LATEST NEWS
Politiki
...mba mpahira igihugu n’Abanyarwanda . Ababinenga n’ababivuga uko bidakwiye, batuma nshaka gukora ibibirenze- Perezida Kagame
Publish Date: mercredi 2 mars 2016
VISITS :1488
By Admin

Perezida Kagame ubwo yari i Boston aganira n’Abanyarwanda batuye muri Leta Zunze Ubumwe za Amerika, yaboneyeho kuvuga ko abakomeza kwibaza ku ngendo ze bakwiye kumenya ko aba ari guhahira igihugu kandi ko gukomeza kubyibazaho bimutera umuhate wo gukora cyane.

Ati “ Hari ubwo njya mbona bamwe mu bagerageza guta igihe cyabo birirwa bakemanga cyangwa se bavugiriza induru aho mba nagiye hose, njye mba ndi ku kazi k’igihugu, akazi kanyu [Abanyarwanda], mba nagiye guhaha, mba mpahira igihugu n’Abanyarwanda. Ababinenga n’ababivuga uko bidakwiye, batuma nshaka gukora ibibirenze. Nibashaka nzajya mbanza mbibamenyeshe ko ngiye kugenda mbere y’igihe, bareke gusa n’aho batunguwe. Ndetse n’abashaka ko duhura yaba ku neza cyangwa ku nabi nabo tuzajya tubakira.”

Perezida Kagame muri USA

Mu butumwa yagejeje ku Banyarwanda bake bahari, yavuze ko aho bigeze ibihugu byinshi byakwifuza kuba nk’u Rwanda ‘kuko no mu Karere dutuyemo gasanzwe kazwiho ibibazo byinshi’, byavuye hamwe bikajya ahandi, ariko ngo ntabwo byigeze bibuza u Rwanda gutera imbere.

Inama Perezida Kagame yagiranye n’Abanyarwanda i Boston tarikiya 27 Gashyantare 2016

Yabibukije ko ikintu kimwe badashobora kubona mu bindi bihugu byose bajyamo aho yagize ati “Hari udashobora guhaha ahandi twifitemo dushaka guteza imbere. Ni umuco.Umuco wo gukunda igihugu, iyo ukunda igihugu uba wikunda rero uwo muco umaze kugaragara, umaze gufata umurongo ntabwo ari ikintu gihahwa gusa hanze. Ntabwo wajya hanze ngo ugiye guhaha umuco wo gukunda igihugu ahubwo ukomeza kubakwa n’abantu ku giti cyabo, n’Abanyarwanda muri rusange.”

Ubuze icyo anenga inka, aravuga ngo dore urwo rucebe

Umukuru w’Igihugu yaciriye aba Banyarwanda bari bitabiriye ibi biganiro umugani ugaragaza uburyo abantu babuze ibyo banenga u Rwanda, bagahengekera ku byiza rusanganywe babyita ibibi.

Perezida Kagame n’Abana i Boston

Ati “ Ibyiza u Rwanda rufite bidasanzwe nibyo barunegura. Ubumwe […], ubumwe bwabaye bubi hehe ahubwo ko abantu babubuze ari nacyo kinabatera ibibazo.”

Ibi biganiro n’Abanyarwanda byabaye nyuma y’izindi nama zitandukanye Umukuru w’Igihugu yitabiriye muri Leta Zunze Ubumwe za Amerika ndetse n’ibiganiro yagiye atanga nko muri Havard University n’ahandi.

Umwanditsi wacu

IBITEKEREZO
Kabare Jean

Abambanjirije bose mwamvugiye ibintu.Mbonye comments zanyu ntinze ariko icyo navuga ni kimwe : Twese duhuje igitekerezo rusangi"Ibyagaragaye Boston ndetse n 'ahandi yagiye asanga Abanyarwanda,bifite ikimenyetso kidaca amarenga.Nuko hatazagira uwibeshya ngo atwambure agaciro n'ishema tumaze kugira hanz'aha dutuye.kandi tubitewe nuko dufite igihugu kizima,n'ubuyobozi busobanutse.Abwirwa benshi, akumva bene yo

Yves Clovis B.

