LATEST NEWS
Politiki
Ijambo ry’Umwami Kigeli V muri ibi bihe by’icyunamo Mata 2016. Ni iki kiryihishe inyuma
Publish Date: jeudi 14 avril 2016
VISITS :7670
By Admin

Umwami Kigeli, ari na we wa nyuma w’u Rwanda, ni umwe mu bimye ingoma bakayimaraho igihe kigufi cyane. Yahunze igihugu mu mwaka wa 1960, (Abanyarwanda babyita kubunda), Dominiko Mbonyumutwa aba Perezida, anatoresha Kamarampaka yo gukuraho burundu ingoma ya cyami.

Magingo aya, inkuru ni ikimenyabose ko uburyo uyu Mwami abayeho buhabanye cyane n’ubuzima bw’icyubahiro buteye ishema nk’ubw’umwami nyirizina yahoranye.

Mu nyandiko “Umwami utagira igihugu”, yanditswe na Ariel Sabar (Washingtonian 27/05/2013) yagaragaje imibereho mibi cyane y’umwami ubara ubucyeye, ubeshejweho no gufashwa kubona igaburo rimurenza umunsi asabirije, aho atuye muri Leta Zunze Ubumwe za Amerika.

Ntibyumvikana ukuntu nyuma y’imyaka 56 mu buhunzi, Kigeli akigeza ijambo kubanyarwanda, kandi ridafite ikintu nakimwe ribungura, ahubwo ribasubiza inyuma mu bumwe n’ubwiyunge bari bamaze kugeraho.

Iyo usoma ijambo Kigeli, yavuze muri iki gihe isi yose yifatanije n’u Rwanda mu kwibuka imbaga y’abanyarwanda yahitanywe na Jenoside wibaza niba Kigeli afite amakuru ahagije ku rwanda, hari aho avuga ngo « Mbabazwa cyane n’ubwicanyi bwabaye mu gihugu cyacu, ndetse no kumva ko hari umunyarwanda ukicwa azira ubwoko bwe, ibitekerezo bye, aho akomoka cyangwa indi mpamvu iyo ariyo yose. » birababaje kubona Kigeli avuga amagambo nkaya aterekeranye ! ninde munyarwanda ukicwa azira ubwoko bwe nkuko kigeli abivuga ?

Birazwi ko bene aya magambo atoneka abanyarwanda, avugwa n’asize baruhekuye, tuziko ubu mu Rwanda ntawe uzira ubwoko bwe, ibitekerezo bye, aho akomoka cyangwa indi mpamvu iyo ariyo yose nkuko Kigeli abivuga. twese tuzi uko abahagaritse jenoside, bakirinze neza umutekano w’Abanyarwanda bose ntawe uhutajwe.

Umwami Kigeli yaka imfashanyo

Abazi neza Kigeli bamuziho kugira ibitekerezo bishaje n’imyumvire nk’iy’abahezanguni bakomeje guhakana no gupfobya Jenoside yakorewe abatutsi, kandi bakifuza intambara kubanyarwanda.

Dore ijambo ry’umwimerere rya Kigeli muri iki cyunamo

Ndabaramukanya urukundo n’urukumbuzi rwinshi kandi mbifuriza kugira ubwihangane muri ibi bihe twibuka ku nshuro ya 22 Jenoside yo 1994 mu Rwanda n’ubundi bwicanyi byaduhekuye bugahitana inzirakarengane nyinshi.

Nk’umubyeyi wanyu nifatanije n’abanyarwanda bose mukababaro bafite muri ibi bihe.

Mu bihe nk’ibi twibuka abacu bazize ubwicanyi ndengakamere bwabaye mu gihugu cyacu, birakwiye ko abana b’u Rwanda aho bari hose baharanira ubwumvikane no kubabarirana bityo bakirinda amacakubiri , ahubwo bakarushaho gukorera hamwe, kubahana no gukundanda, kuko aribyo muti nyakuri watuma dushobora kubana mu mahoro mu rwatubyaye n’ahandi hose.

Birakwiye ko buri munyarwanda yumva ko kumena amaraso ari ukunyuranya nibyo Imana idushakaho nk’ibiremwa byayo ; tugomba kwirinda kandi icyatuma u Rwanda rusubira mu miborogo nk’iyo muri 1994 n’ubundi bwicanyi bwagiye buba mu gihugu hose cyane cyane twirinda ibyabaye mu mamateka y’igihugu cyacu byatuzaniye ibyago bikomeye harimo :

Ubuhunzi, amacakubiri mu moko n’uturere no gutakaza umuco mwiza w’urukundo rwakimuntu byarangaga umunyarwanda. Mbabazwa cyane n’ubwicanyi bwabaye mu gihugu cyacu, ndetse no kumva ko hari umunyarwanda ukicwa azira ubwoko bwe, ibitekerezo bye, aho akomoka cyangwa indi mpamvu iyo ariyo yose.

