LATEST NEWS
Politiki
Ishyaka PSD : Dr. Biruta Vincent mu ihurizo ryo gushaka kwigizayo Professeur Ndayishimiye Eric, umukombozi w’umujene ushyigikiwe na benshi mu Ishyaka PSD !
Publish Date: dimanche 28 août 2016
VISITS :3411
By Admin

Mu ishyaka PSD haravugwamo urunturuntu aho Dr. Biruta Vincent ari mu ihurizo ryo gushaka kwigizayo Professeur Ndayishimiye Eric, umukombozi w’umujene ushyigikiwe na benshi mu Ishyaka PSD !

Professeur Ndayishimiye Eric uzwiho kudahakirizwa no kutavugira mu mpfupfu, kandi akaba umuntu ugendera cyane ku mahame ya demokarasi, ubusanzwe ni umunyepolitiki utanga icyizere gifatika kuri bagenzi be benshi babana muri Biro Politiki y’Ishyaka PSD bibaza byinshi ku Ishyaka ryabo PSD mu myaka 30 cyangwase 50 y’ejo hazaza.

Dr. Vincent Biruta Perezida wa PSD

Amakuru twashoboye kubona aravuga ko imbere mu Ishyaka PSD ibintu bitameze neza, abayoboke benshi ntibishimiye buryo ki imyanya imwe n’imwe y’ubuyobozi yagiye itangwa muri PSD, kuburyo inama zimwe na zimwe z’Ishyaka zitakitabirwa uko bikwiye, kugeza n’aho ubu inama za Biro Politiki ziherutse kuba, hagiye hagaragara ikibazo cyo kubura umubare wa ngombwa w’abagomba kwitabira inama “quorum” bikaba ngombwa ko abakozi b’Ishyaka byajya gushaka abataje batuye muri Kigali hafi n’ahakorerwa inama, kugirango basinye ku rupapuro rw’abitabiriye inama !

Ku kibazo kijyanye no kutishimira buryo ki imyanya imwe n’imwe itangwa muri PSD, benshi bagaruka kuri Professeur NDAYISHIMIYE Eric, wahatiwe kudahagarara imbere ya Kongere y’Ishyaka yiyamamariza umwanya w’Umunyamabanga Mukuru wungirije mu Ishyaka PSD ushinzwe Urubyiruko, akabyemera agononwa kubera ukuntu yashakaga uno mwanya kandi akaba yarahabwaga amahirwe yo gutsindira uno mwanya kubera abayoboke benshi bari bamushyigikiye cyane.

Nanone kandi muri aya matora yo gutora abayobozi ba PSD, habayemwo agashya !

Nibwo bwa mbere kuva iri shyaka ryabaho, imyanya yose itandatu (6) yari iriho umukandida umwe rukumbi, usibye umwanya umwe gusa wajeho abakandida babiri.

Benshi rero bahereye kuri ibyo byose byabaye muri ayo matora, baribaza buryo ki Ishyaka PSD riharanira demokarasi, rishobora kugira bene izi nenge zose !

Tugarutse gato kuri iyi nkuru yacu, ivuga ko perezida w’Ishyaka PSD, Dr. Biruta Vincent ari mu ihurizo ryo gushaka kwigizayo Professeur Ndayishimiye Eric, twagerageje kubaza Professeur Ndayishimiye Eric imvo n’imvano y’iyi nkuru iri kumuvugwaho, maze ntiyarya iminwa n’ubwo ntabyinshi yifuje kutubwira, kuko yahiseko atubwirako ahuze gato, ari mu kazi, kuko ngo twamuhamagaye yenda kwinjira mu ishuri.

Professeur Ndayishimiye Eric

Ku kibazo cy’uko koko yaba afitanye ikibazo n’abayobozi be mu Ishyaka PSD, atajuyaje yahise atubwira ati :”ikibazo kirahari kandi si kimwe !…kibaye kidahari ntabwo nawe uba umpamagaye !...nk’uko nabikubwiye, ubu ndahuze, ngiye kujya mu ishuri.”