Ngo ''Abanenga ko H.E.agenda,aba agiye guhahira Abanyarwanda.Ni koko arahaha yarangiza akagemura.Ibyo agemura byose,bigera ku baturage bose.President Paul Kagame s'igisambo nka bya birura bindi byo muri Africa. icyo twebwe tumunenga nuko adahana bihagije ibisambo biri mu myanya yo kuyobora,bisahura bikigwizaho imitungo kandi tuzi ko nta rwara rwo kwishima byagiraga.

Jovita Uwizeye

Twarishimye kubona H.E.atugenderera.Turamukunda cyane kandi yaratwigishije byinshi,yatubwiye uko igihugu cyifashe,historic yaho twavuye,aho turi naho tugana.Ariko icyo yibagiwe kuvuga nuko yazanye UBUMWE mu Banyarwanda bose,nta vangura ry'amoko ubu tukaba turi focused ku gihugu cyacu.Yatubwiye gukomeza kwihesha agaciro aho turi hose ngo tube inyangamugayo,natwe niko tuzitwara nkuko umuco wacu uteye nubwo twaba mu mahanga.Iyo niyo message nyamukuru yaduhaye kandi natwe ntituzamukoza isoni.We promess !

Nyinawumwami Laeticia

2017 iratinze ngo tumutore twivuye inyuma koko.Abasara batangire nonaha kujya ku gasozi,abisihinga nabo babigenze bartyo,ariko icyo nzi nuko noneho bimaze kugaragarira n'Abanyamahanga banenze Referrandum,bakadutera hejuru ko twebwe Abanyarwanda baba mu gihugu,n'ababa hanze dufite intego imwe:TURAGUMANA NAWE KUGERA KERA CYANE !!!Abo bigize abanzi babarwa ku nyoki ntacyo bavuze na gato bataye ibara ahubwo nibo basigaye bagenda bububa,twebwe tugenda duhagaze.

Ntamikevyo Yolande

Mu vyukuri Nyakubahwa Paul Kagame si umukuru w'igihugu c'u Rwanda gusa,mugabo ahagarariye twese Abanyafrika muri rusange.None ko twari twatumiwe hamwe n'abagenzi bacu bo muri Ghana,RDC,Cota d'Ivoire,n'ahandi,mwumva yoba uwanyu gusa ? Erega natwe yaraduserukiye kandi nukuri yarafashije rwose impunzi z"Abarundi bene wacu bahungiye mu Rwanda.Bafashwe neza,nkuko batubwira,ntaco babuze.Ni naco gituma Nkurumbi yirirwa arateranya mu makungu ngo bariko baramutera.Mbeg'aterwa na nde nyene atari ubugwayi afise mu mutwe ?Turashima cane bene wacu b'Abanyarwanda,na President ingene mwatugobotse,Imana izobahezagire.

Umurungi Stephanie

Abanyamakuru namwe mwakoze mu kwandika no kumenyesha abavandimwe bacu b'Abanyarwanda tutari kumwe hano Boston.Ni ngombwa ko Abari mu gihugu bamenya ko dukunda Persident wacu kimwe.Ibyiza akorera igihugu natwe tuba mu mahanga bitugiraho ingaruka nziza ,ishimihize,bigatuma tubaho dufite agaciro no kwigirira icyizere.Nk'aba banyamahamga babona uko tumeranye n'ubutegetsi bwacu,dusabana n'abayobozi,tubyina,dusangira,kandi tuganira nkaho ari bagenzi bacu,nta handi biba uretse kuri twe Abanyarwanda na H.E.wacu.Boston mu birindiro byacu,duhagaze twemye.Benshi tur'abanyeshuli,abandi bafite imirimo itandukanye,ariko amaherezo n'i wacu kuko nta mwaga tuhasanga,ahubwo turi mu bwisanzure,Abibeshya ko bamurwanya,bamuharabika,ubu tugiye guhangana nabo ku manywa y'ihangu nta kwitwikiriza Facebook na za blogs zitandukanye.Bajye hanze maze babone uko intama zambarwa.Ese ko ntabonye ba bamotsi ?Oya ni baseruke niba ari abagabo. Ahasigaye haragahoraho amahoro i wacu.

