LATEST NEWS
Politiki
Rwanda : Icyizere gishingiye ku cyerekezo
Publish Date: dimanche 15 novembre 2015
VISITS :1161
By Admin

Mu mpera z’umwaka 1989 ubwo nari mfite imyaka 14, nibwo bwa mbere numvise ijambo “ imigabo n’imigambi”, ndyumvana Data aganira na mushiki we (masenge) wari warihaye Imana aba mu muryango w’abo bita auxiliatrice de l’Apostalat I Butare mu Rwanda. Hamwe n’abandi bantu bacye, iryo jambo barivuze bari mu kiganiro cy’ibanga rikomeye ndetse n’abana twari hafi aho badusabye kwigira hirya ngo tutabarogoya.

Nubwo twari dusanganywe radio idufasha kumva amakuru, nyuma Data yaguze indi radiyo mu cyaro twitaga radiyo gasete (Radio tape) yacurangaga mu buryo bw’ibanga, hashize iminsi nza kumva acuranga indirimbo Ivuga ngo “Turaje ibihumbi n’ibihunbi, turaje ibihumbi by’abasore, turaje dore igihe cyo gushyira hamwe twese kirageze, turaje nta rwango ku mutima nta n’intimba y’ibyashize, turaje tubafitiye amakuru n’amajyambere y’ukuri, turaje n’umurava n’ubufura, turaje turukumbuye (u Rwanda) cyane, turaje turukorere buhanga”

Mu Kinyarwanda baca umugani ngo “ijambo ryiza ni mugenzi w’Imana”. Ayo magambo : Imigabo n’imigambi…., gushyira hamwe twese…, nta rwango.., amajyambere y’ukuri…, umurava n’ubupfura…, turukorere buhanga, aya magambo numvise ari amagambo meza ariko akomeye cyane, kubera ko ayo magambo ibyo yavugana bitarangwaga mu Rwanda no mu miyoborere yarwo.

Kuva ubwo numvise ko hari umuntu cyangwa abantu bafashe icyemezo cyo gutanga icyerekezo gishya no kurema icyizere cy’ejo hazaza mu Rwanda, abanyarwanda bose bafatanyije.

Ntibyatinze, bwaracyeye rurambikana, 01 Ukwakira 1990, mu gitondo cya kare RPA Inkotanyi, baba barasesekaye, kagitumba irinjirwa, umutara urafatwa, Gatuna irinjirwa ibirunga na Ruhengeri birafatwa. Ku mugaragaro FPR inkotanyi itangiza icyekerezo gishya mu mateka y’u Rwanda, gishyirwa mu bikorwa n’urugamba rwo kubohora u Rwanda.

Ariko nkuko bizwi nta cyerekezo cyajya mu bikorwa cyangwa ngo urugamba rurwanywe byombi bidashyikiwe n’imigabo n’imigambi ihamye. FPR yashyizeho imigabo n’imigambi yagutse kandi inonosoye irimo kugarura ubumwe bw’Abanyarwanda, kubumbatira ubusugire bw’lgihugu n’umutekano w’abantu n’ibintu ; kubaka ubuyobozi bushingiye kuri demokarasi, kubaka ubukungu bushingiye ku mutungo bwite w’lgihugu ; guca ruswa, gutonesha n’imicungire mibi y’umutungo w’lgihugu ; Kuzamura imibereho myiza y’abaturage, Guca burundu impamvu zitera ubuhunzi no gucyura impunzi z’Abanyarwanda n’ibindi.

Abahanga muri politiki n’imiyoborere bagaragaje ko politiki nziza ari itanga ibisubizo nyabyo ku bibazo abaturage bafite mu gihe runaka. Imigabo ni imigambi ya FPR Inkotanyi yatangaga icyerekezo n’ibisubizo by’ibibazo bikomeye u Rwanda rwari rufite.



Perezida Kagame n’abayobozi bakuru ba RPF

Umuntu atanze urugero, u Rwanda rwari igihugu kigendera kuri politiki y’amacakubiri ashingiye ku moko n’uturere, ibyitwaga rukiga – nduga, ibyitwaga Hutu – Tutsi byarakoreshwaga cyane mu miyoborere na poliki, bigaha amahirwe bamwe, bigaheza abandi, bigakiza bamwe, bikica abandi. Ibi rero byari igipimo kigaragaza ko nta bumwe bw’abanyarwanda bwari buhari.

FPR gushyira rero mu cyerekezo n’imigabo n’imigambi byayo guharanira ubumwe bw’abanyarwanda cyari igisubizo nyacyo ku kibazo kiriho. Ibi byatumye gahunda ya FPR Inkotanyi yumvikana haba mu gihugu imbere no mu mahanga.
Byagaragaye ko mu mateka y’imiyoborere na politiki iyo udahaye abaturage uburenganzira bwabo bishobora gutera ubutegetsi buriho kutemerwa ndetse byaba ngombwa abanyagihugu bakaba bahaguruka bakaburwanya.