Nubwo nyir’ubwite atabashije kugira byinshi adutangariza, twagerageje gukomeza gushaka amakuru maze tumenya ko ngo Professeur Ndayishimiye Eric mu mwaka wa 2012, ubwo yarimwo asoza amasomo ye y’icyiciro cya kabiri cya kamnuza, nk’umuntu wize ubumenyi bujyanye na mudasobwa (computer science) mu bushakashatsi bwe yakoze, havuyemwo porogaramu ya mudasobwa (computer software) yakoreye ishyaka rye PSD, mu mwaka ushije wa 2015 nibwo iyi porogaramu ya mudasobwa yayishyize ku rubuga rwa interineti rw’Ishyaka PSD (www.psd-rwanda.org) yaramaze gukorera Ishyaka rye PSD, kugirango iyo porogaramu n’urwo rubuga byombi bibashe gukorana.

Amakuru dufite rero akaba avuga ko ngo muri uko gushaka kumwigizayo, Professeur Ndayishimiye Eric, yabibonye kare ko nta ejo hazaza heza agifite mu Ishyaka PSD, kubera ko ngo nta narimwe yigeze ashyigikirwa mu matora atandukanye yagiye yitabira kugirango abe yajya mu myanya y’ubuyobozi mu nzego za leta.

Dr. Biruta Vincent ari mu ihurizo ryo gushaka kwigizayo Professeur Ndayishimiye Eric

Munsi aha, ni zimwe mu nkuru zakozwe ubwo uyu Professeur Ndayishimiye Eric, yari mu matora y’abadepite yo muri Nzeri 2013, yiyamamariza umwanya wo kuba umudepite uhagarariye urubyiruko mu Nteko Nshingamategeko y’u Rwanda.

http://kigalikonnect.com/article/detail.php?article=gahunda-zanjye-zose-zishingiye-muguteza-urubyiruko-imbereumukandida-ndayishimiye-eric
http://www.kigalitoday.com/?Yiyemeje-gutanga-umusanzu-we-mu-kubaka-igihugu-ajya-mu-nteko-ishinga-amategeko

Cyiza Davidson

IBITEKEREZO
Mambo vipi

Uriya muhungu ndamuzi afite amashagaga arenze urugero neza wagira ngo ni Ntaganda wamuhaye formation du carrier politique. Namugira inama yo gushinga irye shyaka kuko politique ya PSD ntabwo yayishobora. Kandi ikindi ni uko kuba ari mwishywa wa Kabahizi ntabwo yabura kuba umurakari kuko nyirarume yabase useless muri PSD.

ndayiyimiye Paul

Professeur Ndayishimiye Eric ni umurayi wo mu mutwe ngewe ntabwonzi igihe yabereye professor ni bikabyo gusa naturekere ishyaka kandi ndagirango bwira abasomyi ba RUSHYSHYA ko nta byacitse muri PSD . NDAYISHIMIYE ERIC NI ATUZE NTAGO ARI UKO BASHAKA IMYANYA URETSE KO NTA NIBIKORWA BYE TUZI MU ISHYAKA AZASANGE BERNARD NTAGANDA NIWE BAHUJE IMYUMVIRE .PSD NI ISHYAKA RYIYUBASHYE RIYOBOWE NEZA N ABANTU B INYANGA MUGAYO . NDAYISHIMIYE NAMUGIRA INAMA YO KUJYA MU MURENGE WA NDERA AKAVUZWA HANYUMA AKAGARUKA MURI SOSIYETI

