LATEST NEWS
Politiki
Harvard Institute : Perezida Kagame yagaragaje isura nshya y’u Rwanda mu myaka 15 ishize
Publish Date: mercredi 2 mars 2016
VISITS :763
By Admin

Perezida Kagame yagaragaje ko mu myaka 15 ishize u Rwanda rwitiranwaga na Jenoside, ariko ku bw’ingamba zigamije iterambere ry’Abanyarwanda, igihugu cyabaye intangarugero ku Isi mu bikorwa byiza.

Umukuru w’igihugu yabigaragarije muri Leta Zunze Ubumwe za Amerika, aho ejo kuwa Gatanu yagiranaga ikiganiro n’abiga ibijyanye na politiki muri Harvard Institute of Politics, mu mujyi wa Boston.

Perezida Kagame yavuze ko ubwo yitabiraga ikiganiro nk’iki mu myaka 15, u Rwanda rwavugwaga hakumvikana Jenoside, ariko igihugu cyabashije guhangana n’ibyo bibazo binyuze mu nzira nyinshi zirimo ubutabera n’ubwiyunge kandi inzira igikomeje.

Yagize ati”Ubwo nitabiraga ibiganiro nk’ibi mu myaka 15 ishize, u Rwanda byasobanuraga Jenoside. Igihugu cyacu cyabashije kubaho gihangana n’ibyo bibazo byose.”

Yakomeje yerekana ko u Rwanda rutaheranwe n’amateka mabi rwanyuzemo ko ahubwo rwafashe ingamba zishingiye ku kugeza Abanyarwanda ku iterambere, ari na zo zatumye ruzuka rukaba intangarugero mu ruhando mpuzamahanga.

Yagize ati ”U Rwanda ruri ku isonga mu gukora neza atari muri Afurika gusa ahubwo no ku isi mu ngeri zitandukanye zirimo ubukungu, umutekano w’ubucuruzi, ubuzima, uburezi, kurwanya ibyaha, ruswa, guteza imbere umugore, inzego zizewe n’abaturage, ntibagiwe imibereho myiza y’abaturage n’ukwishyira ukizana.”

Perezida Kagame yavuze ko nubwo igihugu kiri mu nzira nziza kandi giha agaciro ibimaze kugerwaho, kitaragera aho cyifuza. Imwe mu nzitizi yagaragaje nk’iraje ishinga u Rwanda n’Isi muri rusange ni ukurandura ubukene.

Muri icyo kiganiro Umukuru w’igihugu yavuze ko bitoroshye gusobanura uruhare rw’abantu batandukanye mu byagezweho, ashimangira ko byaturutse mu gushyira hamwe.

Yagize ati ”Iterambere ntabwo ari ikibazo cy’inkunga nyinshi na gahunda nziza, icy’ingenzi ni ukubihuza n’amahame, indangagaciro n’imyumvire igendanye n’amahitamo ya buri umwe na buri wese.”

Perezida Kagame yagaragaje kandi ko iterambere ridashobora kugerwaho hatabayeho ubuyobozi bwumva abaturage, bukabaha ubushobozi n’ubwigenge mu byo bitekerereje.

Ati”Mu Rwanda tugendera ku kumva ibitekerezo by’abaturage no gukemura ibyo batishimiye. Abayobozi barangwa no kwiyoroshya, gutahiriza umugozi umwe n’abo bakorera no gukorera mu mucyo.”

Abitabiriye ikiganiro bamubajije ibibazo bitandukanye bishingiye ku hazaza h’u Rwanda, imibanire yarwo n’ibindi bihugu, itegeko nshinga n’ibindi.

Umukuru w’igihugu yagarutse ku itegeko nshinga avuga ko ibyakozwe byaturutse mu bitekerezo by’Abanyarwanda kandi ubwabo babiganiriyeho imyaka myinshi. Avuga kandi ko igihe nikigera bazihitiramo uwo bashaka ubabereye.

Yagize ati”Nta n’umwe ushobora guhinyura ibyatowe muri referendum kandi ari amahitamo y’Abanyarwanda nyamwinshi. Amahitamo yakozwe mu buryo bwa demokarasi, ku nyungu zacu nk’Abanyarwanda kandi ntawe duhutaje, ntibikwiye kuba imbogamizi mu mubano wacu n’inshuti zacu aho ziri hose.”

Mu ruzinduko agirira muri Amerika, Perezida Kagame yanatanze ikiganiro mu mujyi wa Houston muri Leta ya Texas, cyibanze kuri Afurika n’ahazaza h’ibijyanye n’ingufu ku Isi.

Perezida w’u Rwanda Paul Kagame

Biteganyijwe ko azatanga n’ikiganiro muri Harvard Business School, kizibanda ku iterambere ry’ubukungu, hashingiwe ku byo u Rwanda rumaze gukora.

