LATEST NEWS
Ubukungu
Rwamagana : Hagaragajwe imirongo migari izabafasha gutegura igenamigambi ry’ingengo y’imari y’umwaka wa 2016/2017
Publish Date: mercredi 4 novembre 2015
VISITS :367
By Admin

Mu nama yabereye mu cyumba cy’inama cy’Akarere ka Rwamagana kuri uyu wa gatatu tariki ya 04 Ugushyingo 2015 igahuza abayobozi ku rwego rw’Akarere ndetse n’abanyamabanga nshingabikorwa b’imirenge yose igize akarere ka Rwamagana, harebewe hamwe ibyo bazagenderaho mu gutegura igenamigambi ry’ingengo y’imari y’umwaka wa 2016/2017.

Kugira ngo intego z’icyerekezo 2020 (Vision 2020), gahunda y’imbaturabukungu (EDPRS 2), Gahunda ya Guverinoma y’imyaka irindwi (7YGP) ndetse na gahunda y’iterambere ry’Akarere ka Rwamagana ry’imyaka itanu (DDP for 2013-2018) birasaba ko Akarere gakora igenamigambi rinoze rishingiye ku bitekerezo n’ibyifuzo by’abaturage, inzego zose zikorana n’Akarere ndetse n’abafatanyabikorwa b’Akarere.

Ikaba ari muri urwo rwego abayobozi n’abakozi ku rwego rw’akarere ndetse n’abanyamabanga nshingwabikorwa b’imirenge bahuriye hamwe mu nama kugira ngo banoze uburyo buzakoreshwa mu gutegura iri genamigambi.

Kayiranga Paul ni umuyobozi w’ishami rishinzwe igenamigambi mu karere ka Rwamagana akaba atangaza ko iri genamigambi ry’ibikorwa n’imishinga rizibanda ku byifuzo by’abaturage kugira ngo bizorohe mu kurishyira mu bikorwa.

Aha Kayiranga Paul yagize ati “Icyo tugamije ni ukugira ngo twongere umubare w’abagira uruhare mu igenamigambi kandi iyo abaturage bagize uruhare mu igenamigambi bigira n’uruhare rukomeye mu gushyira mu bikorwa iryo genamigambi.”

Nk’uko umuyobozi w’ishami rishinzwe igenamigambi akomeza abitangaza ngo byumwihariko igenamigambi ry’ibikorwa n’imishinga y’iterambere bizashyirwa mu bikorwa mu mwaka wa 2015/2016 bigomba kugira ibyo bishingiraho.

Yagize ati “hazatoranywa ibikorwa n’imishinga by’ingenzi kurusha ibindi kandi bifite ingaruka nziza ku iterambere ry’abaturage.

Aha ibikorwa n’imishinga bizibandwaho ni ibyihutisha iterambere ry’abaturage bo mu cyaro, ibikorwa bigamije guteza imbere umujyi wa Rwamagana n’imijyi mito yo mu byaro, ibikorwa bigamije guteza imbere urubyiruko n’abagore, ibikorwa bigamije korohereza abikorera gushora imari yabo mu karere ka Rwamagana ndetse no guha amahirwe abacuruzi bato n’abaciriritse gukora ibikorwa by’ubucuruzi, ibikorwa bigamije gukura abatishoboye mu bukene, ibikorwa bigamije guteza imbere uburezi n’ubuzima ndetse n’ibikorwa bigamije kwimakaza imiyoborere myiza n’ubutabera.”

Umunyamabanga nshingwabikorwa w’Akarere ka Rwamagana, Bwana Kakooza Henry, yasabye abari bitabiriye inama ko bagomba kwirinda amarangamutima n’ibyifuzo byabo bwite ahubwo bagashyira imbere ibyifuzo by’abaturage na gahunda za leta.

Mu ijambo rye, Kakooza Henry yagize ati “Muri iri genamigambi ntabwo dushakamo ibyifuzo by’abakozi, hari imirongo ngenderwaho ihari.

Hari icyerekezo 2020, hari gahunda ya leta y’imyaka 7, hari gahunda y’imbaturabukungu EDPRS2 ndetse na gahunda y’iterambere ry’Akarere ka Rwamagana. Bityo mwirinde gushyiramo ibyifuzo byanyu bivuye ku ruhande.”

Gahunda yo gutegura igenamigambi ry’ibikorwa by’Akarere bya buri mwaka, ikaba itangira mbere y’igihe hagamijwe kugira ngo habeho umwanya uhagije wo kugisha inama no gutegura mu buryo bunoze ibikorwa n’imishinga bizafasha Akarere kugera ku ntego z’iterambere kihaye ndetse no gutegura neza ingengo y’imari y’ibikorwa.

Mu gihe biteganyijwe ko tariki13 Ugushyingo 2015 hazaterana indi nama izahuza abayobozi bo ku Rwego rw’Akarere ka Rwamagana, abanyamabanga nshingwa bikorwa b’imirenge n’abaperezida b’amakomisiyo agize inama njyanama, abitabiriye inama bemeje ko mu biganiro bizatangwa ku munsi w’umuganda w’ukwezi k’Ugushyingo 2015, icy’itegurwa ry’igenamigambi ry’ingengo y’imari y’ibikorwa n’imishinga bizakorwa mu umwaka wa 2015/2016 kitazaburamo.

RUSHYASHYA

IBITEKEREZO

TANGA IGITEKEREZO

Kwamamaza
Kwamamaza
Also in this section
Icyo wamenya k’Umujyi wa Ghent aho Perezida Kagame aganirira n’ Abanyarwanda baba mu Bubiligi

Icyo wamenya k’Umujyi wa Ghent aho Perezida Kagame aganirira n’ Abanyarwanda...

Amashanyarazi y’imirasire y’izuba yagejejwe mu mudugudu wa Buhara ho mu Bugesera

Amashanyarazi y’imirasire y’izuba yagejejwe mu mudugudu wa Buhara ho mu...

Morgan Freeman yasobanuye u Rwanda nk’Indorerwamo y’Amahoro n’Ubwiyunge amahanga yakwirebeyemo [ VIDEO ]

Morgan Freeman yasobanuye u Rwanda nk’Indorerwamo y’Amahoro n’Ubwiyunge...

Ikoranabuhanga ntirikwiye guhinduka umwanzi w’Abanyarwanda

Ikoranabuhanga ntirikwiye guhinduka umwanzi w’Abanyarwanda

Abanyarwanda babiri bavumbuye App “VugaPay” none igeze ku gaciro ka miliyoni 3$

Abanyarwanda babiri bavumbuye App “VugaPay” none igeze ku gaciro ka miliyoni...

NEW POSTS
Impaka za ngo ’Turwane ’ hagati ya Bob Mugabe, Depite Gatabazi, Amb.Nduhungirehe na Fred Muvunyi

17-08-2017

Impaka za ngo ’Turwane ’ hagati ya Bob Mugabe, Depite Gatabazi,...

Perezida Kabila yahaye akazi Amb.Eugene Gasana ko gushaka uko imitungo ye n’abambari be yasohorwa

16-08-2017

Perezida Kabila yahaye akazi Amb.Eugene Gasana ko gushaka uko imitungo ye...

Itariki Ntakuka Perezida Kagame azarahiriraho gukomeza kuyobora u Rwanda yamaze kumenyekana

15-08-2017

Itariki Ntakuka Perezida Kagame azarahiriraho gukomeza kuyobora u Rwanda...

Isesengura ku Matora ya Perezida wa Repubulika (Igice cya 2) - Intsinzi ya Paul Kagame ifite inkomoko

14-08-2017

Isesengura ku Matora ya Perezida wa Repubulika (Igice cya 2) - Intsinzi ya...

Amagambo atangaje ya Twagiramungu ati ’Nta wambuza kuvuga kereka andashe mu kanwa ’

13-08-2017

Amagambo atangaje ya Twagiramungu ati ’Nta wambuza kuvuga kereka andashe mu...

Isesengura ku matora ya Perezida wa Repubulika w’u Rwanda (Igice cya 1)

11-08-2017

Isesengura ku matora ya Perezida wa Repubulika w’u Rwanda (Igice cya...

Abayobozi bakomeye ku Isi bakomeje gushimira Perezida Kagame ku bw’intsinzi mu matora

9-08-2017

Abayobozi bakomeye ku Isi bakomeje gushimira Perezida Kagame ku bw’intsinzi...

Umunyarwanda akurikiranyweho kubeshya inzego za Amerika asaba ubuhungiro

9-08-2017

Umunyarwanda akurikiranyweho kubeshya inzego za Amerika asaba...