Ndahindurwa

Dusubize amaso imyuma maze turebe impamvu nkuru zatumye amahano nk’ariya n’ubwicanyi burenze urugero buba hagati y’abana b’u Rwanda ; maze turusheho guharanira amahoro n’ubumwe kandi turwanye twese byimazeyo ko bitakongera kubaho. Ibihe turimo birasaba ko buri munyarwanda agomba kumva ko u Rwanda ari urwa twese, kandi ko dukwiye kurubanamo mu mahoro n’ubwumvikane nk’abavandimwe.

Ndabasaba gushyirahamwe tugaharanira indangakamere z’umuco mwiza ubereye abana b’ u Rwanda, tukabwizanya ukuri kubyabaye mu gihugu cyacu kugirango dushakire hamwe umuti nyawo watuma twubaka ejo hazaza heza habereye urubyiruko n’abadukomokaho bose.

Imana irinde u Rwanda rwacu n’ abarutuye.

Ndangije mbifuriza amahoro.

Bikorewe i Washington, kuwa 07/04/2016.

Umwami Kigeli V Ndahindurwa.

Ubusanzwe Kigeli yari impunzi muri Uganda afashwe neza Perezida Iddi Amin. Amini ahiritswe ku butegetsi mu 1978, Kigeli yahungiye muri Kenya afatwa neza na Paster Ezra Mpyisi, nyuma aza kumuhungishiriza muri Amerika.

Nanubu rero Mpyisi ahora agundagurana n’itahuka rya Kigeli, areba uko yagaruka mu Rwanda , leta y’uRwanda nayo ngo ihora yiteguye kwakira Kigeli mu byubahiro bye.

Ariko n’ubwo Mpyisi abona yuko bikwiye, abanyarwanda bavuga y’uko Kigeli yamaze kwangirika ntacyo yamarira igihugu n’abanyarwanda ko ahubwo aje yabasubiza inyuma mu bumwe n’ubwiyunge bari bamaze kugeraho.

Cyiza Davidson

IBITEKEREZO
gasakure uriho

Iyo wisomeye ibi bitekerezo witonze ndetse wasubiza amaso inyuma ku matwara leta yacu itwigisha, usanga abantu batandukanye bakwemeza ko abanyarwanda barimo ibice bibili aribyo abashyigikiye ikinyoma n'abandi bafite ukuri ariko kwabatera ingaruka bakuvuze cyane.erega icyo twitaga mpemukendamuke si ikindi ni uku kwirengagiza nkana ku bw'inyungu z'icyenewacu. Aha mbibutse ko nta moko agaragara mu gitekerezo cyanjye ari naho mpera mvuga ko amoko y'abatutsi n'abahutu atari cyo kibazo ahubwo ikibazo ni uku kuyabamo rwihishwa.twemere ko abatutsi twese tuziranye ndetse twoye gushidikanya ko n'abahutu bamenyana babishatse.Uriya mwami rero we ijambo rye ryuzuye ukuri benshi muri twe tutifuza kumva kuko ibyo twabeshye nyine bimaze kuramba tutaba tukimwumvise, ariko se, amaherezo ni ayahe nubwo ngo ikinyoma gitinze gihinduka ukuri bwose ariko twibuke ko gitinda ariko kitaramba.Maze ntihagire unsubiza antuka !mugire ubukire burimo amahoro n'amahirwe byo bihatse umugisha.

YEWE GUSAZA NI UGUSAHURWA KOKO YATASHYE NKABANDI AKAJYA MUBUDEHE NKABANDI BAKAMBWE ! AKAREKA GUSIGARA MU ITERAMBERE TURIHO !

