LATEST NEWS
AMAKURU MASHYA
Democratical Green Party ntishyigikiye Ihindurwa ry’ Itegeko Nshinga
Publish Date: dimanche 3 novembre 2013
VISITS :2787
By admin


Iki gitekerezo cyashimangiwe na Perezida wa Green Party, Dr Frank Habineza mu kiganiro cyatambutse ku ma radio Sango Star, 10, Inkoramutima,Ishingiro,Voice of Africa,Izuba ...

Frank Habineza yatangaje ko Ishyaka rye ridashyigikiye ihindukrwa ry’itegeko nshinga rya Repubulika y’u Rwanda, kandi ko ribona nta mpamvu habaho manda ya gatatu.

Depite Mukama Abbas, mu izina rye bwite n’irya PDI abereye Visi Perezida yavuze ko uko abadepite bagiye bamanuka mu bihe binyuranye bajya kuvugana n’abaturage, hamwe ndetse n’abari muri Diaspora, basanze bashima ubushishozi n’ubushobozi bwa Perezida Kagame bakamusaba kuzaguma kubayobora.

Ku ruhande rwe, Frank Habineza avuga ko itegeko nshinga ryatowe mu gihugu, n’Abanyarwanda bose ritagomba guhinduka, ko manda ebyiri zihagije. Yagize ati : “Nta kibazo dufite kuri Perezida Kagame, ariko manda ebyiri tubona ari izo, uwayoboye akajya mu yindi mirimo”

Dr Frank Habineza yibukije amagambo ya Perezida Kagame ubwo yivugiraga ko aramutse arangije manda ye adafite umusimbura yaba yaratsinzwe, ati rero nta mpamvu PDI yagombye kumuhatira indi manda.

Mukama Abbas mu izina rya PDI avuga ko icyo gitekerezo bakigize kuko inyungu rusange Perezida Kagame ashyira imbere ziri hejuru y’ibindi byose, akaba agomba gukomeza gukorera Abanyarwanda kuko bacyimukeneye.

“Kudashaka manda ya gatatu ya Kagame, ntibivuze ko nta byiza yakoze”

Umunyamabanga Mukuru wa Green Party,Ntezimana Jean Claude yavuze ko kutemera manda ya gatatu bitavuze ko Perezida Kagame nta byiza yakoze, kuko birahari byinshi cyane. Ntezimana ati : “Perezida Kagame yakoze ibikorwa byinshi cyane byagejeje igihugu ku iterambere, tutanibagiwe ko yahagaritse Jenoside. Ariko rero si byiza ko itegeko nshinga rihindurwa.”

Ubwo umunyamakuru Muvunyi Fred yahaga ijambo abaturage bakurikiye ikiganiro ngo batange ibitekerezo kuri iyi ngingo, mu ikubitiro hagaragaye kudahuza, bamwe bati “Nagumeho”, abandi ari nabo babaye benshi bati “Bareke n’abandi bagaragaze impano zabo”. Depite Mukama Abbas yakomeje gushimangira ko itegeko nshinga ryahindurwa binyuze muri Referandumu, ikaba ariyo yarangiza izi mpaka hagati y’abaturage bifuza manda ya gatatu n’abatayifuza.

“Natwe turi tayari kuyobora igihugu”

Yifashishije ingero, Dr Frank Habineza yagaragaje ko n’igihugu cya Zimbabwe cyigeze kugera hejuru cyane mu rwego rw’iterambere, ariko kugundira ubutegetsi bikaba byaracyigushije hasi, avuga ko ntawe uhakana iterambere u Rwanda rufite ubu, ko ariko hari n’abandi bashoboye, nawe ubwe yihereyeho.

Mu magambo ye bwite, Dr Frank Habineza ati : “Twebwe turumva ko nta mpamvu n’imwe ihari yo guhindura itegeko nshinga, nta n’impamvu ihari yo kujya muri referandumu kubaza abaturage ngo nibatore. .. Barinde itegeko nshinga ryacu, …
ntihazagire umuntu wese urihindura.

N’abandi bavuga ko badafite ubushobozi nabo bashobora kubugira, kandi Perezida wacu yarabyivugiye ko aramutse amaze manda ebyiri ntabone umuntu umusimbura yaba yaratsinzwe, kuki mushaka gutsindisha Perezida wacu. Kandi yarakoze ibintu byinshi byiza. Mu ishyaka ryabo FPR harimo abandi bantu, .Perezida wa Repubulika ashobora kugira izindi nshingano zo kugira inama igihugu, Natwe turahari, natwe turi tayari kuyobora igihugu.”

Mukama yakomeje avuga ko ari uburenganzira bwe kutabyemera, ko ariko nabo ari uburenganzira bwabo kumwinginga. Ati : “Nibiba ngombwa tuzasenga cyane, turebe ko yadukundira … ubutegetsi butangwa n’abaturage, bukorera abaturage” Ubwo ikiganiro-mpaka cyakomezaga kurushaho gushyuha, Dr. Frank Habineza yavuze ko niyo ryahinduka byaba byiza imyaka igabanyijwe hakabaho manda ebyiri z’imyaka itanu, kandi zitongerwa, n’ingingo ya referandumu ikavanwamo.

