LATEST NEWS
MU KARERE
Coup d’ Etat iKinshasa : Joséph Kabila ari mu bwihisho
Publish Date: mercredi 21 janvier 2015
VISITS :5251
By admin

Amakuru dukura kumbuga za internet zitandukanye aravuga ko ishyamba atari ryeru i Kinshasa mu murwa mukuru wa Congo.

Mu gitondo cyo kuwa kabiri inteko ishingamategeko y’icyo gihugu umutwe wa sena yagombaga guterana kugira ngo isuzume umushinga w’itegeko ryo gukoresha ibarura rusange ry’abaturage muri icyo gihugu mu rwego rwo gutegura neza amatora y’umukuru w’igihugu yo mu mwaka w’2016.


Uyu ni général Kanyama Joseph Kabila yasigiye ubuyobozi bw’umujyi wa Kinshasa.

Uwo mushinga wemejwe n’abadepite bashyigikiye Joseph Kabila. Amashyaka atavuga rumwe n’ubutegetsi yahamagariye abaturage kwigaragambya bakarwanya iryo tegeko kuko rishobora kuzatuma Kabila asubika igihe cy’amatora. Hari amakuru avuga ko abantu 3 bari bamaze kwitaba Imana kubera iyo myigaragambyo, itumanaho rya interneti, telephone na televisiyo i Kinshasa ryahagaze, amakuru ataremezwa neza akaba avuga ko Général Kanyama ariwe kabila yahaye ububasha i Kinshasa uretse ko amakuru amwe yemezako uyu mu Général ariwe wafashe ubuyobozi bw’igihugu ; Joseph Kabila akaba ari mu bwihisho ahantu hatazwi mu mujyi wa Rubumbashi !

Iyi myigaragambyo yatangiye kuwa mbere taliki ya 19/01/2015 igwamo abantu bane harimo abapolisi 2 ; mu gihe iyo myigaragambyo yabaga nibwo perezida w’igihugu cy’Angola Edoardo do santos yari yasuye Kabila i Kinshasa.

Kuri uwo munsi wa kabili ntabwo ibintu byari bikomeye cyane nko kuwa mbere bitewe ni uko itumanaho i Kinshasa leta yarihagaritse, ariko ntibyabujije ko ibikorwa byo kwigaragambya harimo n’ubusahuzi bikomeza !

Andi makuru avugako Indege ya compagnie Air France yagombaga kujya i Kinshasa yasubitse urugendo rwayo iguma i Paris kuburyo abagenzi baheze ku kibuga cy’indege mu Bufaransa, iyo ndege ikaba yagombaga kuzana umuyobozi w’umujyi wa Kinshasa uri mu Bufaransa ariko nawe akaba yaheze ku kibuga k’indege i Paris !

Amasoko n’amaduka menshi i Kinshasa ari gusahurwa n’abigaragambya, abantu bari kugenda n’amaguru i Kinshasa kuko uburyo bwo gutwara abantu (tagisi) bwahagaze, hirya no hino mu mujyi hari kumvikana urusaku rw’amasasu.

Amakuru menshi ava i Kinshasa aremeza ko Général Kanyama ariwe ubu uri kuyobora i Kinshasa , Joseph Kabila abantu bakaba batazi irengero rye ; ikibazo gikomeye ni uko abasilikare n’abapolisi mu mujyi wa Kinshasa banze kwemera ubutegetsi bwa Général Kanyama, ubu mu duce twinshi tw’umujyi wa Kinshasa hakaba hari kubera utunama tw’abasilikare n’abapolisi mu bwihisho kugira ngo barwanye ubutegetsi bwa Général Kanyama.

Uyu Général Kanyama kimwe n’uwitwa Oleko bashinjwa n’impunguke za ONU kugira uruhare mu bikorwa byo kwica abaturage mu mvururu zo ku italiki ya 26/11/2011.

Abakongomani benshi baremeza ko Kabila yihishe mu mujyi wa Rubumbashi, akaba yanze kuva kubutegetsi ni ubwo abasilikare bakuru benshi bamukuyeho amaboko ndetse n’abantu benshi bo mu muryango we kimwe na ministre w’intebe Matata Ponyo bakaba bitandukanyije na Kabila.