Gacaca

Ingoma ya Cyami yavuyeho burundu mu Rwanda. Uwahoze ari Umwami ashatse yataha cyangwa agakomeza kwibera hanze. Uko byagenda kose ariko, nta kibazo cya politike bikwiye gutera, kuko ntacyo bigifite byamarira abanyarwanda. Ingoma ya Cyami yahindutse amateka. Abashaka bazajye bayakurikira muri za Museums nta nkomyi mu cyubahiro gikwiranye n'umuco w'igihugu cyacu, ahasigaye turebe imbere dukomeze urugendo rwo kwiyubaka aho gushaka impamvu zo gupfa ibyahise bagiye.

ndatangaye

Yewe wa munyamakuru we upfa iki nuyu mukambwe ? Muri make Umwami Kigeli apfobya génocide se ? Afite ingebfabitekerezo ? Nonese wowe ibi umwanditseho byo buratwungura iki cyangwa ubu biraduteza imbere ? Ngo arasabiriza harya ? Ninde utarasabirije cyangwa ninde udasabiriza ? Nibihugu birasabiriza kanswe umuntu. Hahirwa usabiriza agahabwa nibura Wa munyamakuru we uravunika cyane mà » mutwe wawe uyarya wavunitse pe icyambwira Niba uryama ugasinzinzira neza cganygwa niba utarara ushikagurika. Uteye ikigongwe

kavaga

Abantu bareke kumva amagambo yuyu ngo numwami. ibyo kuba umwami bimurebe kugitike. akwiye gutaha.bamwakira nkumwami agashima batamwakira nkumwami agatura nkabandi Bose. 56 Hanze abanyarwanda baratahutse

fisto

Ariko namwe ubu kigeli wahunze 59 Akanyuraho tumaze gusoma Yuganda,Kenya kwa paster Pyisi akajya USA. Nkimpunzi nimitation yakazi yahabwaga . Muri mwese ninde wabaye impunzi muzajye munkambi za Banye conko ahoziba murda buri Kimwe cyose barafashwa none mugiye kwiha umunyamakuru ngo yakabije Ariho nabinyine nonese agirabagaragu,none se asura Abaturage be ? Uzabaze umwami ahandi ukoyitabwaho nomuri Congo mubiturage Umwami bamuzanira Amakoro sinzi abato nibabamenya (ijoro) Gusa namaturo yatirwaga umwana Rero yarakubititse mbona aho aba ntagaciro hamuha natahe azemugihugu Nabato bamusure bamenye nayomateka kuko nayo namateka yurwatubyayea

Nzirorera

Niko sha cyiza we ! buriya urantangaza cyane...! dore ngewe nkumenere ibanga risumba ayandi : abahoze bitwa abanyamakuru ku bwa kinani barashutswe bagasebya abahejejwe ishyanga na politike mbi ngo ni : inyenzi, inzoka... abo bose kuri iyi ngoma ya kagme barafunze abandi baheze mu mashyamba abandi bamaze gupfa.... kimwe nktbwira jya uvuga uziga kuko nyuma ya kagame uzicuza mbazwa nkukuntu mutajya mwigira ku akahise mgo mubashe gutegura akazoza kanyu. cyiza we nuko urakoze gusa

@7

yabivuze uko abyumva kubwe kumutuka sikinyabupfura murekereho.

mugisha jeans

Uyumami arambabaza cyane iyo avugira ijambo muri a

Ezra

None c icyo yavuze kitari ukuri n'ikihe abanyarwanda ntibushe abandi banyarwanda babaziza ubwoko nuko bavutse muramurenganya kuko kera mugihe cya Cyami ntamacakubiri yahabaga kandi nta muhutu wigeze abaho umwami murwatubyaye.

wwww

ariko eric wowe uvuga utyo urimuntucyi ubwo usebya umuntu utazicyeretsekumwumva ngobigendegute wagirango igihugu nicyumuntumwe isubireho nabishaka azatahe ntabandibose cg ubwo afite impamvuye muritwese nkonawamwise umwami turarwananiki ? eric ahubabagufatantumwamicg wabikurahe sibyaburiwese irinde gusebanya

Mutegetsi

Ariko se,gusebya umuntu ngo arasabiriza, iyo mutubwira ijambo yavuze gusa ! wewe i kigali ubayeho gute ?ntabwo ari ukwiha agaciro kwinjira mubuzima bwite bw'umuntu.

dady

Arashaje pe ariko mbona ibyo yanditse bitaramuvuyemo we ubwe. Ni ibyo bamutekereye Ni twagiramungu kugahuru Natahe aze are be u Rwanda rw'abanyarwanda yigishirizwe hamwe nabandi. Agiriwe Ubuntu akabona ukuri yahinduka na fdlr ziraza zigahinduka. Natahe nawe ni umunyarwanda nk'abandi.

