LATEST NEWS
AMAKURU MASHYA
Interpol yemeje uburyo bushya bwo kugaruza imitungo yabohojwe n’abanyabyaha
Publish Date: mercredi 4 novembre 2015
VISITS :6953
By Admin

Inama ya 84 ya Polisi Mpuzamahanga (Interpol) iteraniye i Kigali yemeje gutangira umushinga mushya uzafasha abanyamuryango mu kugaruza imitungo yagezweho habanje gukorwa ibyaha.

Itangazo rya Interpol rigenewe abanyamakuru rivuga ko ubu bizaba bigoye cyane ku banyabyaha guhisha imitungo bigwijeho binyuze mu byaha runaka.

Ubu buryo buzongerwa mu mpuruza za Polisi ku Isi zisanzwe zizwi nka ‘Notices’, kuko ngo ubusanzwe hari abantu ku Isi byagaragaye ko batunze ibyo baboneye mu bikorwa by’ibyaha (illicit properties), bakabihisha, bigatuma bitoroha kubatahura kabone n’iyo baba bafashwe.

Ku munsi wa kabiri w’iyi nama yabereye mu muhezo, iri tangazo rikomeza rivuga ko iyi mpuruza nshya yitezweho kuzuza ubufasha Interpol ikorera abanyamuryango bayo mu gutahura, kumenya aho imitungo yagezweho kubera ruswa n’ibindi byaha iherereye no kuyifata.

Mu gushakisha imitungo yagezweho binyuzwe mu bikorwa by’ibyaha, ubusanzwe Interpol yagenderaga ku ihanahana ry’amakuru ku Isi hose, aho hari impuguke mu kugaruza imitungo mu bihugu 115 ; bakoresha tekinike zitandukanye z’iperereza dore ko bagenda batanga amahugurwa hirya no hino mu bya ruswa no kugaruza imitungo.

Muri iri tangazo baragira bati “Mu kugaruza imitungo ni kimwe mu byaganiriweho mu nama y’ibihugu byo ishami rya Loni rishinzwe kurwanya ruswa yabereye mu Burusiya muri iki cyumweru, icyemezo cya Interpol cyo kurushaho kugaragaza akamaro k’imikoranire mpuzamahanga mu kugaruza imitungo no kurwanya abanyabyaha ngo bigwizeho imitungo binyuze mu byaha.”

Inama iteganyijwe mu Buhinde muri uku kwezi na yo yateguwe na Interpol izagaruka kuri iki kibazo cyo kugaruza imitungo yabohojwe.

Mu bindi biganirwaho muri iyi nama izasozwa kuri uyu wa Kane, harimo ibibazo bihangayikishije Polisi byambukiranya imipaka cyane nk’iterabwoba, ibyaha bikorwa n’amatsinda atandukanye mu icuruza ry’ibiyobyabwenge no gucuruza abantu, ndetse n’ibyaha byifashishije ikoranabuhanga.

Izuba rirashe

IBITEKEREZO

TANGA IGITEKEREZO

Kwamamaza
Kwamamaza
Also in this section
Majorité et opposition refusent un « accord » entre Kinshasa et le M23

Majorité et opposition refusent un « accord » entre Kinshasa et le...

Democratical Green Party ntishyigikiye Ihindurwa ry’ Itegeko Nshinga

Democratical Green Party ntishyigikiye Ihindurwa ry’ Itegeko...

Rubavu:Perezida w’ Inteko yahumurije abaturage

Rubavu:Perezida w’ Inteko yahumurije abaturage

UN : Refugee numbers at highest in 19 years

UN : Refugee numbers at highest in 19 years

Inyurabwenge:Gahunda "Ndi Umunyarwanda" igiye gukwirakwiza hose mu Rwanda

Inyurabwenge:Gahunda "Ndi Umunyarwanda" igiye gukwirakwiza hose mu...

NEW POSTS
Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...

Afurika y’Epfo : Umunyarwanda yishwe atwikiwe mu nzu azira umugore w’abandi

18-03-2017

Afurika y’Epfo : Umunyarwanda yishwe atwikiwe mu nzu azira umugore...

RNC –NEW : Rudasingwa Theogene yiyemeje kwiyegereza no gushakira imibereho mu butinganyi

17-03-2017

RNC –NEW : Rudasingwa Theogene yiyemeje kwiyegereza no gushakira imibereho...

Kigali : Ubutinganyi bwafashe indi ntera

17-03-2017

Kigali : Ubutinganyi bwafashe indi ntera

Gloria Kayitesi Umugore wa Lt. Joel Mutabazi arafatanya na Kayumba mu bikorwa byo guhungabanya umutekano w’u Rwanda

14-03-2017

Gloria Kayitesi Umugore wa Lt. Joel Mutabazi arafatanya na Kayumba mu...

Nta terambere rishoboka bikozwe n’umuntu umwe kabone nubwo yaba Perezida-Kagame

13-03-2017

Nta terambere rishoboka bikozwe n’umuntu umwe kabone nubwo yaba...

Ibitekerezo bya Ange Kagame ku ruhare rw’urubyiruko mu guhashya icyorezo cya Sida

13-03-2017

Ibitekerezo bya Ange Kagame ku ruhare rw’urubyiruko mu guhashya icyorezo cya...