LATEST NEWS
AMAKURU MASHYA
Icyihishe inyuma y’ abapasiteri bakirira ibibazo by’ abakiristu mu ngo zabo
Publish Date: mardi 28 avril 2015
VISITS :7967
By admin

Ni kenshi mu nsengero hatangwa amatangazo avuga ko padiri cyangwa pasiteri azaba bari mu biro mu gihe runaka, bagahamagarira abakirisitu bafite ibibazo bijyanye n’ umwuka ndetse n’ umubiri kubasanga mu biro byabo.

Nubwo hari abakirisitu bemeza ko abashumba bagira uruhare mu kubagira inama mu by’ umwuka ndetse no ku bibazo by’ imibanire y’ abo bashakanye, hari n’ abavuga ko iyo bageze mu biro batangira kuganirizwa ku zindi ngingo.

Abakirisitu b’ igitsinagore bavuga ko bagirira impungenge bagenzi babo bamara igihe kinini ku nsengero no kuri za kiliziya, bakavuga ko baba barimo kugeza ibibazo byabo ku babayobora mu nsengero.

Uretse kuba byateza amakimbirane mu muryango n’ iterambere ryawo rigasubira inyuma ku mpamvu zo kutawitaho, bishobora no gukurura umwuka mubi hagati mu bakirisitu.

Umukirisito wo mu itorero rikomeye mu by’ umwuka hano mu Rwanda waganiriye na Rushyashya ariko akaba ataremeye ko amazina ye ashyirwa ku mugaragaro, yagize ati ʺNi gute umugore yagira ikibazo mu rugo akihutira kujya kwa pasiteri ?ʺ

Yakomeje yibaza impamvu umukirisitukazi yagira ikibazo ntakiganirire umugore wa pasiteri ngo amugire inama cyangwa ngo akamusaba ko yajyana n’ uwo bashakanye bakavuga ibibazo byabo, bityo bakagirirwa inama hamwe kuruta uko umugore yakwiriranwa na pasiteri mu biro.

Iyo utembereye ku masengero amwe n’amwe mu mujyi wa Kigali ndetse no hanze yawo, usanga hari umurongo w’ abafite ibibazo bitandukanye bategereje kubigeza kuri padiri cyangwa pasiteri.

Igiteye impungenge nuko usanga hari umukirisitukazi ugiye akamarana n’ umushumba we cyangwa na padiri iminota irenga mirongo itatu, ejo bikaba uko n’ ejobundi bikagenda bityo, ukibaza ibyo bibazo bya buri munsi n’uburyo uwo wirirwa ku rusengero abayemo bigatera kwibaza ku mpande zombi.

Nyamara nubwo mu bo tuganira bose baterura ngo bavuge akabari ku mutima, ariko bakemanga bagenzi babo birirwa ku nsengero bagisha inama abakuru b’ izo nsengero, ariko bakaba badatinya kuvuga ko bashobora no kugwa mu cyaha cy’ ubusambanyi.

Mu Rwanda hakunze kumvikana amakuru y’ abapasiteri basengera igitsinagore, by’ umwihariko ababuze urubyaro bikabasiga amavuta mu myanya y’ ibanga ari nako babasengera bimwe abanyamadini bita amasengesho yo kubohoka.

Bamwe mu bapasiteri kandi bagira ibyumba by’ amasengesho mu ngo zabo, bagahitamo kubwira abakirisitukazi ko ari ho babasanga bakabasengera ndetse bakanabagira inama ku bibazo by’ imiryango yabo.

Umukiritu twaganiriye ahamya ko ngo muri iyi minsi hateye umwuka w’ ubuhehesi mu bakozi b’ Imana kandi ngo iyo badahehese ntibabura kukwereka ko batumwe n’ Imana ukisanga watanze n’ ubutunzi bwawe.

Mu kwezi kwa Mata 2013 ku itorero rya Zion Temple, uwiyitaga pasiteri akavuga ko yaturutse i Burundi yatawe muri yombi nyuma yo kujya abwira abagore kumusanga iwe ngo bakorane amasengesho yo kubohoka, ariko bikarangira abasambanije.

Umwaka ushize umushumba w’Itorero Alpha na Omega ryabarizwaga ku Muhima mu Mujyi wa Kigali ahazwi nko kuri Yamaha, na we yatawe muri yombi ashinjwa na bamwe mu bayoboke be kubasambanya yitwaje kubagira inama.

Mbona gahunda zitangwa n’abakuru b’ amatorero zigamije kumva no kugira inama abagore n’ abakobwa mu biro byabo, ari ibintu bikwiye kwitonderwa kuko abafite ibibazo hari inzira ndetse n’ abo kugisha inama kandi bitabaviramo guca inyuma abo bashakanye.

Jean Paul Kayitare
Twitter : @KAYITAREJean

IBITEKEREZO
Bandora Charles

Reka bivurwe kuberako biteye kwibaza.Ariko munzira zompi ibintu ni bibiri : harimo ubwambere kwigarurira abayoboke b´igitsinagore babasambanya,ariko hari n´abagabo bivurwa ko nabo baja bagendaga kubibaza !!!!!!bo se ni iki cihishe inyuma : Murebe neza, i burundi haja gushingwa ishyka rya Frodebu rygukanye amatora ya 1993, ntahandi ryavukiye atari munsengero,prezida wacyuye igihe akaba yaratabarutse Bagaza yari yamenye hakiri kare imikorere y´abiyita ba pasiteri na padiri,noneho amaze kubatahura yahise yihutira kugara amashengero cane cane yibasira aba katorika,bamwe muba padiri baranafungwa, kugeza aho Major Pierre Buyoya amukubise hasi akamuheza muri Canada. Iryo shyaka rero rya Ndadaye Melchior yayoboye ngiango amazi make cane,munteruro yaryo ryiswe Sahwanya Frodebu " kuko munsengero ariyo ryashingiye imizi, hari amanama yahuza abayoboke nábapadiri yitwa Inama za Sahwanya. Mubyitondere rero,iyo mibonano y´ubutitsa y´abihaye imana n´abayoboke,iba ikubiyemo byinshi,harimo " no kwankisha abaturage kubuyobozi buba buhari,ibyo ni ibintu twahagazeko,naho ngaho mu Rwanda, urebye iyi nkundura y´abarwanya Leta ntabwo byabura.Murikanure rero,inzego z´umutekano zikore akazi kazo ahandi ho,intama z´imana zishobora kucengezwamo imbungu izababunga. B. Charles Morakoze.

Trust

Ahhhh

nsengumuremyi isidole

bajye basenga ,bagishe inama birinde kujys mubindi

BIHOYIKI DAMIANE

YES ICYO KIBAZO KIRIHOSE KWISIYOSE URUGERO HARI ABAKOBWA.BAGENDA.NGOBAGIYEMUBYUMBA.EJONGO.ARATWITE.,URUGERO ADPR GIHINGA-I-HAMAZEGUSAMA '15 NZI BINYUZE MURIZONZIRA.,NGOBAGIYEGUSENGA NABA CHEL BABO ISI IRASHAJE MURAKOZE,.!- !


TANGA IGITEKEREZO

Kwamamaza
Kwamamaza
Also in this section
Majorité et opposition refusent un « accord » entre Kinshasa et le M23

Majorité et opposition refusent un « accord » entre Kinshasa et le...

Democratical Green Party ntishyigikiye Ihindurwa ry’ Itegeko Nshinga

Democratical Green Party ntishyigikiye Ihindurwa ry’ Itegeko...

Rubavu:Perezida w’ Inteko yahumurije abaturage

Rubavu:Perezida w’ Inteko yahumurije abaturage

UN : Refugee numbers at highest in 19 years

UN : Refugee numbers at highest in 19 years

Inyurabwenge:Gahunda "Ndi Umunyarwanda" igiye gukwirakwiza hose mu Rwanda

Inyurabwenge:Gahunda "Ndi Umunyarwanda" igiye gukwirakwiza hose mu...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...