Ntezimana Jean Claude yatanze urugero rwo muri Bibiliya aho umuhanuzi Eliah yavuze ko ari we wenyine usigaye wakorera Imana, nayo ikamubwira ko yifitiye n’abandi bantu ibihumbi birindwi btarapfukamira izindi mana.

Mukama yagize impungenge zo kwanga gutangira bundi bushya, Dr Frank amusubiza atanga ingero z’uburyo inzego zagiye zirushaho kwiyubaka, kandi guhinduka kwa Perezida wa Repubulika ntibikuraho inzego z’igihugu zikorana nawe, kandi zishoboye.
Mu kwanzura, Umunyamabanga Mukuru wa Green Party, Ntezimana Jean Claude yavuze ko n’ubwo itegeko rigomba kumvirwa, ariko ko atari byo byashingirwaho.

Dr Frank Habineza yasabye ko inzego soze bireba zigomba kwirinda ko hbaho impaka ku ihindurwa ry’itegeko nshinga na Referandumu. Mukama Abbas we yashoje asaba ko Imana yabafasha ikoroshya Kagame umutima, akazabemerera kongera kwiyamamaza.

Ikaze Frank/Rushyashya.net

IBITEKEREZO
h

ok

Ange uwamurera

Uretse ko abantu cyane cyane abanyarwanda tutanyurwa mwe mubona habayeho mandat indéterminé tutayimutorera ? Uriya mubyeyi Niki mumushinja kuburyo yavaho ? Twe turamwemera n'iryo tegeko nshinga turifuza ko ryahindurwa wenda rikamuha nkizindi mandat 5. Tuzaritora nawe tumutore

Munyehirwe

President Paul Kagame , Jye ndifuza ko yagumaho , niwe ushoboye kuyobora Igihugu ! Hari ibintu byinshi amaze guhindura , kandi hari nibindi byinshi tumwifuzaho mugihe kirimbere ! Ntawundi ushoboye usibye Paul Kagame !!!

kambanda

President Paul Kagame akwiye indi manda nta mpamvu yo kutongerwa kuko ni twe twishyiriyeho itegeko nshinga ni natwe tugomba kugira uruhare mukurihindura....

kambanda

President Paul Kagame akwiye indi manda nta mpamvu yo kutongerwa kuko ni twe twishyiriyeho itegeko nshinga ni natwe tugomba kugira uruhare mukurihindura....

kambanda

President Paul Kagame akwiye indi manda nta mpamvu yo kutongerwa kuko ni twe twishyiriyeho itegeko nshinga ni natwe tugomba kugira uruhare mukurihindura....


TANGA IGITEKEREZO

Kwamamaza
Kwamamaza
Also in this section
Paris favorable à l’extradition de deux Rwandais accusés de participation au génocide

Paris favorable à l’extradition de deux Rwandais accusés de participation au...

Majorité et opposition refusent un « accord » entre Kinshasa et le M23

Majorité et opposition refusent un « accord » entre Kinshasa et le...

Rubavu:Perezida w’ Inteko yahumurije abaturage

Rubavu:Perezida w’ Inteko yahumurije abaturage

UN : Refugee numbers at highest in 19 years

UN : Refugee numbers at highest in 19 years

Inyurabwenge:Gahunda "Ndi Umunyarwanda" igiye gukwirakwiza hose mu Rwanda

Inyurabwenge:Gahunda "Ndi Umunyarwanda" igiye gukwirakwiza hose mu...

NEW POSTS
Visi Perezida w’u Buhinde yashimye Kagame aho yavanye u Rwanda

22-02-2017

Visi Perezida w’u Buhinde yashimye Kagame aho yavanye u Rwanda

BURUSELI : RNC irimo gucuruza urupfu rwa Col Patrick Karegeya mu gihe umuryango umaze imyaka 5 usaba ubuhungiro uhakanirwa

22-02-2017

BURUSELI : RNC irimo gucuruza urupfu rwa Col Patrick Karegeya mu gihe...

Uganda : Kijuru muri District ya Kibaale Inkambi y’ imyitozo ya Kayumba n’abashaka gutera u Rwanda

21-02-2017

Uganda : Kijuru muri District ya Kibaale Inkambi y’ imyitozo ya Kayumba...

Nyuma y’imyaka 23 atavuga rumwe na leta, Rukerantare wari Maneko wa Habyarimana yagandutse

21-02-2017

Nyuma y’imyaka 23 atavuga rumwe na leta, Rukerantare wari Maneko wa...

RNC –Ishaje yadukanye ’Agashya ’ noneho igeze no mubapfakazi

20-02-2017

RNC –Ishaje yadukanye ’Agashya ’ noneho igeze no mubapfakazi

Impanuro z’Umukuru w’Igihugu Perezida Kagame i Nyagatare

18-02-2017

Impanuro z’Umukuru w’Igihugu Perezida Kagame i Nyagatare

Ibya Dr. Rudasingwa n’abagenzi be Musonera na Ngarambe biteye kwibaza byinshi !

17-02-2017

Ibya Dr. Rudasingwa n’abagenzi be Musonera na Ngarambe biteye kwibaza...