LATEST NEWS
Politiki
Kagame n’Amerika ishyamba si ryeru
Publish Date: mercredi 6 janvier 2016
VISITS :3422
By Admin

Mu ijambo ryo kwifuriza Abaturarwanda umwaka mushya muhire Perezida Paul Kagame yavuze ijambo Abanyarwanda ndetse n’abanyamahanga bari bategereje. Yavuze yuko atakwanga icyifuzo cy’abanyarwanda akaba yemeye kuzongera kwiyamamariza umwanya wa Perezida wa Repubulika nyuma ya 2017.

Nyuma y’iryo jambo rya Kagame Amerika yahise itangaza yuko yatunguwe cyane n’icyo cyemezo cya Kagame yabonagaho nk’umuntu wakagombye kuba intangarugero muri Afurika no ku isi.

Leta ya Amerika mu itangazo ryayo yavuze yuko ishima byinshi Kagame yagejeje ku Rwanda, kuko yarukuye habi akaba amaze kurugeza aheza ariko ubwo butegetsi bwa Obama bwongeraho yuko byakabaye byiza kurushaho iyo ataza guhitamo kozongera kwiyamamariza umwanya wa Perezida wa Repubulika nyuma yo kurangiza manda ya kabiri muri 2017.

Mu magambo make atarimo uguhangana, abinyujije kuri Twitter, Kagame yavuze yuko ntawe ukwiye kubabazwa n’amahitamo y’Abanyarwanda, anavuga yuko bibabaje kumva yuko byabatunguye !

Perezida Kagame anagaragaza yuko ibibazo bikomeye Afurika ifite bitakemurwa ku buryo bworoshye nk’iyo myitwarire yo gutungurwa bikomeye.

Muri referandumu iherutse gukorwa Abanyarwanda basaga 98% bemeje ihindurwa ry’itegeko nshinga Kagame akazaba yemerewe kongera kwiyamamariza umwanya w’umukuru w’igihugu muri manda ikurikira y’imyaka irindwi no muri manda ebyiri ntarengwa z’imyaka itanu itanu zizaba zikurikyeho.

Abaturage hano mu Rwanda bazi akamaro ko kugumana Kagame nk’umukuru w’igihugu kurenza uko ibihubu nka Amerika bibyumva.

Ibyo aribyo byose Ntabwo Kagame na Amerika ishyamba ari ryeru. Ku butegetsi bwa Bill Clinton (Democratic Party) umubano wa Kagame na Amerika wari mwiza cyane, haje ubwa Bush ( Republican Party) usanga ubaye mwiza kurushaho.

Perezida Kagame na Perezida Barack Obama

Kuri ubu butegetsi bwa Barack Obama uwo mubano ugenda ucumbagira, cyane muri manda ya kabiri aho Hillary Clinton aviriye ku mwanya wa minisitiri w’ububanyi n’amahanga !

Kayumba Casmiry

IBITEKEREZO
shema

USA ntabwo ari u Rda, so ntabwo ntwagendera kubya USA, dushaka ibyo Abanyarwanda bashaka kandi ntabwo u Rwanda ruhabwa amabwiriza na Mahanga. Abanyarwanda dushaka amahoro arambye tuzi aho twavuye tuzi naho tugana.

Isaac

Erega tuzi icyo abazungu barimo bashaka : ni ugusenya iterambere ry'uRda rimaze kugaragarira buri wese. Iyo dutera imbere birabarya : reba ibyo bakoteye Libia, Afghanistan, Irak, .... Natwe barimo baraharanirako ufite uruhare mu iterambere ry'u Rda avaho kugirango tudakomeza gutera imbere , bifuzako hajyaho usenya. Uzarebe ko abapresidents badafitiye ibihugu byabo akamaro hari ikibazo babagiraho ! Tube maso abazungu si beza !

Bendani

ariko ivyi bavuga nibyo nta demokarisi y umuntu umara imyaka 40. ku ubutegetsi ngo abaturage baramushaka abanyarwanda benshi.nta bushobozi bafite bwlo gufata icyemezo ibyemezo babifatirwa n abategetsi bariho ibyo mujye mu bireba muhereye mu.mateka yacu nta huhinduka kandi niba urwanda rutaragira byibura 20% yabanyanrwanda banyuze mu ishuri namwe murumva ko aba baturagege ntabushobozi bafite bw amahitamo babikorerwa n ubuyobozi ikintu kitwa technique iwacu ni icyambere erega birazwi !kuvuga se ngo abaturange barabisabye Nelson.Mandela yabisabwe gake, Mwalimu Nyaerere se yarakunzwe gake kandi banamusaba kukomeza kubayobora ariko kubaka ejo haza h igihugu ntabwo yigeze ashyigikira amarangamutima y abaturage yavugaga ko ntawundi waboneka uretse !!! HE Nawe arabishaka naho ubundi aba kuyobora u rwanda b inyangamugayo nkawe baboneka we se ko yabonetse !!

kigingi

ko usa yigira nkaho ikunda isi ariko bavuga ku myuka ihumanya ikirere bakaba ibiragi ?

kaka

Kagame urwe kwageze,kandi narebanabirinumuryangowe. wose azawikurikiza,navemunzirahakirikare yuvire Obama ibyamubwiravuba

Giscard Murasa

SIBOMANA, Genocide yabaye USA ihari, Urwanda rufite uwaruhanze Uwiteka Nyiringabo Imana ya Israel n'abanyarwanda b'intwali bakitangiye. Musubize amaso inyuma murebe ibibazo twanyuzemo, tukabicamo neza, n'ibibazo biri mbere tukabicamo neza. Dufite Umugabo i Kigali HE Paul Kagame, hamwe n'Imana, hakuna wasi wasi

geofrey ndi ug

USA ireke kagame na banyarwanda be !

geofrey ndi ug

USA ireke kagame na banyarwanda be !


TANGA IGITEKEREZO

Kwamamaza
Kwamamaza
Also in this section
RDC : Ijambo rya Perezida Kabila ryateje impagarara mu banyepolitiki

RDC : Ijambo rya Perezida Kabila ryateje impagarara mu banyepolitiki

DONALD TRUMP niwe utsindiye kuyobora Amerika, sobanukirwa ibintu 10 bitumye atsinda HILARY CLINTON.

DONALD TRUMP niwe utsindiye kuyobora Amerika, sobanukirwa ibintu 10...

Twagiramungu Faustin yavuye ku izima avuga ko u Rwanda rukwiye kuyoborwa n’abakiri bato

Twagiramungu Faustin yavuye ku izima avuga ko u Rwanda rukwiye kuyoborwa...

Prezida ni muntu ki ?

Prezida ni muntu ki ?

U Rwanda rufashe iya mbere mu mpinduka zigaragara mu mibanire mpuzamahanga.

U Rwanda rufashe iya mbere mu mpinduka zigaragara mu mibanire...

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon