LATEST NEWS
Politiki
Jenerali Kayumba arasaba ibiganiro n’abategetsi b’i Kigali
Publish Date: mardi 10 novembre 2015
VISITS :6356
By Admin

Jenerali Kayumba Nyamwasa aganira na SABC, Televiziyo yo muri Afurika y’Epfo, yatangaje ko uburyo Itegekonshinga riri guhindurwa mu Rwanda bidatanga inzira yatuma abanyarwanda batahuka bakagera ku burenganzira busesuye n’amahoro arambye. Asaba ko hakwiye kubaho ibiganiro hagati yabo n’abayobozi b’i Kigali.

Uyu mugabo wahoze muri FPR Inkotanyi, yahungiye muri kiriya gihugu mu w’2010, akaba ari mubashinze RNC (Rwanda Nation Congress), avuga ko hakwiye ibiganiro n’abategetsi b’i Kigali kugira ngo ikibazo cy’impunzi kibonerwe umuti.

Mugushaka kumva icyo abantu babivugaho Rushyashya yabajije umwe munararibonye za Politiki ariko akaba atifuza ko izina rye ritangazwa asanga uretse ibiganiro n’abayobozi b’u Rwanda Kayumba atanakwiye gukomeza kwiyita General kuko iri peti yaryambuwe n’inkiko za gisilikare mu rwanda kuko yatatiye indangagaciro z’ Igisirikare cy’ U Rwanda (RPA/DRF) zifitwe n’ abantu bigomwe ubuzima bwabo ngo babohore U Rwanda ndetse bagire uruhare mu iterambere ry’ ubukungu, imibereho na politiki by’ igihugu.

Kumakosa ya Kayumba ubwo yari akiri Umugaba Mukuru w’ Ingabo, aho yizezaga abasirikare kuzabazamura mu ntera ndetse akanabasabira inguzanyo. Yagize ati : ”Kandi abazi imikorere ya gisirikare, cyane cyane disipulini (discipline) ya RDF, bazi ukuntu ibyo bidashoboka.” Yakomeje avuga ko Kayumba yakomezaga kubeshya no gushyira abofisiye mu rujijo, bityo umuntu ufite imico nk’ iyo adashobora kuba umwe mu basirikare ba RDF.

yongeye kuvuga ko icyo Kayumba yirengagiza ari uko umujenerali udafite ingabo aba atari umujenerali.

Yasobanuye ko ipeti rya General rijyana n’ akamaro nyiraryo agira mu gufatanya na bagenzi be guharanira inyungu z’ urwego akorera. Ngo iryo peti rirakomeza n’ iyo nyiraryo asezerewe mu gisirikare ariko ntibimubuza gukurikiranwa n’ ubutabera iyo akosereje urwego akorera.

Yaboneyeho kuvuga ko Kayumba yakosereje igisirikare cy’ U Rwanda bikamuviramo kwamburwa impeta zose za gisirikare, bityo ngo gukomeza kwiyita General ntacyo bihindura ku myanzuro yafashwe. Aha yamugereranije n’ umuherwe ugwa mu bukene, agahitamo kwiyahura.

Ati : Igihe Kayumba yoherezwaga mu turere two mu majyaruguru ya Uganda twa Gulu na Kitgum kuba uwungirije umuyobozi w’ako karere, yibye insyo 50 zisya ibigoli, azishyira mu turere twa Cyazanga na Masaka muri Uganda hagati. Ibi byamenywe n’abantu bakoranaga na Kayumba.

Kayumba Nyamwasa

Birazwi ko inzu Kayumba afite Bugorobi (agace kamwe ka Kampala Uganda) yayihawe na ODONGOKARA nka ruswa. ODONGOKARA uyu yari umuhezanguni w’ishyaka rya UPC.

Kayumba Nyamwasa yakoze amarorerwa wenyine. Kandi mwibuke ko aka ari akamanyu k’umutsima. Ibi nibyo tuvuga.

Yibye inka z’abagogwe mu Rwanda azijyana mu bushyo bwitwa Banyankore kweterana hagati ya 1997-1998 igihe abacengezi bari mu bice by’Amajyaruguru n’uburengerazuba bw’u Rwanda, yagiye gukorera mu Ruhengeri, aho yahibye amashyo menshi ayajyana I Bugande mu majyepfo y’uburengerazuba mu bushyo bwitwa Banyankole kweterana (bivuga ngo- Abanyankorebifatanije).

Ati : ahubwo akwiye gutaha agasaba imbabazi abanyarwanda ariko cyane cyane Perezida wa Repubulika wamwizeye akamuha inshingano zitandukanye mubuyobozi bw’Iguhugu.

