LATEST NEWS
Ubuzima
Bimwe mu bintu utazi kuri Perezida Kagame
Publish Date: lundi 9 novembre 2015
VISITS :5123
By Admin

Igitabo cya Francois Soudan “Conversations with President of Rwanda” giherutse gushyirwa ahagaragara kivuga ku buzima bwite bw’umukuru w’igihugu Paul Kagame.

Muri icyo gitabo Perezida Paul Kagame avugamo byinshi mu bireba ubuzima bwe bwite n’ibijyanye n’akazi abantu bamwe bashobora kuba batari bazi.

Perezida Kagame ngo ni umuntu ukunda gutekereza cyane. Yanga umuha amabwiriza cyangwa amategeko, kuko yubahiriza inshingano ze kandi akazira umuntu umutegeka icyo agomba gukora, cyaba kireba u Rwanda cyangwa we ubwe.

Avuga ko yemera ubutabera n’ubwubahane, akubahira umuntu uko ari kuko adakunda na gato gusuzugura abandi.

Perezida Kagame ngo yari afite inzozi zo kuzatwara indege cyangwa akaba injeniyeri, gusa n’ubwo amateka yatumye inzozi ze atazigeraho ngo yishimira kuba uwo ari we.

Ntatandukanye n’abandi mu kugaragaza ibyishimo bye, yishimira intsinzi ariko kugera ku byo yiyemeje bikamushimisha kurushaho. Cyakora ngo ntaragera ku ntego ye nyamukuru yo kubona u Rwanda ruteye imbere kandi rudategereje kubeshwaho n’imfashanyo z’abandi.

Avuga ko yifuza kubona u Rwanda na Afurika muri rusange yibeshejeho idategereje imfashanyo kandi abaturage bose babayeho neza. Kubwe Jenoside ni ibyago bikomeye u Rwanda rwagize.

Hari abantu bafatwa nk’intwari nka Alexandre le Grand, abantu baharaniye impinduramatwara nk’umufaransa Maximilien Robespierre n’umunya-Cuba Ernesto Che Guevara bamwe mu bayobozi baba bashaka gufataho urugero.

Perezida Kagame avuga ko yagiye asoma ibibavugwaho agafata n’umwanya wo gusesengura ibitekerezo bya bo, ariko iyo umubajije umuntu w’intwari yafataho urugero asubiza atazuyaje ko nta we.

N’ubwo amashusho y’amahano yagwiririye u Rwanda muri Jenoside yakorewe Abatutsi mu 1994 atabura kumugarukira, Perezida Kagame afite icyizere cy’ahazaza kubera intambwe u Rwanda rumaze gutera rukemura ibibazo isi yafataga nk’ibitabonerwa ibisubizo.

Ku bijyanye n’amafunguro akunda Perezida Kagame avuga ko icyo yateguriwe cyose agifata mu gihe abo bari kumwe na bo bashobora gufata kuri ayo mafunguro. Ati “Ntukwiye guhangayikishwa n’icyo wakiriza Kagame igihe waba wamutumiye.”

Ntakunda ibinyobwa bisembuye ariko ngo mu gihe bibaye ngombwa kuri divayi asomaho gake, ubusanzwe ngo agakunda icyayi cyangwa amazi.

Ku bijyanye n’indimi avuga, umukuru w’igihugu avuga ko avuga indimi zitandukanye, cyane cyane izo mu karere k’ibiyaga bigari nk’Igiswahili, Luganda, Urunyankore n’izindi.

Yigeze kumvikana akoresha Igifaransa mu mbwirwaruhame ze, mu cy’Esipanyolo naho ntiyakwiburira kuko ubwo yigaga muri Cuba amasomo yigishwaga muri urwo rurimi ariko bagasemurirwa mu Cyongereza.

Perezida Kagame ni umuyobozi ukunda ibintu bijyanye n’ubucuruzi n’ishoramari, iyo mpano ngo akaba ayikomora ku mubyeyi we wakoraga ubucuruzi bw’ikawa, wanagize uruhare mu guteza imbere ubuhinzi bw’ikawa mu Rwanda.

Ku bijyanye n’amabanga ye yihariye Umukuru w’igihugu avuga ko hari umubiligi wigeze kumwishyurira amafaranga y’ishuri.

Gusa avuga ko nta mitungo afite hanze y’u Rwanda cyangwa n’amafaranga abitsa kuri konti zo hanze y’u Rwanda uretse amafaranga make ari kuri konti y’umwihariko.

Umukuru w’igihugu kandi afite abavandimwe, bashiki be batatu baba mu Rwanda ariko ntibagaragara muri politiki.

