LATEST NEWS
IYOBOKAMANA
"Icyo Imana yakwanditseho ntawe uriho wagihindura" Rev. Pst Rwagasana Tom
Publish Date: dimanche 1er novembre 2015
VISITS :502
By Admin

Itang. 25:29-34 Bukeye Yakobo ateka imboga, Esawu arinjira avuye mu ishyamba, akoza. Esawu abwira Yakobo ati "Ndakwinginze, ngaburira ku bitukura utetse, kuri ibyo bitukura byawe, kuko nkoza."

Ni cyo cyatumye yitwa Edomu. Yakobo aramusubiza ati "Keretse twagura ubutware bwawe uyu munsi." Esawu aramusubiza ati"Ubu se ko ngiye gupfa, ubwo butware bumariye iki ?"

Yakobo aramubwira ati"Ndahira uyu munsi." Aramurahira, agurisha Yakobo ubutware bwe. Yakobo aha Esawu umutsima n’ibishyimbo yatetse, ararya aranywa, arahaguruka arigendera. Uko ni ko Esawu yasuzuguye ubutware bwe.

1 Abami 21:3-6 Naboti abwira Ahabu ati "Biragatsindwa n’Uwiteka kuguha gakondo ya ba sogokuruza banjye." Maze Ahabu ataha afite agahinda n’uburakari, ku bw’ijambo Naboti w’i Yezereli yamubwiye ngo "Sinaguha gakondo ya ba sogokuruza banjye."

Nuko aryama ku gisasiro cye yerekeye ivure, yanga kugira icyo afungura. Hanyuma umugore we Yezebeli araza aramubaza ati"Ni iki kiguteye agahinda kikakubuza kurya ?" Na we aramusubiza ati "Ni uko navuganye na Naboti w’i Yezereli nkamubwira nti ’Mpa uruzabibu rwawe turugure ifeza, cyangwa washaka naguha urundi mu cyimbo cyarwo.’ Na we akansubiza ati ’Sinaguha uruzabibu rwanjye.’ "

Mukundwa, Komera ku murage wawe. Iyo ugucitse kuwugarura ntibyoroha.

Umusaza umwe yari ageze mu za bukuru, abe babona yenda gusaza baramubwira bati ko utaraga kandi hageze ? Asubiza ko atabura icyo kuraga abana be ariko ko yumva yaba abipfushije ubusa kuko yabonaga ari abana b’abapfu.

Pasitori ati "ndabazi rwose, abo bantu umuvumo wa se warabakurikiranye. Nidukomere ku murage wacu turinde agaciro kacu."

Kubwo kwizera natwe turi abaragwa b’umugisha wa bene Aburahamu. Bene Isaka, Esawu na Yakobo barwaniye mu nda ya nyina, Rebeka amenya ko mu nda ye harimo amahanga abiri. Ubundi umwana w’imfura niwe uvukana ubutware. Umukuru, Esawu yibera umuhigi, umutoya yibera umuhinzi ariwe Yakobo kandi yabaye umutoni kuri nyina.

Igihe cyo gupfa cya Isaka kigeze abwira Esawu ati nzanira ibyo kurya ku muhigo wawe wo mu ishyamba nguhe umugisha nipfire. Nyina abimenye nawe arya Yakobo akara ngo abe ariwe wibonera umugisha mu mwanya wa mukuru we.

Nyina yiyaturaho ko umuvumo w’icyo kinyoma umubaho ! Yakobo yumviye inama ya nyina abona umugisha mu mwanya wa Esawu.

Esawu aza byarangiye ababazwa n’ibyo nyamara ntiyibuka ko ariwe ubwe wari wagurishije umugisha we n’umuvandimwe we kubw’ibyo kurya bitukura gusa. Abakristo benshi bagurana umurage wabo bakora ibyangwa n’Imana ngo ni uko ntawe ubareba.

Yakobo amaze kumenya ko umuvandimwe we amuhiga aramuhunga ajya kwa Labani. Nubwo yahunze ariko umugisha we yajyanye nawo.

Ahigira Imana ko nigendana nawe bakagarukana amahoro ko azayitura mu byo azaronka. Kwa Labani baramugoye ariko biba iby’ubusa akomeza kuba umunyamugisha.

Mu nzira atahuka ahura na Marayika akirana nawe yanga kumurekura atabonye umugisha. Umugisha ukomeye yabonye ni uko yahinduriwe izina. Mukundwa, ukwiye guhindurirwa izina !

Umwami Ahabu akunze uruzabibu Naboti arumusaba amwinginga ko yamuha n’ikiguzi, Naboti ati biragatsindwa sinaguha gakondo ya ba sogokuruza banjye. Nyamara se twe ni kangahe tugurana impano zacu inyungu z’akanya gato ?!

Umurage ukomeye twahawe ni agakiza twahawe n’Imana. Umwami bimutera uburakari aryama ku gisasiro cye yerekeye ivure, yanga kugira icyo afungura.

Pastor ati ababyeyi banjye barebye igihagararo cyanjye mfite imyaka 16 bashaka kunshyingira,nanjye ndabyakira. Ariko umuntu umwe angira inama ngo ndeke ibyo njye ku ishuri.

Iyo nama nubwo yari ikomeye ndayemera ninginga data mwemerera ko nzikwera aza kwemera. Imana ishimwe ko nabibashije kandi bikampa gusingira ejo heza hanjye ikangira umugabo ; ikaba yaranyubakiye mu cyubahiro ntaguranye umurage wanjye kwemera ibyari kunyorohera mu gihe narimo. Kubw’umugambi w’Imana nubwo ntari nywuzi, nakomeye ku murage wanjye.

Yezeberi yemera kwicisha Naboti kugira ngo akunde anezeze umugabo we Ahabu. Umwami Ahabu byaramugarutse apfa nabi ku gasozi, imbwa zirigata amaraso ye.

Mwenedata, nubwo byaba bikomeye bingana iki, komera ku murage wawe ntiwemere kuwugurana iby’agaciro k’akanya gato.

Mwenedata, nubwo ibyo wakoze byaba bitukura tukutuku, amaraso ya Yesu arakweza rwose were. Imana iguhe umugisha kubwo kumvira iri jwi ryiza.
Amen.

Rev. Pst RWAGASANA Tom

IBITEKEREZO
Murakoze,kubwijambo Muduhaye.

Muragahora Mutwigisha.


TANGA IGITEKEREZO

Kwamamaza
Kwamamaza
Also in this section
Ntibishoboka, Ijambo Imana itarigera ikoresha - Dr Fidèle Masengo

Ntibishoboka, Ijambo Imana itarigera ikoresha - Dr Fidèle Masengo

Amateka y’uko Umwuka Wera yamanukiye bwa mbere mu Bigutu mu karere ka Rusizi- Yubile

Amateka y’uko Umwuka Wera yamanukiye bwa mbere mu Bigutu mu karere ka...

"Igihe cyawe kirasohoye" Dr Bishop Fidèle Masengo

"Igihe cyawe kirasohoye" Dr Bishop Fidèle Masengo

Uganda : Abafite ubumuga bwo kutumva basenga bate ?

Uganda : Abafite ubumuga bwo kutumva basenga bate ?

"Igipimo cyo gukiranuka kwawe" Bishop Masengo Fidele

"Igipimo cyo gukiranuka kwawe" Bishop Masengo Fidele

NEW POSTS
Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...