LATEST NEWS
Politiki
ITURUFU RYA PADRI THOMAS NAHIMANA NA LEPROPHETE YE NI UGUSEBANYA.
Publish Date: 13 février 2014
VISITS :1754

Kuri uyu wa kabiri tariki ya 10 Nzeri 2013,urubuga rwa internet”rushyashya.net”rwasohoye inyandiko rwise”UBUGAMBANYI BWA PADRI EUGENE DUSABIREMA:INTANDARO YO KUGEREKA KURI PADRI UBALIDI RUGIRANGOGA URUPFU RWA SINDAYIHEBA YOHANI.”Iyo nyandiko yabaye nko gutera ibuye mu gihuru.

Nk’uko urubuga rwa internet”leprophete.fr”rukunze kubigenza rwahise rusimbukira kuri iyo nkuru na rwo rurayitangaza ariko rugamije gushakisha uburyo bwo kuyisenya.Bukeye bwaho ku wa gatatu tariki ya 11 Nzeri 2013 rwahise rutangaza inkuru rwise”KUKI RUSHYASHYA IVUGIRA PADRI UBALIDI RUGIRANGOGA ?”Nyamara kwari ukwibaza ubusa, kuko impamvu imuvugira ni uko arengana.

Iyo usesenguye inkuru ya” leprophete” usanga ntaho ihakana ko Padri Eugene ari we ntandaro yo kugereka kuri Padri Ubalidi urupfu rwa Sindayiheba yohani ahubwo ubukana ifite burabihamya.Aho guhakana ibivugwa,inkuru ya” leprophete” irikoma cyne ubutegetsi bwa FPR nk’uko yabigize intego.Kugira ngo Padri Thomas acecekeshe “Rushyashya” ahita ahimbira ibyaha Padri Ubalidi,Padri Eric Nzamwita n’Abapadri babaye i Mibirizi ari nayo Padri Eugene abereye Padri Mukuru nyuma y’amahano yabereye i Mwezi.
Mu by’ukuri,ibivugwa muri iriya nkuru ya “leprophete” biteye agahinda :

*Birababaje kubona Padri Thomas yihanukira ngo” leprophete “igamije gutanga “urumuri ku birego biba byaturutse ku bambari b’ingoma mpotozi ya Polo Kagame.”Ese abandi bapadri bagenzi be ni ko babibona ?Kuva” leprophete” yashingwa urumuri yazanye muri Diyosezi ya Cyangugu ni uruhe usibye gutera urwikekwe mu Bapadri nk’uko babishyize ahagaragara mu Itangazo risoza inama yabo ryo ku wa 21 Nzer 2011 ryamagana Padri Thomas na leprophete ?Leprophete ikwiye kwisenya kuko nta cyiza cyayo usibye gutikura !Uwayishyigikira yaba yarataye umurongo nka nyirayo wamaze guhagarikwa mu bupadri !

*Birababaje gufata umuntu nka Padri Ubalidi ukamugerekaho ubwicanyi, ivangura, warangiza n’ingabire yahawe zo gufasha abantu kwiyunga,gusaba imbabazi no gutanga imbabazi,gusengera abantu bagakira, ugahamya ko zituruka kwa Shitani !Ese niba Padri Thomas akibuka Tewolojiya,Shitani yakora ibikorwa nka biriya ?Ese niba Padri Ubalidi akorera Shitani,Padri Thomas we akorera nde ?Ngaho Padri Thomas narahire:uwuzuye ingurube azibona hose !Padri Thomas akorera Shitani !Niba abishidikanyaho najye gusoma inyandiko Emmanuel Neretse yamwanditseho ku wa 17/10/2012 !Abantu bahora batanga ubuhamya ko Padri Ubalidi yabasengeye bagakira, nyamara nta muntu n’umwe uratanga ubuhamya ko hari icyo” leprophete” yamumariye.

*Zimwe mu ntwaro za Padri Thomas ni uguhimbira umuntu no kumwandagaza agamije kumwangisha abandi.Nk’uko bigaragara mu nyandiko ye,Padri Thomas ari kwikoma Padri Eric Nzamwita kuko abana n’abantu bose atarobanura kandi we irondakoko rikaba ryaramusajije !Kubera urwango n’ishyari ahita ahimbira Padri Eric Nzamwita icyaha cy’uko ngo FPR yamuhaye ubutumwa bwo gushakisha abakada bamwe mu bapadri bato.Ariko se niba hari Abapadri bashaka kubaka iki gihugu bakaba bemera gahunda nziza ya FPR zo kunga Abanyarwanda,kubabanisha no kubageza ku iterambere rirambye ikibazo kiri he ?PadriThomasi aribasira Padri Eric Nzamwita nyamara ntagire icyo avuga kuri Padri Evariste Nambaje na Bwana Alexis Nsengumuremyi nabo bavugwa mu nkuru ya” Rushyashya”.Ese aho si uko ari abahutu, Padri Eric akaba amurya mu nda gusa kuko ari umututsi ?None se ari kuziza iki Padri Eric ?Ese gukundana n’Abapadri bato ni icyaha ?Padri Thomas nareke kwishimira kubona inzangano mu bantu.

