LATEST NEWS
Politiki
Twagiramungu yandikiye Paul Kagame perezida w’u Rwanda ibaruwa idasobanutse
Publish Date: jeudi 7 avril 2016
VISITS :7662
By Admin

Abinyujijwe kuri Ambassade y’u Rwanda i Buruseli mu BUBILIGI, Twagiramungu Faustin, kuwa 29 Werurwe 2016, yandikiye Perezida wa Repubulika Paul Kagame, aha kopi, UNHCR n’indi Miryango yita ku mpunzi, Ibihugu bicumbikiye impunzi z’Abanyarwanda n’Umuryango w’Ubumwe bw’Afurika.

Iyo baruwa idasobanutse agira ati : Mw’izina ry’Ishyaka RDI-Rwanda Rwiza, bibaye ngombwa ko mbagezaho inyandiko isesengura uburyo ikibazo cy’impunzi z’Abanyarwanda gikomeje gutera inkeke, ikanerekana inzira ziboneye zo kugishakira umuti uhamye.

Impamvu nyamukuru itumye tubandikira, ni ukubasaba gukora ibishoboka byose, kugira ngo mbere y’uko uyu mwaka w’2016 urangira, icyo kibazo cy’impunzi kibe cyakemuwe mu buryo budasubirwaho. Rwose ni ngombwa ko Leta muyobora igihagurukira, dore ko kimaze imyaka irenga 50 kizahaza bamwe mu bana b’u Rwanda, badashobora gutaha mu gihugu cyabo, kubera ko batahizeye umutekano n’ubundi burenganzira bw’ibanze.

Ikindi ni uko ari ngombwa gutsindagira igitekerezo cy’uko hakwiye impinduka yimbitse mu miyoborere y’igihugu, kugira ngo impunzi zigire icyizere cy’uko uburenganzira bwazo bwakubahirizwa, mu gihe zaba zatahutse mu Rwanda. Kuri iyo ngingo, dusanga ishyirwaho rya Leta y’inzibacyuho igizwe n’amashyaka menshi, ariyo ntambwe ya mbere y’iyo mpinduka yatuma impunzi zitahuka ari nyinshi kandi ku bushake bwazo.

Aha Twagiramungu avugira impunzi ate ? ko atari impunzi, ko agendera kuri passport y’u Rwanda niy’u Bubiligi, ko nta mpunzi igendana Passport ngo ikore n’ibikorwa bya politiki byo kwiyamamariza kuyobora igihugu. Ikindi Twagiramungu arasaba Perezida Kagame inzibacyuho y’iki ? Ko igihugu kitari mu ntambara.

Minisiteri yo gucyura impunzi, ivuga ko Faustin Twagiramungu atari impunzi kandi adakwiye gufatwa nk’uvugira impunzi. Ibi ni ibyatangajwe nyuma y’ibivugwa n’uyu munyapolitiki uvuga ko ari mu buhungiro, wandikiye Perezida Kagame avuga ko u Rwanda rukwiye kugaragaza gahunda yo kugirango impunzi z’Abanyarwanda ziri hirya no hino ku Isi zitahuke muri uyu mwaka wa 2016 cyangwa uwa 2017, bitaba ibyo ngo izi mpunzi zigafata umuheto zikirwanaho.

Mu kiganiro umunyamakuru wa KFM, aheruka kugirana na Minisitiri Seraphine Mukantabana ushinzwe gucyura impunzi no kurwanya ibiza, yamubwiye ko u Rwanda rusanganwe gahunda zihariye zo gucyura impunzi kuva hajyaho icyemezo cyo gukuraho ubuhunzi ku Banyarwanda, ariko akaba yatangiye amubwira ko akemanga ubuhunzi bwa Twagiramungu n’ibyo avuga.

Minisitiri Seraphine Mukantabana / Ifoto : Internet

Minisitiri Mukantabana yagize ati : "Twagiramungu..ngirango amakuru mufiteho n’uko atari impunzi. Yahereye kera avuga ko atari impunzi, ko ngo ari Umunyarwanda wagiye hanze, bityo rero njye nkumva ko nibyo yirirwa avuga ngo aravugira impunzi nta gaciro byaba bifite kuko ntago ari umuvugizi w’impunzi tuzi, kuko ntago ari mu mpunzi tuzi tujera. Twebwe impunzi tujera tuzi ko ari impunzi zitagomba no kujya mu bikorwa bya politiki, akenshi n’iyo abigiyemo cyangwa akajya muri ibyo byo kuvuga ngo yafata umuheto..mu buryo bwo gutera igihugu cye, ko convention zishinzwe impunzi ntago zibyemera. Umuntu wese watekereje kuba yakora ibikorwa bijyanye no guhungabanya umutekano w’igihugu yahunze, ntabwo uwo nguwo aba ari impunzi mu buryo bwa convention".

