LATEST NEWS
Politiki
Ukuri guca muziko ntigushye : Ibinyoma bya Reyntjens na France 24 bikomeje gukubitirwa ahareba inzega
Publish Date: dimanche 6 décembre 2015
VISITS :3489
By Admin

Kuri uyu wa Gatatu taliki 02/12/2015, Leta y’u Rwanda ihagarariwe na Ministiri w’imari n’igenamigambi Amb. Claver Gatete yasinyanye amasezerano na Banki y’isi y’inguzanyo ingana na miliyoni $95 (Rwf70 billion), amafaranga agiye gukoreshwa mu kuzamura gahunda za Leta z’iterambere ry’umuturage.

Nkuko byatangajwe na Diarietou Gaye, Umuyobozi muri Banki y’isi mu bihugu bya Kenya, Rwanda, Uganda na Eritrea, Banki y’isi ndetse nawe ku giti cye bishimira intambwe u Rwanda rumaze gutera mu kuzamura abaturage bava m’ubukene.

Yakomeje ashima Leta y’u Rwanda kuri gahunda zayo zigamije kuzahura ubukungu kandi anemeza ko Banki y’isi yishimira gushyigikira u Rwanda ishingiye ku kuba ngo ari intangarugero muri Afurika mu kuba rwarihaye icyerekezo 2020, gahunda mbaturabukungu ya EDPRS igamije kukigeraho, ndetse n’uburyo abaturage ngo bagira iyo gahunda iyabo.



Diarietou Gaye, Umuyobozi muri Banki y’isi mu
bihugu bya Kenya, Rwanda, Uganda na Eritrea

Nkuko imibare yatanzwe muri raporo ku isuzuma ry’imibereho y’Abanyarwanda rya Kane, Integrated Household Living Conditions Survey" (EICV4) ibigaragaza, Abanyarwanda 660,000 bavanywe munsi y’umurongo w’ubukene mu myaka itatu ishize. Ikigereranyo cy’ubukene nacyo cyagabanutseho 5.8%, byongera icyizere ko u Rwanda ruzaba rwarashoboye kurandura burundu ubukene muri 2020.

France 24 iheruka gusohora inkuru ivuga ko Raporo kuri EICV4 igaragaza imibare ibeshya nkana. Filip Reyntjens, Umubiligi w’umwarimu muri kaminuza yari yatangarije France 24 ko umwanzuro wa EICV4 ugaragaza ko ubukene mu Rwanda bwagabanutse ‘umubare munini ku ijana, ariko ngo mu by’ukuri bwiyongereyeho 6%.’

Filip Reyntjens

Reyntjens w’imyaka 63 y’amavuko wagaragaye cyane mu nkuru ya France 24 ishinja u Rwanda ‘gutekinika’ imibare ku kugabanuka kw’ubukene, ni umubiligi wahoze akorana bya bugufi na Habyarimana Juvenal wayoboraga u Rwanda, aho yakoranaga cyane muri rusange n’inzego zitandukanye z’ubutegetsi bw’icyo gihe. Yagize uruhare rukomeye mu itegurwa ry’Itegeko Nshinga ryakoreshwaga ku ngoma ya Habyarimana ryari ryuzuyemo ivangura ry’amoko n’uturere.

Reyntjens ukunze kumvikana kenshi anenga u Rwanda, azwiho cyane gucudika na buri wese uba ufite umurongo utavuga rumwe cyangwa urwanya Leta y’u Rwanda, kuva ingoma ya Habyarimana n’iy’Abatabazi zahirikwa, nyuma y’ihagarikwa rya Jenoside.

Umuntu yakwibaza rero niba France 24 ndetse na Filip Reyntjens barakoze ubushakashatsi burusha ubwa Banki y’isi yo yafashe icyemezo cyo guha u Rwanda amafaranga angana kuriya ishingiye ku mibare bise ko u Rwanda “rwatekinitse”.

Abahora bifuza ko u Rwanda rudatera imbere bazakomeza guseba kuko Banki y’isi ntabwo izagarukira aha gusa kuko ari icyiciro cya mbere cy’amafaranga ahawe Leta y’u Rwanda, hazakurikiraho andi mafaranga angana na miliyoni 80$ nayo azafasha u Rwanda kugera ku cyerekezo 2020 nkuko byategaijwe.