Amakuru akomeje kunyuranamo i Kinshasa akaba yemeza ko Joseph Kabila yemereye Général Kanyama na Charles Oleko gufata ubuyobozi bw’uwo mujyi ngo bagarure ibintu mu buryo , nyuma Kabila akazajya yagaruka kubuyobozi.

Kuba Joseph Kabila yahaye ubuyobozi bukuru bw’umujyi wa Kinshasa Général Kanyama ni ukugira ngo uyu mu general ashobore gutuma inzego z’ubuyobozi muri uwo mujyi zishobora gukora uko bikwiye, uyu mu general akaba azwiho gukoresha iterabwoba kuburyo bukomeye.

Abakurikiranira hafi ibiri kubera i Kinshasa barasanga ibintu bishobora guhinduka nk’ibyo mu gihugu cya Burukinafaso, Joseph Kabila akava kubutegetsi mbere y’uko manda ye irangira mu mwaka w’2016.

Ubwanditsi.

IBITEKEREZO
PABLO

inkuru yanyu ntisobanutse. Nimutubwire aho mukura ayo makuru kuko mwe muri I kigali. Murakoze

nabandi baperezida barebereho ibiberaDRC.


TANGA IGITEKEREZO

Kwamamaza
Kwamamaza
Also in this section
Burundi : Abatari bacye bakomeje gupfa abandi barakomereka bikomeye

Burundi : Abatari bacye bakomeje gupfa abandi barakomereka bikomeye

Uganda : Umwana w’ imyaka 2 yakorewe ibikorwa bya kinyamaswa

Uganda : Umwana w’ imyaka 2 yakorewe ibikorwa bya kinyamaswa

Kikwete na Nkurunziza Petero bashyizeho imipaka

Kikwete na Nkurunziza Petero bashyizeho imipaka

Mu gushakira amahoro akarere abadepite ba EAC barahurira Arusha

Mu gushakira amahoro akarere abadepite ba EAC barahurira Arusha

Kenya : Amarika igiye kugabanya abakozi bayo muri iki gihugu

Kenya : Amarika igiye kugabanya abakozi bayo muri iki gihugu

NEW POSTS
Guterana amagambo hagati ya Donald Trump n’Inzego z’Ubutasi bizagarukira he ?

18-01-2017

Guterana amagambo hagati ya Donald Trump n’Inzego z’Ubutasi bizagarukira he...

Amateka y’Umunyamakuru Shyaka Kanuma, Uko yinjiye mu Itangazamakuru n’Uko yageze mu Buyanja bwa Bizimungu Pasteur

17-01-2017

Amateka y’Umunyamakuru Shyaka Kanuma, Uko yinjiye mu Itangazamakuru n’Uko...

Amerika : DONALD TRUMP ashobora kugambanirwa n’Inzego z’Iperereza

17-01-2017

Amerika : DONALD TRUMP ashobora kugambanirwa n’Inzego z’Iperereza

Umurundi Nahimana Thomas, ari guteka umutwe muri Amarika

16-01-2017

Umurundi Nahimana Thomas, ari guteka umutwe muri Amarika

Fatima-Portugal : Habaye umuhango wo gusezera kuri Kigeli V, ikimenyetso cy’Ubugambanyi bwa Benzinge na Bushayija

16-01-2017

Fatima-Portugal : Habaye umuhango wo gusezera kuri Kigeli V, ikimenyetso...

Perezida Kagame yitabiriye Inama ya 27 ihuza u Bufaransa n’ Afurika I Bamako.

16-01-2017

Perezida Kagame yitabiriye Inama ya 27 ihuza u Bufaransa n’ Afurika I...

DONALD TRUMP Ashobora kuba atazi ikimuhatse n’ubwo agiye kuba Perezida w’Amerika

14-01-2017

DONALD TRUMP Ashobora kuba atazi ikimuhatse n’ubwo agiye kuba Perezida...