LATEST NEWS
Politiki
Faustin Twagiramungu yongeye kumvikana avugira umwami Kigeli, Kayibanda na Habyarimana
Publish Date: jeudi 3 décembre 2015
VISITS :3794
By Admin

Mu kiganiro dusangire ijambo cyaciye kuri Radio Ijwi ry’Amerika kuri iki cyumweru tariki ya 29 Ugushyingo 2015 icyo kiganiro cyari kiyobowe na Etienne Karekezi abatumirwa bari Frank Mwine, umunyamategeko ndetse na Bwana Faustin Twagiramungu, umukuru w’ishyaka RDI Rwanda Rwiza, akaba yarabaye na Ministre w’intebe hagati ya 1994 na 1995.

Haganiriwe ku bijyanye n’ihinduka ry’itegeko nshinga biciye muri Kamarampaka.

Kuri Bwana Faustin Twagiramungu ngo ntabwo bakuyeho ingoma y’abanyiginya ngo noneho bemere ingoma y’abega, ngo niba Perezida Kagame ashaka kugarura ubwami niyimike Umwami Kigeli V Ndahindurwa !

Ibi bintu biratangaje cyane ingoma y’abega ibahe ? iki gihugu cyabohowe n’ingabo zari iza RPF-Inkotanyi ziyobowe na Perezida Kagame, zihagarika Jenoside, zirangije ziyemeje gusaranganya ubutegetsi, ntizikubiye, mu buyobozi bw ’iki gihugu harimo amashyaka atarijanditse mu bwicanyi PSD, PL, PSR,PDI,PSP, UDPR n’ayandi mashya agihatanira intebe y’ubuyobozi nka PS-Imberakuri na Green Party, ndetse mu buyobozi hagiyemo n’abicanyi, murabibuka abitwa ba Elyse Bisengimana, Mukezamfura Alfred wabaye na Perezida w’Inteko umutwe w’abadepite n’abandi…babaye munzego z’ubuyobozi bwohejuru kandi atari abere. Aha ingoma y’abega irihe ?

Twagiramungu Faustin mu Rwanda 2003

Ku bijyanye n’uko ngo Perezida Kagame yakoze neza ngo agomba gukomeza, Twagiramungu asanga Kagame atararushije Perezida Kayibanda cyangwa Perezida Habyalimana gukora neza ngo keretse wenda gukubura imihanda abo ba Perezida bamubanjirije bubatse.

Aha Twagiramungu aragereranya abantu batandukanye cyane Kagame yahagaritse Jenoside isi yose irebera hari hamaze gupfa Abatutsi basaga Milioni, ashyiraho Leta y’ubumwe na Twagiramungu yari arimo.

Kayibanda yatwikiye Abatutsi arabamenesha mu gihugu, nyuma y’imyaka irenga 40, bongera kukigarukamo kungufu ni iki kiza Kayibanda yakoze ?

Kayibanda Gregoire Parmehutu

Habyarimana iyo mihanda Twagiramungu avuga yubatse n’iyihe ? imihanda yasize itabasha no gukwirwamo amagare ? ubu yose yasubiwemo Twagiramungu aheruka mu Rwanda 2003, ashaka amajwi ngo abone uko agarura Parmehutu ishyaka rya sebukwe Kayibanda, abanyarwanda baba bamuteye imboni abona 3%, nguwo umujinya afite umuvugisha ibyo avuga ubu, ntazi aho igihugu kigeze kiyubaka, azagaruke arebe ko ibyo avuga bitabaye amateka.

Habyarimana Juvenal MRND

Ikindi iyo mihanda Interahamwe za Habyarimana zari zimaze kuzuzamo imirambo n’imivu y’amaraso Twagiramungu nibyo ashima Habyarimana ngo yakoze neza ? yakoze iki se kwica abantu ?

Ngo Twagiramungu abona azapfana agahinda kuko ibyo ngo yarwaniye atabigezeho.