Taliki ya 04/11/215, uhagarariye Ikigega Mpuzamahanga cy’Imari (IMF) mu Rwanda, Laure Redifer, yatangaje ko iki kigo kidafite gushidikanya na mba ku buziranenge bwa Raporo ku isuzuma rya EICV.

Mu kiganiro n’abanyamakuru yatanze afatanyije na Minisitiri w’Imari n’Igenamugambi Amb. Claver Gatete, Umuyobozi wa Banki Nkuru y’u Rwanda John Rwangomba na Komiseri Mukuru muri Rwanda Revenue Authority Richard Tusabe cyari kigamije ahanini kugaragaza ibyavuye mu bushakashatsi bwakozwe n’impuguke za IMF ku bukungu bw’u Rwanda, Laure Redifer yamaganiye kure ibyatangajwe na France 24 agaragaza ko iterambere mu Rwanda rigaragarira amaso ya buri wese, ati "Niboneye n’amaso yanjye impinduka mu Rwanda uko ibihe byagiye bisimburana, mu buryo bushimangira ko iriya mibare ku bukene ibyo igaragaza ari ukuri."

Cyiza Davidson

IBITEKEREZO

TANGA IGITEKEREZO

Kwamamaza
Kwamamaza
Also in this section
Prezida ni muntu ki ?

Prezida ni muntu ki ?

U Rwanda rufashe iya mbere mu mpinduka zigaragara mu mibanire mpuzamahanga.

U Rwanda rufashe iya mbere mu mpinduka zigaragara mu mibanire...

Ni amahirwe kugira Perezida Udasanzwe

Ni amahirwe kugira Perezida Udasanzwe

Uko Perezida Kagame na FPR- Inkotanyi bakoze ibirenze ibitangaza byananiye andi Mashyaka ya Politiki

Uko Perezida Kagame na FPR- Inkotanyi bakoze ibirenze ibitangaza byananiye...

Abahagarariye ’Rwandan Community Abroad of Canada’ berekanye ko nabo ari ’indatangwa mu mihigo’.

Abahagarariye ’Rwandan Community Abroad of Canada’ berekanye ko nabo ari...

NEW POSTS
Ubushinjacyaha bw’u Rwanda bwatangiye iperereza ku ruhare rw’Abafaransa 20 muri Jenoside

3-12-2016

Ubushinjacyaha bw’u Rwanda bwatangiye iperereza ku ruhare rw’Abafaransa 20...

Umuhango wo kwibuka Mucyo Jean de Dieu mu Bubiligi ( AMAFOTO )

2-12-2016

Umuhango wo kwibuka Mucyo Jean de Dieu mu Bubiligi ( AMAFOTO...

Iryavuzwe riratashye : Nahimana yasohoye inyandiko ihakana Jenoside n’abayikoze

30-11-2016

Iryavuzwe riratashye : Nahimana yasohoye inyandiko ihakana Jenoside...

UK : Abanyarwanda barokotse Jenoside babangamiwe n’abayikoze bacyidegembya

30-11-2016

UK : Abanyarwanda barokotse Jenoside babangamiwe n’abayikoze...

Padiri Nahimana arategura imyigaragambyo itemewe kuri Ambasade y’u Rwanda i Buruseli

29-11-2016

Padiri Nahimana arategura imyigaragambyo itemewe kuri Ambasade y’u Rwanda...

Urukiko Ruzemeza Aho Umugogo w’Umwami Kigeli V Uzatabarizwa

28-11-2016

Urukiko Ruzemeza Aho Umugogo w’Umwami Kigeli V Uzatabarizwa

Alice Cyusa yirukanwe k’Ubuyobozi bwa Diaspora Nyarwanda

25-11-2016

Alice Cyusa yirukanwe k’Ubuyobozi bwa Diaspora Nyarwanda

Breaking news - Nairobi : Padiri Nahimana yabujijwe kwinjira mu ndege Nairobi- Kigali

25-11-2016

Breaking news - Nairobi : Padiri Nahimana yabujijwe kwinjira mu ndege...