Mu Rwanda hari ikibazo gikomeye cy’uburenganzira ku burezi. Kuva mu mashuri abanza ujya mu yisumbuye ntabwo hashingirwaga ku buhanga n’ubushobozi umwana yabaga afite. Leta y u Rwanda yari yarashyizeho politiki yitwa iringaniza. Uwari Minisitiri w’Uburezi Nsekalije yigeze kwivigura ko “umwana wa Bourgmestre ntiyabura ishuri ngo ribonwe n’umwana w’umuhinzi”. Nkaho bitashoboka ko uburezi bwa bose bwashoboka.

Nta burenganzira ku buzima n’umutekano w’abantu nta byari mu Rwanda. Irondakoko , irondakarere byavigaragamo abatari bake guhohoterwa, kwicwa, gukubitwa, gukomeretswa n’ibindi. Ku rundi ruhande Leta yariho mu Rwanda yari yariyemeje kuzaheza abanyarwanda ishyanga. Umunyarwanda wari warahunze iyo yagerageza gutaha, inzego za gendarmerie, police communal, immigration, inzego z’ibanze zaramufataga zikamufunga, zikamwica rubozo n’ibindi.

Niyo mpamvu, aho FPR ivukiye igashyira mu cyerekezo cyayo guca gutonesha, guca akarengane, kubumbatira umutekano w’abantu n’ibyayo, ibi byatumye ntawabyumva ngo areke kubishima no kugana ubiharanira.

Icyerekezo FPR yashyizeho n’urugamba rutaratangira cyari icyerekezo gitanga icyizere icyari gisigaye ni ugushyira imigabo n’imigambi mu bikorwa. Nkuko mu nyandiko yacu twise “01 Ukwakira : Kitwangira igihugu no kukimenera amaraso ku nyungu rusange”, twabigaragaje, urugamba rwo kubohora u Rwanda rwagaragayemo ibikwazo byinshi ariko Inkotanyi mu bwihangane, ubuhanga, ubupfura n’umurava zibohoza u Rwanda.

Urugambwa rwo kubohoza u Rwanda rwarangiye Leta yariho mu Rwanda yarakoze Genocide yica abatutsi barenga miliyoni, igihugu kirasenyuka burundu. Ariko nyuma y’ibyo bibazo bikomeye niho FPR yagaragaje ko icyerekezo yatanze n’urugamba rutaratangira yari igikomeyeho.



Perezida Kagame kurugamba rwo kubohora Igihugu

Imigabo n’imigambi nari narabwiwe n’ababyeyi banjye (ubu batakiriho kubera ko bahitanywe na Genocide yo muri 1994) FPR yatangiye kuyishyira mu bikorwa neza neza. Nubwo hari habaye Genocide FPR yatangije gahunda y’ubumwe n’ubwiyunge, ubu bukaba bwigaragaza mu Rwanda. FPR itangiza gahunda yo gucyura impunzi, impunzi za kera ndetse n’abarenga miliyoni ebyiri bari barahungiye muri muri Zaire baratahurwa. Mu bwivugurure bukomeye FPR yongereye mu migabo n’imigambi yayo kurwanya Genocide n’ingenyabitekerezo yayo.

Nyuma yo gushakira ibisubizo ibibazo bikomeye kandi byihutirwaga, FPR yafatanyije n’andi mashyaka ndetse n’abanyarwanda banyuranye kubaka igihugu no kugiteza imbere. Nyuma y’umwaka wa 2000, u Rwanda rufata icyerekezo gishya, Vision 2020, cyagaragaje inkingi za mwamba z’iterambere ry’u Rwanda, abanyarwanda biyemeza kugira igihugu cyabo igihugu gifite iterambere riri mu rugero ( a middle income economy), riteza imbere abagore, urubyiruko, riteza imbere ubukungu, uburezi, ubuzima, imibereho myiza, ikoranabuhanga n’ibindi.

Iki cyerekezo cyanateganyije uburyo Rwanda ruzakememura burundu ikibazo cy’imiterere y’aho ruherereye (landlocked) ahubwo rugahinduka igihugu cy’amahirwe mw’iterambere n’ishoramari mu rwego mpuzamahanga.

Vision 2020 yashyizwe mu bikorwa hafi ku gipimo cya mirongo irindwi na gatanu kw’ijana ubu yunganiwe na EDPRS II. Iyo witegereje imigabo n’imigambi ya FPR, uhereye uko yari imze mbere y’uko urugamba rutangira, ukareba uko imeze ubu, ukareba Icyerekezo 2020, ukareba ibiteganyijwe muri EDPRS II, usanga byuzuzanya ndetse binagaragaza neza ishusho y’iterambere rirambye ry’ U Rwanda, bikaba bitanga icyizere cy’ejo hazaza.

