LATEST NEWS
Ubukungu
Ndamutse nongeye kuyobora, nakorera abaturage ibirenze ibyo ndi gukora ubu - Perezida Kagame
Publish Date: mardi 17 novembre 2015
VISITS :1539
By Admin

Perezida Kagame yavuze ko naramuka yongeye kwiyamamariza kuba Perezida w’u Rwanda agatorwa, ngo azakora ibirenze ibyo ari gukora ubu kugirango imibereho y’abanyarwanda itere imbere.

Perezida Kagame yabivuze kuri uyu wa Kabiri mu ihuriro ry’Afurika mu bucuruzi (Africa Global Business Forum) riri kubera Atlantis Palma , I Dubai.

Mu kiganiro Perezida Kagame yatanze ari kumwe na Perezida wa Somalia Hassan Sheikh Mohamud na Momamed I Al Shaibani , Umuyobozi mukuru w’ishyirahamwe ry’abashoramari i Dubai, yavuze ko ubuyobozi bwose kugirango butere imbere bubanza guteza imbere abaturage.

Aha niho Mohamed I Al Shabaini yahise amubaza icyo yumva azakora igihe azaba agiriwe icyizere cyo kongera kuyobora abanyarwanda.

Shabaini yavuze ko uretse n’abanyarwanda, ngo nabo bazamutora. Ati : "Perezida Kagame naramuka yiyamamaje, natwe turifuza kuzamutora."

Kagame yahise amusubiza ko nagira amahirwe yo kongera kuyobora abanyarwanda, ngo azaharanira gukora ibirenze ibyo ari gukora ngo batere imbere .

Ati : "Nindamuka nongeye kwiyamamaza, ndifuza kuzakora ibirenze ibyo ndi gukora ubu ngo imibereho y’abanyarwanda irusheho gutera imbere."

Perezida Kagame yakomeje avuga ko u Rwanda rwavuye habi, muri Jenoside yakorewe Abatutsi nyamara ubu rukaba rwiteza imbere, ibintu asanga byafasha n’ibindi bihugu byugarijwe n’ibibazo kubyivanamo.

Yagize ati : "Niba u Rwanda rwagera ku iterambere twabonye, bivuze ko n’ibindi bihugu bifite ibibazo nk’ibyarwo byabigeraho..Twatewe akanyabugabo n’amateka yacu, n’icyizere cyo kuba hari icyo twamarira abaturage bacu."


Perezida kagame (ibumoso), Perezida Hassan wa Somalia na Shabaini.

Perezida Kagame wavugaga ku buryo abayobozi ba Afurika bakorohereza iterambere ry’igihe kirekire n’igenamigambi ryo kubigeraho, yavuze ko nta na kimwe wageraho nk’umuyobozi igihe abaturage bataragira imibereho myiza.

Yagize ati : "Ntabwo wazana impinduka za politiki ngo zishoboke hatabayeho impinduka mu mibereho y’abaturage.Ukwiye kureba mu mpande zose.Abayobozi muri Afurika n’ahandi ku isi ni abakemura ibibazo by’abaturage, nta bundi buryo."

Perezida Kagame kandi yongeyeho ko ubuyobozi bwiza bunashobora guteza imbere abaturage, ari ubukemura amakimbirane bwirinda kwangiza umutungo w’igihugu kandi ntibugire n’umwe buheza.

Yagaragaje akamaro ko kuba u Rwanda rwaroroheje uburyo bwo kwinjira no gusohoka mu gihugu ku banyafurika, aboneraho n’umwanya wo gukangurira abashoramari b’abanyarwanda n’aba Dubai gukorana bya hafi.

Perezida Kagame yavuze ko nk’u Rwanda impamvu bashishikajwe n’ishoramari, ngo n’ukugirango igihugu kive mu bwigunge bwo kuba kidakora ku nyanja kandi kiteze imbere.