Ni amakuru dekesha Office of the President -Communications Office

IBITEKEREZO
Sebaganwa

Bahungu mwe ! MWARI MUZI KO PRESIDENT WACU AZI GUSENGERA ?Twaranyoye yeeee !!!Ngaho za whisky zo mu rwego rwo hejuru zitwa Chivas,zinyobwa n'umugabo zigasiga undi.Ngaho za champagne,za brochettes zicicikana na chicken-wings,salade n'ibinyobwa byose mushobora gutekereza.Umuziki wari wose,after party yo yari rurangiza.Abatashye kare mu rukerera ntacyo mwabonye kuko na breakfast yar'ihari.Nagende ngo amata agira gitereka,H.E.azi kuzimana ,n'imfura pe !Maze ubutaha abe ari twe tuzamwakira uko abikwiye.

Bucyanayandi Jeanpaul

Wow ! H.E.Paul Kagame so wonderful within His wise and then the whole nations seem to be watching His potential.Again therefore,on the hand we all agrue that there's opposite one but fortunately they'll never get at their wish/dream.Once again,I take this opportunity to regard H.E enriching moment and being continued like watchman for all nations not only Rwandan but also widely on world.

Jean-Louis Rukundo.

H.E.Paul Kagame,Afande wacu, yagaragaje ubudasa,mu kwereka Abazungu ko uruhu rurirabura,ariko BRAIN y'abanyabwenge yose irasa.Abantu batuye Boston babonye ko duhagarariwe n'Umugabo,Imfura yu Rwanda.Twapfuye kera tutaramugira.Aragahorana Imana,inka n'imirima.Imana imuhe uburambe buhagije. J-L Chicago/USA

Shaina Mugabo

Ab'i wacu muraho ?Uwapfuye yarihuse koko !!!Harvard yafashwe mpiri,ubwenge bwagaragaye,mu ntiti zuzuye mur'uwo mujyi wa Boston.Nyabuna muzashyireho speech ya H.E.ngo mumwiyumvire aho avuga,atanga ubuhamya kandi yigisha.N'ibintu byaturenze,our President is WOWWWW !!!Fantastic.

Shema Patric

President P.Kagame,waramamaye,aho ugeze bagukurira ingofero.Iyo ndirimbo ni nyayo kandi nzayiririmba kugeza muri 2017,nongere nyatse na nyuma yaho kugeza muri2050.H.E.azaramba,kuko niko Imana yabivuze.Abirirwa basakuza,mukaze umurego,ijwi ryiyongere,muzamera nk'abatambyi ba ya mana itumva BAYALI.Twebwe dusenga Imana y'u Rwanda yaduhaye umuyobozi nka H.E.Paul Kagame.

Umulisa Dianne

Nyakubahwa Paul Kagame President wacu dukunda ,yaduhesheje agaciro uyu munsi Harvard twabyibushye twumva.Arasobanutse,arashoboye kandi Diaspora tumur'inyuma nubwo tutaba mu gihugu,ariko tumukomeyeho,tumuri hafi cyane.Turamwishimiye cyane,kandi turabimwereka,n'abanyamahanga babimenye ko atari umuyobozi usanzwe nka ba bandi bamenyereye bo muri Afrika,batagira icyerekezo. Umulisa Dianne Maine/USA

Jeanne de Chantal Duwers

Le president de la Republique du Rwanda,son Excellence Paul Kagame a fait une entree remarquable a Harvard,digne d'une vedette de Hollywood ou ila ete acclame par une parterre de etudiants,professeurs,Rwandais,Congolais,et Burundais.Fini le temps des combattants,fini le temps de BigarashaH.E. a ete simplement sublime,dans sa prestation.BRAVO

Bikindi Darius

Icyakora cyo u Rwanda rufite umutegetsi usobanutse,Abazungu bumiwe,bari bamushagaye,ubona bafite bamatsiko menshi yo kumenya umunyafrika aho yaturutse,Abanyarwanda nabo bamwifitiye nk'umuyobozi wabo,ndetse na Diaspora yamwakiriye,bari bafite ishema ryinshi,bakeye,bagenda bemye.Umwanzi ntakabone u Rwanda rw'ubu na Cyizigenza warwo.Icyo nababwira nuko dufite INTARE ,ntacyo tuzaba,mureke ba riya birirwa bamoka nk'imbwa zirwaye ibisazi,kuko amaraso bamenye yabageze mu bwonko.Naho ibisambo bya rusahurira mu nduru,byo byaratsinzwe burundu.Naho ubundi TUTASONGA MBELE.Amahoro i wacu from Boston

Ndenga Yusuf

Jye ninjiye ntinze muri salle,ariko nkuko Ester abivuga,hari hapakiye nta wabonaga aho yicara .President P.K akwiye umudari w'ubwenge n'ubushishozi,akwiye uwundi(PhD)ya Harvard kuko yigishije biratinda. We are proud of him.God bless.