Urugero, iyo urebye icyerekezo cya Leta y u Rwanda muri EDPRS II, ku bijyanye n’iterambere ry’ubukungu usanga, hateganyijwe ko ubukungu bw’u Rwanda bugomba kuzamuka ku kigereranyo cya 11.5%, hagatezwa imbere ibikorwa remezo, amarembo y’u Rwanda akagurwa Rwandair ikagera mu bice byose by’isi, n’ibindi. Mu rwego rwo kugabanya ubukene EDPRS II, iteganya kugabanya ubukene kuva kuri 44.9% kugera nibura 30%.

Mw’iterambere ry’icyaro Leta y u Rwanda yateganyije kuzamura icyaro binyuze mu guteza imbere ubuhinzi no gushyiraho ibikorwa remezo, kwegereza ibyaro ibigo by’imari no kubagezaho ibikorwa bituma buri wese abiheraho akiteza imbere nk’amashanyarazi, ikoranabuhanga n’ibindi. Ibi kandi bizunganirwa no guteza imbere urubyiruko, imyuga n’ubumenyi kugirango urubyiruko rw’u Rwanda ruzabashe guhangana kw’isoko ry umurimo.

Ibiteganyije mu cyerekezo cy’u Rwanda birenze ibi tukaba tuzabigarukaho mu nyandiko z’ubutaha. Icyerekezo cy’u Rwanda kiratanga icyizere, kandi icyizere abanyarwanda bafite gishingiye ku cyerekezo ubuyobozi bw’u Rwanda bwashyizeho burangajwe imbere na Nyakubahwa Perezida wa Repubulika, Paul Kagame.

Abanyamuryango ba RPF barinigura mu nama

Kuba abanyarwanda bifuza ko yaguma kubayobora ni uguhitamo kugenda mu cyerekezo cyiza, ndetse ejo hazaza heza habo ni aho hashingiye. Perezida Paul Kagame ntiyigeze atezuka ku cyerekezo cya FPR n’icy’igihugu. Ibi ku banyarwanda ni ishingiro ry’umushinga abanyarwanda batangije wo kugumana nawe mu cyerekezo kimwe.

Ejo bundi abanyarwanda basaba inteko ishinga amategeko ko yabemerera bagakomezanya nawe mu bihe bizaza, ndetse Inteko ikaba yaremeje ishingiro ry’ubusabe bwabo, byanyeretse ukuntu abanyarwanda baha agaciro ejo hazaza habo heza. Ku rundi ruhande, nasanze ababyarwanda barazamutse mu myumvire, byanyibukije ya ntero yavunnye impuruza iti : “twiyemeje guharanira ko buri munyarwanda wese, ari umuto, ari umusaza ndetse ari n’uzavuka mu bihe bizaza azagira agaciro mu gihugu cye cyangwa se n’ahandi azaba
arihose”.

“Icyizere cy’abanyarwanda gishingiye ku cyerekezo ngiro cy’u Rwanda”, EM

Umwanditsi w’iyi nkuru n’impuguke mu nyandiko za Politiki
prcmac.cmac@gmail.com

IBITEKEREZO
KANAMUGIRE EMMA

imigabo n'imigambi ningenzi kubanyarwanda twese kuko ntitubishakisha biturimo.NB.My country is small but not simplified by any country

Kanyarwanda

Ibi utubwira hano ubu tubifata nk'indirimbo. Indirimbo niyo igira intero n'inyikirizo bidahinduka.


TANGA IGITEKEREZO

Kwamamaza
Kwamamaza
Also in this section
Prezida ni muntu ki ?

Prezida ni muntu ki ?

U Rwanda rufashe iya mbere mu mpinduka zigaragara mu mibanire mpuzamahanga.

U Rwanda rufashe iya mbere mu mpinduka zigaragara mu mibanire...

Ni amahirwe kugira Perezida Udasanzwe

Ni amahirwe kugira Perezida Udasanzwe

Uko Perezida Kagame na FPR- Inkotanyi bakoze ibirenze ibitangaza byananiye andi Mashyaka ya Politiki

Uko Perezida Kagame na FPR- Inkotanyi bakoze ibirenze ibitangaza byananiye...

Abahagarariye ’Rwandan Community Abroad of Canada’ berekanye ko nabo ari ’indatangwa mu mihigo’.

Abahagarariye ’Rwandan Community Abroad of Canada’ berekanye ko nabo ari...

NEW POSTS
Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...