Minisitiri Mukantabana yabajijwe niba hari porogaramu yihariye yo gucyura impunzi ihari nk’uko Twagiramungu avuga, asubiza ko isanzwe ihari igenewe cyane cyane gufasha abatahuka mu gusubira mu buzima busanzwe, gufasha abashaka gutaha mu buryo bwihuse, baba bafashijwe na HCR cyangwa leta y’u Rwanda.

Minisitiri Mukantabana yanabajijwe ikibazo cy’impunzi z’Abanyepolitiki na Twagiramungu avuga ko abarizwamo, abazwa niba zo hari gahunda iziteganyirijwe ku kijyanye no gukurirwaho ubuhunzi, asubiza ko kiriya cyemezo cyo gukuraho ubuhunzi kireba impunzi zose zahunze kuva muri 59 kugeza muri 98.

Twagiramungu arangiza ibaruwa ye ashyira iterabwoba kuri Perezida Kagame agira ati : Turasanga kandi bikwiye kuburira Ubutegetsi bwanyu, ko niba ibintu bikomeje kuba uko biri, mu Rwanda hashobora kuzarota indi ntambara igambiriye itahuka ry’impunzi, nk’uko byagenze mu mwaka w’1990, ubwo Ingabo za RPF-Inkotanyi, zibifashijwemo n’Ubugande, zashozaga intambara yaje kuzigeza ku butegetsi muri Nyakanga 1994.

Faustin Twagiramungu

Nyakubahwa Prezida, twizeye ko muzafata ibyemezo bikwiriye nta kuzuyaza, bigusha ku nzira zose zatuma ikibazo cy’impunzi z’Abanyarwanda gikemurwa bwangu kandi ku neza. Tubaye tubibashimiye, kandi turabashuhuje mu cyubahiro cyibakwiriye.

Faustin Twagiramungu
Perezida w’Ishyaka RDI-Rwanda Rwiza (sé)

IBITEKEREZO
Ndihokubwayo Platiner

Ariko twangiramungu ajya asaraho ntabwo abamuzima ubuse azahurwanda rujyeze kujyirango avugishwe ku-riya,

kagabo innocent

ariko iyo umuntu ashaje ntabimenya ?ubwo abamutuma ntibanabonakom anashaje no mumutwe ?nareke kujya yirirwa aturukira twe abanyarwanda tuzi icyogukora

E.J.Musonera

Erega mujye mureba ubivuga, ntabwo yorohewe, nuwo kuvuzwa. Aracyarota Ali maso, Dore na cerveau ye yaraturumbutse. Ahubwo natabona umuganga vuba , ubwonko bwe bazabusanga muli plafond. U Rwanda ntabwo ali amakamyo ya STIR, ni igihugu cyose, gituwe n'abantu miliyoni 12. Natahe, Wendy yagobotora akazi muli gare ya Nyabugogo, abifitemo experience.

Gacaca

Twagiramungu agize Mungu nyabyo, yaruhuka akareka gucaracara yirukanswa n'ikimwirukamo.

surwumwe syprian

Ibya Twagiramungu twarabirambiwe. Ukuntu yarafashwe neza ninde utabizi, bigaragaza ko ari kavuyo.ese ubundi ninde utanga ubuhunzi ninde ubukuraho. Niwowe nyirubwite kwikuraho ubuhunzi. URWANDA amarembo aracyinguye ushaka arinjira cg agasohoka. Tugomba kurwanira kubyo tutarageraho, tukarinda ibimaze kugerwaho

Jp

Umuntu iyo ashaje ibitecyerezobye bisubira ibwanakoko impunzi ?? nonese urwanda harumuntu rwabujije gutahuka ? ibitecyerezo bya twagiramungu ntacyintu byatugezaho.

K. Seruka

Ntekereza ko n'ubwo uyu musaza yaba avuga ibiterekeranye ariko nabyo ntawe ukwiye kubyima amatwi ; none se ibyo avuga nta kuri kurimo ? Rahira ko mutari gukabya namwe ! Nyamara Perezida Kagame yagombye kureba nawe niba atari kuriya yabwiraga i KINANI ? Ese kuki abanyarwanda twibagirwa vuba ? Esrega maye buriya nabo n'ubwo tuvuga ngo bafite ingengabitekerezo tugomba no kureba ari ingengabitekerezo yihe bafite ?

patri9ck

ariko ntwagiramungu yarasaze nonese nibwo urwanda rwagira impuzi kuva yavuka ??? 1950 kuki atabwiye kayibanda ngo acyure impuzi ??? ayo namacoyinda nogushaka gutegeka kandi ntabwo azabigeraho rwose

Akumiro

......../............... cg guta ibita-bapfu ! Twagiramungu, Alias Rukokoma ari hafi gutaha niyo mpamvu atangiye gusambagurika no guta ibita-bapfu !