Al Shabaini, yavuze ko kuba u Rwanda rwarakuyeho ibisabwa ku kugirango umuntu abone impapuro z’inzira, ngo ni amahirwe ku bashoramari b’i Dubai, anabakangurira gufatirana ayo mahirwe bagashora imari mu Rwanda.

Perezida wa Somalia Hassan Sheikh Mohamud yavuze ko nk’igihugu cye cyakunze kurangwamo intambara, ubu ngo barangajwe imbere n’iterambere rya bose cyane cyane bazamura umugore.

Perezida Hassan yavuze ko urugero barwigira ku Rwanda, igihugu kiza imbere ku isi mu bihugu byateje imbere uburinganire bw’abagabo n’abagore.

Yanavuze ko bagiye gukora ibishoboka byose abaturage b’igihugu cye bahunze intambara bakagaruka, maze bagafatanya kubaka igihugu mu iterambere.

Iyi nama iri kubera i Dubai yatangiye kuri uyu wa kabiri, ikazamara iminsi ibiri. Intego yayo ni ugushishikariza abashoramari mpuzamahanga gushora imari zabo muri Afurika bagateza imbere umugabane bafatanyije n’abayobozi ba Afurika.

IBITEKEREZO

TANGA IGITEKEREZO

Kwamamaza
Kwamamaza
Also in this section
Icyo wamenya k’Umujyi wa Ghent aho Perezida Kagame aganirira n’ Abanyarwanda baba mu Bubiligi

Icyo wamenya k’Umujyi wa Ghent aho Perezida Kagame aganirira n’ Abanyarwanda...

Amashanyarazi y’imirasire y’izuba yagejejwe mu mudugudu wa Buhara ho mu Bugesera

Amashanyarazi y’imirasire y’izuba yagejejwe mu mudugudu wa Buhara ho mu...

Morgan Freeman yasobanuye u Rwanda nk’Indorerwamo y’Amahoro n’Ubwiyunge amahanga yakwirebeyemo [ VIDEO ]

Morgan Freeman yasobanuye u Rwanda nk’Indorerwamo y’Amahoro n’Ubwiyunge...

Ikoranabuhanga ntirikwiye guhinduka umwanzi w’Abanyarwanda

Ikoranabuhanga ntirikwiye guhinduka umwanzi w’Abanyarwanda

Abanyarwanda babiri bavumbuye App “VugaPay” none igeze ku gaciro ka miliyoni 3$

Abanyarwanda babiri bavumbuye App “VugaPay” none igeze ku gaciro ka miliyoni...

NEW POSTS
Ukuri ku ihanurwa ry’indege ya Habyarimana : Kwivuguruza kw’Abatangabuhamya

20-10-2017

Ukuri ku ihanurwa ry’indege ya Habyarimana : Kwivuguruza kw’Abatangabuhamya

Mugenzi Thabita Gwiza, Kayumba na Himbara mu mugambi wabo kwa Rwigara

20-10-2017

Mugenzi Thabita Gwiza, Kayumba na Himbara mu mugambi wabo kwa...

HRW yashyize abantu muri raporo yemeza ko bishwe kandi bakiriho

18-10-2017

HRW yashyize abantu muri raporo yemeza ko bishwe kandi bakiriho

Amwe mu mazina y’Abafaransa ashyirwa mu majwi mu guhanura Indege ya Habyarimana

17-10-2017

Amwe mu mazina y’Abafaransa ashyirwa mu majwi mu guhanura Indege ya...

Nta Himbara, nta shinge nta rugero

15-10-2017

Nta Himbara, nta shinge nta rugero

Umubano hagati ya Adeline Rwigara, Col Sagatwa, Col. Rwagafirita n’umucuruzi Nzabarinda Xavier

14-10-2017

Umubano hagati ya Adeline Rwigara, Col Sagatwa, Col. Rwagafirita n’umucuruzi...

Polisi yabeshyuje iby’itabwa muri yombi ry’umugandekazi wari muri RwandAir

14-10-2017

Polisi yabeshyuje iby’itabwa muri yombi ry’umugandekazi wari muri...