LATEST NEWS
Politiki
Igihano cya Rwabukombe, impano u Budage bwahaye Abanyarwanda- Min.Mushikiwabo
Publish Date: dimanche 3 janvier 2016
VISITS :623
By Admin

Igihano cy’igifungo cya burundu Urukiko Rukuru rwo mu Mujyi wa Frankfurt rwakatiye Onesphore Rwabukombe, kigereranywa n’impano u Budage bwahaye Abanyarwanda muri iki gihe cy’iminsi mikuru.

Abicishije ku rukuta rwe ku rubuga nkoranyambaga rwa Twitter, Minisitiri w’Umubanyi n’amahanga akaba n’Umuvugizi wa Leta y’u Rwanda, Louise Mushikiwabo, yatangaje ko Abanyarwanda bishimiye impano y’Ubutabera u Budage bahaye u Rwanda.

Mu magambo y’Icyongereza,Minisitiri Mushikiwabo yagize ati “Abanyarwanda benshi bishimiye impano y’Ubutabera muri iki gihe cy’ikiruhuko ! Murakoze na none u Budage !”

Kuwa kabiri ni bwo Urukiko Rukuru rwo mu Mujyi wa Frankfurt mu Budage, rwakatiye igifungo cya Burundu Onesphore Rwabukombe wahoze ari Burugumesitiri wa Komini Muvumba mu yahoze ari Perefegitura ya Byumba, nyuma yo kumuhamya uruhare ruziguye muri Jenoside yakorewe Abatutsi muri Mata 1994.

Ibiro Ntaramakuru by’Abanyamerika byatangaje ko Urukiko rwasanze Rwabukombe w’imyaka 58, ahamwa n’icyaha cyo gutegeka kwica Abatutsi 400 bari bahungiye muri Kiliziya ya Kiziguro ku itariki ya 11 Mata 1994.

Muri Gashyantare 2014, Rwabukombe yari yakatiwe igifungo cy’imyaka 14 n’Urukiko rw’i Frankfurt, ariko urukiko rukuru rw’u Budage rubitesha agaciro nyuma yo gusanga icyo gihano kitaremereye nk’ibyaha byari byamuhamye.

Mu rubanza rwa mbere abacamanza bari banzuye ko bananiwe kumenya neza niba Rwabukombe yarategetse ubwo bwicanyi abitewe n’ubushake bwo gukora Jenoside, cyangwa niba bwari ubufatanyacyaha mu ikorwa ry’icyo cyaha budashingiye ku moko.

Mu rubanzwa rwa kabiri, abacamanza banzuye ko ibikorwa bya Rwabukombe, yabikoze ashaka gutsemba Abatutsi, ari na byo byatumye akatirwa gufungwa burundu.

Urukiko rwavuze ko yazanye itsinda ry’Abahutu mu mudoka ari na bo bishe abari bahungiye mu Kiliziya, abategeka gutangira kwica abahagarikiye, nyuma aza no kugira uruhare mu kujyana imirambo mu rwobo rusange.

Urubanza rwa Rwabukombe rwagaragayemo abatangabuhamya bagera ku 120, hasomwa inyandiko zirenga ijana, hanarebwa film zitandukanye ku buryo byatumye rumara imyaka igera kuri itatu.

Rwabukombe yabonye ubuhungiro mu Budage mu mwaka wa 2002, aza gutabwa muri yombi mu mwaka wa 2010, nyuma yo gushyirirwaho impapuro zimuta muri yombi mu mwaka wa 2007.