Mwitende

Byari kuba byiza iyo mwumva impande zose zivugwa muri iyi nkuru kuko uyu musore ibyo avuga ni ibinyoma , mu Ishyaka PSD ntabibazo birimo kandi ibyo avuga ko biro politike iyo yateranye ibura umubare uteganyijwe hakitabazwa abandi batayirimo bigaragaza ko inama zitakitabirwa, ni ukubeshya mubishatse mwabaza mu bunyamabanga bw ishyaka bakabereka amalisiti y' abagiye bitabira izo nama mukibonera ukuri.Ikindi Eric ni umurwanashyaka wa PSD nk' abandi bose si igitangaza mu ishyaka kandi ibyo avuga ko abarwanashyaka ba PSD bamukunda ni ikinyoma kuko ntatwereka imibare cyangwa ubushakashatsi yakoze ngo tumenye abamukunda n abamuri inyuma ni bangahe ? ahubwo arayobya abasomyi.Uwo musore afite amarere nk'aya me Ntaganda Bernard washatse kuvuyanga ishyaka PSD ashaka imyanya yibwirako akunzwe n aba PSD ariko ataribyo cyane ko ntawamukurikiye mu ishyaka yari yarashinze rya P.S. Imberakuri., Nkaba nagira inama Eric ko inzira ishyaka ryiyemeje kugenderamo ishingiye kuri demokarasi, yubahirizwa, niba atariko abibona yashinga ishyaka cyangwa agasanga Me Ntaganda aho gusebya Nyakubahwa Dr Vincent Biruta, Perezida wa PSD, umaranye ishyaka igihe kubera ubushishozi n icyerekezo cyiza yahaye ishyaka.Nyakubahwa Eric si uko basaba cyangwa bagera ku myanya yaba iyo mu ishyaka yaba imyanya ya Politike kuko ntawakubujije kwiyamamariza umwanya w urubyiruko muri komite nyobozi nk uko ubivuga, ahubwo ntiwigeze wigirira icyize, amakosa na indiscipline bimaze iminsi bikuranga byatumye uhamagarwa mu kanama ka discipline ntiwitaba , akaba ari ikimenyetso cy uko usuzugura inzego z ishyaka n amahame arigenga. Wikosore usabe imbabazi ibyiza biri imbere kandi uracyari muto bivuze ko n amahirwe akiri menshi natwe warisanzemo nta myanya twabonye kuko siyo yatuzanye mu ishyaka twazanywe na gahunda nziza rifite tubona zubaka abanyarwanda muri rusange, kandi n iyo ugira ibibazo hari aho biganirirwa mu ishyaka kuko inzego zose zirakora.Ubonye iyo witaba akanama gashinzwe imyitwarire ngo ukagezeho icyo wise akarengane wenda kakananirwa kukumva akaba aribyo ushingiraho !!!


TANGA IGITEKEREZO

Kwamamaza
Kwamamaza
Also in this section
2016 : Uko Umunyapolitiki Twagiramungu yataye agaciro burundu

2016 : Uko Umunyapolitiki Twagiramungu yataye agaciro burundu

Imvugo z’Uburyarya no kwivuguruza kw’Abanyapolitiki biyita ko bari muri Opposition

Imvugo z’Uburyarya no kwivuguruza kw’Abanyapolitiki biyita ko bari muri...

Perezida Nkurunziza agiye guhura n’ibibazo bikomeye

Perezida Nkurunziza agiye guhura n’ibibazo bikomeye

Bitangiye kugaragara yuko nta Jammeh wa Gambia nta Nkurunziza w’u Burundi

Bitangiye kugaragara yuko nta Jammeh wa Gambia nta Nkurunziza w’u...

NEW POSTS
Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...

Press Conference : Intambara yongeye kurota hagati ya Donald Trump n’Itangazamakuru

14-01-2017

Press Conference : Intambara yongeye kurota hagati ya Donald Trump...

Uko Kigeli bashakaga kumutabariza muri Portugal, n’ uko yazanywe mu Rwanda bujura

13-01-2017

Uko Kigeli bashakaga kumutabariza muri Portugal, n’ uko yazanywe mu Rwanda...