Ubwo Kagame yazaga mu Rwanda mu 1977, abayobozi b’u Rwanda ngo baketse ko ari umunya Uganda baramureka. Hagati aho inshuti ye Fred Rwigema yari amaze igihe kigera ku myaka itatu atagaragara ku ishuri abantu bakajya batekereza ko ashobora kuba yaritabye Imana. Amaze kugaruka yaganiriye na Kagame ahita yumva impamvu [Rwigema] yari yarabuze.

Perezida Kagame avuga ko kwinjira mu gisirikari bitari umuhamagaro w’akazi, ahubwo ngo byari ukugira ngo yitegure neza umushinga bise “return to Rwanda project” bari barigeze kuganira na Rwigema, kugira ngo Abanyarwanda bari baravukijwe uburenganzira ku gihugu cyabo bagitahemo.

Ubwo yari mu mahugurwa ya gisirikari muri Amerika mu 1989, Kagame yari kumwe n’abasirikari b’abakolineli b’Ababirigi n’Abafaransa. Umukoloneli w’umufaransa ni we wayoboye icyitwaga Opération Turquoise cyashyizeho bariyeri mu majyepfo n’Uburengerazuba bw’u Rwanda mu rwego rwo gufasha abasirikari bakoze Jenoside guhungira muri Zaire.

Perezida Paul Kagame n’Ingabo yari ayoboye kurugamba

Mu 1992 Kagame yatawe muri yombi n’inzego z’umutekano z’Abafaransa, ubwo yari mu rugendo rw’ibiganiro by’amahoro. Cyakora ntiyigeze atanga ikirego ku Bufaransa haba kuri leta y’u Bufaransa haba kuri Jacques Chirac cyangwa Nicolas Sarkozy n’ubwo uyu wa nyuma yaje mu Rwanda mu rugendo rw’akazi mu 2010.

Perezida Kagame yagerageje kugarura umubano mwiza hagati y’u Bufaransa n’u Bubirigi nyuma ya Jenoside, ariko ngo hari amazina amugaruka mu bitekerezo harimo n’irya Paul Dijoud. Uyu yari ashinzwe umugabane wa Afurika muri ministeri y’Ububanyi n’amahanga y’u Bufaransa.

Ubwo Kagame yari mu Bufaransa mu biganiro by’amahoro, Dijoud yamubwiye ko nadahagarika imirwano no gushaka gufata igihugu “abantu be bazicwa mu gihe azaba ari gushaka gufata Kigali” Muri icyo gitabo Perezida Kagame anavugamo amazina y’abandi bantu bari kumwe muri urwo rugendo bari bagiriye mu Bufaransa.

Perezida Kagame avuga ko hari abantu bashaka ubutegetsi binyuze mu nzira mbi. Avuga ko byanze bikunze hari uzamusimbura, ariko bitanyuze mu ntambara.

Umukuru w’igihugu kandi ngo adashobora gusinya amasezerano y’imikoranire n’urukiko mpuzamahanga mpanabyaha rwa ICC kubera ko atarwizera.

Ukeneye kumenya ibirenze ku byo twavuze washakira iki gitabo mu masomero ari hirya no hino mu mujyi wa Kigali.

IBITEKEREZO
RWAKA RWA KAGARAMA

Mvuge iki ? Ndeke iki ? Perezida wacu, ni igisubizo Imana yahaye u Rwanda na Afrika, Igisubizo cy'ibihe twari turimo bibi n'ubu tutaravamo neza ariko turimo turwanya kuvamo turangajwe imbere n'Umuyobozi mwiza umaze kudufasha guhindura byinshi, biva ibuzimu bijya ibuntu. IMANA Y'I RWANDA ARIYO YA ISIRAHERI IHORANE N'URWANDA, IBANE NA KAGAME KA RUTAGAMBWA , IBANE N'ABANYARWANDA. Nizera ko Abanyarwanda benshi tumushyigikiye nkuko adushyigikiye. INGABO ZIGIRWA N'UMUGABA, TURAMUFITEEEEE !!!! UMUGABA AKAGIRWA N'INGABO, Byizere Muyobozi wacu mwiza Ingabo urazifite Abanyarwanda bose. Abo udafite ni bacye bahumanye, ntaho bamenera.''NEVER"

Nsengumuremyi Alphonse

Turamutse tugize ba Kagame nka ba tanu gusa mukinyejana kimwe gusa nubwo byaba ibinyejana bibiri uRwanda rushobora kuyobora isi ,twasagamba ,umenya nikinyarwana cyakoreshwa muri dictionnaire mumashuri yisi hose.Mbese njye sinjya namugereranya nabandi pee.Umukuru w'igihugu cyacu arihariye .Nawe akwiye kwigishwa nk'isomo mumashuli y'ibihangange kubijyanye nimiyoborere myiza n'iterambere .Ubu mfite amatsiko yo kureba nko muri 2030 .