*Birababaje kubona Padri Thomas aronda amoko kandi akabyigamba ataka Padri Eugene.Ngo Paruwasi ya Mibirizi yari yaracupiye cyane none Padri Eugene ari kuyivugurura !Ari ko se urebye uko Paruwasi ya Mibirizi yari yarashegeshwe na jenoside,ubutumwa bwa Padri Inyasi Kabera na Robert Rubayita wabuvebaho iki ?Icyakora icyo Padri Eugene azi ni ugutemagura ishyamba rya Paruwasi akarigurisha no gufata amamiliyoni abapadri bamubanjirije basize ku makonti akagura amamodoka no kwiryohera !Niba ibyo Padri Thomas avuga ari na ko Padri Eugene abibona biteye agahinda .Padri Thomas azabaze uburyo umunsi mukuru w’itangwa ry’ubusaseridoti muri Paruwasi Mibirizi wagenze uyu mwaka.

*Birababaje kubona Padri Thomas agira Leta inama yo kurenganura Padri Ubalidi mugenzi we aho yafashe iya mbere.Kuki se Kliziya itumva ko kurenganura Padri Ubalidi biyireba mbere na mbere kurusha Leta kuko ari umwana wayo ?Ko Kliziya ifite inshingano zo guharanira ukuri no kurwanya akarengane kuki itakora iperereza ku mupadri wayo ushinjwa na bagenzi be kugira ngo urwikekwe ruveho ?Kugereka kuri Padri Ubalidi urupfu rwa Sindayiheba Yohani mbere na mbere ni ikibazo cya Kliziya kuko bikwirakwizwa n’abapadri kandi bikagaragara ko ari amatiku kubera ibibazo bafitanye hagati yabo !

*Birababaje kubona Padri Thomas yihanukira ngo Musenyeri Damaseni ntakwiye gusobanura no kurenganura Padri Ubalidi.Padri Ubalidi kimwe n’abandi bapadri bose ni umwana wa Kiliziya.Ushaka kumwandagaza aba ashaka kwandagaza Kliziya.Musenyeri ntakwiye kurebera.Abamugira inama yo kurebera kandi azi ukuri baramuroha !Niba RIPRODHOR n’umwana wa Sindayiheba Yohani baramwandikiye bakwiye gusubizwa.Uko atinda kugaragaza aho ahagaze, ni ko arushaho gutera urujijo.Padri Ubalidi nta gihe atavuze ko ari umwere,ko arengana,ariko birakwiye ko kugira ngo byemerwe, bivugwa n’ubifitiye ububasha ari we Musenyeri.

*Birababaje kubona Padri Thomas abwira” Rushyashya” ngo igire Padri Ubalidi inama kandi ari we wacanye umuriro aho yawujimije.Padri Thomas azi neza ko agambiriye guhindanya isura ya Padri Ubalidi none ari kwigira nyoni nyinshi n’umujyanama wa “Rushyashya”.Birazwi ko Padri Thomas areb a umupadri cyangwa umuntu badafite imyumvire imwe akamusiga ibyaha,akamusebya,akamuteranya na bagenzi be,agapfobya ibikorwa bye agamije kumwangisha abantu.Padri Thomas afite ikibazo gikomeye:yanze kwemera ingabire za Padri Ubalidi kuko adashaka guhinduka !

* Birabaje kubona Padri Thomas ahisha ukuri azi neza,agakora poropagande zigamije guhindura abera abakoze n’abateguye jenoside.Bimwe mu byababaje cyane Padri Ubalidi nk’uwari Padri Mukuru wa Paruwasi ya Mushaka ni ukubona Padri Thomas uvuka i Mushaka afata indege akajya Arusha gushinjura umwicanyi ruharwa nka Yusufu kandi yariboneye n’amaso ye amahano yakoze i Mushaka.Na ho kuvuga ko Padri Ubalidi yakijijwe na Perefe Bagambiki Emmanuel amaze kumushinja imbunda no kurasa Abahutu bari baje kwica Abatutsi kuri Paruwasi ya Nyamsheke ni ugushinyagura !Impuhwe za Bagambiki ni nk’iza Bihehe.