Jenerali Kayumba Nyamwasa ni umwe mu barwanye intambara y’Inkotanyikuva 1990. Yabaye umugaba mukuru w’ingabo, yayoboye urwego rushinzwe iperereza, yanabaye kandi Ambasaderi w’Urwanda mu Buhinde. Aho yavuye ahungira muri Afurika y’Epfo, kuri ubu akaba yarakatiwe n’inkiko za gisilikare mu Rwanda.

Cyiza Davidson

IBITEKEREZO
Ruronona

oya !!! danahe yekwitwa impunzi kandafitijyihucyamubyaye thx,

Ngabo

Nubwo ibyo Kayumba yaba akora Ubu bitumvikana aliko ntakwiye kwitwa umujura n andi mazina kuko Kayumba nu mugabo w ukuri ! Yahuye n'ibyago baramwihinduka atiteguye iyo amenya ubucakura yari kubyitwaramo neza.. Igisirikare cy U Rwanda giheruka ubuyobozi Kayumba akiriho Ubu ni abaja ba Kagame Birabaje !!! Agezeho aho abateranya bakajya gushinjanya amatiku mu nkiko !

Mutabazi moses

We nimbayunva ri arimukuri naze mugihugu ese rarushye akorera igihugu none ari nokuruha anshaka gusenya koko njye yarandakaje ndimunkambi uganda namufatagamo nkumugabo kuko nunsi nageze kagitumba niwe waje kunfata angeza ahopapa yakorerega muri batayo 5 imusha rero nabanze atahe asabe muzehe imbabazi nabanyarwanda bose noneho atugezeho raporo yifuza

Ismael

Abambanjirije kwandika hano nibareke amaranga mutima. No mubyatumye ahunga nokuryozwa ibyo yakoze birimo kuba yarahunze ntibyabuza abantu kumuvuga. Icyonzicyo Kagame ntareba ipeti iyo watatiye igihango nguwo umuyobozi warubanda. Mumahanga baramwifuza aho ageze bamuha amashyi yurufaya umwanzi aho ari akaganya. Nimutahe mwekwicwa namaganya.

AGACA

Ndumva aho bukera imizinga izavamo imyibano.Mu mihango y'ingabo z'u Rwanda kuva kera iyo zajyaga kugaba igitero babanzaga kuraguza,basanga inzuzi zabereye umugaba w'ikirenga ubwo agashyiraho gahunda yo kugaba igitero,icyo gihe habanzaga intasi zo kumenya amakuru y.aho bazagaba igitero,ayo makuru agahuzwa n'indagu ,ubwo igitero kikagabwa.Ibyo ingabo zagabye igitero zasangaga aho zigiye byose by.agaciro byitwaga iminyago kandi kirazira ko iyo minyago ikorwaho za ngabo zitaraza kuvuga amacumu(kwerekana iminyago no kuvuga uko urugamba rwagenze),byabwirwaga kandi bikamurikirwa umugaba w'ikirenga w'ingabo.None se ko intumwa idatukwa KAYUMBA NYAMWASA n,iki yakoze atagitumwe, ?mu majyaruguru y,u Rwanda se nta mugaba w'ikirenga yari afite ?mwibutse se ko yahakoze ibara ari uko ageze muri Afrika y.epfo ? none se abatuye amajyaruguru mugiye kubereka aho imiryango n.abavandimwe babo mwabashize mutumye NYAMWASA ?Agatinze kazaza ni amenyo ya ruguru.Nubwo mu majyaruguru batiga ariko bafite ubwa kavukire.

Safe

Ibintu birakaze ! Ese niba Kayumba ayo makosa yarayakoze kuki atabiryozwaga atarahunga ? Niba yaranabikoze n'abandi bari ku ngoma si shyashya kuko barafatanyaga kandi ubwo na bo nibahunga bizashyirwa hanze.


TANGA IGITEKEREZO

Kwamamaza
Kwamamaza
Also in this section
RDC : Ijambo rya Perezida Kabila ryateje impagarara mu banyepolitiki

RDC : Ijambo rya Perezida Kabila ryateje impagarara mu banyepolitiki

DONALD TRUMP niwe utsindiye kuyobora Amerika, sobanukirwa ibintu 10 bitumye atsinda HILARY CLINTON.

DONALD TRUMP niwe utsindiye kuyobora Amerika, sobanukirwa ibintu 10...

Twagiramungu Faustin yavuye ku izima avuga ko u Rwanda rukwiye kuyoborwa n’abakiri bato

Twagiramungu Faustin yavuye ku izima avuga ko u Rwanda rukwiye kuyoborwa...

Prezida ni muntu ki ?

Prezida ni muntu ki ?

U Rwanda rufashe iya mbere mu mpinduka zigaragara mu mibanire mpuzamahanga.

U Rwanda rufashe iya mbere mu mpinduka zigaragara mu mibanire...

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon