LATEST NEWS
Ubukungu
Rusizi : Ubuyobozi bwa Koperative y’abakarani burashinjwa kutita ku bibazo by’abanyamuryango
Publish Date: jeudi 19 novembre 2015
VISITS :326
By Admin

Abanyamuryango ba Koperative Kora Karani Ngufu igizwe n’urubyiruko rukora imirimo y’ubwikorezi mu karere ka Rusizi mu murenge wa Kamembe, barashinja koperative kutagira icyo ibamarira ahubwo igahitamo kwikoma ugerageje kuvuga ibitagenda neza.

Abakora umwuga w’ubwikorezi bazwi ku izina rya Karani Ngufu bakorere mu mujyi wa Kamembe mu ntara y’Iburengerazuba, batangaza bimwe mu bibazo bafite birimo kuba nta nama bakoreshwa n’ubuyobozi bwa Koperative Kora Karani Ngufu.

Umwe mubo twabashije kuvugana ariko ntiyemere ko amazina ye atangazwa yavuze ati “Maze imyaka 6 muri koperative ariko ntacyo imariye.

Iyo ngize ikibazo cy’insaba amafaranga sinshobora kuguza koperative ngo iyampe kandi ntanga umusanzu w’amafaranga ibihumbi bibiri maganatanu mu kwezi.” Icyakoze icyo navuga ko imariye nuko nkora mfite umutekano kuko ntawakora atari muri koperative.

Undi na we uvuga ko amaze imyaka irenge icumi muri koperative yavuze ati “Muri koperative yacu harimo uruhuri rw’ibibazo.


Aha ni ho Koperative Kora Karani Ngufu ikorera mu mujyi wa Kamembe.

Icya mbere, ntituzi ngo umugabaneshingiro wacu ugeze ku mafaranga aya n’aya, twumva ngo koperative yaguze imodoka ariko ntituzi ngo yaguzwe angahe ikora iki ikorera he ?, hari amatsinda abona akazi hari andi adashobora kubona akazi kandi iki kibazo umuyobozi ushinzwe amakoperative mu murenge wa Kamembe na we aracyizi.

Hashize umwaka nta nama dukoreshwa nk’abanyamuryango, n’ugerageje kugira ikibazo abaza cya koperative ugasanga baramwirukanye, n’ibyinshi ibibazo byacu keretse ubuyobozi budutabaye.”

Aba kimwe n’abandi twaganiriye bavuga ko abakaraningufu b’abakongomani ari bo babona akazi kandi ibyo byose bakabifashwamo n’ubuyobozi bwa koperative.

Ubuyobozi bwa Koperative Kora Karani Ngufu, bwahakaniye kure RUSHYASHYA ibivugwa n’abanyamuryango bayo.

Karemera Potien Perezida wa Koperative Kora Karani Ngufu yahamirije RUSHYASHYA ko koperative ikoresha inama kandi ko ngo muri uyu mwaka hamaze kuba inama eshatu ndetse ngo no muri uku kwezi harategurwa indi nama.

Yakomeje avuga ko nta macakubiri ari muri koperative. Ati “Hari ababa bafite iyabo myumvire kubera ko koperative ifite abanyamuryango benshi biragora kubona aho twateraniriza inama rusange.

Inama rusange y’abanyamuryango duikunze kuyikora mu kwezi kwa Gatatu no mu kwa Cumi nkuko itegeko rigenga koperative ribige. Ariko turimo gutegura inama muri uku kwezi k’Ugushyingo.”

Ikibazo cy’imodoka yaguzwe abanyamuryango batabizi, Perezida wa Koperative avuga ko habaye inama umwaka ushize hakigwa uko hagurwa imodoka yajya yinjiriza koperative.

Karemera avuga iyo modoka yaguzwe miliyoni enye n’ibihumbi maganarindwi (4,700,000frs) ikaba itwara imizigo y’abakongomani iyikura mu isoko rya Kamembe iyitwara muri Kongo.

Ibibazo by’abanyamuryango, perezida wa Koperative avuga ko yagerageje kubikemura yitabaje n’umuyobozi ushinzwe amakoperative mu murenge wa Kamembe, hakemezwa ko amatsinda agomba gukorera hamwe.

Akomeza avuga Pascal wari uhagarariye itsinda rya Junior ko atigeze yirukanwa ahubwo ko yahagaritswe mu gihe gito.

Niyonzima Onesphore umuyobozi ushinzwe amakoperative mu murenge wa Kamembe, yemeje ko Koperative Kora Karani Ngufu irimo ibibazo ariko ko yagerageje kubikemura.

Ati “Hari itsinda ryavugaga ko ridakora, ahubwo rigashinja koperative kwita ku ry’abakongomani, nasabye ko amatsinda yose yahuzwa cyangwa rimwe rigakora mu gihe runaka irindi rigakurikiraho.”

Ahakana ko hari itsinda ryashyizwe ku ibere, ahubwo yose yahurijwe hamwe nk’imwe mu nzira yo gukemura ibibazo iyo koperative ifite.

Umunyamuryango wari uhagarariye itsinda rya Junior witwa Pascal wirukanwe, yamugejejeho ikibazo cye ariko nacyo agiye kugikurikirana.

Abanyamuryango b’iyi koperative bahuriza kukuba ubuyobozi bwa koperative butajya bwumva ibibazo byabo, n’ugize ikibazo adashobora kugurizwa amafaranga bityo bagashimangira ko ntacyo ibamariye.

Basaba kandi ko hakorwa inama bakagaragarizwa imokorere ya Koperative n’umutungo ifite, ikindi kandi ubajije ibitagenda ngo ntakajye ahita yigizwayo. Abanyamuryango ba Koperative Kora Karani Ngufu ni maganatatu na cumi na babiri (312).

RUSHYASHYA

IBITEKEREZO

TANGA IGITEKEREZO

Kwamamaza
Kwamamaza
Also in this section
Icyo wamenya k’Umujyi wa Ghent aho Perezida Kagame aganirira n’ Abanyarwanda baba mu Bubiligi

Icyo wamenya k’Umujyi wa Ghent aho Perezida Kagame aganirira n’ Abanyarwanda...

Amashanyarazi y’imirasire y’izuba yagejejwe mu mudugudu wa Buhara ho mu Bugesera

Amashanyarazi y’imirasire y’izuba yagejejwe mu mudugudu wa Buhara ho mu...

Morgan Freeman yasobanuye u Rwanda nk’Indorerwamo y’Amahoro n’Ubwiyunge amahanga yakwirebeyemo [ VIDEO ]

Morgan Freeman yasobanuye u Rwanda nk’Indorerwamo y’Amahoro n’Ubwiyunge...

Ikoranabuhanga ntirikwiye guhinduka umwanzi w’Abanyarwanda

Ikoranabuhanga ntirikwiye guhinduka umwanzi w’Abanyarwanda

Abanyarwanda babiri bavumbuye App “VugaPay” none igeze ku gaciro ka miliyoni 3$

Abanyarwanda babiri bavumbuye App “VugaPay” none igeze ku gaciro ka miliyoni...

NEW POSTS
Impuguke za Loni zemeje ko nta gatege abahoze muri M23 basubiye muri RDC bafite

17-08-2017

Impuguke za Loni zemeje ko nta gatege abahoze muri M23 basubiye muri RDC...

Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...