ikazajya inafasha ibyo bihugu mu by’ubukungu no mu bundi buryo bwashoboka !

Kuri uwo wa kane w’icyumweru gishize Perezida Obama yandikiye SENA ya Amerika ayimenyesha yuko u Burundi bukuwe mu rutonde rw’ibihugu birebwa n’uwo mushinga wa AGOA. Ntabwo Obama yasabaga uruhushya iyo SENA ahubwo byari ukuyimenyesha gusa kuko isinya uwo mushinga wagiyeho mu gihe cy’ubutegetsi bwa Bill Clinton, SENA yemeza ibyo bihugu birebwa n’iyo gahunda ya AGOA n’u Burundi bwari burimo kandi nabwo bukaba bwoherezaga ibicuruzwa byabwo muri Amerika bidasoreshejwe.

Muri iyo baruwa Obama yandikiye SENA yavuze yuko leta iriho mu Burundi yagiyeho mu buryo butemewe n’amategeko ngo Kandi ubutegetsi bwa Nkurunziza bukaba bukomeje kwica, gufungira ubusa, kwica urubozo abo butavuga rumwe nabo muri politike !

Mu kuganiro yagiranye n’ijwi rya Amerika uyu munsi mu gitondo ambasaderi w’u Burundi muri Amerika, Ernest Ndabashinze yavuze yuko nta gihombo igihugu cye kizagira mu gukurwa muri iyo gahunda ya AGOA ngo kuko n’ubundi ntacyo yabunguraga kuko ngo u Burundi nta bicuruzwa byohereza muri Amerika !

Koko u Burundi nta bicuruzwa byinshi yohereza mu masoko ya Amerika ariko bigaragara yuko atari ukubera yuko nta kamaro ahubwo ari ukubera yuko ibyo bicuruzwa nta bihari cyangwa ubundi burangare. Ibyo aribyo byose bigaragara yuko umwaka ushize u Burundi bwohereje muri Amerika ibicuruzwa bifite agaciro kangana na miliyoni 4.4 z’amadolari.

Ambasaderi Ndabashinze avuga yuko ntacyo AGOA imariye ibihugu nk’uburundi ngo ibiyungukiramo gusa ari byabindi bifite peteoli. Ibi ariko bishobora kuba atari ukuri cyane kuko igihugu nka Kenya nacyo nta peteroli gifite kandi umwaka ushize cyohereje mu masoko ya Amerika ibicuruzwa bifite agaciro kangana n’amadolari miliyoni 566 !

Nanone kandi iby’u Burundi kwirukanwa muri iyo gahunda ya AGOA ntabwo umuntu yakabirebeye mu nyungu zigaragara ubu zaba ziyivamo kuko icyo gihugu nta muntu wakivumye ngo ntikizajye kigira umusaruro mwinshi wo gusagurira amahanga. Ejo gishobora kubona uwo musaruro kikabura ya mahirwe yo kuba cyakawutwaye mu masoko ya Amerika aho winjira udasoreshejwe !

Ambasaderi Ernest Ndabashinze amaze gushyikiriza Perezida Obama impapuro zimwemerera guhagararira u Burundi muri Amerika

Ntabwo ari ubwa mbere Amerika ifatira ibihano u Burundi kubera impamvu nk’izo zo kutemera uburyo icyo gihugu gitegetswe ! Muri Nyakanga uyu mwaka Amerika yahagaritse inkunga zose za gisirikare yahoraga itera u Burundi, harimo no kudafasha abasirikare b’u Burundi bari muri za misiyo mu bindi bihugu nk’uko ubu bubafite muri Somalia.

Ntabwo ari Amerika gusa bwafatiye ibihano u Burundi kubera kutemera imitegekere ya Petero Nkurunziza. Ubudage, Holland, Ububiligi kimwe n’umuryango w’ubumwe bw’ibihugu by’Ubulayi byahagaritse nyinshi mu nkunga byaha u Burundi.

Mu Burundi hakomeje ubwicanyi ndenga kamere umuntu akaba yakwibaza aho iki gihugu kigana, ntamunsi wubusa abantu baticwa dore ko mumihanda i Bujumbura haba huzuye imirambo y’abantu buri munsi.Imana tabare iki gihugu.

Casmiry Kayumba

IBITEKEREZO
alpha

mwakizwa muri kano karere mufite indwara Tutsi TWA Hutu idatuma muzamuka

semana

President Nkurunziza ashyigikiwe n'abafaransa. Niyo mpamvu ibyo bihano byose bamukangisha ntacyo bimubwiye. France, Tanzania, Africa yepfo bamuri inyuma. Niyo confidence afite.

semana

President Nkurunziza ashyigikiwe n'abafaransa. Niyo mpamvu ibyo bihano byose bamukangisha ntacyo bimubwiye. France, Tanzania, Africa yepfo bamuri inyuma. Niyo confidence afite.

jika

ariko sha iyo uvuze ingoma y'abahutu ubashaka kuvuga iki ? irihose ni iyabaki ? ndabaza uwo wiyita ARIKO. Ayo ni amacakubiri.

Ariko

Iyo mbona ibiba iburundi ni byabaye murwanda kungoma z'Abahutu bintera kubibazaho. Kwica no kudindiza igihugu ntabwenge bubamo nagake. Namwe mubyibazeho biteye isoni.

kaka

Aho kuguma usuzungurwanumuzunguwakwemera ukajyaibijumbaarikontusugugurwa numuzungubafateibyabo

paul rwigamba

Ndabona bisa nibyabashimishije.


TANGA IGITEKEREZO

Kwamamaza
Kwamamaza
Also in this section
Perezida Kagame yasuye icyambu cya Doraleh muri Djibouti, kimwe mu bikomeye muri Afurika

Perezida Kagame yasuye icyambu cya Doraleh muri Djibouti, kimwe mu bikomeye...

Komisiyo y’Amatora yamaganye abiyita abakandida basaba inkunga abaturage

Komisiyo y’Amatora yamaganye abiyita abakandida basaba inkunga...

Umubare munini w’abagore muri Amerika bifuza yuko Trump yakweguzwa

Umubare munini w’abagore muri Amerika bifuza yuko Trump yakweguzwa

Ikiganiro kirambuye Perezida Kagame yagiranye na New African Magazine

Ikiganiro kirambuye Perezida Kagame yagiranye na New African...

Kinshasa : Perezida Kabila yashyizeho Minisitiri w’Intebe mushya utavuga rumwe n’ubutegetsi

Kinshasa : Perezida Kabila yashyizeho Minisitiri w’Intebe mushya utavuga...

NEW POSTS
Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...

Perezida Kagame yasabye RDF gukomeza intego ko Jenoside itazongera kubaho

10-04-2017

Perezida Kagame yasabye RDF gukomeza intego ko Jenoside itazongera...