LATEST NEWS
IYOBOKAMANA
"Igipimo cyo gukiranuka kwawe" Bishop Masengo Fidele
Publish Date: jeudi 22 octobre 2015
VISITS :376
By Admin

Nk’umuntu ukora umwuga w’ubwarimu nasanze impamvu abantu benshi batsindwa mu bizamini n’uko umunyeshuri atari we utegura ikizamini ahubwo gitegurwa na Mwarimu, akaba ari na we ushyiraho igipimo cy’ubumenyi gisabwa umuntu kugira ngo atsinde.

Iyaba abakora ibizimani ari bo babiteguraga, bakagena amanota baha buri kibazo, bakanikosora. Nta muntu wari gusubira mu ishuri. Ariko nk’uko mubizi Mwarimu ubaza akanakosora si we munyeshuri.

Mu gihe cya Yesu, abafarisayo n’abanditsi bari bazi idini mu buryo budasubirwaho ! Bari baraminuje mu mategeko y’idini...bari abantu bayubahiriza ndetse bayaziririza cyane isabato yabo ndetse n’andi mategeko byari bikaze.

Yesu wari uzi neza imigenzo n’amabwiriza bari bafite abatangaho igipimo ku nyigisho ye yo gukiranuka. Niko kubabwira ati Matayo 5:20 - "Kandi ndababwira yuko gukiranuka kwanyu nikutaruta ukw’abanditsi n’ukw’Abafarisayo, mutazinjira mu bwami bwo mu ijuru."

Uwumvise Yesu avuga aya magambo wese wari uzi abafarisayo n’abanditsi yumvise neza ukuntu ijuru rigoye.

Abafarisayo n’abanditsi bafatwaga nk’ibitangaza, ni bo bari abakozi b’Imana abantu batangagaho ingero. Nyamara Yesu yahinyuye iyi mitekerereze. Hari ibintu 4 nize muri iki cyanditswe :

1) Ugukiranuka Imana ishaka si ugushimwa gusa n’abantu ! Nasanze akenshi abantu babuza umuntu kwimenya.

Umukristo nyawe ntiyirebera gusa ku byo abantu bamuziho yirebera ku gipimo cy’Ijambo ry’Imama. N’ubwo yaba ashimwa n’abantu hanze aha yibaza ko Imana imwishimira.

2) Ugukiranuka Imana ishima kubakiye ku bitagaragara...ntabwo ari ibyo abantu bareba ahubwo ku byo Imana ireba ; umutima ukunda, ubabarira, uca bugufi utabika inzika utikakaza ! Abafarisayo n’abanditsi bari baramunzwe n’ubwibone bazi ko aribo bakizwa.

Nyamara Yesu yabashakagaho igipimo cyisumbuye cyo gukiranuka.

3) Ubukiranutsi Imana igushakaho bwubakiye kuwo uri aho gushyingira kubyo ukora. Wumvise imvugo y’abakristo benshi muri iki gihe, ukagenzura neza usanga abo twita abakristo bose ataribo.

Benshi baracyarangwa no gusebanya no gusenyana no kwangisha abantu abandi.

4) Ubukiranutsi Imana igushakaho bwubakiye ku guhinduka nyako aho kwishushanya. Imana ikuzi uko uri. Ntacyo bimaze kugaragara uko utari.

2 Timoteyo 2:19 - Nyamara urufatiro rukomeye rw’Imana ruracyahagaze, rwanditsweho iki kimenyetso ngo "Uwiteka azi abe", kandi ngo "Umuntu wese uvuga izina ry’Uwiteka ave mu bidatunganye."

Suzuma agakiza kawe, suzuma imbuto wera, suzuma umutima wawe [...] Isuzume ! Imana ireba mu byumba by’umutima irakuzi. Ufate uyu munsi witekerezeho uhindure ibigomba guhinduka.

Dr. Fidèle Masengo, Foursquare Church Kimironko

IBITEKEREZO
Gilbert

Imana iguhe umugisha ku nyigisho nziza,none mwoshobora kuza murandungikira ben izi nyigiho ?kuko numva hari andi hantu zinshikanye,Imana ibahe umugihsa.

iyandemye jean neoomucsene

ndagushimiye muyobozi wacu nange nd'ibujumbura muri fours puare Buterere nejerejwe nubutumwa bwawe


TANGA IGITEKEREZO

Kwamamaza
Kwamamaza
Also in this section
Ntibishoboka, Ijambo Imana itarigera ikoresha - Dr Fidèle Masengo

Ntibishoboka, Ijambo Imana itarigera ikoresha - Dr Fidèle Masengo

Amateka y’uko Umwuka Wera yamanukiye bwa mbere mu Bigutu mu karere ka Rusizi- Yubile

Amateka y’uko Umwuka Wera yamanukiye bwa mbere mu Bigutu mu karere ka...

"Igihe cyawe kirasohoye" Dr Bishop Fidèle Masengo

"Igihe cyawe kirasohoye" Dr Bishop Fidèle Masengo

"Icyo Imana yakwanditseho ntawe uriho wagihindura" Rev. Pst Rwagasana Tom

"Icyo Imana yakwanditseho ntawe uriho wagihindura" Rev. Pst Rwagasana...

Uganda : Abafite ubumuga bwo kutumva basenga bate ?

Uganda : Abafite ubumuga bwo kutumva basenga bate ?

NEW POSTS
Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...

Perezida Kagame yasabye RDF gukomeza intego ko Jenoside itazongera kubaho

10-04-2017

Perezida Kagame yasabye RDF gukomeza intego ko Jenoside itazongera...