Padri Thomas yari akwiye kureka gushinja mugenzi we Padri Ubalidi ubwicanyi kuko bigaragara ko ari ukwihimura.Inyandiko Padri Thomas yasohoye tariki ya 10/07/2011 kuri Padri Ubalidi igira iti”PADRI UBALIDI RUGIRANGOGA YABA YARAHINDUTSE UMUKANGURAMBAGA WA FPR-POWER “igaragaza neza uko kwihimura.Aho gushaka kurengera Padri Eugene no gushaka kwitabaza ibinyamakuru,namugire inama yo kwegera abo yahemukiye abasabe imbabazi.
Cyiza Davidson

IBITEKEREZO
Clarisse

Mwaturusha niba rya tegeko rihana abasoma ibinyamakuru byíbihuha ryarakomeje ? Niba ririho nigute aba basore bo muri rushyashya bakomeza kutuzanira ibihuha byo muri za le prophete n’ abandi banzi b’igihugu bakaba batabihanirwa ? Njye muturage usanzwe nzabihanirwa gute nibaramuka bamfashe mbisoma ; mugihe bigaragara ko mu Rwanda bisomwa kumugaragaro ?
Mudusobanurire ababisobanukiwe neza.


TANGA IGITEKEREZO

Kwamamaza
Kwamamaza
Also in this section
Kuki ibya manda ntarengwa Amerika itabibwira Abadage cyangwa Abongereza ?

Baca umugani ngo inkoko itorera ahantu kenshi ikahata ibaba ! Mbaye uwo kuzajya ngira inama (...)

Ese Kwihesha Agaciro kw’ abanyarwanda byafasha Gukomeza imihigo no gutsinda abanzi b’u Rwanda

Nibyo koko birakwiye kandi biratunganye ko abanyarwanda twihesha agaciro kandi (...)

Amacenga ya Politiki mu Burundi : Nkurunziza ari gushukisha umwanya wa Visi Perezida Agathon RWASA

Mugihe mu Burundi havugwa amatora yabagize Senat yabaye kuri uyu wa gatanu tariki 24/7/2015, (...)

Umuyobozi w’Inyeshyamba zo mu Burundi “Patriots Revolutionary Movement “ yamaganiye kure ibivugwa n’abayobozi b’u Burundi ku Rwanda

Gen. Didier Nyambariza, Umwe mubayobozi b’Inyeshyamba zo mu Burundi zashinze Umutwe "Patriots (...)

Gen.Ndikumana yakuriye inzira ku murima abashaka kuvanga u Rwanda mu ntambara y’u Burundi

Nyuma y’uko ku wa Gatanu tariki 10 Nyakanga,2015 mu gace ka Kayanza ko mu gihugu cy’u Burundi (...)

NEW POSTS
Polisi y’u Rwanda yatangirijwemo ubukangurambaga:Mparanira uburinganire bw’umugabo n’umugore, ”HeForShe”

2015-07-30 23:01:48

Ku cyicaro gikuru cya Polisi y’u Rwanda ku Kacyiru, kuri uyu wa (...)

Polisi y’u Rwanda yerekanye abagabo 3 bafatanywe ibiro hafi 400 by’urumogi

2015-07-30 22:59:44

Polisi y’u Rwanda kuri uyu wa kane tariki ya 30 Nyakanga yerekanye (...)

Kubera iki Abanyarwanda bakunda Perezida Kagame kandi Banamushyigikiye

2015-07-30 22:52:14

Nyuma y’ibitekerezo byinshi ndetse n’impaka nyinshi (...)

Bimwe mu bimenyetso k’urupfu rw’umukecuru nyina wa El- Hadj Ibrahim Murwanashyaka bitangiye kujya ahagaragara

2015-07-30 07:21:29

Mucyumweru gishize twabagejejeho inkuru y’umwe mubayoboke ba RNC (...)

Icyo Abanyamerika baravuga ku birego by’umucamanza w’umunya Espagne byaviriyemo Lt Gen Karenzi Karake guhagarikwa ?

2015-07-30 07:19:06

Hashize iminsi abayobozi mu ngeri zitandukanye bavuga kubirego (...)

PSD yemeje ko ibyifuzo by’abaturage ku ivugururwa ry ‘ingingo y’101 bifite ishingiro

2015-07-30 02:41:30

Ishyaka riharanira Demokarasi n’Imibereho Myiza y’Abaturage (PSD) (...)

Gihundwe:Kuyoborwa n’uwo batazi ibigwi bye byabagora kuko uwo bashaka bamaze kumukorera isuzuma

2015-07-30 02:40:40

Abarezi ,abihaye Imana n’abikorera bo mu Murenge wa Gihundwe mu (...)

Perezida Museveni yasabye ko hakubakwa utubari twinshi kugirango imisoro itangwe nta gahato

2015-07-30 01:51:57

Ubwo yitabiraga inama y’ihuriro ry’abihaye Imana muri Uganda (...)