Kazamwica kuko yashatse kuba Perezida none agiye gupfa nka Kisekedi wa Murumba muri Congo. Gusaza wanduranya no kwigira intyoza muri Politiki Twagiramungu yumva aribyo byatuma ayobora abanyarwanda.

Umwami Kigeli Ndahindurwa

Abanyarwanda bakeneye umuntu ubaha iterambere, n’umutekano bavukijwe igihe kirekire baramubonye rero ibindi n’ibigambo. Uwo mwami Kigeli ninde wamubujije gutaha si amabwire y’abo ba Twagiramungu n’abandi banyabinyoma nkawe, ibintu bya Kigeli byo kumva amabwire nibyo bimuhejeje ishyanga, aho yaniniwe gutahuka mu Rwanda akiyita umwami, hari umwami ubaho utagira igihugu, uwo mwami ntamwami umurimo.

Cyiza Davidson

IBITEKEREZO
kaziyake

Aliko mubyukuri Fastin Twagiramungu we qrishakira amayira ngonapfa azqjyanwe mu Rwanda ageguhambwa neza naho kugirira imbabazi Kigeli ese niba ahambwe impunzi yashatse gutahana nazo zo zizamera gute ese Twagiramungu kuvuga ibyabiru ninde wavuzeko harimo ubwiru ko ubihagarariye arumuntu wamurambyeho umukarane we Benzinge rero Twagiramungu ntajambo agira mu muryango wa Kigeli

Akumiro

Yewe, ni akumiro koko ! Referendumu igiye gutuma abakiri urubyiruko bamenya n'akari imurori !

emmanuel

dukwiriye amasengesho kuko ndabona bigoye pee !? Mana tabara isi yawe.

Kanyarwanda

Ubumwe, Amahoro, Amajyambere nibyo bizaba umusingi w' u Rwanda rwahazaza.

Hope

Ariko se Twagiramungu yibagiwe ko na we yakijijwe n'Inkotanyi ziyobowe na Nyakubahwa Kagame mu gihe interahamwe za Habyarimana n'abambari ba Kayibanda bagombaga kumwica, yewe, yibagirwa vuba kweli, Yashinze MDR ivuguruye arwanya Habyarimana. Uko avuga nabi Perezida Kagame ni nako yavugaga nai Habyarimana. FPR yamuvuye ijisho, reka ariyikanurire. Uwo Habyarimana ashima ni we yamukoze mu nda yica sebukwe Kayibanda. Bernadette Mukamana umukobwa wa Kayibanda, akaba murumuna wa Assumpta Tayigi, umugore wa Twagiramungu, iyo yabonaga ahanditse umubare 1973 yagwaga igihumure agata ubwenge (guhahamuka) yibutse ibyo Habyarimana yakoreye se Kayibanda. Twagiramungu icyo yishakira ni ubutegetsi, ntiyigeze akunda u Rwanda n'abanyarwanda, akunda inda ye gusa. Umugore we amurusha ubwenge, yaramuhanuye ngo areke politique ariko yanze kumva.

Pierre.

Umunyarwanda nyawe, ni uharanira iterambere ry'igihugu cye aho yaba ari hose, akarangwa n'ishema mu bana b'abanyarwanda. u Rwanda rwacu, rukeneye abantu bafite inyota yo kurwubaka bafatanye urunana, birinda amacakubiri, kandi intero ikaba imwe : Amahoro n'Iterambere. Mureke turambike hasi ibidusenya, turwanye umwanzi wacu utuma turyana( ubukene n'ubujiji). Mugire amahoro.