Willy Niyongere

Mbega mbega ivyo nabonye !!! Mana yanje Paul Kagame bazomuhe ategeke Africa,adukurireko birya Bivagundu ngo ni Nkurumbi,Kabila,Ca gi polygame ngo ni Zuma,n'umwe utagishobora kweguka Mugabe. Kagame wenyene arafise ubushobozi kuko ehe raba ingabo za RDF ziri kw'isi hose mu gucunga umutekano,naho abandi babirukana.Murabe aho agejeje igihugu,ingene gisa gikubuye,abantu basa neza. Mwongere mwibuke kwa habyarimana,ukuntu abantu basa umenga baba mu myotsi.Nukuri naho ndi Umurundi,yaraserutse muri salle numva nanje ndafise akanyamuneza numva ndi fier,apres tout n'Umunyafika nkanje kandi w'Umuvandimwe,aradutera iteka aho aciye hose.Abazungu biyumvira yuko nat mwirabura iciye ubwenge,mugabo H.E.Paul Kagame yaraberetse yuko hari n'abandi batavukiye kuba abaja,ahubwo,bashobora kuba abategetsi nyabo kandi bubahwa n'amakungu. Willy Niyongere Boston/MASS.

Irebe Ester

Nakongeraho ko HE Paul Kagame,abanyeshuli n'abandi ba scholars b'intiti bari buzuye nta wushobora kubon'aho akandagira.Yinjiye,abanyeshuli,bavanzemo n'abashyiti,ba professors benshi cyane bamukomeye amashyi menshiiiiii adashira,atari ya yandi ya Rucagu,ahubwo yo yararemereye cyane.Ubundi mu muco w'Abanyamerika,iyo bishimiye umuntu,barirekura,nawe akabibona.Niko byagenze rero bakira Nyakubahwa Paul Kagame,basa n'abamucir'amarenga bagira bati:Ur'Umugabo koko.ur'Umukozi,ntur'Umunebwe,Abanyarwanda bagira Imana cyane kuko bagufite umaze kubageza kure mu ntambwe y'Amajyambere,komerez'aho turagushyigikiye....Uko niko nabibonye.Umunyeshuli uturuka muri Lybia niwe wavuze ati:Imikorere ye inyibuta late Col.Kadhaffi,yagiye nta misoro dutanga,tuvurirwa ubusa,buri wee afite inzu ye bwite,GDP igeze kuri 8000$,ati na byinhi cyane yakoze. Aronger'ati:Nta bayobozi b'Abanyafrica dusigaranye,bakunda ibihugu byabo bakabikorera,uretse uyu wanyu.ati nicyo gituma bagerageza kumurwanya.Nanjye nti wabimenye....Bya uwambaye ikirezi ntamenya ko cyera


TANGA IGITEKEREZO

Kwamamaza
Kwamamaza
Also in this section
RDC : Ijambo rya Perezida Kabila ryateje impagarara mu banyepolitiki

RDC : Ijambo rya Perezida Kabila ryateje impagarara mu banyepolitiki

DONALD TRUMP niwe utsindiye kuyobora Amerika, sobanukirwa ibintu 10 bitumye atsinda HILARY CLINTON.

DONALD TRUMP niwe utsindiye kuyobora Amerika, sobanukirwa ibintu 10...

Twagiramungu Faustin yavuye ku izima avuga ko u Rwanda rukwiye kuyoborwa n’abakiri bato

Twagiramungu Faustin yavuye ku izima avuga ko u Rwanda rukwiye kuyoborwa...

Prezida ni muntu ki ?

Prezida ni muntu ki ?

U Rwanda rufashe iya mbere mu mpinduka zigaragara mu mibanire mpuzamahanga.

U Rwanda rufashe iya mbere mu mpinduka zigaragara mu mibanire...

NEW POSTS
Seyoboka ushinjwa Urupfu rw’Abanyapolitiki Kameya ( PL) na Dr. Gafaranga ( PSD) yakatiwe gufungwa by’agateganyo

8-12-2016

Seyoboka ushinjwa Urupfu rw’Abanyapolitiki Kameya ( PL) na Dr. Gafaranga (...

Abikorera bagaragarije Umukuru w’Igihugu Paul Kagame ikibazo cy’inyubako ziri kuzamurwa zidafite abazikoreramo

8-12-2016

Abikorera bagaragarije Umukuru w’Igihugu Paul Kagame ikibazo cy’inyubako...

( VIDEO ) y’Ivanjiri ya Padiri Nahimana Thomas ushaka kuba Perezida w’u Rwanda

8-12-2016

( VIDEO ) y’Ivanjiri ya Padiri Nahimana Thomas ushaka kuba Perezida w’u...

Perezida Kagame yahawe igihembo n’Umuryango w’Abibumbye kubwo kurengera ibidukikije

7-12-2016

Perezida Kagame yahawe igihembo n’Umuryango w’Abibumbye kubwo kurengera...

Muri RNC : Umwotsi uracyacumbeka hagati ya Kayumba na Rudasingwa

5-12-2016

Muri RNC : Umwotsi uracyacumbeka hagati ya Kayumba na Rudasingwa

Burundi : Ubufaransa inyuma y’ inyeshyamba izwiho no kuvangura amoko, nk’ ikiraro cyo kujegeza Leta y’Urwanda

5-12-2016

Burundi : Ubufaransa inyuma y’ inyeshyamba izwiho no kuvangura amoko, nk’...

Perezida Kagame mu rugendo rw’akazi muri Gabon

4-12-2016

Perezida Kagame mu rugendo rw’akazi muri Gabon