Rwaka rwa Kagarama

Ukwiye gukundwa Intore nkuru N'usingizwe wo karama we Tukuyoboke mucunguzi wacu Wabihangiwe na RUREMA. Ese ni ryari, ni gihe ki ? u Rwanda rwasusurutse nk'ubu ? Munyarwanda, utar'uyu, uv'iyo, atuza akarengane kahozeho ? Mana y'u Rwanda yo ya Isiraheri, Mana ya Kagame yo ya Burahamu Imana twahoze n'ubu twemera Ubishimirwe ubuziraherezo. Icyo nzishimira kurushaho, Umutima wanjye ugatuza, n'uko muri ya manda yindi Atazatenguha kutuyobora. ,

Rwaka rwa Kagarama

Kabeho Kagame ka Rutagambwa Karambe Muyobozi ntagereranywa Urame wubaka u Rwanda rushya Ruri mu bihe byiza rutigeze. Mana y' u Rwanda ihoraho yo Mana ya Isiraheri twemera Uhore hafi y'Umucunguzi.wacu Intore isumb'izindi intambwe.

ngenzi

Erega ni intwari izirusha intambwe ntawe utakishimira uko yatuvanye mu menyo ya rubamba abanzi. Bashinyitse tumuri inyuma mu buzima bwe bwose kandi agomba kutuyobora mpaka mugihe cyose tukimureba

Espérance Mukabaranga

Yooo, murakoze cyane kudusogongeza ku buzima bwa Perezida wacu nkunda cyane. ngiye gushakisha iki gitabo ngisome ndetse nzacyoherereze n'abana banjye bari mu mahanga, bakure bazi perezida wabo. Iyi ni intwaro itaboneka buri gihe ku isi. Guhusha umwanya wo kuyimenya ni igihombo pe.


TANGA IGITEKEREZO

Kwamamaza
Kwamamaza
Also in this section
Ese koko birakwiyo ko Umugore cyangwa Umugabo baganiriza abana ku bijyanye n’imibonano mpuzabitsina ?

Ese koko birakwiyo ko Umugore cyangwa Umugabo baganiriza abana ku bijyanye...

Nirukiye ubutunzi nsiga urukundo nyakuri none mbuze byose, nkore iki ?

Nirukiye ubutunzi nsiga urukundo nyakuri none mbuze byose, nkore iki...

Floyd Mayweather yatewe n’ Abajura baramucucura yibereye mu kabyiniro n’ Abakobwa

Floyd Mayweather yatewe n’ Abajura baramucucura yibereye mu kabyiniro n’...

Amagambo y’urukundo Perezida Zuma yandikiwe n’umugore we muto yibajijweho

Amagambo y’urukundo Perezida Zuma yandikiwe n’umugore we muto...

NEW POSTS
Perezida Kagame yatanze ikiganiro mu nama ihuza abayozi ba Amerika na Isiraheli [AIPAC Policy Conference]

28-03-2017

Perezida Kagame yatanze ikiganiro mu nama ihuza abayozi ba Amerika na...

Arusha : urubanza Lt Gen Kayumba yarezemo u Rwanda rwahinduwe impfabusa kubera kurenza igihe

28-03-2017

Arusha : urubanza Lt Gen Kayumba yarezemo u Rwanda rwahinduwe impfabusa...

Urukiko u Rwanda rwambuye ububasha rwumvise ubujurire bwa Ingabire Victoire

27-03-2017

Urukiko u Rwanda rwambuye ububasha rwumvise ubujurire bwa Ingabire...

Tribert Rujugiro mu manza z’uburiganya mu gihugu cya Uganda

27-03-2017

Tribert Rujugiro mu manza z’uburiganya mu gihugu cya Uganda

Uwamahoro Violette yagejejwe imbere y’Urukiko

27-03-2017

Uwamahoro Violette yagejejwe imbere y’Urukiko

Jeannette Kagame yatangije ihuriro rizafasha Abanyarwandakazi b’Abacuruzi kumenyekana ku Isoko mpuzamahanga

27-03-2017

Jeannette Kagame yatangije ihuriro rizafasha Abanyarwandakazi b’Abacuruzi...

Padiri Nahimana abangamiwe n’imbabazi Papa Francis yasabye ku ruhare Kiliziya Gatolika yagize muri Genocide

26-03-2017

Padiri Nahimana abangamiwe n’imbabazi Papa Francis yasabye ku ruhare...

Padiri Thomas Nahimana yiyambaje Rurema nyuma y’Akaga gakomeye arimo

20-03-2017

Padiri Thomas Nahimana yiyambaje Rurema nyuma y’Akaga gakomeye...