Kelly

Umva rero ndabanenga kabisa kuko mbona iki atari ikinyamakutu cyo gutangarira abantu amakuru ahubwo mbona namwe mwimakaza urwango mubantu ngo gukora politike,nifuza komwamenya icyo democracy ivuga,kagame yakoze byinshi kandi byiza buriwese arabibona nubwo uvugango habyarimana ntabyo yakoze,nakubaza mumyaka iri imbere kagame naba atakriho mu rwanda hamaze kugeramo imihanda gariyamoshi ......nibindi nabwo muzagango ntacyo yakoze ??? Bazogokuru nabanyogokuru baryamaga kubyatsi yewe natwe ariko icyo twarabyishimira kuko nicyo gihe twarimo nibi ubona nibyo bihe byabyo igihe kizagera bicike amazi,kuko ntawaruziko inzu ya centanary house hazaza izayisimbura ariki ubu ntawe ikiyivuga nukuvuga rero nibi mubona bizahinduka.rero mumjye muba abanyamakuru bashoboye kuvugama amakuru mudafite aho mubogamiye kandi mure gukira politike kuko siyanyu.


TANGA IGITEKEREZO

Kwamamaza
Kwamamaza
Also in this section
Mpayimana agiye kwiyamamariza kuba umudepite nyuma yo gutsindwa amatora ya Perezida

Mpayimana agiye kwiyamamariza kuba umudepite nyuma yo gutsindwa amatora ya...

Pacifique Munezero w’i Gasabo yavuze ko ’ Ukubita imbeba atababarira ihaka ’

Pacifique Munezero w’i Gasabo yavuze ko ’ Ukubita imbeba atababarira ihaka...

Ibyemezo by’inama y’abaminisitiri idasanzwe yo kuwa 12 Nzeri 2017

Ibyemezo by’inama y’abaminisitiri idasanzwe yo kuwa 12 Nzeri 2017

Dr. Leopold Munyakazi arashimira Perezida Kagame

Dr. Leopold Munyakazi arashimira Perezida Kagame

Umubiligi agiye gusohora igitabo gihuza ubutwari bwa Kagame na Gen. de Gaulle wubatse ikuzo ry’u Bufaransa

Umubiligi agiye gusohora igitabo gihuza ubutwari bwa Kagame na Gen. de...

NEW POSTS
Pasiteri Maggie Mutesi yishwe anizwe- Iperereza rya Polisi

20-09-2017

Pasiteri Maggie Mutesi yishwe anizwe- Iperereza rya Polisi

’ Nzakomeza kwambara imyenda iriho ifoto ya Perezida Kagame ubuzima bwanjye bwose ’ - Rucagu

19-09-2017

’ Nzakomeza kwambara imyenda iriho ifoto ya Perezida Kagame ubuzima bwanjye...

Bidasubirwaho UTC ya Rujugiro iratezwa cyamunara muri uku kwezi

15-09-2017

Bidasubirwaho UTC ya Rujugiro iratezwa cyamunara muri uku kwezi

Igisobanuro cy’Ifoto yabonywe n’Abanyamakuru Perezida Kagame agenda ku igare i Rubavu

12-09-2017

Igisobanuro cy’Ifoto yabonywe n’Abanyamakuru Perezida Kagame agenda ku...

Polisi y’u Rwanda yataye muri yombi abacyekwaho kuba mu mitwe yitwaza intwaro

11-09-2017

Polisi y’u Rwanda yataye muri yombi abacyekwaho kuba mu mitwe yitwaza...

Umubiligi uzwi mubikorwa byo gupfobya Jenoside wavugiraga Umuryango wa Rwigara yasabye Imbabazi

11-09-2017

Umubiligi uzwi mubikorwa byo gupfobya Jenoside wavugiraga Umuryango wa...

Ikinamico kwa bene Rwigara : ’ Amagambo ashize ivuga ’

11-09-2017

Ikinamico kwa bene Rwigara : ’ Amagambo ashize ivuga ’

Financial Times : Perezida Kagame yagarutse ku buryo yinjiye igisirikare, uko yavuye mu ishuri muri Amerika n’amasomo byasize

4-09-2017

Financial Times : Perezida Kagame yagarutse ku buryo yinjiye igisirikare,...