Rafiki

Uyu mwami yarangijanyije nigihe bashyiragaho repubirika. Ijambo rye rero sinzi impamvu aba banyamakuru baba baryitaho. Gusa iyo turebye ibyo mwandika bitwumvisha impamvu abababanjirije abenshi bashijwa jenocide. kandi mubyukuri barandikaga nkuku mubikora. Cyiza arihanukiriye ngo Kigeri atunzwe no gusabiriza ???? ubu se yabikoreye ubushakashatsi ? Tugarutse ku ijambo ryuwo mwami kandi ntakibi kirimo kuko nanubu abantu bahora bahunga u rwanda ngo kuko bazizwa ibitekerezo byabo, ubwoko cyagwa akarere. Ibi mu rwanda ntawatinyuka kubivuga ariko nanone ntiwamya 100% ko bidahari. Mugerageze mukore kinyamwuga mureke isebanya no guhishira ukuri

sebagabo ismail

Ngirango tugomba kumenya Ko abazungu alibo bazanye amacya kubili yatumye duhunga muli 1960 bashiraho president kuva ubwo abantu barangana kugyeza aho bicyanye.aho kugirango abantu bahore bicyana kubera kurwanira ubwa president bakabaye byiza kugarura ubwami kuko niyo president ajyiyeho ntashaka kuvaho.reka tugarure ubwami kuko mwisi yose abami nibo bategeka kugeza aho bitabira imana.

Ndinde

Sinzi impamvu musebya umwakmi kandi atarigeze ahemukira abanyarwanda. Ibyago yagize byo kumeneshwa siwe wabyiteye sinumva rero impamvu mumushinyagurira. Yataha nk'Umwami cyangwa nk'umunyarwanda usanzwe simbona igituma muvugako yadusubiza inyuma. Ko ntarumva abaza bava mumashyamba ya Congo mubavugiraho gutya kandi aribo basize bakoze jenocide y'abatutsi ?

K.Seruka

Umva rero muntu witwa Eric na bagenzi bawe bakubanjirije, ntimugasuzugure ijambo ry'umushingantahe nk'uyu ; ndavuga Umwami Kigeli Ntahindurwa buriya n'inararibonye afite byinshi arusha ab'ubu ! Nawe abantu b'iki gihe batakimenya no guhanana, ntibamenye gutebya ntibamenye kugira indangagaciro nyarwanda, bakaba batazi kirazira ! Ariko uriya mukambwe ibyo byose arabizi. Musigeho rero mwe muracyagurukana n'ibiguruka.!

Mahoro

Nzabajyana ndeba ibyiyingoma nayo ihejeje abanyarwanda ishyanga ! Bamwe ni ibigarasha, abandi ni umwanya, abandi ngo ntacyo bahariya u rwanda ! Habyara we yavugaga ko ikirahure cyuzuye !

just

Nuko muramwamamaje mumusize amavuta murangije murajijisha tuyobewe se ibyo mulimo mwitonde kuko abanyarwanda bali maso ntangoma nyiginya ya cyami dukeneye !! muzibeshye nuwo mwami muvuga , bamubwiye ko agomba gutaha nkabandi banyarwandanda bose !!

saba ramos

Nonese Cyiza, ku bwawe wumva ko Kigeli adakwiye kugaruka i Rwanda kubera ko ntacyo yamarira abanyarwanda, ibyiza yaguma yo cyangwa yatahuka agahabwa amasomo nk'abandi banyarwanda bahunguka bakerekwa inzira nziza igihugu cyahisemo ???

1 | 2

TANGA IGITEKEREZO

Kwamamaza
Kwamamaza
Also in this section
RDC : Ijambo rya Perezida Kabila ryateje impagarara mu banyepolitiki

RDC : Ijambo rya Perezida Kabila ryateje impagarara mu banyepolitiki

DONALD TRUMP niwe utsindiye kuyobora Amerika, sobanukirwa ibintu 10 bitumye atsinda HILARY CLINTON.

DONALD TRUMP niwe utsindiye kuyobora Amerika, sobanukirwa ibintu 10...

Twagiramungu Faustin yavuye ku izima avuga ko u Rwanda rukwiye kuyoborwa n’abakiri bato

Twagiramungu Faustin yavuye ku izima avuga ko u Rwanda rukwiye kuyoborwa...

Prezida ni muntu ki ?

Prezida ni muntu ki ?

U Rwanda rufashe iya mbere mu mpinduka zigaragara mu mibanire mpuzamahanga.

U Rwanda rufashe iya mbere mu mpinduka zigaragara mu mibanire...

NEW POSTS
Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon

Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...