Kamurase Hassani

IBITEKEREZO
Manzi

Dore agatsiko k’interahamwe kayogoje uburasirazuba muri Mata 1994 Itsinda rinini ry’interahamwe ryari riberewe ku isonga na Gatete Jean Baptiste wari wigize umuvugizi wa ba Burugumesitiri bari barahungiye imirwano muri komine Murambi mu mwaka wa 1992. Abo ba Burugumesitiri ni aba bakurikira : Gahutu Providance wari Burugumesitiri wa Ngarama, Rwabukombe Onesipfore wari Burugumesitiri wa Komini Muvumba, akanaba Doyen wa ba Burugumesitiri muri Genoside Njenyeri wari Burugumesitiri wa Komini Gituza na Mwange Jean de Dieu wari Burugumesitiri wa Komini Murambi. Mu gihe bahungaga ingabo za RPF Inkotanyi bamaze Gukora Genoside ku Kiriziya ya Kiziguro(Hishwe Abatutsi basaga 4000) abayoboye itsinda bagiye bisungana na ba Burugumesitiri b’amakomine yo muri Persfegitura ya Kibungo bahereye kuri Mpambara Jean Baptiste wari Burugumesitiri wa Komini Rukara, Senkware wa Kayonza, Ngenzi Octavien wa Kabarondo, Merchiade Tahimana wa komine Birenga, Mugiraneza Emmanuel wa Komine Kigarama, Gacumbitsi Sylvestre wa Rusumo na Ruhigira Donatien wa Komine Rukira. I tsinda rigizwe n’abacuruzi bari bisunganye n’ubuyobozi bwa za Komine mu gihe cya Genoside muri mata 1994 ryari ryakajije ubwisungane hagamijwe gusahura imitungo ahari muri perefegitura ya Kibungo mu rwego rwo kwisubiza ibisahurano bari bateshejwe n’ingabo za RPF inkotanyi zabaryaga isataburenge. Abacuruzi bagaragaje ubwitabire mu gutwara interahamwe mu gihe bagabaga ibitero ku batutsi ni aba bakurikira : Mbuguje Jean Damascene w’i Kiramuruzi, Rukundo Augustin w’i Kiramuruzi, Musasa wa Rwagitima, Uwimana w’i Muhura, Nyilingango Felicien w’i Kiramuruzi, Nirore Manasse w’i Kiramuruzi. Mu bikorwa by’ubwicanyi n’ubusahuzi babaga bari kumwe buri gihe na Nkudabazungu Augustin (Wakatiwe burundu n’urukiko Gacaca avanywe mu gihugu cya Uganda) na Munyakazi Francois wari Burigadiye wa Komine Murambi. Ubuhamya ku bikorwa bya Genoside byakozwe na Gatete Jean Baptiste n’itsinda ry’abicanyi yari arangaje imbere bwatanzwe n’abantu banyuranye nkuko bigaragara mu nyandiko y’urubanza yaciriwe n’urukiko mpanabyaha bya Genoside rwa Arusha mu gihugu cya Tanzaniya. Ibikorwa bya Gatete mu gihecya Genoside byanditse ku rupapuro rwa 43, mu gika cya 97, ahanditse bimwe mu byo yashinjwe na Nkusi Emmanuel w’i Ntete mu murenge wa Kiramuruzi mu karere ka Gatsibo, akaba yunganirwa n’abatangabuhamya bashinje Gatete b’ikiramuruzi (Ku karambo), Gituza ya Rwankuba, Akarambo (Rwankuba), Nyagasambu (Rwankuba). Nyuma y’ubuhamya bushinja Gatete, hanagaragaye ubuhamya bumushinjura. Ubugaragarira buri wese ni ubwatanzwe na Karemera Appolinaire wabeshye ko yahigwaga muri Genoside, akaba yaratekinitse ubuhamya bubeshyuza ijana ku ujana ubwatanzwe na Nkusi Emmanuel. Uwo muhakanyi wa Genoside ntiyanatinye kubeshya ko yari kumwe na nkusi mu gitondo cyo ku itariki ya 7 mata 1994, ngo yagiye kumusura ngo baganire ku cyakorwa nyuma yo kumva inkuru y’uko Perezida Habyarimana yishwe. (Ubuhamya bubisha bwa Karemera Appolinaire buri mu nyandiko nsozarubanza y’umwunganizi mu bika bya 98, 157,698-701,1089-1090), bikaba binanditse mu gika cya 85 n’iya 90, ku rupapuro rwa 4, aho avuga ko mu gitondo cy’itariki ya 7 Mata 1994 aho yari mu murenge wa Nyabisindu nta kintu kidasanzwe cyahabaye. Abandi batanze ubuhamya bushinja Gatete Jean Baptiste n’agatsiko k’interahamwe karimo Rukundo Augustin, Mbuguje Jean Damascene n’abandi barimo uwitwa Namahoro James bita Kagarara, uyu akaba yaragendanaga muri icyo gihe na Burigadiye wa Komine Murambi witwaga Munyakazi Francois, bakaba barabanaga mu nzu ubwo bari bageze i Rwanteru na Gatete Jean Baptiste, na Rukundo Augustin kandi bafatanya umunsi ku munsi mu bikorwa bya Genoside byari bigizwe n’ubwicanyi n’ubusahuzi. Undi mutangabuhamya ni uwitwa Ndangamira w’i Mukarange muri Kayonza mu kagari ka Bwiza.

