LATEST NEWS
AMATEKA
Nyanza : Hateguye igitaramo gishingiye ku muco n’ amateka
Publish Date: lundi 22 décembre 2014
VISITS :305
By admin

Ubuyobozi bw’ akarere ka Nyanza bwatangaje ko bwateguye igitaramo Ndangamuco Nyarwanda kiswe “ Nyanza Twataramye !” kizaba tariki ya 26 Ukuboza 2014 ku nzu ndangamurage y’ u Rwanda iherereye mu murenge wa Busasamana-Rwesero.

Mu kiganiro n’ abanyamakuru kuri uyu wa mbere tariki ya 22 Ukuboza 2014, umuyobozi w’ akarere ka Nyanza bwana Abdallah Murenzi yavuze ko iki gitaramo kizaba mu rwego rwo gukomeza gusigasira no guhererekanya indangagaciro, umuco n’ amateka biranga abanyarwanda.

Ati : “Duharanira ko u Rwanda rw’ ejo hazaza ruzashingira ku mateka n’ umuco byarwo.”

Nkuko yakomeje abitangaza, Murenzi avuga ko kuri uwo munsi hateganijwe imyidagaduro ndetse na bimwe mu byarangaga abanyarwanda bo mu gihe cya kera.

Ati : “Igitaramo kizabimburirwa n’ imyidagaduro mu mikino itandukanye izakurikirwa n’ ibikorwa bitandukanye biranga umuco nyarwanda birimo kumurika inyambo, kunyabanwa, kurushanwa guhamya intego (kumasha), gusangira ifunguro gakondo, imbyino gakondo tubifashijwemo n’ itorero Inyamibwa na Gakondo Group, n’ abandi…, hakazatangwa n’ ikiganiro ku mateka n’ umuco nyarwanda.”

Umunyamabanga wa leta muri Minisiteri y’ umuco na siporo bwana Edouard Kalisa avuga ko umuco ufasha abantu guhinduka mu mitekerereze ikindi kandi asaba abakora ubuhanzi bushingiye ku muco ko babukora mu buryo bubinjiriza amafaranga batagamije guhunga imisoro.

Umuyobozi mukuru w’ ikigo cy’ ingoro z’ igihugu z’ umurage w’ u Rwanda Alphonse Umulisa ahamya ko igitaramo Nyanza Twataramye ! Kizabafasha kumenyekanisha ingoro ndangamurage z’ u Rwanda.


Uhereye ibumoso ni Meya Murenzi Abdallah, Edopuard Kalisa umunyamabanga wa leta muri MINISPOC na Alphonse Umulisa umuyobozi mukuru wa NIMR.

Akomeza kandi asaba abayobozi b’ uturere gutera ikirenge mu cy’ umuyobozi w’ akarere ka Nyanza bwana Abdallah Murenzi kugira ngo na bo batangize ibitaramo nk’ ibi mu turere bayoboye.

Akarere ka Nyanza, igicumbi cy’ umuco n’ amateka nyarwanda haboneka ingoro y’ Umwami III Rudahigwa, Ingoro y’ ubugeni n’ umusezero w’ umwami Mutara Rudahigwa ndetse n’ ibindi byiza biranga amateka yo mu gihe cya kera n’ aya vuba byose bizingatatiye amateka n’ umurage nyarwanda.

Nyanza Twataramye ! Igitaramo Ndangamuco Nyarwanda cyateguwe na Akarere ka Nyanza ku bufatanye na Minisiteri y’ umuco na Siporo, Ikigo cy’ igihugu cy’ iterambere (RDB) n’ ikigo cy’ ingoro z’ igihugu z’ umurage w’ u Rwanda (NIMR). Iki gitaramo ni ngarukamwaka nkuko byatangajwe na meya wa Nyanza.

Jean Paul Kayitare / Rushyashya.net
kaypaul202@yahoo.fr

IBITEKEREZO
Imenagitero moses

Nkora ikiganiro Umuco namateka kuri flash FM nkeneye imikoranire na nyanza murakoze

Imenagitero moses

Nkora ikiganiro Umuco namateka kuri flash FM nkeneye imikoranire na nyanza murakoze


TANGA IGITEKEREZO

Kwamamaza
Kwamamaza
Also in this section
Kayitare Jean Marie yavukanye n’ abana 8 asigaye ari we nyine

Kayitare Jean Marie yavukanye n’ abana 8 asigaye ari we nyine

Amateka : ”Gatebegatoki ya Gahutu na Gatutsi mu Gihugu cya Kanyarwanda”-Mr.Niyomugabo N.

Amateka : ”Gatebegatoki ya Gahutu na Gatutsi mu Gihugu cya Kanyarwanda”-Mr.Niyomu

Amb Eugène Gasana et les cérémonies de Kwibuka 20 à New York ; Côté compensations non effleuré

Amb Eugène Gasana et les cérémonies de Kwibuka 20 à New York ; Côté...

Muhanga:Yashatse kwiyahura inshuro 10 bitewe no kwibuka Abatutsi yishe muri Mata 1994

Muhanga:Yashatse kwiyahura inshuro 10 bitewe no kwibuka Abatutsi yishe muri...

NEW POSTS
Ibimenyetso bishya ku ihanurwa ry’Indege ya Habyarimana : Imbunda yakoreshejwe irasa missile yafatiwe muri Congo

27-02-2017

Ibimenyetso bishya ku ihanurwa ry’Indege ya Habyarimana : Imbunda...

Amaraso arasama : Kayumba yataye umutwe asigaye arara kumva ya Karegeya

26-02-2017

Amaraso arasama : Kayumba yataye umutwe asigaye arara kumva ya...

Umugororwa Rugamba Jovin arashakishwa uruhindu kubera gutoroka gereza nshya ya Mageragere

26-02-2017

Umugororwa Rugamba Jovin arashakishwa uruhindu kubera gutoroka gereza...

Uko Dusabe Therese nyina wa Victoire Ingabire yoretse imbaga i Butamwa

25-02-2017

Uko Dusabe Therese nyina wa Victoire Ingabire yoretse imbaga i...

Guverinoma y’Icyuka isa n’abana batoba akondo

24-02-2017

Guverinoma y’Icyuka isa n’abana batoba akondo

Hagati ya leta ya CNDD-FDD n’ Inshuti yayo Mkapa harimo utavugisha ukuri

23-02-2017

Hagati ya leta ya CNDD-FDD n’ Inshuti yayo Mkapa harimo utavugisha...

Kugirango u Rwanda rugire amahoro ni uko Abafaransa bava muri Uganda, ese birashoboka ?

23-02-2017

Kugirango u Rwanda rugire amahoro ni uko Abafaransa bava muri Uganda, ese...

Visi Perezida w’u Buhinde yashimye Kagame aho yavanye u Rwanda

22-02-2017

Visi Perezida w’u Buhinde yashimye Kagame aho yavanye u Rwanda