Harris Cleveland Ntwali

H.E.Paul Kagame is just AMAZIIIING AWESOME-BRILLIANT-SMART-CLEVER-KIND-HUMBLE etc........May God keep him in his holly hands. Rwandans be blessed everyday.You have a stunning President.

Arianne Umutoni

Yoooo !!! Biraryoshe kubona President wacu.twari tumukumbuye hamwe na bene wacu bo mu Rwanda. Bari baje bisanga kandi twaraberetse yuko tunezerewe kubakira no kubonana.

Irebe Ester

Nyakubahwa yasesekaye muri Boston,Abanyarwanda batuye USA ariko n'abo muri Canada bari babukereye,bose biteguye umushyitsi muhire.Icyumba cyo kumwakiriramo cyari cyuzuye ,hafi guturika,nk'uko byari biri Harvard.Abanyarwanda bamubonye yinjiye, twese amashyi,indirimbo za morale twibuka,amabendera hejuru,ku buryo uko yaturamutsaga,hari urusaku rw'amashyi rwamurogoyaga.Mbese wagirango amatora yageze,twari muri Campagne yo kwamamaza. Hari hasusurutse cyane,abashyitsi bavuye mu Rwanda banyurangatanamo na Diaspora,bahoberana nk'abakumburanye koko.Ijambo rya H.E.riba iteka risobanutse kandi aba ari relaxed,asa neza na suit imubereye ameze nka MODEL bamwe berekana Fashion.Nyakubahwa rwose akeye cyane,natwe twamwambariye uko bikwiye.Mbeg'abanyarwanda basa neza,abari,abategarugori,urubyiruko rubyirukanye isheja n'ishema,abahungu ,n'abagabo b'i wacu wagirango bariremye,umuco,n'urugwiro bidasanzwe ahandi,byose byaje byikubira mu Rwanda,aho ngo Imana,itaha kuruhuka yiriwe ahandi.Ibyo byose bigaragara hanze iyo umuntu arebeye kure.Nicyo gituma twifuza kubona President wacu mu kanya kose gashobotse,naho tuba mu mahanga dusa n'abibera i wacu mu rwa Gasabo kuko niho umutima uba uri.Nibagiwe kuvuga nko nta "Kagarasha na kamwe kahabonetse nubwo hari mobilisation ikomeye ya RNC i Boston aho J-Paul Turayishimye (RNC)aba.Ngirango yumvise Ikobe imbere y'Intore Nkuru,ahitamo kurigita,ayabangira ingata.Abo muzi bose cg mwumvise ba hadui hirya no hino,nta numwe wahahingutse, bamwe birirwa bitakuma,batukana ku mbuga,babaye nka wa mujinya w'imbwa ushirira mu kuzunguza umurizo Ba banyekongo bitwa aba Combattants bamwe baba barishywe ngo batere akajagari,aho wababonye.....Izo nkoni ntibakizikubitwa,babishingutsemo kera kuva muri CHAN 2016.Ngayo nguko


TANGA IGITEKEREZO

Kwamamaza
Kwamamaza
Also in this section
Prezida ni muntu ki ?

Prezida ni muntu ki ?

U Rwanda rufashe iya mbere mu mpinduka zigaragara mu mibanire mpuzamahanga.

U Rwanda rufashe iya mbere mu mpinduka zigaragara mu mibanire...

Ni amahirwe kugira Perezida Udasanzwe

Ni amahirwe kugira Perezida Udasanzwe

Uko Perezida Kagame na FPR- Inkotanyi bakoze ibirenze ibitangaza byananiye andi Mashyaka ya Politiki

Uko Perezida Kagame na FPR- Inkotanyi bakoze ibirenze ibitangaza byananiye...

Abahagarariye ’Rwandan Community Abroad of Canada’ berekanye ko nabo ari ’indatangwa mu mihigo’.

Abahagarariye ’Rwandan Community Abroad of Canada’ berekanye ko nabo ari...

NEW POSTS
Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...