MUGABO

Twagira ashaje nabi koko. ngo mu Rwanda hazarota intambara ? igihe zitarose se ni ryari ? zose se ntitwazirwanye tukazitsinda ? niba nawe yumva arusha ingabo Habyara cyangws Mudacumura azayishoze sisi tuko tayali kumucapa. cyangws

Adan

Abo bagabo bakunda kuyobora cyane kandi ntabyo bazi yewe ntawakongera kubaha umwanya wo koreka igihugu nako paradizo yacu ! Niba bashaka gutegeka batahuke bajye kuyobora imiryango yabo kuko igihugu gifite ukibereye.

Ben

Ibyo Twagiramungu n'abambari be barimo umuntu yabyita amatakirangoyi cyangwa amaburakindi ! Babonye ko ibyo birirwamo nta musaruro byagira none batangiye kwigaragaza neza bandika izo ngirwabaruwa ! Ejo bazaba batangiye gukubita n'amavi hasi nk'ihene batakamba ! Usuzugura umusumba apfana ubworo !

muti

Umunsi yakize ingengabitekerezo azatahe.uriya musaza aba ashaka gusetsa gusa ariko rero ibyo guseka byararangiye, kuva wavuga ngo wifatanyije na FDLR witaye murwobo kandi ababigushutse baraguseka.kuva wifatanyije nabantu bishe abantu kariya kageni, imana yarakuvumye uzapfa wangara utagira kivurira kuko nabandi bose wabonye ko ariko barangije uhereye kuri so wanyu habyara, na uncle wawe mobutu, nabandi benshi bashiriye mumashyamba ya congo bishwe nindwara y'impiswi....wifatanyije nikibi uzakigwe inyuma.kuva warakoze biriya tuzakurwanya kugeza gupfa kimwe nabandi mutekereza kimwe na FDLR, bizaguhame mbigusabiye kumana isumba byose.


TANGA IGITEKEREZO

Kwamamaza
Kwamamaza
Also in this section
Perezida Kagame yagiranye ibiganiro na mugenzi we w’u Budage

Perezida Kagame yagiranye ibiganiro na mugenzi we w’u Budage

Uko Perezida Kagame yasubije umukobwa w’ Umunya Mali wibaza niba yabona Ubunyarwanda

Uko Perezida Kagame yasubije umukobwa w’ Umunya Mali wibaza niba yabona...

Gilbert Mwenedata nawe yagejeje kandidatire kuri komisiyo y’amatora

Gilbert Mwenedata nawe yagejeje kandidatire kuri komisiyo y’amatora

Komisiyo y’Amatora yakiriye kandidatire ya Dr Frank Habineza

Komisiyo y’Amatora yakiriye kandidatire ya Dr Frank Habineza

Muri Lesotho Thabane yatsinze amatora uwo bahora bagambanirana

Muri Lesotho Thabane yatsinze amatora uwo bahora bagambanirana

NEW POSTS
Ingabo z’u Rwanda zirashakisha Uruhindu abagabye Igitero i Rusizi cyaguyemo umwe, umunani bagakomereka

23-06-2017

Ingabo z’u Rwanda zirashakisha Uruhindu abagabye Igitero i Rusizi...

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba yifuza kuyobora u Rwanda

22-06-2017

Diane Rwigara yaretse NEC ko afite ’ Ubwenegihugu bw’Ububiligi ’ ngo akaba...

Kagame yagaragaje ko yagakwiye kuba ahereza undi ubuyobozi ariko FPR yamusabye ko bakomezanya

21-06-2017

Kagame yagaragaje ko yagakwiye kuba ahereza undi ubuyobozi ariko FPR...

Amabanga y’Ubuto bwa Kagame [ Secrets de Jeunesse ]

20-06-2017

Amabanga y’Ubuto bwa Kagame [ Secrets de Jeunesse ]

RWANDA DAY : Perezida Kagame yabwiye abanyarwanda ko muri raporo zitandukanye u Rwanda rukomeje kuza ku isonga

12-06-2017

RWANDA DAY : Perezida Kagame yabwiye abanyarwanda ko muri raporo...

Bruxelles : Imyiteguro ya Rwanda Day irarimbanije [ AMAFOTO ]

12-06-2017

Bruxelles : Imyiteguro ya Rwanda Day irarimbanije [ AMAFOTO...

Bruxelles : Abarundi benshi n’ Abacongomani batawe muri yombi bazira gutera amabuye abanyarwanda baje kwakira Perezida Kagame

12-06-2017

Bruxelles : Abarundi benshi n’ Abacongomani batawe muri yombi bazira gutera...

Hari impamvu muri PL na PSD koko bagombaga guhitamo Kagame

9-06-2017

Hari impamvu muri PL na PSD koko bagombaga guhitamo Kagame