LATEST NEWS
Politiki
Ijambo Nkurunziza yagejeje ku gihugu rishobora kworeka imbaga
Publish Date: vendredi 6 novembre 2015
VISITS :3386
By Admin

Ejo bundi kuwa mbere tariki 2/11/2015 Perezida Petero Nkurunziza yagejeje ijambo ku gihugu ariko iryo jambo ubwaryo batarebye neza rishobora koreka imbaga mu Burundi !

Perezida Nkurunziza warahiriye gutegeka manda ya gatatu avugirizwa induru muri Nyakanga uyu mwaka, ndetse izo nduru zikaba zigikomeza, yavuze yuko inzego z’umutekano muri icyo gihugu azishimira ngo kuko zikora akazi kazo neza.

Yatondaguye imibare y’amako anyuranye y’ibirwanisho ngo izo nzego zimaze gufata zibikura mu bantu bari babitunze batabifitiye uburenganzira.

Nkurunziza yatanze kugeza tariki ya karindwi uku kwezi ngo abatunze ibirwanisho batabifitiye uburenganzira ngo babe bamaze kubitanga muri leta ngo hanyuma batwarwe mu ngando zo gukunda igihugu. Ategeka n’inzego z’umutekano gukora iyo bwabaga ngo icyo kiringo cy’iminsi itanu kizarangire izo ntwaro zashize mu banyagihugu. Nkurunziza avuga kandi yuko uzaramuka arengeje iyo minsi itanu ataratanga ibyo birwanisho azafatwa nk’umwanzi w’igihugu !

Iri ijambo rya Nkurunziza rikubiyemo byinshi bigomba kuzana ibibazo. Avuga yuko abashinzwe umutekano bakora akazi kabo neza kandi buri munsi inzirakarengane zicwa n’abo yita yuko bashinzwe umutekano cyangwa imbonerakure za CNDD-FDD !

Buri munsi imirambo itoragurwa mu magunira cyangwa mu miferege y’imihanda abantu bakaraswa mu ijoro cyangwa izuba ryaka none Nkurunziza arashimira abo bicanyi, bishobora kumera nkabimwe by Sindikubwabo Theodor Perezida w’ingoma y’abatanazi wagiye muri Butare mugihe cya Jenoside akabwira abanyabutare ko bigize bantibindeba yahava bakamara abantu, ibi bya Nkurunziza bishobora kuba ubutumwa ngo nibice kurushaho abo yita abanzi b’igihugu !

Iyo uganiriye n’a Barundi bahungiye hano mu Rwanda bakubwira yuko iryo saka ry’ibirwanisho riba ari urwitwazo rw’ubutegetsi bwa Nkurunziza ngo babone uko bikiza abo bakeka yuko batavuga rumwe n’ubwo butegetsi ! Ngo abo bakabaye bashinzwe umutekano bafata imbunda, grenade cyangwa amasasu bakabikorera uwo baba bashaka kwikiza bereka abantu yuko babimufatanye. Uwo muntu atwarwa ahantu hatazwi, abe bagatinya no kuba bakurikirana ngo nabo badafatwa nkawe.Iyi ngo niyo mpamvu ituma impunzi zirushaho kwiyongera.

Muri iryo jambo Nkurunziza aravuga abanzi b’igihugu ariko Abarundi uganiriye nabo bakakubwira yuko ahubwo Nkurunziza ariwe mwanzi w’igihugu ngo kuko ariwe wagiteje ibi bibazo byose kirimo kubera gushaka kwiyongeza manda kandi hari umubare munini w’Abarundi utarabishakaga ngo kuko yabikoze mu gasuzuguro bitanyuze mu mategeko !

Kayumba Casmiry

IBITEKEREZO
Zacharie ntungumburanye

good analyse. Kurya mubona abaturage ba rukomo nawe nibyo bitekereza bye.


TANGA IGITEKEREZO

Kwamamaza
Kwamamaza
Also in this section
Bimwe mu byo wamenya kuri Uhuru Kenyatta uherutse gutsinda amatora bigateshwa agaciro

Bimwe mu byo wamenya kuri Uhuru Kenyatta uherutse gutsinda amatora...

Nta muntu numwe uri hejuru y’Amategeko

Nta muntu numwe uri hejuru y’Amategeko

Amagambo ashize ivuga : Perezida Kagame yahuye na Donald Trump

Amagambo ashize ivuga : Perezida Kagame yahuye na Donald Trump

Washington : Kagame yavuze ko Ibihugu 12 bimaze kwemera gutanga umusanzu wabyo muri AU [ VIDEO ]

Washington : Kagame yavuze ko Ibihugu 12 bimaze kwemera gutanga umusanzu...

Madamu Jeannette Kagame yasobonuriye isi uko u Rwanda rwesezereye ibigo by’impfubyi

Madamu Jeannette Kagame yasobonuriye isi uko u Rwanda rwesezereye ibigo...

NEW POSTS
Ukuri ku ihanurwa ry’indege ya Habyarimana : Kwivuguruza kw’Abatangabuhamya

20-10-2017

Ukuri ku ihanurwa ry’indege ya Habyarimana : Kwivuguruza kw’Abatangabuhamya

Mugenzi Thabita Gwiza, Kayumba na Himbara mu mugambi wabo kwa Rwigara

20-10-2017

Mugenzi Thabita Gwiza, Kayumba na Himbara mu mugambi wabo kwa...

HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...