LATEST NEWS
AMATEKA
Kayitare Jean Marie yavukanye n’ abana 8 asigaye ari we nyine
Publish Date: lundi 12 mai 2014
VISITS :431
By admin

Kayitare Jean Marie, umwana wa Bucyana Agustin, na Nyirabitama Donatille, yavukiye I Rwaniro ya Rusatira mu mwaka w’ I 1978 mu muryango w’ abana 8.

Mu rwego rwo kwibuka ku nshuro ya 20, yatangarije Rushyashya.net ko mu bana 8 bavukanaga asigaye we nyine kuko abavandimwe be bose hamwe n’ ababyeyi be bombi bishwe muri jenoside yakorewe abatusti muri 1994.


Kayitare yacitse ku icumu ate ?

Bitewe ni uko Leta ya Habyalimana yabuzaga abatutsi kwiga , mu mwaka w’ I 1994, Kayitare abigiriwemo inama na mubyara we bazanye mu Mujyi wa Kigali agamije gushaka ishuli kuko yari yarangije amashuli ye abanza.

Ibyo ntibyashobotse kuko n’ ubundi icyo yahunze I Butare ni nacyo yaje gusanga I Kigali ntibamwereye kwiga bitewe n’ ubwoko bwe.

Kayitare amaze kwitegereza ko nta mahirwe yo kwiga agifite yatangiye kujya akora ubucuruzi buciriritse kugira ngo abashe kwirwanaho bityo abone amaramuko.

Ntihashize amezi menshi kuko indege ya Perezida Habyalimna yahise ihanurwa, jenoside igitangira gukara , Kayitare yaje kuraswa ku kuboko aza kwigira inama yo guhungira muri ambasade ya Tanzania kuko nta myaka yo gufata indangamuntu yari afite k’ uburyo hari umuntu wari kumushinja ubututsi ako kanya.

Kayitare wari ukiri ingimbi aho muri ambasade yirariraga mu kimodoka gipfuye nta muntu umwitayeho kuko n’ Interahamwe zitarengaga umuryango w’ ambasade.

Jenoside yarahagaritswe, mu kwezi kwa cumi 1994, Kayitare yafashe umwanzuro wo kujya gusura umuryango we I Rwaniro muri Komini Rusatira ariko ahageza yasanze ababyeyi be ndetse n’ abavandimwe be bose uko ari 7 barishwe.

Ashatse no kubaza abaturanyi be barimo n’ interahamwe ahubwo baramumenesheje hafi yo kumwica bagamije gusiba ibimenyetso no kumwambura amatongo.

Ku irengero ry’ umuryango we, Kayitare yadutangarije ko azi gusa ko bishwe muri jenoside ariko akaba atazi aho baguye kuko nta makuru runaka ahabwa.

N’ ubwo bimeze bityo ; Kayitare akomeza kwishyiramo ko abe bari mu nzibutso zose ziri aho hafi za Songa, Ruhashya n’ ahandi.

Kayitare JMV


Nk’ umuntu wacitse ku icumu rya jenoside yakorewe, Kayitare ageze kuki ?

Mu buhamya bwe, kimwe n’ abandi bana bari bacitse ku icumu , Kayitare yadutangarije ko bakomeje kuba mu icuraburindi kugeza muri 2008 ubwo Arsène KABALISA yaje kuyobora umurenge wabo agatangira kubarema imitima, anabashyigikira cyane mu rwego rwo kwiyubaka no gutegura ejo habo heza hazaza.

N’ ubwo Kayitare Jean Marie atashoboye kwiga kubera mateka mabi yagwiririye u Rwanda ashingiye k’ ubuyobozi bubi bwavanguraga amoko , ubu ni umugabo ufite ibitekerezo byubaka afite inzu , masambu , inka zisaga 60 , n’ abakozi bahoraho bagera ku 5.

Ni umucuruzi ukorera mu Mujyi wa Kigali, mu rwego rwo kwihugura no kwiteza imbere, hejuru yo kuba azi ikinyarwanda neza, Kayitare yabashije kwiga Indimi zirimo icyongereza n’ igiswahili ndetse akaba anemera ko n’ ubwo u Rwanda rwabonye amahano menshi ,Imana irufitiye umugambi mwiza.

Ikaze Frank/Rushyashya.net

IBITEKEREZO

TANGA IGITEKEREZO

Kwamamaza
Kwamamaza
Also in this section
Itorero Ingeli y’ Abeza gahunda yaryo ni ukugaragaza umuco nyarwanda wuzuye

Itorero Ingeli y’ Abeza gahunda yaryo ni ukugaragaza umuco nyarwanda...

Amateka : ”Gatebegatoki ya Gahutu na Gatutsi mu Gihugu cya Kanyarwanda”-Mr.Niyomugabo N.

Amateka : ”Gatebegatoki ya Gahutu na Gatutsi mu Gihugu cya Kanyarwanda”-Mr.Niyomu

Amb Eugène Gasana et les cérémonies de Kwibuka 20 à New York ; Côté compensations non effleuré

Amb Eugène Gasana et les cérémonies de Kwibuka 20 à New York ; Côté...

Muhanga:Yashatse kwiyahura inshuro 10 bitewe no kwibuka Abatutsi yishe muri Mata 1994

Muhanga:Yashatse kwiyahura inshuro 10 bitewe no kwibuka Abatutsi yishe muri...

NEW POSTS
Perezida Kagame yasabye ko kubwira abakobwa bagiye gushyingirwa ko bazahura n’ibibazo bikwiye gucika

23-04-2017

Perezida Kagame yasabye ko kubwira abakobwa bagiye gushyingirwa ko bazahura...

Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...