frank

Very Fine with Frankfurt court, but I think it shldn't be called a gift of Justice. It is a just justice done out of a just obligation. ahubwo nabandi babarebereho

saba ramos

Sinumva impamvu Minister Mushikiwabo yise icyo gihano "Impano" ! Ntabwo yari agikwiye se ???


TANGA IGITEKEREZO

Kwamamaza
Kwamamaza
Also in this section
Perezida Macron arabazwa niba agiye gutsura umubano n’u Rwanda akanakurikirana abaruhekuye

Perezida Macron arabazwa niba agiye gutsura umubano n’u Rwanda...

Ibya abashaka kwiyamamariza Ubuperezida ni ’ Agahomamunwa ’

Ibya abashaka kwiyamamariza Ubuperezida ni ’ Agahomamunwa ’

Perezida Kagame mu bazatangiza umushinga wo kurwanya Jenoside ku Isi i New York

Perezida Kagame mu bazatangiza umushinga wo kurwanya Jenoside ku Isi i New...

Isaranganywa ry’Ubutegetsi mu Rwanda rishobora kuzamo ibibazo by’Itegeko

Isaranganywa ry’Ubutegetsi mu Rwanda rishobora kuzamo ibibazo...

Sudani y’Epfo : Imitwe irindwi yishyize hamwe ngo ikure ku butegetsi Salva Kiir

Sudani y’Epfo : Imitwe irindwi yishyize hamwe ngo ikure ku butegetsi Salva...

NEW POSTS
Uburiganya : Mpayimana Philippe yashyizwe mu majwi mu bashaka imikono ya kandidatire binyuranyije n’amategeko

27-05-2017

Uburiganya : Mpayimana Philippe yashyizwe mu majwi mu bashaka imikono ya...

Minisitiri Mukantabana yashimiye umudepite w’u Rwanda watumye atahuka

26-05-2017

Minisitiri Mukantabana yashimiye umudepite w’u Rwanda watumye...

Inkoni y’Umwana ishira Dondi Dondi : Abandi bapasiteri 3 ba Zion Temple basezeye kuri Apotre Gitwaza, amaherezo ni ayahe ?

26-05-2017

Inkoni y’Umwana ishira Dondi Dondi : Abandi bapasiteri 3 ba Zion Temple...

Mbanda yahaye ’ Gasopo’ Amashyaka yiyita Opposition harimo na RNC

26-05-2017

Mbanda yahaye ’ Gasopo’ Amashyaka yiyita Opposition harimo na...

ITANGAZO RYA RUSHYASHYA

24-05-2017

ITANGAZO RYA RUSHYASHYA

Rudasingwa Theogene yaba ahugiye kuki ?

23-05-2017

Rudasingwa Theogene yaba ahugiye kuki ?

Teteri Agnes Umugore wa Eugene Gasana aravugwa mu bikorwa bya Politiki

23-05-2017

Teteri Agnes Umugore wa Eugene Gasana aravugwa mu bikorwa bya...

Impamvu John Mirenge yakuwe k ’Ubuyobozi bwa ’ RwandAir ’ Igitaraganya

16-05-2017

Impamvu John Mirenge yakuwe k ’Ubuyobozi bwa ’ RwandAir ’ Igitaraganya