LATEST NEWS
UBUCURUZI
KAYMU -RWANDA iti :Telefoni na mudasobwa birimo interineti byaba isoko waguriraho ukanacururizaho
Publish Date: mercredi 14 janvier 2015
VISITS :220
By admin

Uretse kuba mu Rwanda twifashisha telefoni cyangwa mudasobwa ifite interineti mu itumanaho, ubu bishobora kuba isoko wahahiraho cyangwa ukaricururizaho, ubinyujije ku isoko rusange rya KAYMU ribera kuri interineti.

Mu Rwanda abantu benshi bamenyereye ko gucuruza ari ukuba ufite iduka, amangazini cyangwa iseta ahantu runaka, haba mu nyubako y’ isoko cyangwa ahantu abantu bahurira bakagurana igicuruzwa n’ amafaranga, cyangwa igicuruzwa n’ ikindi.

Ubwo buryo bukoreshwa mu buhahirane hagati y’ umuguzi n’ ugurisha, bigaragara ko butuma bata umwanya uteri ngombwa, aho usanga umuguzi ata umwanya ajya gushaka igikoresho runaka akeneye, n’ aho umucuruzi na we agata umwanya ategereje umukiliya atazi igihe azira, cyangwa se akawuta ajya kurangura.

Ibi byatumye bamwe mu banyarwanda bajya batemberera mu bihugu byateye imbere batekereza kuzana KAYMU, ikigo mpuzamahanga gifasha abacuruzi n’ abaguzi mu guhahirana, mu rwego rwo gufasha abanyarwanda kwihutisha iterambere birinda guta umwanya mu buhahirane.

Yan Kwizera Umuyobozi wa KAYMU mu Rwanda, atangaza ko ubu buryo bumenyerewe mu bihugu byateye imbere, kandi bakaba babukoresha kuva kera, bukaba bumwe mu bwabafashije kugera ku rwego rw’ ubukungu bari ho, kuko ibikorwa bya bo babikora badataye umwanya.

Nk’ uko Yan Kwizera akomeza abisobanura, inshingano y’ ibanzeya Kaymu ni ukuranga igicuruzwa, umuguzi yagishima bakamuhuza n’ umucuruzi (nyir’ igicuruzwa), bagahahirana, kandi byose bigakorwa ku buntu.

Uburyo ibyo bikorwamo, umucuruzi ufite ibicuruzwa, bashyira amafoto ya byo ari ho ibiciro ku rubuga rwa interineti rwa KAYMU, hanyuma ugura akaba ari ho agurira yuzuza ibisabwa birimo n’ aho aherereye, hanyuma bakabimushyikiriza, agahita yishyura, amafaranga bakayazanira nyir’igicuruzwa.

Usibye kuba wagurira igikoresho kimwe cyangwa byinshi kuri Kaymu, n’ umucuruzi ushaka kurangura, ashobora kuharangurira, akongera ibicuruzwa mu iduka rye.

Asobanura icyo Kaymu imariye abanyarwanda, Yan Kwizera yagize ati : “Twe turinda abacuruzi gutakaza umwanya birirwa bicaye iruhande rw’ ibicuruzwa byabo bategereje abaguzi batazi n’ igihe bazira, kuko iyo ibicuruzwa bye tubishyize ku rubuga rwacu, ni nk’ aho biba biri kuri rya soko nyirabyo yirirwa yicayeho.

Tunafasha abaguzi kudata umwanya birirwa bazenguruka mu masoko bashaka ishati, ipantalo, telefoni, imodoka, n’ ibindi bikoresho bakeneye, kuko ujya ku rubuga rwacu ukihitiramo, ukuzuza ibyo bagusaba, ubundi ukagura, natwe tukagushyikiriza.”

Yan Kwizera yakomeje avuga ko Kaymu ifasha abaguzi kugera ku bicuruzwa bitandukanye mu gihe gito kandi batavuye aho bari, bikanafasha abacuruzi kubona isoko rigari, bitewe n’ uko abari ahantu kure batabashaga kugera ku iduka cyangwa iseta ye, bazajya bayigeraho bakoresheje ikoranabuhanga.

Yan yakomeje agira ati : “Abanyarwanda batinyuke gukoresha ikoranabuhanga, telefoni zifite interineti zive mu gukoreshwa mu biganiro gusa, ahubwo zitangire gukoreshwa no mu bikorwa bibyara inyungu nk’ ubucuruzi n’ ibindi."

KAYMU ni kimwe mu bigo by’ ubucuruzi bikomeye byibumbiye mu cyitwa Rocket Internet, kikaba cyaratangiye gukorera mu Rwanda mu mpera z’ umwaka wa 2013, ubu kikaba gikoreshwa mu bihugu bisaga 187 ku isi.

Jean Paul Kayitare / Rushyashya.net
kaypaul202@yahoo.fr

IBITEKEREZO

TANGA IGITEKEREZO

Kwamamaza
Kwamamaza
Also in this section
U Rwanda rugiye kongera gukoresha icyambu cya Dar-es-Salaam

U Rwanda rugiye kongera gukoresha icyambu cya Dar-es-Salaam

Intro

Intro

NEW POSTS
Perezida wa Guinea, Alpha Condé yasabye bagenzi be kwitandukanya n’u Bufaransa

21-04-2017

Perezida wa Guinea, Alpha Condé yasabye bagenzi be kwitandukanya n’u...

Ijambo Perezida Kagame yavuze atangiza #Kwibuka23 uko ryakabaye n’Ubutumwa burikubiyemo

18-04-2017

Ijambo Perezida Kagame yavuze atangiza #Kwibuka23 uko ryakabaye n’Ubutumwa...

U Rwanda ku mwanya wa cyenda ku Isi mu bihugu bifite umutekano usesuye

17-04-2017

U Rwanda ku mwanya wa cyenda ku Isi mu bihugu bifite umutekano...

New- RNC na RNC Ishaje : Mu bikorwa bipfobya bikanahakana Jenoside yakorewe Abatutsi

16-04-2017

New- RNC na RNC Ishaje : Mu bikorwa bipfobya bikanahakana Jenoside...

Ubuhamya bw’Umusilikare wa Habyarimana wahungishije Abatutsi 18 akabageza i Burundi

14-04-2017

Ubuhamya bw’Umusilikare wa Habyarimana wahungishije Abatutsi 18 akabageza i...

Umufasha wa Gen Castal arahamya ko yamenye ko abatutsi bagiye kwicwa ndetse na Perezida Habyarimana

13-04-2017

Umufasha wa Gen Castal arahamya ko yamenye ko abatutsi bagiye kwicwa ndetse...

Kwamagana ubugizi bwanabi uwitwa Chikuru Josefu akomeje gukorera abanyarawandakazi batuye mu Bubiligi

10-04-2017

Kwamagana ubugizi bwanabi uwitwa Chikuru Josefu akomeje gukorera...

Perezida Kagame yasabye RDF gukomeza intego ko Jenoside itazongera kubaho

10-04-2017

Perezida Kagame yasabye RDF gukomeza intego ko Jenoside itazongera...